=حور انتي سمعاني ؟ بصي انا كنت جاي اقولك اني هتقدملك بعد سنه بسخريه -ويا تري لما تتقدملي و نتجوز هتصرف عليا منين ؟! هتلم الفلوس من الاراضي ولا هتعمل ايه ؟ مالك كان مصدوم من كلامها -حور انتي بتهزري صح ؟!
= وانت مين اصلا عشان اهزر معاك ؟ واحد شغال صبي عند الحلواني ههزر معاه ليه ؟ انت شكلك نسيت نفسك و مش شايف الفرق بيني وبينك .. بص كدا علي لبسي ولبسك .. بنطلونك الي باين عليه متخيط كذا مره قصاد بنطلوني الي اول مره البسه و قميصك الي لونه بهت من الغسيل قصاد بلوزتي الي اول مره البسها كمان .. اوعي تخلي شفقتي عليك و كلامي معاك مرتين يخليك تنسي نفسك وتكون احلام من خيالك و اه علي فكره دي اخر مره لساني يخاطب لسانك . عن اذنك عشان مش فاضيه
و خرجت من البرج و ركبت عربيتها و راحت الجامعه اما مالك فكان مصدوم ومش مصدق الي هو سمعه .. هي حتي مجتش سألته عن سبب اخده للفلوس من عالارض لا دي بكل بساطه شافته شخص معندهوش كرامه .. قعد علي السلم وهو لسا بيستوعب كلامها.. كلامها وجعه اكتر من الموقف ذات نفسه لما مامتها رمتله الفلوس عالارض .. يا تري هل فعلا كانت بتتسلي بيه عشان تسخر منه بعدين ولا ايه الي حصل اصلا ..
اول حاجه عملها انه قدم استقالته من الشغل بتاع الحلواني و رجع بيته وهو بيعيط فالشارع .. بيعيط علي احلامه الي اتهدت فلحظات وعلي كرامته الي اتقطعت حتت صغيره فتح باب شقته براحه عشان مامته متصحاش بس هي كانت صاحيه اتخضت اول لما شافت عيونه لونها احمر € مالك يبني فيك ايه ؟؟!! و ليه مرحتش الجامعه ! = مفيش يماما انا بس اتصدعت ف قولت مش هروح النهارده € الي يشوفك وانت خارج من البيت الصبح و بتنطط من الفرحه ميشوفش وشك دلوقتي !! ايه حصل يبني احكيلي
= الي حصل اني مش من حقي احلم يا ماما .. طالما مش معايا فلوس مش من حقي احلم ولا احب حتي € كلامك مبهم يا مالك ومش فهماك = ماما انا هروح انام شويه ولما اصحي نتكلم .. € اصحيك امتي عشان شغلك = لا انا سبته خلاص € سبته ! = هدور علي غيره متقلقيش و نام عالكنبه كالعاده *فالجامعه* +بجد قولتيله كدا يا حور !! -ايوه + يبنتي كل دا عشان اخد الفلوس من عالارض ؟!
-الموقف دا وضح اد ايه هو معندهوش كرامه وكلب فلوس + انتي غلطانه ي حور .. هو اكيد كان محتاجهم -واللي محتاج فلوس بياخدها من الارض ؟! +المفروض يا حور طالما بتحبيه كنتي تسأليه ليه عمل كدا و كنتي تساعديه يشوف شغل احسن طالما الشغل دا مش مكفيه -اهو الي حصل بقا يا شيماء .. + يعني ندمانه علي الي قولتهوله؟ -انا اقتنعت بوجهه نظرك وان المفروض مكنتش اتصرف كدا وكنت اسأله عن السبب و احل الموضوع براحه
+ يعني ندمانه ؟! -ايوه .. هصالحه لما اروح +يلا طيب اتأخرنا عالمحاضره بعد الجامعه حور رجعت للبرج بسرعه عشان تعتذر لمالك بس مكنش موجود استغربت لان دي المفروض مواعيد شغله ف سألت واحد من زمايله معاه فالشغل -متعرفش مالك فين ؟ بحزن ¥ مالك ساب الشغل الصبح -ايه !! طيب متعرفش بيته فيه او رقمه ؟ ¥ لا للاسف احنا مفيش عندنا وقت اننا تكلم مع بعض يعني المدير بيخلينا نشتغل طول الوقت و عن اذنك احسن يشوفنا بنتكلم ف يخصملي من المرتب
بحزن -تمام .. طلعت بيتها وهي زعلانه > فيه خبر حلو يا حور -ماما مش فايقه دلوقتي > عارفه مدير الحلواني الي فالبرج ؟! -ماله يماما > شاب كدا وسيم و محترم و مناسب ليكي -ماله يماما ! > اتقدملك -مش موافقه يماما > لا هتقابليه غصب عنك !! -يماما كفايه بقا انا مش عايزه اتزفت اتجوز > هتقابليه بقول ! والا تنسي المصروف و العربيه و الفيزا .. كل دول تنسيهم خالص
-اووف حاضر هقابله حاضر .. امتي هيشرف > بكرا بالليل -تمام .. دخلت اوضتها وكلمت شيماء وقالتلها ان مالك ساب الشغل +يبقا اكيد اتضايق من كلامك جامد يا حور -طب اوصله ازاي + هو قالك ان فاضله سنه ويتخرج من هندسه صح -ايوه + خلاص بكرا نشوفه فالجامعه انا اعرف واحده فسنه رابعه هنسألها -تماام يا شيماء قفلت المكالمه مع شيماء و قعدت تستعيد الموقف فذاكرتها ووقتها حست اد ايه كان كلامها قاسي جداا
كانت مستنيه بكرا يجي بفارغ الصبر عشان تشوفه فالجامعه *اليوم الي بعدو فالجامعه* +يلا نسأل البنت الي اعرفها فسنه رابعه -يلا +بصي فيه ولد عندكم فالدفعه اسمه مالك عايزين رقمه لو هتعرفي تجيبيه لينا .. الموضوع ضروري ¥ قصدك مالك الي دايما الاول عالدفعه !! -لا مالك الي نعرفه اكيد مش شاطر للدرجه شيماء ضربت حور علي دراعها + مالك الي بتقولي عليه دا شكله ايه يمكن هو الي قصدنا عليه
¥ هو وسيم و شعره بني فاتح وعنده دقن خفيفه محلياه اكتر -ايه يبنتي بتقولك اوصفيه مش عاكسيه !! ¥ مالها صحبتك يا شيماء + لا مفيش حاجه .. خلاص يبقا هو دا الي قصدنا عليه .. معاكي رقمه؟ اكيد موجود فجروب الدفعه مثلا ف سهل تجيبي رقمه ¥ لا للاسف هو موجود بس فجروب الدفعه عالتليجرام وخافي رقمه + طيب انتي عليكي محاضره دلوقتي صح ؟ اكيد هو جاي ؟
¥ ايوه هو بيجي المحاضرات دايما + تمام حلو اوي هنيجي نحضرها معاكي *فالمحاضره* -دفعتهم كبيره يا شيماء ازاي هنلاقيه + فعلا شكلنا مش هنعرف نلاقيه و فعلا معرفوش يلاقوه خالص والمحاضره خلصت -هنعمل ايه دلوقتي يا شيماااء + حرام عليكي يا حور والله كسرتي بخاطر واحد بيحارب ظروفه و بيجتهد و بيطلع الاول عالدفعه .. بذمتك واحد زي دا معندهوش كرامه؟ اكيد كان محتاج الفلوس جامد يا حور -انا ندمانه بما فيه الكفايه يا شيماء والله
+ طب يلا روحي بيتك احسن مامتك تقلبهالك تحقيق -اه صح فكرتيني دا انا انهارده هقابل عريس غصب عني + يشيخه نفسي افهم ليه بتتضايقي لما حد يتقدملك .. كل الناس بتفرح الا انتي -طب انا همشي بقا يا شيماء قبل لما تهزقيني اكتر *فالبيت * رجعت البيت و اكلت و قعدت شويه عالموبايل لغايه لما مامتها دخلت عليها الاوضه وقالتلها ان العريس فاضله ساعه ويوصل ف لازم تقوم تجهز
قامت من عالسرير و لبست فستان هادي لونه بيبي بلو و سابت شعرها مفرود وحطت ميكب هادي -يلا يا ماما انا جاهزه > ما شاء الله ربنا يبعد الحسد عنك .. مش عارفه ازاي كنتي عايزه تضيعي جمالك دا مع واحد فقير و تفضلي طول حياتك تتعذبي واكيد كان هيخليكي تنزلي تشتغلي -يا ماما كفايه بقا رمي كلام كل لما تشوفيني > يلا العريس برا خليكي رقيقه كدا و هاديه عشان لو طفشتيه عارفه هعمل فيكي ايه
-حاضر يا ماما خرجت للعريس وهي ماسكه الشربات مامته : بسم الله ما شاء الله دي احلي من الي وصفتولنا يبني باباه : يا زين من اخترت يبني قعدت معاهم وهي مكسوفه من كلامهم > يلا بقا نسيب العرسان وحدهم شويه العريس فضل ساكت لمده دقيقتين -شكلك مكسوف .. بخجل ~ الحقيقه اه -متوقعتش ابدا انك خجول و هتتكسف وكدا .. يعني صوتك وانت بتزعق للموظفين عندك بيوصل لاوضتي ~ شخصيتي فالعمل لازم تكون حازمه
-اتقدمتلي ليه يا .. ~ اسمي شادي -اتقدمتلي ليه يا شادي ~ الحقيقه اني كنت بشوفك يعني كل يوم و كنت بس مستني الوقت المناسب عشان اتقدملك .. اقبلي مني الهديه المتواضعه دي كانت الهديه عباره عن مصحف شكله مش جديد طبعا حور استغربت جدا بس مرضيتش تقول حاجه -هبعتلك ردي مع بابا .. ~ تمام بعد لما العريس واهله مشيو كانت مقرره انها هتقول لمامتها انها مش موافقه بس الفضول خلاها تفتح المصحف تشوف ايه المميز فمصحف قديم عشان يديهولها هديه .. اكيد فيه وراه حاجه
كان المصحف بعد كل جزء فيه ورقه صغيره مكتوب فيها ‘عشان تكوني نصيبي ‘ .. و فالاخر خالص كان فيه رساله كبيره فتحتها ‘ المصحف دا الي كنت بقرأ منه دايما بنيه انك تكوني نصيبي وانك توافقي عليا .. انا عارف انك بترفضي اي حد يتقدملك ف هديتك المصحف دا عشان تعرفي اد ايه انا مختلف عن الي قبلي وانك كنتي علي بالي دايما و كل مره بدعي فيها بتكوني اول دعوه بدعيها .. انا ختمت القران تلاتين مره عشانك يا حور ‘
يتبعالبارت الرابع و فالاخر خالص كان فيه رساله كبيره فتحتها ‘ المصحف دا الي كنت بقرأ منه دايما بنيه انك تكوني نصيبي وانك توافقي عليا .. انا عارف انك بترفضي اي حد يتقدملك ف هديتك المصحف دا عشان تعرفي اد ايه انا مختلف عن الي قبلي وانك كنتي علي بالي دايما و كل مره بدعي فيها بتكوني اول دعوه بدعيها .. انا ختمت القران تلاتين مره عشانك يا حور ‘
حور لما قرأت الرساله مكنتش عارفه تعمل ايه .. مقدرتش تبلغ مامتها بالرفض و قالت هتستني شويه و تعمل استخاره *اليوم الي بعدو * صحيت الصبح و اتصلت بشيماء عشان تشوف لو عرفت توصل لحاجه عن مالك بس شيماء جاوبتها بالرفض وانه شخص غامض ومش اي حد يقدر يوصله ^ها يحبيبتي قررتي هتوافقي علي شادي ولا هترفضيه -لسا يا ماما بفكر ^ تمام يحبيبتي خدي وقتك حور لبست ونزلت و كانت بتتمشي فالشوارع من غير هدف .. كان نفسها توصل لمالك وتعتذرله عن الي قالتهوله
بس معرفتش تلاقيه او مقابلتهوش صدفه مثلا استمر الحال دا اسبوع وهي كل يوم تحاول توصل لحاجه عنه بس كأنه فص ملح و داب حتي الكليه بقت ففتره اجازه عشان الامتحانات ف مكنش حد بيروح الجامعه كله فالبيت بيحضر للامتحانات ف معرفتش حتي تحضر محاضرات تانيه مع دفعته + علي فكره يا حور انتي مكبره الموضوع بتاع مالك .. يعني انتو مكنش بينكم قصه حب عظيمه مثلا لا دا هو موقف واحد بس ف اكيد دا اعجاب يا حور .. وافقي علي الي بيحبك ومتضيعهوش يا حور
-عندك حق يا شيماء انا هوافق علي شادي *فالبيت* -ماما انا موافقه علي شادي بفرحه ^ ايوا كدا هي دي الاخبار التمام .. انا هتصل ب اهله دلوقتي و نحدد معاد قرايه الفاتحه -تمام يا ماما دخلت اوضتها وهي حاسه انها مرتاحه .. هي صح مش بتحب شادي بس فقدت الامل انها تلاقي مالك وكمان شادي بيحبها و مع الوقت اكيد هيحببها فيه و اهل شادي حددو قرايه الفاتحه فاليوم الي بعدو
*يوم قرايه الفاتحه * بفرحه ~انا بجد مكنتش مصدق نفسي لما وافقتي عليا حور مردتش عليه لان معرفتش تقول ايه واكتفت بالابتسامه ~ تحبي الخطوبه تكون امتي يا حوري -قبل الخطوبه عايزه نتفق علي حاجات ~ الي تؤمري بيه -اولا مش هنكتب كتاب ولا نتجوز غير لما اتخرج و ابدأ اشتغل كمان ثانيا مينفعش تتدخل فالشغل لما اتخرج واقدم علي الشغل بحكم مثلا انك عايز تخليني اشتغل ف اسرع وقت عشان نتجوز .. لا انا هشتغل بمجهودي مش بالواسطه بس هما دول الشرطين
~ بس يا حور انتي لسا ف سنه تانيه يعني فاضلك ٣ سنين وتتخرجي .. -دي شروطي يا شادي .. ~ عموما انا موافق تكون الخطوبه تلت سنين ب ابتسامه -خلاص كدا يبقا الخطوبه ف اي يوم انت تحدده ~ تمام و فعلا الخطوبه اتحددت بعد قرايه الفاتحه بيومين ~تعرفي ان انهارده انا اسعد انسان عشان خطبت البنت الي بحبها -انا كمان مبسوطه جداا ~ رغم ان الفرح بعد ٣ سنين بس اوعدك ان سنين الخطوبه هيكونو احلي من السنين الي عدت كلها
حور مكنتش اختارت الشبكه ولا شافتها قبل كدا .. هي قالتله يختارها وهي واثقه ف ذوقه اتفاجأت فالخطوبه وهو بيلبسها الشبكه انها شبكه الماظ و كان باين عليها غاليه جدا طبعا حور مكنش هاممها تمنها هي بس عجبتها شكلها -زوقك حلو يا شادي تسلم *بعد الخطوبه * ^شفتي ازاي كان عندي حق لما قولتلك شادي هو المناسب .. شفتي الشبكه الي جبهالك ؟ يا تري الفقير الي كنتي عايزاه كان هيجيبلك شبكه من البلاستيك ؟ 😂😂
-يا ماما خلاص اهو اتخطبت لشادي زي م انتي عايزه .. متجبيش سيره مالك تاني هو خلاص مشي بسببك يماما .. ^ خلاص يحبيبتي المهم يلا بقا اتشجعي و ذاكري عشان تتخرجي و بعدها تتجوزي -حاضر يماما *اليوم الي بعدو * ^ قومي يا حور .. شادي مستنيكي فالصاله -حاضر يا ماما روحي انتي و انا هطلعله حاضر لبست و طلعت لشادي فالصاله -شادي انت لحقت تروح امبارح بعد الخطوبه متأخر و كمان تصحي الساعه ٧ الصبح النهارده ؟ انت شكلك بتنام قليل
~ لا انا منمتش اصلا .. معرفتش انام بصراحه من الفرحه -طيب يا شادي انا ففتره تحضير للامتحانات حاليا ف مش هينفع نتقابل كتير ~ اه انا مقدر دا عشان كدا جيت دلوقتي و جبتلك المحاضرات كلها الي هتحتاجيها بدل متنزلي يعني وتجيبي الي ناقصك فيهم باستغراب -ايه دا عرفت ازاي اني لسا مجبتش كل المحاضرات ~ اصل عارف انك بتزنقي نفسك للاخر فالمذاكره -اكيد مش ماما الي قالتلك كدا لانها اصلا مش عارفه .. انت بقا عارف منين ؟
~ سمعتك مره وانتي داخله البرج و بتكلمي صحبتك فالموبايل بتقوليلها لسا مشترتيش باقي المحاضرات وانك بتسبيهم للاخر -ياه يا شادي دا انت مركز معايا جدا يعني ~ الي بيحب حد لازم يركز معاه حور احمر وجهها من الكسوف واخدت المحاضرات منه وشكرته و ودعته *بعد اسبوع* كانت ليله امتحان اصعب ماده عندها وهي كمان مكنتش بتذاكرها اول بأول و دا خلاها اصعب .. كانت قاعده ف اوضتها قافله الباب وبتعيط
سمعت صوت فالبلكونه بتاعت اوضتها خرجت للبلكونه واتفاجأه لما شافت احجار فالبلكونه بصت لتحت عشان تشوف مين رمي الاحجار اتفاجأت انه شادي