بإستهزاء €هو انتِ بجد فاكرة ان فيه حد هيفكر يتقدملك؟ مين هيوافق يتجوز واحدة امها مدمنة كحول وابوها حرامي كل شوية يتسجن ويخرج من السجن يسرق تاني. بحزن شديد-انتِ شربتِ تاني يا ماما؟ مش وعدتيني هتقاومي ومش هتشربي تاني؟ وبعدين جبتي منين الفلوس الي اشتريتي بيها الكحول؟ جريت بسرعة علي اوضتي وبصيت في دولابي، كل المرتب بتاعي الي لسا مستلماه امبارح مش موجود. بحزن وانا بحاول اتمالك اعصابي-اخدتي مرتبي اشتريتي بيه الكحول يا ماما؟!
بعدها مقدرتش استحمل وقعدت علي الارض وانا ببكي بشدة- حرام عليكِ يا ماما انا بوفق بين الكلية والشغل بالعافية عشان اعرف اصرف علي البيت وادفع تمن كتبي والمواصلات، ليه يا ماما تعملي فيا كدا؟ انتحر طيب وارتاح واريحك؟ يارب انا تعبت تعبت. بس ماما بصت لي وهي بتضحك بسكر-هتفيدك في ايه الفلوس وانتِ مفيش حد بيتقدملك؟ علي الاقل اصرفي علينا زي ما كبرناكي وخليناكي بني ادمه بدل ما بتصرفي الفلوس علي لبس وكلام فارغ واعملي حسابك ابوكي قالي انه لما يخرج من السجن هيجوزك لأول واحد هيتقدملك، حتي لو كان عنده سبعين سنة.
قعدت طول الليل اعيط وانا بفتكر حياتي البائسة، اول لما الصبح طلع قمت من مكاني اخدت شاور ولبست وحطيت ميكب، اتحولت لبنت تانية خالص، بنت باين عليها إنها غنية ومبسوطة وواثقة من نفسها، دايمًا زمايلي بيقولوا عليا مغرورة.
انا نارا، عندي ٢٣ سنه في كلية طب، بشتغل وبدرس في نفس الوقت بس مفيش حد يعرف اني بشتغل ومفيش حد يعرف عيلتي ولا الشارع الي انا عايشة فيه، كل الناس حواليا فاكرين اني بنت دلوعة جميلة وغنية، مش عارفين ان اللبس الي بلبسه دا انا الي بخيط جزء منه بنفسي والجزء التاني بشتريه مستعمل من واحدة غنية اعرفها، ببساطة انا عايشة في وهم. دخلت الراوند وقعدت جنب اصحابي، صحبتي نرمين الي كانت دايما اقرب واحدة ليا بس عمري ما قدرت اقولها الحقيقة، انا عمري اصلا ما قدرت أقول الحقيقة لأي حد، كنت خايفة نظرتهم ليا تتغير أو يفضحوني.
بإبتسامة+ مذاكرة طبعا كعادتك يا نارا صح؟ شايفة ازاي باقي البنات بيبصوا عليكِ بغيرة؟ واحدة شاطرة زيك وجميلة وغنيه، يعني ببساطة حياتك مثالية اوي يا نارا. إبتسمت بوجع-كل واحد عنده جانب من حياته مفيش حد يعرفه يا نرمين، مينفعش نحكم علي الناس من خلال الجزء الي احنا شايفينه. بدلع+كل مرة بقولك فيها كلام حلو تقوليلي فيها الكلمتين دول، بصي مين بيبص عليكِ كالعادة؟ سليم الشاب الوسيم اللي كل البنات بتموت فيه، ما تحني بقا وتعبريه يا بنتي.
نسيت احكيلكم عن سليم، سليم هو حبي الأول، بحبه من اول مرة شفته فيها لما كنت في سنة تالتة، هو كمان بيحبني من سنه تالتة او خلينا نقول بيحب الشخصية المزيفة الي بتظاهر انها انا، بيحب البنت الدلوعة الغنية الشيك الحلوة، صحبتي نرمين فاكراني مش حباه علشان كدا مش راضية اديله فرصه او حتي ابص عليه زي ما بيبص عليا بس الحقيقة هي اني مش عايزه اعيش في وهم اكبر من الي انا عايشة فيه.
خلصنا الراوند وكنا ماشيين لما سليم وقف قدامي، كان التوتر ظاهر عليه رغم انه مش من النوع الخجول أو الي بيتوتر= ممكن اتكلم معاكِ دقيقتين يا نارا؟ نرمين غمزتلي بس انا بصتله بجدية-مش هينفع، من فضلك بطل محاولاتك في انك تجري ورايا في كل مكان، خلي عندك كرامة. ومشيت وسبته وانا ماسكة نفسي بالعافية، كانت الدموع محب.وسة في عيني بس مكنش ينفع اطلق العنان ليها قدامه او قدام نرمين أو اي شخص حتي، انا متعودتش ان اي حد يشوف دموعي، اتعودت انهم بس يشوفوا ضحكاتي وهزاري.
نرمين جريت ورايا ومسكتني من دراعي جامد+ ايه يبنتي الي بتعمليه دا؟ حد يقول كدا لسليم؟! حرام عليكِ كسرتِ بخاطره جامد، معتقدش بعد كدا هيبصلك تاني بعد ما اهنتيه بالشكل دا. لأول مره اطلقت العنان لدموعي، الحقيقة انه مكنش بمزاجي، انا مقدرتش اتظاهر بالقوة المرة دي- يعني انا جرحته جامد يا نرمين؟ مش هيحبني تاني؟ بإستغراب+ انتِ بتعيطي ليه يا نارا؟ هو انتِ بتحبيه؟! رفعت وشي للسما وانا بمسح دموعي، من غير ما انطق بأي كلمة كان صمتي هو الرد علي كلام نرمين الي بصت ليا بإستغراب اكتر+ طيب ولما انتِ بتحبيه بترفضيه دايمًا ليه؟! انا حقيقي مبقتش فهماكي.
مقدرتش ارد علي سؤال نرمين، إضطريت إني امشي واسيبها قبل لما اضعف اكتر واقولها علي الحقيقة، كالعادة مشيت لغايه بيتنا رغم ان المسافه مش صغيره، بس كنت بحاول اوفر الفلوس الي باقيه معايا بعد لما ماما اخدت كل مرتبي، وصلت البيت وانا رجلي و.جعاني، اتفا.جئت بوجود بابا الي مشوفتهوش بقالي ٥ سنين. بنظرات خ.بيثة¥ كبرتي اوي يا نارا وبقيتي عرو.سة، هو الناس اتعمت ولا ايه؟ معقول مكنش فيه حد بيتقدم لبنتي الحلوة؟ جهزي نفسك بكرا عشان فيه عري.س هيجيلك.
منتظرة رأيكم، صحيح غيابي طال بس مبسوطة اني رجعتلكم. #منقذيالبارت التاني بنظرات خ.بيثة¥ كبرتي اوي يا نارا وبقيتي عروسة، هو الناس اتعمت ولا ايه؟ معقول مكنش فيه حد بيتقدم لبنتي الحلوة؟ جهزي نفسك بكرا عشان فيه عريس هيجيلك. بصيتله بتساؤل-مين العريس دا؟ مين الي هيتقدم لواحدة زيي؟ هل عارف ان ماما مدمنة كحول وانت حرامي بيتسجن كل شوية؟ بس كان بابا بيبتسم ليا بخبث فبصيت ليه – هتجوزني لواحد كبير في السن يبابا؟!
بخبث¥هتشوفيه لما يجي بكرا دخلت اوضتي وانا مش حاسة بحاجة، المفروض كنت ابقا اتعس واحدة في العالم بعد ما شبه أدركت ان بابا عايز يجوزني لواحد كبير في السن عشان يخلص مني بس انا فالحقيقة مكنتش حاسة ب اي حاجة، كل الي كنت بفكر فيه هو الي حصل فالجامعة، موقفي مع سليم واد ايه كنت قا.سية معاه. اليوم الي بعدو لبست أسوء حاجة عندي وحتي محطتش ميكب، اي بنت بيتقدملها حد بتحبه بتكون اسعد الناس لكن انا انهارده متقدملي واحد عجوز ف هجيب منين الشغف اني البس او احط ميكب؟
قعدنا مستنيين كتيير اوي لغايه لما الساعه بقت ١ بالليل، موبايل بابا رن ف رد¥ انت بتقول ايه؟! ازاي يعني يحصل كدا؟! ازاي يتقب.ض عليه؟! دا كان لسا خارج من الس.جن معايا امبارح! بعدها قفل المكالمه وبصلي¥ خلاص مفيش عر.سان جاية، ادخلي اوضتك يلا ومتورنيش وشك، حتي الوحيد الي كان قابل يتجوزك اتس.جن تاني. بصيتله بإستنكار- انت كنت هتجوزني لحرامي زيك؟! وكمان سر.ق واتس.جن تاني رغم انه خرج من الس.جن امبارح؟!
وكملت كلامي وانا بعيط-حرام عليك بقا مش كفايه بستعر منك عشان حرامي وكمان عايز تجوزني لحرامي زيك؟! عايزني استعر في حياتي التانيه كمان؟! محستش بنفسي بعدها غير وانا علي الأرض بعد لما بابا ضر.بني بالقلم، كانت ايده تقيله لدرجة اني نز.فت من شفا.يفي، حطيت ايدي علي خدي وبصيتله بكرا.هية وبعدها دخلت أوضتي. اليوم الي بعده صحيت وحطيت ميكب ولبست كويس كالعادة، كنت نازله من البيت بس كان باب الشقة مقفول، حاولت مره واتنين بس كان مقفول بالمفتاح، بعدها سمعت صوت بابا من ورايا.
¥مفيش جامعات خلاص، قال يعني اخدنا ايه من التعليم، كفاياكي تعليم لغايه كدا انا هجوزك خلاص واخلص منك. بصيتله بإستنكار-انت اكيد بتهزر يا بابا، انا دخلت الكلية دي بمجهودي وكنت بصرف علي نفسي، عايز تمنعني من الكلية رغم اني اصلا مش باخد منك جنية؟! ¥الي عندي قولته، ادخلي اوضتك يلا. أدركت انه كان جاد، دموعي خ.انتني وقتها وانا بتخيل ان كل السنين الي قضيتها فالكلية كانت هباء واني مش هقدر اكمل فيها ولا اتخرج- يا بابا حرام عليك متعملش كدا، انا فاضلي بس سنتين واتخرج، انت اكيد مش قا.سي بالشكل دا، مفيش اب بيكون قا.سي للدرجة دي علي بنته.
بس بابا مكنش حتي بيرد عليا، كان بيتفرج علي التلفزيون وكإن كلامي محركش جواه اي مشاعر، وكإنه مش ابويا. دخلت اوضتي وانا بعي.ط، بصيت بعدها للشباك، كنا في الدور التالت ومكنش ينفع انط ولا اخرج من البيت غير من الباب، حاولت افكر في حلول بس مكنش فيه، مسحت الميكب ولبست لبس البيت ونمت وانا بعي.ط. عدي اسبوع عالحال دا، اسبوع مش بروح فيه الكلية ومش برد علي مكالمات نرمين، اصل هرد هقولها ايه؟ هقولها ابويا الحرا.مي مش راضي يخرجني من البيت ولا يوديني الكلية تاني؟ ولا اقولها اني فالحقيقة بنت بائسة فقيرة واني كنت بخد.عهم لمده خمس سنين؟!
نرمين بعدها بعتتلي رسالة عالواتساب، لفتت نظري اكتر من باقي الرسايل، لانها كانت بتقولي فيها ان علينا امتحان بكرا واكيد هاجي الامتحان دا ووقتها هي هتتكلم معايا وتشوف سبب اختفا.ئي، لحظة انا ازاي نسيت ان عليا امتحان بكرا؟!