صديق الطفوله بقلم مى امين

أمل : يعني كدا خلاص يا عمر عمر: كل واحد مننا يروح لحاله يا أمل أمل: بس أنا بحبك يا عمر عمر بحزن: وأنا كمان بحبك بس أهلك مش موافقين عليا عشان فرق المستوي اللي بينا وأنا حاولت مرة واتنين وكنت مستعد أحاول أكتر بس يجرحوني ويعايروني بمستوي أهلي واني أقل منك دا أنا مستحيل أقبل بيه أبدا بعد اذنك ربنا يوفقك ... أنا عمر ودي أمل زميلتي في الكلية من أول مرة شفتها وقعت في حبها وهي كمان حبتني باباها رجل أعمال وانا والدي راجل طيب علي قده بيعمل أي حاجة عشان يوفرلي فلوس تعليمي طول عمري فخور بيه وبتعلم عشان أخليه فخور بيا ، رحت اتقدمت ل أمل بعد ما خلصنا كلية الطب وبدأت اشتغل والدها رفضني أول مرة واتقدمت تاني لما شفت تمسكها بيا بس لما توصل أنه يعايرني بوالدي دا مستحيل أقبله مشيت من قدامها بسرعة عشان مضعفش ودموعي تنزل علي بعدها ولا كسرتي قدام أبوها رحت للمكان اللي برتاح فيه دايما وبلاقي روحي فيه رحت عند ... عمر قعد قدامها ومتكلمش زهرة: حصل إيه عمر: مفيش بس عايز اقعد معاكي شوية لو وراكي شغل قومي وأنا هحصلك زهرة : مالك يا عمر عيونك مطفية لي احكي هتخبي عليا عمر بتنهيدة وجع: مش قادر يا زهرة خلاص خسرتها ، قلبي وجعني أوي زهرة : مش أول مرة حاول تاني يا عمر انت بتحبها وهي بتحبك عمر بحرقة قلب : أبوها كسرني وعايرني بفرق المستوي اللي بينا مش قادر يفهم إني بحبها زهرة بحزن علي حاله: يامه حذرتك يا عمر وقلتلك ابعد عنها دي مش زينا بس أنت مسمعتش كلامي ، أمل صحبتي وأنا بحبها بس هي مش زينا لما شفتك واقع فيها خفت عليك من لحظة زي دي أنا اسفة يا عمر اني محذرتكش كفاية تبعد عنها عمر: حتي لو كنتي حذرتيني يا زهرة انا حبيتها وعشت معاها أجمل أيام عمري انتي كنتي شاهدة علي حبنا لبعض زهرة: ربنا يجعلها من نصيبك يا صحبي يارب عمر بابتسامة: يارب يا زوز زهرة بمشاكسة: يلا بقا اطلع من دور المكتئب دا مش لايق عليك ورانا شغل كتير أنت ناسي أننا متعينين في أكبر مستشفي في البلد يرضيك نترفد من أول شهر تبقي عيبة في حقي ولا إيه وغمزتله عمر: شكراً انك موجودة دايماً زهرة: ولا قوم امشي من هنا عمر بضحك: خلاص خلاص عارف مش بتحبي الشكر ، بقولك ايه احنا نخلص الشيفت بتاعنا واعزمك علي العشا ايه رأيك زهرة : لا يبشا عزومة ايه احنا عايزين نحوش علشان العيادة ولا ايه يا دكتور ، احنا نطلع علي عربية الفول بتاعة عمك حلمي وبعدها نحبس بحمص الشام علي الكورنيش وبعدها تروحني السكن مفهوم عمر بضحك: علم وينفذ يا فندم زهرة: اطلع بقا وانا هلبس البالطو واجي وراك علطول عمر: اشطا يبشا . بعد خروجه زهرة: ربنا يريح قلبك يا عمر يارب . أنا زهراء أو زهرة زي ما عمر متعود يناديلي أصحاب من أيام ابتدائي بحكم اننا جيران طول عمرنا مع بعض حتي لما دخلنا ثانوية جبنا نفس المجموع ودخلنا نفس الكلية واتعينا واشتغلنا مع بعض في نفس المستشفي الكل بيقول علينا التؤام بنشبه بعض جدا في معظم تفاصيلنا أعرف كل حاجة عنه بيحب ايه بيكره ايه حتي حبه ل أمل انا عرفته قبلها عمري ما أنسي يوم ما جالي السكشن وقالي انه بيحب واحدة معانا وانها صحبتي وعايز يعترف لها بحبه ، يعرف عني حاجات غيره ميعرفهاش زي مثلا اني بخاف من الضلمة ، بحب الشتا عشان بيجي يغسل همومنا بخاف من البحر عشان بحسه غدار ، بخاف من الصوت العالي ولو حد علي صوته عليا ممكن يغمي عليا من الخوف ، فاكرة مرة كنا في اعدادي والمستر زعقلي عشان محلتش الواجب ساعتها هو انضرب مكاني ولما خرجنا من الدرس أخدني ورحنا عند عربية المستر بوظناها ساعتها مسح دموعي وقالي مستحيل أخلي حد يزعقلك ومأخدلكيش حقك منه ..قطع شرودها صوت خبط الباب ممرضة: دكتورة زهراء دكتور عمر عاوز حضرتك في الطوارئ بسرعة في حالة زايدة ولازم عملية فورا ومفيش غيركوا هنا زهرة: حاضر بعد خروجهم من غرفة العمليات زهرة: الحمدلله العملية عدت علي خير عمر: الحمدلله ، يلا بقا عشان نخرج ،قطع كلامهم وصول أمل اللي شغالة معاهم في المستشفي أمل: ازيك يا زهراء زهرة : الحمدلله أنتِ أخبارك ايه أمل: كويسة يا حبيبتي ، عمر ممكن أتكلم معاك زهرة: طيب بعد اذنكم أنا عمر مسك إيديها وهي اتفاجئت: لا متمشيش يا زهرة أنتِ مش غريبة أنتِ عارفة كل حاجة ، خير يا أمل أمل: عمر بابا جايبلي عريس ابن واحد صاحبه .... يتبع ..... وحشتوني جدااااا🥺♥️ اخيرا خلصت امتحانات والاسكريبت دا بمناسبة اني خلاص بقيت أجازة💃💃 مستنية رأيكم ولو عجبكم هنزله بسرعاه🥳🥳♥️♥️♥️ #صديق_الطفولة #مي_أمين لينكالبارت الثاني🥳 البارت اتمسح بالغلط🥺 البارت الثاني☺💜: أمل: عمر بابا جايبلي عريس ابن واحد صحبه عمر ضغط علي ايد زهرة جامد وهي اتوجعت: والمطلوب مني ايه يا أمل ؟! أمل : تدافع عن حبنا عمر : روحي يا أمل وافقي علي العريس اللي أبوكي جابه بعد اذنك ، سابها واخد زهرة وخرج برا وهو برضو ضاغط علي ايديها لحد ما طلعوا علي الكورنيش زهرة دموعها نزلت من الوجع بس مش عايزة تقوله هي عارفة عمر لما بيتعصب بيضغط علي ايده جدا عشان يطلع عصبيته ، شهقتها بدأت تزيد عمر بخضة: زهرة مالك زهرة: ايدي يا عمر عمر بعدم انتباه : مالها ولسه جاي يشوفها انصدم لما لقي نفسه ماسك ايديها بالطريقة دي ساب ايديها علطول وبص عليها لقاها احمرت عمر بخوف: زهرة ايدك بتوجعك منين قوليلي زهرة: خلاص يا عمر مفيش حاجة عمر بعصبية: مفيش حاجة ازاي أنا كنت هكسر ايدك انتي ازاي منبهتنيش زهرة: أنا عارفة انك كنت متعصب يا عمر أكيد مش قصدك عمر : أنا آسف والله مأخدتش بالي حقك عليا ورفع ايديها وقعد يدلك فيها براحة . زهرة: خلاص يا عمر محصلش حاجة عمر: حقيقي آسف متزعليش مني زهرة: خلاص مش زعلانة عمر :طبب تعالي بقا أصالحك وأجيبلك الكريب اللي بتحبيه زهرة: عمر احنا قلنا ايه متضيعش فلوسك علي الفاضي عمر: فداكي فلوسي كلها يا زهرتي تعالي بقا وهجيبلك الايس كريم بالمانجة اللي بتحبيه يلا زهرة: بس عمر: مفيش بس لو اتكلمتي تاني هجيبلك السلسلة اللي أنتِ عيزاها كمان زهرة: خلاص سكت أهه يلا بينا. عمر أخدها وجاب لها الكريب وبعدها الايس كريم وقعدوا مع بعض علي الكورنيش كتير ، كانت بتفكره بأيام طفولتهم وخرجته من مود الحزن اللي كان فيه . تاني يوم راح عمر المستشفي ودخل مكتب زهرة اللي أول ما شافته رجعت ايديها ورا ضهرها عمر باستغراب: مخبية ايدك ليه زهرة: مفيش حاجة يا عمر عمر قرب منها وشاف ايديها لقاها مربوطة بلفة بيضاء افتكر ان دا بسببه نزل علي ركبته قدامها وباس ايديها بلطف : أنا آسف مش عارفة ازاي مخدتش بالي منك ، طول عمري ببعد عنك أي حاجة ممكن توجعك بس المرة دي أنا وجعتك زهرة : عمر متقولش كدا ، أنت أخويا وصحبي ومن واجبي أتحملك حتي لو علي حساب راحتي . عمر : شكرا علي وجودك اللطيف اللي مخليني مكمل في الدنيا دي . زهرة: خليك فاكر أني هنا دايما عشانك ، يلا قوم بقا ورانا شغل كتير ، تعالي نشوف الطفل اللي عملناله العملية امبارح عمر: حاضر ... وخرجوا سوا يتابعوا شغلهم الايام بتمر علي عمر وأمل ، عمر بيشوفها كل يوم وخطيبها بيوصلها وبيشوف الدبلة في ايديها يزعل كان نفسه تكون دبلته اللي في ايديها ! أمل عايشة حياتها عادي مع خطيبها محاولتش تقنع باباها بعمر زهرة زعلانة علي عمر وبتحاول تخفف عنه تعبه وزعله سنة مرت وعمر وزهرة مع بعض اشتغلوا كتير وحققوا حلمهم وفتحوا عيادة وبقوا من أشهر الدكاترة في مصر وبقا ليهم نسبة شراكة في المستشفي اللي كانوا شغالين فيها زهرة : أنا نايم في مكتبك طب والله لخضك بقا ، أعاااااا عمااااار عمر بخضة: حريقة ايه مين مات في ايه .. زهرة واقفة ميته من كتر الضحك وعمر تدارك الموقف وبصلها بشر : تصدقي أنك رخمة وبايخة وأنا زعلان منك زهرة: خلاص خلاص متزعلش بس كان شكلك حلو وانت نايم كدا قلت أخضك وضحكت تاني عمر ابتسم لضحكتها: ضحكتك حلوة افضلي اضحكي علطول زهرة بخجل: هو انت مش هتنزل البلد عمر فهم انها اتكسفت وغيرت الموضوع: ايه رأيك ننزل أنا وأنتي آخر الاسبوع زهرة بفرحة: موافقة جدا اصلا ماما وبابا وحشوني أوي وكمان جاسر ابن عمي راجع من السفر وعايزة اقابله عمر بضيق: طب وانتي فرحانة كدا ليه ، وبعدين كنتي عيزاني في موضوع ايه زهرة: عرفت ازاي اني عيزاك ؟! عمر: لانه مش ههون عليكي تصحيني وانا طول الليل سهران في العمليات الا اذا كان في حاجة مهمة زهرة : هو يعني أمل رجعت من السفر امبارح..... يتبع..... #صديق_الطفولة #مي_أمين#صديق_الطفولة البارت الثالث☺💜: زهرة : هو يعني أمل رجعت من السفر امبارح عمر ابتسامة وشه اختفت: طب وأنا أعمل ايه يعني زهرة : هي عايزة تقابلك عمر : هتسيب جوزها وتيجي تقابلني زهرة: عمر أما متجوزتش أصلا حصلت مشاكل بينها وبين خطيبها وفركشت معاه ومن يومها وهي مسافرة وطلبت مني مقلكش حاجة عمر : بجد يا زهرة؟! زهرة بتوتر: هو أنت لسه بتحبها عمر بشرود: بعشقها مش بحبها زهرة : طب هترجع لها عمر فاق شروده: هاا ممكن تسيبني لوحدي شوية زهرة: حاضر يا عمر بعد اذنك وسابته وخرجت آخر اليوم زهرة رجعت لعمر المكتب عشان تطمن عليه وحاولت تتكلم معاه وتخرجه من المود زي ما متعوده بس كانت صدمتها لما عمر زعق لها زهرة: عمر يلا بقا نمشي عمر بزهق: زهرة سبيني في حالي دلوقتي زهرة : مش هسيبك يا عمر تقعد لوحدك وتزعل أنا موجودة عمر بزعيق : قلتلك سبيني لوحدي ، امشي اطلعي برا زهرة بارتجاف : انت بتزعقلي أنا يا عمر عمر : أيوا بزعقلك انتي ، انتي مفكرة نفسك مين يعني اخرجي برا خرجت زهرة من الاوضة تترعش من الخوف بسبب صوت عمر العالي وهي ماشية في الطرقة أغمي عليها والممرضات شالوها دخلوها اوضة الكشف ونادوا لعمر اللي كان في حالة صدمة مكنش متخيل أن يحصل كدا مع زهرة أبدا لا وبسببه كمان ، حاول يفوقها كذا مرة مش بتستجيب طلع كله الممرضات برا وفك حجابها عشان تعرف تتنفس عمر بخوف : زهرة ، زهرة فوقي ، ردي عليا ، زهرة أنا آسف مش هعمل كدا تاني بس فتحي عيونك عشان خاطري وعيونه دمعت: زهرة أبوس ايدك فوقي .. زهرة بدأت تفوق وفتحت عيونها لقت عمر جنبها انتفضت من مكانها عمر: زهرة حصل ايه فهميني ، ايه وصلك لكدا زهرة بصت له بعتاب ودموعها نزلت ومردتش عمر : آسف والله آسف زهرة من غير ما تبصله: أنا عايزة أروح عمر: حاضر تعالي أوصلك البيت زهرة: لا أنا عايزة أسافر البلد واستقالتي هتكون علي مكتبك الصبح يا حضرة الدكتور عمر : زهرة أنتي بتقولي ايه ،انتي مستحيل تعملي كدا ،قولي أنك بتكذبي مستحيل تسيبي عمر لوحده زهرة: لا مش بكذب وكملت بوجع : عمر هو اللي طلب مني أسيبه خليه يروح للمكان اللي بيحبه وبيرتاح فيه بعد اذنك وسابته وخرجت وهو فضل قاعد مكانه يفكر فات يومين وعمر وزهرة بعيد عن بعض ، عمر مش عارف ينام ولا يأكل ولا يشرب وبقي بيتأخر علي المستشفي لان زهرة اللي كانت دايما بتصحيه وتحضر له مواعيده ، اكتشف ان الحياة صعبة أوي من غيرها ومش مستحمل فكرة بعدها ، عند زهرة قاعدة طول الوقت في اوضتها مش مستوعبة أن عمر اللي كانت بتتحامي فيه هو اللي علي صوته عليها وكمان طردها من المستشفي ، دبلت ودايما بتعيط وبقت حزينة ومش بتاكل لحد ما جاسر ابن عمها رجع وبدأت تتجاوب معاه وتخرج وتهزر وتتكلم معاه ونوعا ما رجعت لحياتها بس ليه مفتقدة وجود عمر معاها والد أمل طلب يقابل عمر ضروري وعمر استغرب بس راح يشوفه عايز أيه عمر : خير يا فندم حضرتك طلبتني ليه والد أمل : أنا آسف يابني علي اللي عملته معاك زمان كنت غلطان لما فكرت بالطريقة دي بالمقابل خسرت حب بنتي ليا والولد اللي اختارته ليها طلع نصاب ومش كويس وطمعان في فلوسها عمر: حضرتك حر في اختيارك لبنتك أنت أب وشايف دا كويس لمصلحتها . والد أمل: أنا شايف ان مصلحة بنتي معاك، أنت اللي هتحافظ عليها وتتقي ربنا فيها عمر بذهول : أنا ؟؟! والد أمل : أيوا يا عمر أنا طلبت من أمل تيجي هنا وهي متعرفش انك موجود أرجوا انكوا تنهوا خلافكوا مع بعض ، في الوقت دا دخلت أمل الشركة أمل: خير يا بابي عايزني في ايه ، عمر! عمر لف ليها بس بهدوء مش بلهفة ولا بلمعة حب زي اللي كانوا في عيونه زمان عادي مجرد واحدة شايفها قصاد عينه بيحاول يفتكر حبه ليها أو تفاصيلها اللي كان بيحبها مش ظاهر قدامه غير ضحكة زهرة وكلامها ودموعها اللي بتوجع قلبه فاق علي صوت أمل أمل: ازيك يا عمر عمر: بخير الحمدلله والد أمل: اسيبكوا مع بعض شوية عمر: لحظة واحدة يا فندم، أنا مستحيل أقبل بعرض حضرتك أنت قبل كدا اهنتني وعايزيتني بمستوايا ،وجاي دلوقتي تعرض عليا أرجع لبنتك دا مستحيل أرضي بيه ، ثانيا أنا اكتشفت أن عمري ما حبيت أمل دا كان اعجاب وانبهار بشخصيتها مش أكتر ، أنا بحب بنت تانية ومدمن وجودها في حياتي أمل: زهراء صح ؟! عمر بحب: هي زهرة ، أنا اسف يا أمل أمل بابتسامة: روح لها يا عمر وعيشوا حياتكوا مع بعض انتوا تستاهلوا تعيشوا في حب وهنا عمر: شكرا جدا يا أمل بعد اذنك .. والد امل : انا اسف يابنتي امل: متعتذرش يا بابا دا نصيب وان شاء الله نصيبي هيكون خير من ربنا والد أمل: يارب يا حبيبتي عمر خرج فرحان من عند أمل اتاكد انه فعلا بيحب زهرة، ضحكته اللي مكنتش بتظهر غير معاها ،وجعها اللي كان بيوجعه ، دموعها اللي كانت بتنزل تكوي قلبه ،كل دا حب مكنش واخد باله منه ازاي كان غبي كدا ، لازم يروح يصالحها ويرجعها لقلبه وحياته ،ركب عربيته وسافر البلد ،بعد وقت وصل البلد وراح عشان يتكلم معاها لقاها قاعدة في مكانهم المفضل في جنينة تحت شجرة مانجة كبيرة وبترسم ابتسم لشكلها البرئ عمر بحب: لسه زي ما أنتي لما تكوني زعلانة من حد تيجي هنا وتقعدي ترسمي زهرة سمعت صوته قلبها ارتعش وبصت له قلبها وجعها علي شكله اللي خس كتير ودقنه اللي طولت وشعره اللي مش مترتب وهدومه مش متناسقة بس تجاهلت دا كله وافتكرت لما طردها من مكتبه ، لمت حاجتها وقامت تمشي من غير نا ترد عليه عمر : موحشتكيش طيب زهرة : توحشني ليه أصلا ، وجيت هنا ليه ؟! عمر: أومال انتي وحشتيني ليه ، ليه يومي مش بيعدي من غيرك ،ليه دايما في بالي ، ليه ضحكتك مش مفارقة خيالي ، ليه قلبي دايما واجعني علي زعلك مني ، ليه اكتشفت ان الدنيا في بعدك وحشة أوي زهرة بصت له بعتاب وهو كمل: عارف اني غبي واستاهل أي عقاب ، بس عقابك طلع قاسي اوي ليه بتعاقبيني ببعدك عني ، عارفة اني من غيرك تايه وبرضو بعدتي عني ، أنا آسف مستحيل أعمل كدا تاني ، سامحيني زهرة: عقلك كان فين لما طردتني يا عمر ، قلبك محسش بيا وانا خايفة وبرضو بتزعق وتعلي صوتك وأنت اكتر واحد عارف اني بخاف من الصوت العالي ، طردتني من عندك يا عمر ، أنا كنت جاية اطبطب علي قلبك وامتص حزنك عمر بحزن كبير: سامحيني يا زهرة ، أنا اسف ، ينقطع لساني قبل ما أعلي صوتي عليكي تاني ، لو عملت كدا تاني ازعلي مني بس اديني فرصة دي عشان خاطري ، عشان خاطر عمر زهرة صعب عليها حزنه ورجائه دا قررت تديله فرصة تانية : عشان خاطر عمر عمر بفرحة: وعمر مستحيل يعمل حاجة تزعلك ، أقولك علي حاجة .. زهرة: قول عمر: أنا جيت للمكان اللي بحبه وبرتاح فيه زهرة: عمر عمر بحب : عمر بيحبك والله .. زهرة بتعملي ايه .. صوت قطع كلامهم مع بعض بص وراه لقي شاب واقف مستغرب وجودهم مع بعض جاسر: زهرة بتعملي ايه عمر بضيق: ايه زهرة دي اسمها زهراء زهرة: خلاص يا عمر عمر : مين دا وازاي يقولك زهرة دي ، محدش بيناديلك كدا غيري ، ازاي تسمحيله يقولك كدا .. جاسر: مش يمكن عشان أنا خطيبها سمحتلي !!...... يتبع...... #مي_أمين#صديق_الطفولة البارت الرابع ☺💜 جاسر: مش يمكن عشان أنا خطيبها سمحتلي . أنت مين بقا عشان تسمح لك ، أه افتكرت مش أنت عمر عمر بكسرة: زهرة أنتِ اتخطبتي بجد ؟ جاسر: ان شاء الله خطوبتنا أول الشهر الجاي وأنت أول الحاضرين طبعا عمر: ألف مبروك يا زهرة قصدي يا زهراء ، الف مبروك يا جاسر عقبال الفرح ان شاء الله، وأكيد هحضر ان شاء الله دي زهراء أغلي الناس ، بعد اذنكوا زهرة اتكلمت: رايح فين؟ عمر : هروح أسلم علي بابا وماما وأرجع تاني عشان العيادة والمستشفي ، وياريت يا دكتورة ترجعي مكانك لسه زي ما هو والاستقالة أنا قطعتها ، بعد اذنكم سابهم ومشي راح بيته قضي اليوم مع أهله وسافر آخر الليل بعد يومين رجعت زهرة الشغل وكلامها مع عمر كان في أضيق الحدود أو هو اللي كان بيتعمد ميتكلمش او يتواجد معاها في مكان واحد عشان ميضعفش ودموعه تنزل قصادها دكتور عمر في حالة عايزة عملية فورا عمر بانتباه: بسرعة جهزي اوضة العمليات ونادي دكتورة رغدة بسرعة الممرضة: حاضر يا دكتور بعد فترة خرج عمر ومعاه دكتورة رغدة عمر لأهل المريض: الحمدلله العملية نجحت بفضل ربنا ثم بفضل دكتورة رغدة بعد اذنكم رغدة: يا دكتور مكنش في داعٍ أبدا أنك تقول كدا أنا معملتش حاجة ، دا أنا كنت خايفة أمسك المشرط عمر بضحك: أنا مش فاهم أزاي دكتورة بتخاف من منظر الدم يابنتي دا باقي شوية ويغمي عليكي رغدة بهزار: أنا قلت لأبويا يجوزني ويقعدني جنبه أنا مليش في العلام أصلا عمر بضحك :أنتِ مشكلة يا رغدة بجد قطع كلامهم صوت زهرة زهرة: عمر ممكن أتكلم معاك شوية عمر: حاضر يا دكتورة زهراء ، بعد اذنك يا رغدة . زهرة: ممكن أفهم أنت بتتعامل معايا كدا ليه ومين رغدة اللي واقف تهزر معاها دي عمرمن غير ما يبص لعيونها: زهراء أنا عملت أيه زهرة بدموع: بتتجاهلني يا عمر ، سايبني لوحدي ليه ؟ مش احنا اتصالحنا ليه بتعمل معايا كدا ، رد عليا ، ليه كل ما اتكلم معاك تسبني وتمشي ، وايه زهراء دي مش طول عمري اسمي زهرة عمر بوجع: عشان مبقاش ينفع ،أنتي حتي معرفتنيش انك هتتخطبي يا زهرة ، معدش ليا الحق اتكلم معاكي ، اسمك اللي محدش غيري كان بينادي بيه مبقاش من حقي، ، في حد غيري هيكون ليه الحق فيكي ،حد غيري هيقولك يا زهرتي ، ابتسامتك بقت من حق غيري ، ايدك هيبقي فيها دبلة حد تاني يا زهرة فهمتي ؟! وقال آخر كلمة بدموع زهرة: عمر قصدك ايه ؟ مش أنت رجعت ل أمل عمر : مرجعتش ل أمل يا زهرة ،أنا رجعت للبنت اللي اكتشفت اني بحبها ومقدرش أعيش من غيرها ، بس فات الأوان زهرة: مين دي يا عمر اللي أنت بتحبها ؟ عمر : بعد اذنك أنا لازم أمشي ، خرج من المستشفي وركب العربية بسرعة ومشي ، دموعه نزلت ومكنش مركز في الطريق وكان في عربية كبيرة معدية عرض الطريق وفي لحظة ... علي جميع الاطباء التوجه لقسم الطوائ فورا كلمة سمعتها زهرة وهي قاعدة في مكتبها نزلت تشوف ايه الحالة ،لقت عمر غرقان في دمه والدكاترة تحاول تنعشه ومش بيستجيب للصدمات الكهربية أحد الاطباء : خلاص عمره انتهي زهرة بزعيق: عمره انتهي ايه أنت اتجننت ، ابعد عنه وراحت قعدت جنبه وفضلت تضغط علي قلبه جامد وبدموع: عمر اصحي ، عمر فتح عيونك عشاني ، عشان زهرة أختك وصحبتك ، عمر رد عليا وصرخت مرة واحدة: عمر متسبنيش لوحدي يا عمر أنت لو مش جنبي هموت ، وضغطت علي قلبه بقوة: عمر مش هسمحلك ، مش هسمحلك تروح ، اصحي وفجأة نبضه رجع بس كان ضعيف أوي الدكتور: عمر نبضه رجع لازم يدخل عمليات فورا وهنحتاج ليه دم كتير بدل اللي فقده دا .. زهرة: دا نفس فصيلة دمي ، بسرعة حد ياخد مني ، انتو واقفين ليه اتحركوا أخدوا من زهرة 3 أكياس دم وبعدها رفضت ترتاح ودخلت مع عمر العمليات وعالجت نزيفه الداخلي والكسر اللي كان موجود في ضلوعه وبعد ما خلصوا العملية خرج عمر لغرفة العناية وزهرة جنبه مسابتهوش لحد ما فاق كانت معاه في العناية وسمعاه بيتكلم من أثر البنج عمر : زهرة متسبينيش ، أنا بحبك زهرة بدموع مسكت ايده: مش هسيبك يا عمر بس فوق علشاني ، عشان خاطر زهرتك عمر فاق من البنج زهرة بابتسامة : حمدلله علي السلامة يا عمر . عمر: الله يسلمك يازهرة زهرة: دقيقة واحدة أنادي لدكتور أمجد يطمن عليك عمر : أنا مش حاسس برجلي ليه ؟ زهرة اتجمدت مكانها وبعدها رجعت له زهرة بخوف : قصدك ايه يا عمر ؟ عمر: مش عارف يمكن من تأثير البنج روحي نادي لدكتور أمجد وتعالي دكتور أمجد فحص عمر كويس وبعدها اتنهد عمر : خير يا دكتور أمجد بهزار: الظاهر أنك زهقت مننا وعايز تريح شوية يا دكتور عمر عمر بعدم فهم: يعني ايه يا دكتور أمجد بجدية: عمر أنت عملت حادثة كبيرة وصعبة ونجيت منها بفضل ربنا ثم بفضل دكتورة زهراء ، هي اللي انعشتك لما كلنا فقدنا الامل أنك تصحي وبعدها اتبرعتلك بالدم وعالجنا كسر ضلوعك ونزيف المخ عمر: في ايه يا أمجد قلقتني أمجد بحزن: الإصابة كانت جامدة وأثرت علي العمود الفقري عمر بصدمة: أنا اتشليت؟! أمجد: استهدى بالله يا عمر ا ن شاء الله عملية صغيرة وترجع زي الاول وأحسن عمر : لو سمحتوا ممكن تسبوني لوحدي شوية ، خرج أمجد وفضلت زهرة عمر: زهرة سبيني لوحدي زهرة : مش هسيبك يا عمر عمر بزعيق : سبيني لوحدي يا زهرة زهرة قربت منه ودموعها نزلت : مش هسيبك فاهم مش هسيبك عمر طاقته خلصت ودموعه نزلت : خلاص يا زهرة ، مبقاش في عمر زهرة مسكت ايده وباستها وحاولت تهديه: عمرهيبقي أحسن من الاول صدقني ، هيعمل العملية ويرجع ليا ولحياتي تاني ، ايدي في ايدك هنعدي كل حاجة زي ما طول عمرنا بنعمل عمر: خطيبك مش هيسيبك تفضلي معايا ودا حقه زهرة برفض: خطيبي مش أهم منك عندي ،كل حاجة في الدنيا تهون قصاد حياتك عمر: ولو رفض زهرة : يبقي ملناش نصيب مع بعض عمر : هتسيبي خطيبك علشاني زعرة: أسيب الدنيا كلها علشانك والله بس خليك معايا .. فات يومين وعمر بدأت جروحه تلتئم وزهرة مش بتسيبه في يوم زهرة كان عندها مرور علي المرضي وعمر في اوضته جاله جاسر عمر: اتفضل يا جاسر !!!! #مي_أمين#صديق_الطفولة البارت الخامس☺💜: عمر: اتفضل يا جاسر جاسر: ألف سلامة عليك يا عمر عمر ابتسامة: الله يسلمك جاسر: أومال فين زهراء عمر: عندها مرور جاسر: حلو أوي عشان نعرف نتكلم ، بص يا عمر أنا عارف أنت وزهراء قد ايه اصحاب وقريبن من بعض ، وعارف انك دلوقتي محتاج زهرة أكتر من أي وقت ، بس مينفعش الاقي خطيبتي وقتها كله معاك ، دي طالبة مني أجل الخطوبة لحد ما أنت تعمل العملية ، اعذرني يا عمر أنا مش هقدر أستحمل الوضع دا عمر : انا مقدر وعارف وضعك ، أنا بعتذر لك عن تصرفات زهراء واوعدك أنا هتصرف جاسر: شكرا يا عمر بجد عمر : العفو بعد ما خرج جاسر عمر لف بالكرسي بتاعه ناحية الشباك وقعد يعيط علي حب عمره اللي هتضيع منه بسبب عجزه زهرة خصلت مرور علي المرضي ودخلت الاوضة عند عمر لقتها ضلمة وعمر قاعد عند الشباك، شغلت النور راحت قعدت علي ركبتها قدامه زهرة بقلق: عمر مالك قاعد كدا ليه عمر: مفيش يا زهرة زهرة : ازاي يا عمر ومفيش وجاسر كان بيعمل ايه هنا ، شفته خارج من المستشفي عمر ضحك بوجع: تخيلي جاسر جاي يقولي ابعد عن خطيبتي ، خطيبته اللي عاشت معايا عمري كله عايزني ابعد عنها ،بس هو عنده حق أنا مينفعش أظلمك معايا ، روحي يا زهرة لخطيبك وسبيني زهرة بعصبية: قلتلك مرة مش هسيبك لما مهما حصل عمر: وأنا مش عايزك أنا حر زهرة بحزن: فعلا أنت حر يا عمر بس أنا مش هبعد عنك ولا أسيبك غير لما تقف علي رجلك ، وبالنسبة لجاسر أنا اصلا لسه موافقتش عليه عمر باستفهام: يعني ايه ؟ زهرة: يعني هو اتقدملي وانا قلت لبابا هفكر موافقتش أصلا ، بس بعد اللي حصل دا أنا مش هوافق عليه أصلا بعد اذنك يلا تعالي معايا عشان تاخد الدوا وتنام عمر : اسمعيني طيب زهرة: مفيش بينا كلام يا عمر عمر : أنا عايز أطلع من هنا انا زهقت زهرة : حاضر يا عمر الدكتور يشوف حالتك بس ونسافر أنا وأنت البلد الدكتور شاف عمر وكتبله علي راحة شهر عشان يعمل العملية في ضهره وبعدها سافر هو وزهراء البلد في بيت عمر عمر : خلاص بقا يا أمي أنا كويس اهه ليلى(والدة عمر) بعياط: كدا برضو يا حبيبي تعمل حادثة وتدخل عمليات واحنا هنا متعرفش حاجة عمر: مكنتش عايز اقلقكوا معايا ياست الكل ليلي: اخص عليك يا عمر ودورت وشها لزهراء: ينفع كدا يا زهراء منكنش معاه في الوقت زهرة: والله يا ماما هو مرضاش يخليني اقول لكم حاجة حتي نبه علي ماما متقولكمش ليلي: وهي امك كمان عارفة طب لما اشوفها عمر: أنا محتاج ارتاح شوية عشان تعبت من السفر ليلي: حاضر يا حبيبي دخليه اوضته يا زهراء لحد ما اعمل لكم الغداء زهرة : ممكن بقا تتعدل عشان اطلعك علي السرير عشان ترتاح شوية عمر بقمصة: هو انتي هتفضلي ضاربة بوز في وشي كدا زهرة: ايوا هو دا اللي عندي نام يلا عمر: مش نايم بقا انا حر زهرة: طب عايز ايه اعملهولك عمر بزعل: عايزك تسامحيني انا آسف زهرة: طيب بما انك كويس دلوقتي أنا هروح اشوف ماما وبابا لحد ما يجي معاد الدوا والغداء عمر بطفولة : طب أنا مش هاكل ولا هشرب ولا هاخد الدوا ويارب افضل كدا علطول لو فضلتي زعلانة مني زهرة: بعد الشر يا غبي انت متقولش كدا عمر : انتي اللي هبلة عشان زعلانة مني زهرة : خلاص يا سيدي مش زعلانة منك عمر بلهفة : بجد يا زهرتي زهرة بابتسامة : بجد يا عموري عمر: طب أنا هنام بقا دلوقتي خليكي قاعدة جنبي شوية زهرة: حاضر الايام بتعدي وزهرة مع عمر طول الوقت مش بتسيبه أبدا وكل يوم حبه ليها بيزيد زهرة: خلاص باقي اسبوع علي العملية وترجع تمشي تاني يا بطل عمر: أنا خايف مقدرش أمشي تاني زهرة: اوعي تقول كدا تاني ان شاء الله هتقوم وتجري وتعمل كل اللي أنت عايزه عمر بتوتر وخوف : لو العملية فشلت هتفضلي جنبي زهرة: عمري ما هسيبك أبدا بس انت هترجع تمشي تاني أنا واثقة في كرم ربنا ، يلا بقا ندخل جوا الجو هيبرد عليك عمر: طيب انا همشي بالكرسي عشان متتعبيش انتي زهرة مسكت الكرسي وابتسمت: يا سيدي أنا مرتاحة كدا هو انا اشتكيتلك بكرا أخد المقابل بتاعي لما تقف علي رجلك تاني عمر بتسلية: وانا اقول هي بتعمل كدا لله زهرة: لله مين يا حبيبي أنا مادية جدا علي فكرة بعد اسبوع بعد خروج عمر من اوضة العمليات والكل جنبه مستنيه يفوق الا زهرة قاعدة برا خايفة وقلقانة بعد فترة طويلة عمر بدأ يفوق وكان بيتكلم بهلوسة بسبب تأثير البنج ليلي: حمدلله علي السلامة يا حبيبي عمر : الله يسلمك يا ماما الكل اتكلم معاه وهزروا معاه عمر: هي فين زهرة أمال والدة زهرة: برا يا حبيبي مش مشكلة عياط و مش راضية تدخل الا لما انت تفوق عمر : ممكن تناديها يا طنط امال : حاضر يا حبيبي ...قطع كلامهم دخول الدكتور وطلب منهم كلهم يخرجوا عشان يكشف عليه الدكتور: عامل اي دلوقتي يا بطل عمر: مش حاسس بجسمي خالص الدكتور بصدمة : ازاي دا .... يتبع...... ان شاء الله الجاي هيكون الاخير🥳💃 #مي_أمين#صديق_الطفولة البارت الاخير🥳: الدكتور بصدمة : ازاي دا .... بعد فترة خرج الدكتور ودخلت زهراء تطمن عليه عمر: سيباني وقاعدة برا ليه زهرة بعياط: كنت خايفة عليك عمر : طب تعالي قربي مني هنا زهرة قعدت علي ركبتها قدامه: أنت كويس؟! عمر: أنا بحبك زهرة: ايه، أنت قلت ايه؟! عمر: العملية فشلت وهفضل كدا طول عمري زهرة بعياط : مش مهم مش مهم أنا هفضل معاك دايما ومش هسيبك خالص هفضل دايما سندك ورجلك اللي هتمشي بيها عمر: مش هيجي يوم وتزهقي مني ولا تروحي تتجوزي وتبعدي عني زهرة هزت دماغها برفض: مستحيل أسيبك عمر مسك ايديها: طيب أنا بحبك زهرة: عارفة وانا كمان بحبك انت أخويا وصحبي عمر: لا أنا بحبك من التانية دي بتاعة جوزي وحبيبي مش أخويا وصحبي زهرة: عمر متهزرش عمر: عمر مش بيهزر عمر بيحبك وهيتجوزك ويكمل حياته كلها بين ايديكي يا زهرة حياتي كلها وعلي فكرة العملية نجحت وأنا كنت برخم عليكي وكلها اسبوع واقوم اجري واتنطط معاكي أنتي زهرة: بجد يا عمر عمر بحب: بجد يا قلب عمر الدكتور قالي ان العملية نجحت واني مش حاسس برجلي طبيعي بس في الاول كدا زهرة ضربته علي كتفه: علي فكرة أنت رخم بتعمل فيا مقلب وانا بموت من خوفي عليك عمر: بعد الشر عليكي يا زهرتي قومي بقا نادي للناس اللي برا دول عمر : يا عمي أنا عايز أتجوز بنتك دي علي والد زهرة: مكتوبالك يا سيدي من وانتوا عيال عمر : ازاي بقا علي: أبوك لما انت اتولد وبعدها بشهرين زهرة اتولدت قال العيال دي لبعض لما يكبروا بس محبناش نقول لكم حبينا انتوا تكونوا عايزين بعض من غير ضغط مننا زهرة: أنتو كنتوا بتخططوا من ورانا بقا عمر: شكلهم كدا بعد شهر من يوم العملية عمر اتعافي بشكل كلي بعد العلاج الطبيعي ورجع لحياته هو وزهرة للعيادة والمستشفي وكتبوا كتابهم وفي يوم عيد ميلاد زهرة الصبح في المستشفي بعد ما كان عندهم عملية واتأخروا فيها دخلت زهرة اوضتها ترتاح سمعت علي الدكتورة زهراء التوجه لقسم الطوارئ حالا لأمر هام راحت بسرعة تشوف الحالة اللي استدعوها علشانها لقت الممر كله متزين بورد وبلالين وكله بيعايدها بعيد ميلادها وسمعت عمر بيتكلم في المايك عمر: شكرا لوجودك اللي بيلون حياتي ، حياتي من غيرك ملهاش أي معني ، أنتي معايا من يوم ما فتحت عيوني عمرك ما سبتيني أبدا ودايما واقفة جنبي ، آسف علي كل لحظة زعلتك فيها، بحمد ربنا كل يوم علي وجودك معايا ، بحبك واكتشفت اني محبتش ولا هحب حد غيرك شكرا من كل قلبي يا زهرة قلبي وحياتي كلها وبعدها ظهر عندها وقدم لها هديتها وبوكيه ورد وشوكلاتات كتيرة عمر: كل سنة وانتي طيبة يا روح قلبي...بحبك زهرة: وأنا طول عمري مخبية في قلبي النهاردة لازم اقولك انك طول عمرك في قلبي ومفيش غيرك أبدا عمر شالها ولف بيها : بحبك يا فرحة عمري كله وكلما هزمتني الحياة جئت اليكِ فوجدتكِ موطني♥️ #تمت 🥺♥️ #زهرة_عمر #مي_أمين شكرا جدا علي أرائكم وتشجيعكم الجميل ليا 🥺♥️♥️ انتظروني في اسكريبت جديد قريبا🥳💃💃

مقالات ذات صلة

ملاذ3

يمكن بح.بك

حبيب الروح منال عباس

قصه كامله

اترك تعليقاً إلغاء الرد