طلعت بسرعه لشقتها وسابت القطه و دخلت المطبخ غلت ميه وحطتها ف ترمس حراري و اخدت معاها شاي ليبتون وسكر و بعدها اخدت كوت طويل من عندها وبيدفي ^بتعملي ايه يا حور !! -لحظه يا ماما بس نزلت بسرعه و هي حاطه الشمسيه فوقيها عشان الكوت ميتبلش = اتأخرتي علي فكره -خد الترمس دا فيه ميه مغليه اعمل بيها شاي عشان تتدفي و خد الكوت الطويل دا بتاعي بس هيدفيك شويه لغايه لما توصل البيت و اهي شمسيتك
مالك اخد الشمسيه بس و مرضيش ياخد الباقي -يعني تتعبني عالفاضي !! = عن اذنك انا اتأخرت ابعدي عن العربيه خليني اعرف امشي بعدت عن العربيه ومالك مشي كانت واقفه فالمطره وهي زعلانه علي الموقف الي عمله مالك .. كان ممكن ياخدهم ك جبر خاطر حتي بس وقتها كان شادي شايف الموقف دا كله .. كان واقف قريب منهم لانه قلق علي حور وكان رايح بيتها يشوفها فالبيت ولا لسا برا
اول لما لفت وشها شافت شادي بصدمه – شادي !! ~ مين دا الي كنتي هتديه الحاجات دي يا حور .. وبعدين مش دا الكوت المفضل عندك ؟! و ليه تخلي حد يوصلك للبيت يا حور كان ممكن مثلا تردي علي اتصالاتي وانا كنت هاجي اخدك للبيت -شادي دا .. دا .. مديري فالشغل ~ وهو فيه مدير بيوصل موظفينه للبيت ؟! -شادي انت مش واثق فيا يعني ! ~ واثق يا حور بس من حقي اشك وانا شايفك مهتمه اوي بيه كدا
-خليك واثق فيا يا شادي .. عن اذنك عشان اتأخرت علي البيت طلعت بيتها و طبعا مسلمتش من اسئله مامتها ^ كنتي واخده الحاجات دي لمين ؟ -لشادي يا ماما بس مرضيش ياخدهم .. عن اذنك هنام دخلت نامت بعد اليوم المرهق دا و كانت القطه الي انقذتها نايمه جمبها و كانت هتوديها للدكتور البيطري لما الجو يهدي *اليوم الي بعدو * صحيت الصبح و لبست و راحت الشغل وكان شادي بيتصل بيها بقاله ربع ساعه بس هي مطنشاه و فالاخر زهقت من الرن الكتير ف ردت
~ كل دا عشان تصحي يا حور ! مفيش مره تصحي بدري ! -لا يا شادي انا صاحيه من بدري وكمان لبست وجهزت ~ غريبه اومال ليه مكنتيش بتردي عليا -كان الموبايل سيلنت يا شادي .. هتوصلني للشغل ولا اروح بعربيتي ؟ ~ اه هوصلك استني دقيقتين وهكون عندك وصلها للشغل وهو مستغرب انها صحيت بدري من غير م يصحيها و مستغرب من معاملتها الي اتغيرت معاه من امبارح دخلت مكتب المتدربين فالشركه وطول الوقت بتبص عالطرقه بتحاول تلمح مالك (اوضه المتدربين ملهاش باب )
بس مالك كان طول اليوم فمكتبه اتحججت انه طلب منها تنفذ حاجه ف هي خلصتها والمفروض تسلمهاله السكرتيره : استني طيب هستأذن مستر مالك واشوف ينفع تدخلي المكتب ولا لا -تمام انا مستنيه بعدها بشويه السكرتيره : تمام بيقولك ادخلي دخلت الاوضه و شافته وهو بيعطس كل دقيقتين وكمان باين عليه عنده نزله -كنت فضلت فالبيت انهارده بما انك تعبان للدرجه = بتتحججي عشان تشوفيني ليه ؟ -هاه ؟! انا بس كنت هاخد رأيك فحاجه عشان انا لسا جديده وكدا
= اه طبعا اومال .. حور فنفسها -كاريزما وقمر حتي وهو تعبان .. و بعدها سرحت فخيالها وهي بتقارن بين حالته دلوقتي وحالته زمان . زمان كان بيلبس لبس متخيط او متقطع و شعره مكنش بيتسرح كويس انما دلوقتي شعره متسرح حلو اوي و كمان لابس بدله شيك مزوده جماله = مبحلقه فيا كدا ليه ! -لا مفيش .. فيه حاجه مش عارفه اعملها ممكن توريني اعملها ازاي ؟ = علي فكره لو مش عارفه تعملي حاجه المفروض بتطلبي مساعده حد من الموظفين الي اقدم منك مش تيجي تقولي للمدير يوريكي ازاي تعمليها !
حور اتقمصت وكانت خارجه من المكتب =استني ! خلاص تعالي هوريكي بس دي اخر مره -اول واخر مره والله مالك ضحك علي طريقتها الطفوليه -مالك انا مش شايفه ينفع اجي اقعد جمبك ؟ اصل الواحد كبر فالسن ونظره بقا علي اده = طب تعالي ويلا خلصيني عشان ورايا شغل كتير حور لما قعدت جمبه قربت منه جامد لدرجه ان نفسهم بقا قدام بعض =انا .. انا كدا مش عارف اركز ابعدي شويه
بعدين هو بعد عنها و فك الكرافته شويه عشان يعرف يتنفس -خلاص انت شكلك تعبان اجيلك وقت تاني بقا وخرجت من المكتب و هي ضميرها بيأنبها انها اصلا بتحاول تكلم مالك وهي اصلا مخطوبه .. هي حست انها انسانه وحشه و المفروض تهتم بشادي وتفكها من مالك خالص .. كانت محتاره ومش عارفه تعمل ايه بس هي غصب عنها مبقتش عارفه تكلم شادي ولا تبقا معاه زي زمان كان شادي بيتصل بيها بس هي طنشته كالعاده .. دي بقت عادتها من سعت لما قابلت مالك .. اهملت شادي جداا رغم انها كانت بترد عليه بسرعه
بعد لما خلصت شغل استأذنت السكرتيره تاني و دخلت مكتب مالك -خفيت شويه ولا لسا تعبان = الصبر يارب الصبر بعدين انا عندي فضول تجاه حاجه -ايه هي = طبعا انتي حاليا شيفاني بقيت غني و مش بلبس هدوم متقطعه و كمان اكيد معايا شقه و ڤيله فمكان كويس ف قولتي احاول اقرب منه بما انه بقا يليق بيا صح ! انا لسا فاكر كل كلمه قولتيهالي زمان ومش ناسي
-مالك انا مش عارفه ليه بتفكر فيا بالشكل دا .. بس انا بجد ندمت عالكلام الي قولتهولك زمان و كنت بدور عليك عشان اعتذرلك بس معرفتش اوصلك = وانا المفروض اصدق طبعا .. حور اتفضلي برا مكتبي عشان مش فاضي
حور خرجت من المكتب وهي زعلانه وفضل يطنشها لمده اسبوع .. دا حتي امر السكرتيره انها متخلهاش تدخل مكتبه و حور فالاسبوع دا مبطلتش تفكير فيه لدرجه انها نسيت اصلا انها مخطوبه لشادي وان فرحهم المفروض بعد اقل من شهر .. كانت بتطنش مكالمات شادي ولما بترد عليه بتحاول تخلص المكالمه بسرعه وبتسرح فوسط المكالمه ولما بيجي عندهم البيت تعمل نفسها نايمه و شادي كان صابر عليها ومش عارف ايه سبب تغيرها بس كان بيقنع نفسه انها مشغوله بالتحضيرات للفرح
بعد الاسبوع دا حور قررت انها لازم تتكلم معاه وتقوله عالحقيقه و تعترفله السكرتيره حاولت تمنعها كالعاده -قوليله حور هتقولك حاجه مهمه ولو مسمعتهاش دلوقتي هي هتستقيل من الشركه السكرتيره دخلت مكتب مالك وبعدها خرجت و بلغت حور بموافقه مالك انه يقابلها = اوعي تكوني افتكرتي اني وافقت اقابلك عشان خايف تستقيلي .. انا بس عندي فضول اعرف ايه هي الحاجه المهمه دي -مالك بص انا هقولك الحقيقه = ماشي قولي
-بص انا من سعت مشوفتك هنا فالشركه وانا مش عارفه ابطل افكر فيك .. انا اتخطبت يا مالك لاني فقدت الامل اني الاقيك وماما كانت بتضغط عليا وبعدين انا عمري م حبيت خطيبي .. كان هو دايما الطرف الي بيحبني و انا كنت ساكته علي امل اني احبه مع الوقت بس محصلش .. = وانا ايه علاقتي ب خطيبك يا حور .. بتقوليلي ليه الكلام دا -عشان انا لسا بحبك يا مالك ومستعده اسيب خطيبي عشانك
مالك اتصدم من كلامها .. دا اول اعتراف صريح انها بتحبه = مش هينفع .. -يعني ايه مش هينفع يا مالك !! انت بتهزر صح ! انا كمان شايفه فعيونك اد ايه انت بتحبني ف بطل عند بقا = انا متجوز يا حور يتبعالبارت السادس -يعني ايه مش هينفع يا مالك !! انت بتهزر صح ! انا كمان شايفه فعيونك اد ايه انت بتحبني ف بطل عند بقا = انا متجوز يا حور
بضحك – بطل هزار بس مالك مردش عليها -مالك لا قول انك بتهزر .. اكيد دي مش الحقيقه .. انت بتحبني واكيد متجوزتش غيري = فكراني هفضل احبك طول السنين دي ؟ هحب واحده مسحت بكرامتي الارض عشان انا كنت فقير و هي معاها فلوس ؟ فوقي يا حور انا طول السنين الي عدت لما بفتكرك بدعي عليكي بعياط -بس انا ندمت بعدها يا مالك و دورت عليك كتير عشان اعتذرلك ..
= كملي مع خطيبك يا حور و سبيني فحالي .. هي قصتنا انتهت فاليوم من الي مسحتي فيه بكرامتي الارض -هتكمل مع واحده مش بتحبها يا مالك ؟! انا واثقه انك مش بتحب مراتك زي م انا مش بحب خطيبي = حور اطلعي برا عندي شغل -طيب اخر سؤال و هخرج = قولي -متجوز بقالك اد ايه و اسمها ايه
= لما قابلتك هنا فالشركه كان بقالي اسبوع متجوز .. مراتي اسمها مريم .. اهو جاوبتك يلا اتفضلي برا علي شغلك وياريت تبطلي تتحججي عشان تشوفيني لان انا راجل متجوز و الي بتلف حوالين راجل متجوز عارفه كويس بيقولو عنها ايه حور اتضايقت جدا من كلامه و خرجت من مكتبه ومن الشركه خالص و كانت بتتمشي وحدها فالشارع حور فنفسها – يعني هو اتجوز و شاف حياته ومش بعيد مراته تكون حامل قريب و انا هسيب الشخص الي بيحبني .. اكيد لا انا هطنشه و كأني مش شيفاه و هكمل مع شادي .. هو الي يستاهل اني اكمل معاه
بعدها روحت بيتها و رنت علي شادي و هو رد علطول بفرحه ~ ياه اخيرا رنيتي عليا يا حور انتي بقالك فتره متغيره ومش بترني عليا ولا بتردي عليا .. متتخيليش قد ايه فرحت ب اتصالك لما حور سمعت الكلام الي قاله ضميرها انبأها اكتر انها كانت هتسيبه عشان مالك -انا كمان فرحت اني سمعت صوتك يا شادي .. ايه رأيك ننزل مع بعض النهارده ~ ربع ساعه وهكون عندك .. جهزي بقا اسماء الاماكن الي نفسك تروحيها النهارده
ب ابتسامه -تمام يا شادي مستنياك و فعلا قضت اليوم مع شادي و طول اليوم باصه عليه و بتراقب تصرفاته اكتر من الاول .. قررت لما شافت كميه الحب الي فعيونه و فتصرفاته انها خلاص هتكمل مع شادي و هتفكها من مالك الي بكل بساطه اتجوز غيرها رغم انه كان يقدر يوصلها فالتلت سنين دول .. فوجهه نظرها ان حتي لو قالتله كلام جارح اخر مره شافته فيها كان المفروض يحن بعد وقت و يرجع يكلمها تاني
*اليوم الي بعدو* لبست و نزلت الشغل وهي حاطه فبالها قرار انها هتطنش و تتجاهل مالك وانه بس مديرها فالشغل قعدت عالمكتب بتاعها وكانو المتدربين الي مكتبهم جمب مكتبها بيتهامسو وبيشاورو علي بنت واقفه فالطرقه عند السكرتيره -هي مين البنت دي ردت عليها واحده من المتدربين
