البارت التاني يوسف:مش تعرفينا يا نورا نورا:بضحك دي سارة يا يوسف يوسف:سارة مين نادية(ام يوسف) قربت من سارة وحاوطتها بايديها :وهو احنا عندنا كام سارة سارة بنت عمك محمد يوسف بصدمة مكنش يتوقع انها لبست النقاب قرب منها وحاول تكون ردة فعله عادية وبهدوء مصطنع(رغم شعوره بالسعادة من قرارها وانها حفظت نفسها وخبتها عن عيون الناس) :ازيك يا سارة اية مش هتقوليلي حمد لله علي السلامة ولا ايه (قالها باستفزاز وبرود وهو بيبص في عنيها)
سارة ببرود اكبر وكأنها بتتحداه :لا طبعا ازاي انت اخويا الكبير حمدلله علي سلامتك يا يوسف مد إيده يسلم عليها قالتله:اسفة يا يوسف مبسلمش وسابته ودخلت هي ونورا يحطوا الاكل علي السفرة هدي(ام سارة) :معلش يا يوسف بس هي مش بتسلم علي حد اجنبي عنها ده حتي أصحاب ابوها لما بيجوا عندنا بتقولهم مبسلمش يوسف:لا يا طنط عادي كويس انها بتعمل كدة دة الصح (في سره:اوعدك يا سارة اني هصلح غلطتي وهخليكي تغيري رأيك فيا وتحبيني زي زمان اوعدك انك هتكوني ليا انا وبس زي ما حافظتي علي نفسك وصونتيها انا كمان اتغيرت ورجعت زي زمان يوسف اللي بيحبك)
سارة ونورا حطوا الاكل علي السفرة الرجالة قعدت تاكل والستات دخلو جوه علشان سارة تعرف تاكل براحتها كمان علشان موجود خطيب ليلي (حسن) وابن عمتهم (حمزة صاحب ياسين في نفس السن بس حمزة دكتور اسنان) خلصو اكل وبعدها طلعو يقعدو كلهم في جنينة البيت (تحت بيتهم عاملين جنينة صغيرة) حمزة لي اخت (مريم في تالتة ثانوي) سارة ونورا ومريم وليلي قعدو يلعبو كوتشينا ويوسف وحمزة وحسن كانو بيتكلمو في الشغل كل واحد كان بيتكلم في مجاله
وحسن قالهم انه حدد فرحه هو وليلي هيكتب الكتاب والفرح الاسبوع الجاي كلهم فرحو لليلي وباركولها هي وحسن عدي اسبوع محصلش فيه حاجة غير تجهيزاتهم لفرح ليلي جيه يوم الفرح سارة لبست فستان ستان لونه احمر وعليه نقاب لونه ابيض ونورا لبست فستان رمادي كان شكلهم حلو اوي هما الاتنين ويوسف لبس بدلة سودة هو وحمزة (الفرح كان إسلامي الستات في قاعة والرجالة في قاعة) وهما مروحين يوسف ركبت معاه نورا وسارة، سارة اتضايقت انها راكبة معاه وهي بتركب شاف الفستان اللي كانت لبساه ركب وراح بصصلها وقالها ممكن اعرف ايه اللي انتي لابساه ده قالتله ايه ماله
بعصبية:انتي مش شايفه ان شكلك ملفت باللون دة سارة اتخضت من عصبيته :لااا مش شايفة فيه حاجة ملفتة ولو كان فيه كان بابا قالي لكن انت ميخصكش في شئ البس ملفت ولا ملبسش يوسف بهدوء مصتنع:ماشي يا سارة لما نروح نشوف رأي عمي في الموضوع ده بعد الفرح بيوم حمزة أتقدم لنورا لأنه كان معجب بيها ومستني الفرصة المناسبة، ونورا وافقت وقالوهيعملو خطوبة عائلية في البيت
عدي يومين علي الموقف ده وسارة كانت قاعدة في البيت ، عملو الخطوبة وسارة كانت فرحانة اوي لنورا علشان كانت عارفة ان نورا كانت معجبة بيه، كان فيه ست في الخطوبة شافت سارة وعجبتها وبعد الخطوبة بيوم كلمت مامة سارة ان ابنها يجي يتقدم لسارة، كانو قاعدين كلهم تحت ما عدا سارة ونورا كانو في الكلية محمد :يا جماعة سارة متقدملها عريس ومحتاج اخد رأيكو هو شاب محترم يوسف اول لما سمع الكلام ده اتعصب وقاله :وانت موافق ياعمي
محمد:انا لسة ما أخدتش رأي سارة لو ارتحت له هوافق يوسف من غير تفكير :انا بحب سارة وعايز اتقدملهت انا كنت بس مستني الوقت المناسب ومش هسمح لحد انو يبقي مكاني علشان سارة بتاعتي انا وبس لوسمحت يا عمي ارفضه وقول لسارة بس قولها يوسف هو اللي اتقدملك محمد:والله يا ابني انا هبقي مطمن علي سارة وهي معاك هقولها وأمري لله ، (يوسف قرر انه لازم ياخد خطوة ويتقدم علشان مضيعش منه) قال لباباه ومامته انه عايز يتجوز سارة
نادية:زغرطت الف مبروك يا ياحبيبي يوسف:لما توافق يا أمي زغرطي براحتك😂😂 نادية:انشاء الله هتوافق وهي هترفض ليه انت بتحبها يوسف:يا رب يا أمي توافق يارب يوسف كان خايف عارف ان سارة هترفض عارف انها عنيدة. سارة لما رجعت من الكلية باباها فاتحها في الموضوع محمد:ها يا بنتي ايه رأيك سارة:لا يبابا مش موافقة انا عايزة اكمل دراستي الاول محمد:ومين قال انك مش هتكملي دراستك يوسف هيمنعك سارة:بصراحة يبابا انا بعتبر يوسف اخويا الكبير ومش شايفاه غير كدة( كدابة اوي😂😂)
محمد :خلاص يا بنتي انا اهم حاجة عندي راحتك بعدها محمد بلغ يوسف وقاله كل شئ قسمة ونصيب، يوسف كان عارف انها هترفضه، قاله ممكن اعرف سبب رفضها ايه محمد:بتقول شايفاك اخوها الكبير مش شايفاك حاجة تاني يوسف:أأأ ايه اخوها، ماشي يعمي انا بس طالب اني اقعد معاها واوعدك هخليها تغير رأيها محمد:ماشي يا ابني هقولها محمد قال لسارة كانت متضايقة لأنها مش هتعرف ترفض بس كانت في نفس الوقت مبسوطة ان يوسف بيحبها وبيحاول علشانها وبقي كويس (هي سامحته بس قالت هعذبه معايا شوية وريني هتستحمل ازاي يا سي يوسف)
حددوا يوم يوسف طلعلهم الشقة بتاعتهم كان لوحده عمه فتحلوه يوسف:السلام عليكم يا عمي(وكان جايب بوكيه ورد وتشكوليت من اللي سارة بتحبها) دخله الصالون ومامتها راحت تناديها علشان تطلع العصير هدي(ام سارة) :لابسة النقاب ليه يا سارة مش المفروض النهاردة رؤية شرعية يعني من حقه يشوف وشك سارة:افرضي متفقناش يكون شاف وشي كده وخلاص لا طبعا علشان انا عارفة اني هرفضه برضو مش عارفة ايه لازمتها الزيارة دي هدي:اتلمي وطلعي العصير مش فاهمة انتي رافضاه ليه دي الف واحدة تتمناه
سارة:انتي بنفسك قولتيها الف واحدة بس مش انا هدي :اطلعي انا هيجرالي حاجة منك صبرني يا رب سارة:بعد الشر عليكي ياهدهد طالعه اهو بس متندموش في الاخر بقي😂😂 سارة طلعت حطت الصينية وباباها قالها اقعدي قعدت وبعدها باباها سابهم لوحدهم وخرج سارة كانت بصة في الأرض ساكتة يوسف:والله كنت لابس جزمة جامدة بس ابوكي مرضيش يدخلني بيها قالي سارة منضفه وهتزعل لو بهدلتلها الأرض وانا مقدرش علي زعلك سارة:نعم
يوسف:اصل شايفك باصة علي الشراب ومركزة اوي معاه انا جاي علشان تركزي معايا مش مع شرابي سارة :ايوة برضو مفهمتش انت جاي ليه يوسف: بهزار وضحك سارة انتي لسة غبية زي ما انتي هكون جاي ليه جاي علشان حضرتك رفضتيني وانا عاوز اعرف اسباب رفضك و متقوليش علشان انا شايفاك اخويا الكبير علشان مش داخلة دماغي. سارة:اولا انا مش غبية ثانيا انا اللي بسألك انت جاي ليه بعد ما رفضتك ايه مش متقبل ان حد يرفضك
يوسف:لا طبعا بس انتي كنتي بتحبي سارة قاطعته:كنت بحبك يا يوسف انت قولتها بنفسك لكن دلوقتي خلاص يوسف:انا عارف اني جرحتك بس انا حقيقي اتغيرت نفسي تسامحيني سارة:اسامحك للأسف يا يوسف انا مسمحاك من زمان مش عارفة اكرهك عارف ساعات كنت بكره حبي ليك لأنه خلاني اتنازل عن حقي يوسف:انا حقيقي اسف عارف اني ظلمتك بس وقتها انا كنت خايف عليكي مني خايف اقولك اني انا كمان بحبك معرفش احافظ عليكي وتبقي زي اي واحدة انا كلمتهم قبل كدة كنت لازم اقسي عليكي علشان تبعدي عني ارجوكي انسي اللي فات وتعالي نبدأ صفحة جديدة محتاج فرصة اثبتلك اني فعلا اتغيرت
و بدموع:موافقة يا يوسف بس اوعدني انك مش هتجرحني ولا تخذلني تاني يوسف :اوعدك يا سارة ✨♥️