– أنتَ جاي تقولي كدة و أنتَ متعرفش أنا بنت مين؟! – أكيد يا فندم فوق رأسي، بس أنا ليا أن حضرتك تدفعي الحساب . – و أنا قولتلك الكريدت كارد قدامك خد إلِ أنتَ عاوزة. – مفيهاش فلوس . – ناديلي على المدير بتاعك، أكيد أنتَ مش فاهم، مش عارفة بيعينوا جهلة لية هنا؟! ردت نور بإستعجال: – طيب أنا همشي دلوقتي يا موني ورايا أمر مهم جدًا؟! – و تسيبيني؟
– معلش مشوار مهم جدًا. قامت حبيبة هى كمان: – و أنا كمان مضطرة. بصيتلهم بصدمة: – بتهزروا صح؟ أتكلمت حبيبة: – معلش مشوار مهم؟! حبيبة و نور مشيوا و المدير جيه وقف قدامها و قال: – أفهم يا فندم بس مش راضية تدفعي فلوس لية؟ – ما أنتو معينين حمار هنا مبيفهمش. رد الجرسون: – لو سمحت أتكلمي معايا بإحترام زي ما بكلمك؟ – بجد؟! أنتَ هتعلمني أتكلم ازاى؟ أنا هتصل ببابي و هصعد الموضوع.
مسكت الموبايل و هى بتتصل بباها: – أيوة يا بابي؟ ابتسم بسخرية: – بابي ؟ – مالك ؟ – مخنوق.! و بدأ يشيل الجرافتة و يحاول بفتح زراير القميص و بعد كدة وقع على الأرض: – بابي …بابي …بابي ؟ بصيتلهم بصدمة و…… هى كاملة…فاتفاعلوا و هنزل بارت جديد بليل👀 #فدوى_خالد . #ليفل_عالي.معاذ : هى دي مش بنت باسم الهواري ؟؟ شهاب بتدقيق” شكلها كدة …مش بقولك متعجرفة !
= هى بتتخانق مع الجرسون و المدير لية ؟؟ _ أكيد شكلهم وقفوا الكريدت كارد بتاعها و مش عارفة تدفع . = طيب نساعدها . _ بلا مبالاة ” خلاص مش مشكلة هطلع فلوس و أدفعلها . معاذ : طيب أنا هروح أشوف عائشة . شهاب : ماشي. موني خلصت المكالمة و هى مش عارفة باباها ماله . المدير : يا أنسه ..المفروض تدفعي الحساب مينفعش كدة ؟ موني : طيب أنا هشوف بابي و أجيب الفلوس .
المدير : شكلك كدة مش هتدفعي . شهاب : الحساب بتاعك كام ؟ المدير : 2.500 جنية . موني بغضب ” أنتَ مين عشان تدفعلي . شهاب أتجاهل كلامها و دفع الحساب. شهاب : أتفضل الحساب . المدير : كدة تمام . شهاب لف و مشي و موني مشيت وراه . موني بغضب” أنتَ أهبل ولا أية ؟ ازاى تدفع الفلوس أصلا . شهاب لفيلها بملل و هو مش عايز يحتك بيها .
شهاب : نعم ! عاوزة أية ؟! موني : ازاى تستجري تدفعلي الفلوس، أنا معايا على فكرة . شهاب : سؤال ؟ هل أنتِ غبية ؟؟ موني : أنتَ ازاى … شهاب : هش ..مش وقت خناقات ..مش عارفة أن الكريدت كارد بتاعك واقفة . موني : نعم !! ازاى دة ؟؟ شهاب : أنتو مش فلستوا . موني” بإستغراب ” بابي قال حاجة عن كدة بس مصدقتهوش . شهاب ” بسخرية ” باباكي قال كدة و مصدقتهوش ..بجد بابي دة وحش جدًا .
موني “بغضب ” أنتَ بتتريق ..أنتَ مين أصلا عشان تتكلم معايا كدة !! شهاب ” بضحك ” هى الأنسه متعرفش أني أنا شهاب الجندي …إلِ المفروض يقدم مساعدة ليكم . موني ” بصدمة ” هو أنتَ الفلاح إلِ بابي عاوز يجوزني ليك . شهاب مسكها من دراعها جامد و أتكلم بصوت حاد . = اسمعك مرة تانية بتغلطي فيا أو أهلي هعيطك . موني خافت شوية من صوته و بعد كدة أتكلمت بعجرفة كعادتها .
_ أنتَ ازاى تمسك إيدي أنتَ قليل الأدب على فكرة . = بحدة ” قولتي أية ؟ _ بخوف ” مقولتش .. = حلو ..أرجعي ورا بسرعة . التليفون بتاع موني رن . _الو يا بابي . الخدامة” موني هانم ..بابكي فى غرفة العمليات دلوقتي . _ أية ؟؟ أنتِ بتقولي أية ؟؟ الخدامة ” للأسف حالته خطرة ..النهاردة حجزوا على البيت و هو مستحملش و أغمى عليه . _ أنا بحلم صح ؟!
الخدامة ” للأسف يا هانم محتاجين فلوس العملية إلِ بتتعمل . _ أنا أجيبهم منين ؟ أنا معنديش فلوس خالص . الخدامة ” اتصرفي ..غير كدة أنا و كل إلِ بيشتغلوا فى القصر محتاجين فلوسنا . _ بغضب ” ما تستنوا بقا على ما نشوف بابي و إلِ بيحصله . الخدامة ” مليش دعوة محتاجة فلوسي ..أنا ليا ولاد و مش هستحمل الموضوع دة . قفلت معاها الخط و أنا مش عارفة المشاكل دي كلها بتتراكم عليا لية ؟؟ هو أنا عملت كل حاجة غلط فى حياتي بس أكيد مش هتعاقب بالطريقة دي..
شهاب “بتساؤل” هو فى أية ؟ موني : مشاكل .. شهاب : باباكي كويس ؟