_إي! بصيتلهُ بإستهبال وقولت: =إي! إبتسامتهُ وسعت وبص قدامهُ للبحر بحماس وبدأ ياكل هو كمان، بادلتهُ الإبتسامة وإستمعت بالجو. _______________________________________ “بعد 6 سنوات” كنت بجري وراه وأنا متعصبة وماسكة في إيدي الشبشب بتاعي وبقول: _يعني إي 5 من 20 دي، دا إنت لو كاتب إسمك بخط كويس كنت هتجيب درجة أحسن من دي!! حدفت الشبشب بس جِه في فادي اللي طلع من الأوضة فجأة، مسك وشهُ بألم وقال: =إي ياشيخة بقى!
إتكلم يزيد وقال: _ماما عايزة تضربني وأنا معملتش حاجة. بصيتلهُ بعصبية ومسكت فردت الشبشب التانية وحدفتها عليه بس إتحرك وزق فادي وجات فيه برضوا، بصيت بصد *مة للمرة التانية وقولت: _معلش، ما هو الحيوان دا مش ثابت، سيبني عليه. إتكلم فادي بألم وهو بيشيل يزيد من قدامي وقال: =ياستي إقعدي بقى، هيبقى الواد وأبوه، هو عمل إي! قولت بعصبية: _البيه الميس بتاعتهُ إديتلهم إختبار وجاب فيه 5 من 20. بص ليزيد بدهشة وقال بعد ما ضرب كفهُ في كف يزيد:
=جبتها إزاي الـ 5 دي براڤوا عليك. بصيتلهم بغضب وقولت: _تصدق والله ما خسارة فيك الشبشبين، إمشوا من قدامي إنتوا الإتنين هتجبولي الضغط. جريوا الإتنين من قدامي ودخلوا الأوضة وأنا قعدت على الكنبة عشان أهدى، بِرغم إنهم مطلعين عيني بس بجد هما الإتنين حياتي وعيلتنا الصغيرة هتزيد فرد جديد قريب لإني حامل في الخامس، هنبقى أحلى عيلة برغم عدم الهدوء اللي إحنا فيه ليل نهار. #هاجر_نورالدين #غرور_وتمرد2 #تمت