خاتم للبيع ياانسه...خاتم للبيع ياامدام...الخاتم بخمسه جنيه؟!! كنت ماشيه انا وماما في سوق العتبه ولفتني صوت واحد بينادني ع خواتم للبيع..ماما كانت واقفه مشغوله فالقماش اللي بتشتريه -ممكن اتفرج ع الخواتم لاقيته ابتسملي ابتسامه طيبه•طبعا طبعا يابنتي اتفضلي كنت بتفرج ع الخواتم كانت خواتم عاديه جدا انا مكنتش محتاجه اشتري لكن لقيته راجل كبير وااضح عليه معالم التعب فـ قولت اجبر بخاطره واشتري..لحد مالفتني في العلبه خاتم بيلمع مع ضوء شعاع الشمس،والفص اللي فيه لونه بلون العسل وبيملع وحلو جدا امل باتبسامه كبيره:انا هاخد دا الراجل بابتسامه كبيره:عنيا لـ ست البنات الصغيره بصراحه كنت ناويه اخد الخاتم دا بس لما جبر خاطري بكلمتين دول خدت كذا خاتم كمان صحيح مكنوش عجبني بس كنت مبسوطه بالخاتم اللي خدته نيره:هاا خلصتي ياامل امل:اه ياماما خلصت خدنا الخواتم ومشينا رجعنا ع البيت ،كان الكل مستغرب فرحتي بخاتم بخمس جنيه عادي يعني! لبست الخاتم في ايدي وكنت مبسوطه بلمعته جدا .. لبس فرعوني غريب انا لابسه واحده واقفه قصادي بعيون متكحله ولابس زي لبسي وتماثيل غريبه واشكال غريبه جدا اواني من نحاس لكن الصوره مهزوزه قصادي! قومت من نومي بفزع وقعدت اخد نفسي بقوه استعيذ بالله من الشيطان -اي الحلم الغريب دا وقعت وسط الفراعنه ضحكت ع احلامي الهبله الغريبه وشربت مايه ورجعت نمت امل بسعاده:صباح الفل يانونه نيره:نونه يبقا مزاجك حلو ورايق امل:طبعا يانونه عندي ميتيج مهم جدا انهارده نيره :يابنتي بقا سيبك من الشغل شويه وركزي فالعرسان اللي بتجيلك دي امل :طب بذمتك فنجان القهوه بتاع المكتب مش اهم من عريس جاي بعلبه جاتو؟! نيره:انا بتكلم جد اختك الاصغر منك اتخطبت وانتي لسه بترفضي في عرسان امل:نصيب يانونه نصيب...بقولك اي ناوليني الزتونه الحلوه دي ابلع بيها خلصت فطاري ونزلت ركبت العربيه بتاعتي وانا حاسه ان مزاجي رايق جدا وشغلت منير ورايحه في طريقي للجريده اللي بشتغل فيها امل بابتسامه:صباح الفل ياعم عادل ياريت كوبايه القهوه بتاعتي ع السريع عادل:عنيا لـ ست البنات نور:اهلا اهلا بالهانم اخر مقاله ليكي مكسره الدنيا ومش عارفه اوصلك تليفونك مقفول امل:طبعا لازم تكسر الدنيا يابنتي ...انا نايمه امبارح بدري انتي عارفه اني بقفل التليفون نور:طب بقولك اي ركزي فالميتنيج بتاع انهارده دا مهم ليكي جدا...اي دا انتي جبتي خاتم جديد امل:دا خاتم جبته من العتبه امبارح بخمسه جنيه بس نور باستغراب:احلفي بالله دا بخمسه جنيه؟! امل:اه والله.. شربت كوبايه القهوه بتاعتي ودخلت الميتينج حضرته والحمدلله عدي ع خير وباقي يومي فالجريده عدي كمان كنت طالعه سلم البيت وانا مش قادره من اليوم الطويل فالجريده..فجاه حسيت ان رجلي اتثبت ع السلم ومش قادره احركها وحد بيزقني لـ ورا حاولت اعافر عشان احرك رجلي وبمسك جامد عشان مقعش..لحد مالاقيت واحده قصادي باللبس الفرعوني اللي شوفتها فالحلم وبعيونها المتكحله باللون الاسود وهي اللي بتزقني من ع السلم ..كان شعرها اسود ووشها كله تجاعيد باين انها كبيره فالسن لكنها بتحاول عشان تداري كبرها دا شعرها اسود وباين في خطوط بيضا.. حاولت ابعدها عني معرفتش حاولت اصرخ معرفتش صوتي مش طالع لحد ماحسيت ان خلاص مبقتش قادره اعافر لحد اخر لحظه زقتني بقوه وعيونها كلها غل وحقد وشر...وقعت من ع السلم واخر حاجه شوفتها هي واقفه قصادي بتتبسم بشر وغل مستشفي..اوضه عمليات..عنايه مركزه..! نيره بدموع:لو سمحت يادكتور طمني ع بنتي الله يكرمك الدكتور:احنا بنحاول والباقي ع ربنا ادعيلها لان حالتها حرجه احداث بتمر بسرعه.. بنت صغيره في حدود 7سنين بتعيط جنب سرير واحده ميته وبتردد "ماما..ماما" لحظه واحده دي انا! حوران:يتم نقلها لغرفه التحنيط ناميسا بدموع:امي!!! لا اريدها ان تذهب حوران بحزن:تعالي معي ياناميسا كنت ماشيه مع معاه وبعيط بقوه وهو باين عليه الحزن والزعل لاقيته دخل اوضه مرسوم ع جدرانها نقوشات ورسم وطوب بارز وراح ناحيه صندوق خشبي ناميسا بدموع:امي ..لا اريدها ان تذهب ارجعلها لي! حوران بحزم:ناميسا!!..انتي الان سيده هذا القصر ناميسا:انا سيده القصر!!! حوران:نعم..وسيده القصر لا يجب ان تبكي ازيلي اثار بكائك الان! مسحت دموعي زي ماقال ولاقيته بيفتح الصندوق الخشب اللي في ايده وجواه مجواهرت كتير وفيها احجار الياقوت والزمرد! لحد ماجاب خاتم صغير من الصندوق اللي في ايده ومسك ايدي ودخله في صابعي كان كبير لكنه كان حلو جدا.. حوران:سيده القصر ترتدي الحُلي والمجوهرات ولا تبكي! كبرت بين جدران المكان دا وانا سيده المكان وكل كلمه ليا تتنفذ كنت معروفه بجمالي بين كل الناس...بعيوني اللي بلون العسل الدايب وشعري الاسود الطويل وببشره بنعومه بشره الاطفال وخدود بلون الورد! كنت مع كل لحظه بكبرها كنت بزيد انوثه ورقه وشجاعه وجمال! كنت ديما اسمع ان اسمي بيدل ع جمالي حوران بابتسامه:ناميسا هو تألق الالماس ناميسا بسعاده:يعني انا هو الالماس حوران:واغلي منه يالماستي الصغيره.. كنت كل حاجه في حياتي ماشيه طبيعي لحد ماوصلت لسن الـ 17 ولاقيت بابا بيبلغني بجوازه حوران:امرأه تدعي ماكينا..سوف تراعكِ وتراعني ناميسا:لكني لست بحاجه لاحد يراعني! حوران:ولكني بحاجه الي ذلك .. بين شروق الشمس وغروبها اتبدلت كل حياتي!! مع واحده جديده دخلت حياتي قلبتها رأس ع عقب.. بابا اتجوزها ومع اول لحظه شوفتها فيها كانت نوايها الخبيثه واضحه! احداث بتمر بسرعه صوره مهزوزه..شر وخناق كتير احداث كانت بتمر زي شريط فيلم لحد ماوقفت الاحداث عند اللحظه دي واقفه ع سلم عالي ..ماكينا واقفه ماسكه ايدي وبتبسملي بغل وشر ماكينا:سيده الجمال الصغيره ناميسا بغضب:انزليني وإلا.. ماكينا بسخريه:والا ماذا..استخبرين والدك العجوز..لكن لن تستطيعي ان تخبريه ..ولحد مالاقيتها فلتت ايدي ووقعت من السلم بقوه!!!! ......... نيره:اي يابنتي الدكاتره بيجروا كدا ليه الممرضه بسرعه:المريضه فجاه جاهز النبضات وقف وهيعملوها صدمات ع القلب نيره بدمووع:يااارب يااارب انت القوي نجيهاا ياارب ريم بدموع:ياارب امل اختي تبقاا كويسه يااارب فات ساعه والتانيه كانت نور وصلها الخبر وجت ع المستشفي.. نور:اهو الدكتور خرج ياطنط نيره بتعب ودموع:بنتي يادكتور طمنوني الدكتور:بنتك كانت الخبطه قويه عملت نزيف فالمخ و كانت للحظه تقريبا ماتت والاجهزه وقفت..وبين ثانيه والتانيه رجعت نبضات القلب تاني وجسمها بدا يستجيب لكل حاجه ..هي حاليا لسه مفاقتش لكن اللي حصلها دا معجزه احمدي ربنا ... كنت بحاول افتح عيني لكن حاسه بصداع رهيب وسامعه اصوات كلام جنبي لكن مش قادره اميز صاحب كل صوت فضلت اغمض عيني واحاول افتحها لحد ماقدرت افتح عيني كويس وبدأت اعتاد ع الضوء نيره بفرح:اامل بنتي حبيبتي حمدلله ع سلامتك امل بصعوبه:ال..الخا..الخاتم! كنت بحاول ارفع ايدي عشان اطمن ع الخاتم لسه موجود ريم:خاتم اي دلوقتي ياامل انتي بقيتي كويسه الحمدلله دي اهم حاجه رفعت ايدي اطمنت ع الخاتم انه لسه موجود...كان..كان الخاتم اللي لبسه حوران لـ ناميسا هو الخاتم بالظبط!!! كنت حاسه اني وسطهم لكن في عالم تاني مش قادره اتجاوب معاهم غير بأقل الكلام.. صوت صريخ بيتردد في ودني..وصوتها هي كمان بيتردد في بالي مش قادره ابطل اسمعه "سيده الجمال الصغيره" صوتها ونظرتها مش عارفه اخرجهم لحد ماحسيت اني بدات افقد اصعابي حطيت ايدي ع ودني وفضلت اصرخ بقوه يتبع... #خاتم_فضه🖤بارت 2 فات اسبوع وانا تقريبا مبنامش غير ساعه فاليوم وطول الوقت صريخ عالي من صوتها اللي بتردد في دوني..وجع في جسمي مكان الوقعه ،صداع بيآكل من طبقات عقلي من كتر الوجع،وصلت لانهيار ابعدي ياماكينا ابعدددي...ابعدي ياماكينا لا لا بلاش توقعيني بلااش وديما شايفه المكان قصادي عباره عن بيت كبير عليه رسومات غريبه والحيطان فيه بارزه اواني كلها نحاس لبس غريبه طريقه كلام غريبه نيره:يادكتور اي اللي حصل لـ بنتي الدكتور بعمليه:غالبا اللي هي فيه دا بسبب ان الوقعه اثرت ع المخ نيره:ازاي يادكتور دي مبتنامش ع طول بتصرخ بتخترف باسامي ناس غريبه الدكتور:يبقا تعرضوها ع دكتور نفسي دكتور نفسي!!!!!! خرجت من المستشفي بعد كام يوم لما لاحظوا ان الجرح الجسماني خف بسرعه ! كنت زي مايكون في ملكوت تاني مش حاسه باللي حواليا اصوات كتير زي رقع الطبول في ودني نور:طب ياامل اتكلمي معايا وقوليلي اللي حاسه بيه بصتلها وسكت..كل واحد بيطلب مني نفس الطلب لكن لو حكيت هيفهموني! حسيت بصدي الصوت من جديد بيتردد تاني جوايا امل بتعب:اطلعي نور بصدمه:بتقولي اي ياامل امل بصريخ:اااطلعي براااا اطلعييي كان الصوت خلاص بيقرب غمضت عيني بقوه وبدات احس برعشه جسمي بقوه جسمي كان زي مايكون متثبت مش قادره احركه كان الصوره مهزوزه بقوه قصادي لكن بدات توضح..تلاته مسكاني بقوه ومثبتني مكاني..وهي بتقرب مني بنفس نظرتها المرعبه والمخيفه ..لاقيتها فكت العقد اللي حوالين رقبتي وانا بحاول اعافر او اصرخ مش قادره.. فكت العقد من حوالين رقبتي وبتحط اله حديد كانت في ايدها ع النار ولاقيتها قربتها ع رقبتها ولافتها ع رقبتي مكان العقد بالظبط حاولت اصرخ معرفتش كانوا كاتمين نفسي.. الم الحرق اللي هي بتعملهولي كان واصل لقلبي من كتر الوجع..وفجاه بدات الدنيا تسود حواليا ومحستش بحاجه! نيره:ااامل...يااموله يلا ياحبيبتي اصحي بدات افتح عيني لاقتني في اوضتي وع سريري لكن حاسه بوجع الحرق نيره :بعد مانور نزلت امبارح دخلت لاقيتك نمتي مردتش اصحيكي تاني ..انتي كويسه امل:كويسه نيره:طب هحضرلك الفطار واجي استنيتها لما خرجت وبصيت مكان الوجع لاقيت فعلا اثار حرق ع رقبتي..بصيت ع الخاتم اللي لسه في ايدي وبصتله بقوه لحد ماحسيت بالفص بتاعه بيلمع بقوه نيره:اامل ياامل اتلفتلها بسرعه لما حسيت بحد بيلمس كتفي نيره:اي يابنتي بنادي عليكي مبترديش ..اقعدي يلا عشان تفطري قعدت كلت كام لقمه بس وقومت بقيت اغلب الوقت بقضيه في اوضتي مبتكلمش مع حد والاحداث اللي بتمر في بالي الغريبه..وكأني شخص تاني -كنت ماشيه في مكان ضلمه وفاضي موجود فيه اشجار بس لحد ماوصلت لنهر بصيت فيه شوفت انعاكسي مع ضوء القمر ع المايه بشعري الاسود الطويل وبشرتي الخمريه ولبسي الفرعوني الطويل وعقد ملفوف ع رقبتي بفصوص من الزمرد والياقوت والخاتم في ايدي ،،ابتسمت بثقه وكملت خطواتي وكأني عارفه طريقي عارفه انا رايحه فين فضلت ماشيه كتير وكل ماامشي ضوء القمر بيخف والضلمه بتزيد لحد ماوصلت لارض محفوره والتابوت خارج منها ومفتوح..بطأت خطواتي براحه وقربت من التابوت ووقفت مشلوله من الصدمه كانت جتثي جوا التابوت ودم بينزل من دماغي!!! فضلت اصرخ وابعد بقوه واجري بعيد اتفزعت من النوم وانا بنهج ومش قادره اخد نفسي امل:انا هسافر يعني هسافر ومش هرجع في كلامي نيره:يابنتي انتي لسه مبقالكيش غير اسبوعين بس ولسه تعبانه سفر اي دلوقتي وليه وفين امل:انا عايزه اسافر نيره:وانا قولت مفيش سفر يعني مفيش سفر استنيت لحد ماناموا كلهم وجهزت شنطتي وكل حاجه محتاجها ونزلت ركبت القطر اللي رايح لـ "طيبه " « الاقصر» كنت مستعده للطريق دا جدا لان كنت محتاجه ان الاقي نفسي وارتاح كنت حاسه بأني جوا عالم وكيان تاني «محافظه الاقصر» كنت الجمله مكتوبه ع يافطه كبيره جدا قصادي اتنهدت وقومت نزلت من القطر ع المحطه..انا حتي مش عارفه انا هوصل للطريق ازاي بس انا روحي سحباني وكأنها عارفه الطريق وبتدلني عليه البلد كانت متقسمه لـ شرق نهر النيل وهي مدينه الاحياء ،المدينه اللي ناس بتعيش فيها عادي حياتها بشكل طبيعي لان الحياه بتبدأ من شروق الشمس والمصريين القدماء كانوا بيعتبروا شروق الشمس بدايه حياه،والقسم التاني وهو غرب نهر النيل او مدينه الموات لان مكانها بتغرب الشمس وهي نهايه الحياه للمصريين القدماء وكان بيتم فيها دفن الاموات من الفراعنه! بلد أثريه بكل ماتحمل الكلمه من معني..انا كنت متجهه للناحيه الغربيه او زي مابتتسمي الاثار الجنزيه وتخص اموات الفراعنه وكان الملوك منهم يتبني ليهم اهرامات ضخمه عشان يتدفنوا فيهم.. صحرا واهرامات مبنيه كتير في كل مكان،سياح موجودين فالمكان داا فضلت ماشيه لحد فجاه وقفت وحسيت بنفضه قويه جوايا .. غمضت عيني وشوفت التابوت المفتوح تاني قصادي شهقت بقوه وفتحت عيني تاني ووطيت مكاني فضلت امسح ع الرمل وحاسه بجسمي بيتنفض ..غمضت عيني وفضلت ملامسه المكان وكأن روحي بتوصل لتحت الارض وجسمي مكانه متحركش طبقات رمل كبيره وبعافر عشان اوصل لحد ماوصلت للتابوت فتحته بسرعه وشوفت الجثه متحنطه جواه ،كان مش واضح اي اثار ملامح لكن كنت عارفه انها انا ناميسا!! شهقت بقوه واتنفضت وكأني روحي اتنفضت جوا ضلوع جسمي من تاني فتحت عيني لقيت الكل حواليا بيبصولي باستغراب قومت بسرعه نفضت الرمل من ع هدومي ومشيت .......... تليفوني فضل يرن وقت كتير مكنتش عارفه ارد اقولهم اي انا فين وليه فضل ساعه وازيد بيرن وانا مبردش انا زي التايهه مش قادره افسر اللي بيحصلي ولا اي سببه ولا حد هيفهمني ولا لا ..لحد اخر رنه ع التليفون قررت استنجد بـ اي حد زي الغريق ينجده لاقيتها نور نور:اي ياابنتي كل داا رن امك واختك قلقانين عليكي انتي فين ياامل امل:الاقصر نور:الاقصر!!!!! روحتي تعملي اي هناك امل:انا محتاجاكي تعاليلي ضروري نور:طب هجيلك قوليلي المكان بالظبط فصلت قاعده مستنياها لحد ماوصلت واول ماشوفتها جريت حضنتها وفضلت اعيط..كنت غرقانه..كنت تايهه موجوعه كنت محتاجه حد يطبطب عليا ويفهمني خدتها وفضلنا قاعدين وحكتلها كل حاجه حاسه بيها وبشوفها!!! نور بصدمه:يعني اي ياامل انا مش فاهمه حاجه امل:ولا انا فاهمه اي اللي حصلي كل اللي فاهمها اني اتقتلت قبل كدا وكنت عايشه في جسم بنت اسمها ناميسا من الفراعنه واللي موتتها هي مرات ابوها وحرقتها حتي بصي مكان الحرق معلم ع جسمي ورتها الحرق لاقتها شهقت بصدمه البنت دي ماتت لما وقعت من ع السلم نفس الوقعه اللي وقعتها وانا عارفه المكان اللي انا مدفونه فيه قصدي اللي مانيسا دي مدفونه فيه فهمتيني!!! نور :فهمت اي بس اللي بتحكيه دا مفيش عقل يصدقه امل بدموع:بس انتي لازم تصدقيني لان انا اللي حاسه بكدا وموجوعه نور:طب اهدي اهدي هنلاقي حل متقلقيش روحنا فندق عشان نبات فيه ونور اتصلت بماما وطمنتها عليها ووصتها متحكيش اي حاجه كنت شايفاها وهي قاعده بتعمل سيرش ع النت بالاعراض اللي حاسه بيها وملازمني بتحاول تتواصل مع دكاتره نفسيه لرفضي التام اني اروحلهم حاسه ان لو روحت لحد منهم هيقول عليا مجنونه رسمي نمت مكاني وانا مش حاسه .. كنت واقفه في ركن بعيد بحاول اتحرك مش عارفه رجلي متثبته في المكان لحد ماشوفتها قصادي جايه بتتسحب! هي ماكينا!!! كانت بتمشي بخبث وشر واضح وانا واقفه في ركن بعيد لكن شايفه كل حاجه قربت ع حوران فضلت تكتم نفسه وهو بيعافر لحد ماعافرته قلت وجسمه اتنفض وبعدين هدي خالص وتقريبا مات مبقاش يتنفس كنت واقفه مكاني بعيط بقوه وبحاول اتحرك او اتكلم لكن مش قادره اتحرك وصوتي مش طالع شوفتها راحت ناحيه صندوق الحلي والمجهرات كله لميته ولميت كل حاجه فالمكان وخدتهم وطلعت تجري -ااامل اصحي ااصحي اتفزعت من النوم ونور بتصحيني نور:انا وصلت لحاجه بس مش متاكده امل:حاجه اي؟! نور:اللي فيكي دا...دا ..استنساخ ارواح امل بصدمه:نعم!!!!!!!!! من غير صدمه كل الاعراض بتاكد كدا..روح ناميسا دي هي بتحاول توصلك للمكان اللي ادفنت فيه والقاتل واكيد القاتل دا آذاها او خد منها حاجه هي عايزه توصلها وبتحاول عن طريقك !!! يتبع.... #خاتم_فضه🖤الاخير🖤 فضلت قاعده زي التايهه او الغرقانه بحاول افهم اللي نور قالتله او افسره مش قادره .. نور:هنعمل اي دلوقتي امل بتوهان:مش عارفه نور:في دكتور نفسي لما حكيتيله كل حاجه عايز يجي ويساعدك امل:اعملي الي تشوفيه وسيبتها ونزلت من الفندق اتمشيت،تخيل تبقا عايش بس تحس انك عايش فالمكان والوقت الغلط وكأنه مش مكاني،انا عارفه تفاصيل البيت اللي كنت عايشه فيه او بنعني اصح اللي ناميسا كانت عايشه فيه وتفاصيل حياتها كلها ومكان دفنها وسبب موتها وطريقته وكل حاجه وكأني مقسومه لاتنين الجسد بيحكي عن حياه وروحي بتحكي عن حياه تانيه خالص كنت ماشيه سرحانه لدرجه ان لاقيت رجلي سحبتني لمكان غريب والشمس كانت قربت تغرب،كان المكان شبهه مهجور بدات احس برجفه بسيطه من الخوف جوايا كملت بخطوات بسيطه وانا ماشيه بترجف ويدي اللي ماسكه التليفون بدأت تترعش ...خطوات بمشيها ورجلي اللي بتمشيني وانا مش حاسه لحد مافجاه حسيت بكهربا واصله لاطرافي واقفه مكاني وركعت ع الارض من الوجع والدموع بقت تنزل من عيني غصب عني وبدات اسمع حد بينادي باسمي اوقات بـ اسم ناميسا...واوقاات باسم اامل فضلت اصرخ واتلفت يمين وشمال عشان اوصل لمصدر الصوت لكني فاشله فضلت اصرخ لحد مااغمي عليا مكاني «كنت ماشيه فالمكان لكن الشمس طالعه والدنيا نور فضلت ماشيه بخطوات لاحظت فيعا لبسي اللي عباره عن قماش طويل مزخرف ونعل من الخشب منحوت شعر طويل بلون الليل نازله ع اكتافي وحلي ومجوهرات لابساها فضلت مكمله خطوات لحد ماوقفت وقعدت الارض وفضلت احفر فالارض..واحفر واحفر لحد ماايدي خبطت فالتابوت وكأني خلاص وصلت لوجهتي ،قتحت التابوت كانت جثه متحنطه وحواليا كل المجهوهرات والحلي والياقوت والزمرد كلهم بدأت اشيلهم من حواليا وانا بضحك بسعاده وبدموع بتنزل غصب عني وبدات احضنهم واردد 'رجعتولي تااني رجعتولي تااااني'» اتفزعت ع حد بيضغط ع مناخيري من فوق بقوه ونور الكاشف بتاع التليفون عالي فوقت لاقيتها نور بتعيط ومعاه واحد كمان امل:انتي وصلتيلي هنا ازاي ومين دا نور بدموع:الجي بي اس بتاع التليفون بتاعك انا مشغلاه عشان اقدر اوصلك ودا دكتور سليم الدكتور النفسي اللي بلغتك بيه انكمشت ع نفسي وضمت رجلي لقلبي وبدات اعيط من الخوف سليم بهدوء:احكيلي كل حاجه بالتفاصيل بدات احكيله كل اللي حصلي واللي حاسه بيه وبشوفه وانا بعيط وشايفه نور كمان بتعيط سليم:لازم نطلع التابوت ونجبلها اللي هي عايزاه امل بصدمه:نطلع التابوت بتاع ماكنيا طب ازااي!!! سليم:انتي اكيد عارف مكان الذفن بتاعها فين غمضت عيني لـ ثواني امل:اه عارفه في مكان قريب من هنا ع بعد خطوات نور:طب بس لو حد شافنا او حد من الاثار هنروح في داهيه سليم:الدنيا ليل محدش هيشوفنا لازم نحل مشكلتها عشان روحها ترتاح نور:اول مره اشوف دكتور اجن من المرضي بتوعه! سليم:يلا مفيش وقت قبل مالنهار يطلع قومت وبدات امشي وانا مغمضه عيني كنت شايفه نفسي ناميسا وهي ماشيه في عز النهار في نفس المكان لحد ماناميسا وقفت،فتحت عيني بسرعه ووقفت هنا التابوت هناا!!! قعدت ع الارض وبدأت احفر وسليم بدأ يحفر معايا ونور كانت متردده لكنها بدات تساعدني لحد ماايدنا خبطت فالتابوت سليم:احنا هنبعد دلوقتي دورك! ولاقيتهم بعدوا كام خطوه عني وضهرهم بقا ليا...من كتر الرعب والخوف حسيت برعشه جسمي وبدات اعيط وايدي بتترعش جامد ووجسمي كله بيتنفض..هطلع جثه ومتحنطه!!! غمضت عيني شوفت ناميسا وهي بتفتح التابوت فضلت مغمضه عيني وبحرك ايدي زي ماناميسا بتعمل بالظبط لحد ماحسيت بالتابوت اتفتح بدات امد ايدي براحه فاالجنب عشان مقربش للجثه او لمس لحد ماحسيت بالمجوهرات في ايدي شيلتها وبقيت اطلع برا التابوت كل دا وانا مغمضه عيني ،وكأني شايفه بعين ناميسا لكن جسمي كله بيترعش شيلتهم وبراحه قفلت التابوت اول مالتابوت اتقفل ناميسا اختفت بقيت شايفه ضلمه فـ تلقائي فتحت عيني وبدأت انادي ع نور بصوت مبحبوح من هول اللي انا بمر فيه لاقيتهم اتلفتوا براحه ولما لاقوا التابوت مقفول قربوا عليا بسرعه نور بانبهار:دا اي المجوهرات دي كلها دي احجار كريمه بصيت للمجوهرات كان مبهرين كانوا بيلمعوا فالضلمه وفصوصهم كبيره ياقوت وزمرد والماس وعباره عن عقد او سلسله او خاتم او اسوره كانوا شكلهم يبهر العيون بقوه سليم:لازم نرجعهم لـ قبر ناميسا بسرعه قومت نفضت هدومي من الرمل ولميت المجوهرات في جزء من الطرحه بتاعتي ومشينا ...كنت كل شويه ابص عليهم ...ايدي وجعتني من تلقهم ...لمعتهم ظاهره من الطرحه كمان لدرجه انهم كانوا بينورلي خطواتي وانا ماشيه! فضلنا ماشيين مسافه تقريبا 50 كيلوا متر لحد ماوقفت وقلتلهم هنا!!!! قعدت الارض وبدات احسس عليه امل:هنااا التابوت بتاعي قصدي بتاع ناميسا هنا كنت بقول كدا وجسمي بيترعش تاني اتكرر نفس اللي حصل ساعدوني لحد ماخفرنا فالارض واول مالتابوت ظهر بعدوا فصلت اغمض عيني عشان اشوف بعيون ناميسا لكن بفشل شايفه ضلمه وهي مختفيه ودا بيزيد خوفي ورعبي وجسمي بدا يترعش اكتر وبدات اعرق اكتر واكتر خدت نفسي بقوه وهديت وغمضت عيني تاني جامد كانت الصوره مهزوزه فالاول لكن واحده واحده بدات توضح اةل ماوضحت قصادي وبدات اشوف بعيون ناميسا تاني اتنهدت بقوه وفصلت مغمضه عيني وفتحت فتحه من التابوت بسيطه رميت جوا كل المجوهرات وقفلت تاني بسرعه وبعدها سليم ونور ساعدوني وردمنا تاني الرمل ع التابوت كان النهار بدأ يطلع ،نفضنا الرمل من هدومنا بتعب وقومنا مشينا ..كنت ماشيه زي الجثه الميته حيلي مهدود ايدي وجسمي كل بيترعش من الخوف وشي كل اثار دموع ع ماطلعنا لمكان حي كان الشمس بدات تطلع ومع شروق المشس للنيل كان منظر ليه طابع خاص يحسسك بالهدوء والراحه ،صممت اقف لحد مااشوف شروق الشمس ع النيل ع الضفه التانيه لاننا كنا ع الضفه اللي بيغرب عندها الشمس ،والشمس بيشرق من الضفه الشرقيه او مدينه الاحياء زي مابتتقال ،تابعنا الشروق وبدأ يبقا في حركه فالمكان وناس رايح وجايه بصت ع المكان اللي احنا فيه كان الضفه الغربيه او مكان غروب الشمس او مدينه الاموات كان كلها سكوت وصمت تام كلها قبور للفراعنه ،بصيت المكان وفي بالي بيتردد ياتري اي سر كل تابوت او قبر للفراعنه اكيد مليان اسرار وخبايا ومجوهرات ومكائد وجثث متحطنه،الفراعنه دول كانوا اذكي مما نتخيل هما اللي صنوع الحضاره وبصراحه ناس بعظمتهم وهبيتهم دي منستهونش بيهم ابدا..فات كل السنين دي ولحد دلوقتي العلماء بتحاول توصل لاسرار للفراعنه ،الفراعنه مش مجرد مصريين الفراعنه دول عمالقه! نور بتعب:يلا ياامل نلحق نروح الفندق نغير هدومنا ونرجع القاهره بصيت بصه اخيره للمكان اللي بين شروق شمس وغروبها كان السبب في شقلبه كياني وحالي بالشكل دا وقصه ولا الاحلام تتحكي ولا يصدقها عاقل ،افتكرت الخاتم اللي في ايدي اللي كان السبب فكل اللي حصلي..قلعته من ايدي وقربت ع ضفه النيل ورميته جوا النيل واتنهدت بقوه ومشيت من المكان وانا بتسند ع نور.. كنت راكبه العربيه اللي رايحه بينا للقاهره وودعنا سليم وطلبنا منه يجي يشرفنا فالقاهره عشان نردله الجميل اللي عمله معانا .. كنت فالعربيه ولسه ايدي بتترعش ،مش سهل اللي حصل يمر عليا مرور الكرام كدا اكيد هيسيب اثر عليا من التعب غمضت عيني عشان انام كنت هلكانه من التعب فتره طويله من الضغط النفسي والوجع والالم وعدم الراحه غمضت عيني عشان انام...وبدأت انام بعمق وراحه «كنت قاعده ع ضفه النيل وسرحانه وبراقب حركه النيل لحد ماحسيت بحد بيلمس كتفي اتلفت بسرعه وبصيت بصدمه ماكنيا!!!!!!!! ماكنيا بابتسامه:سيده الجمال الصغيره!!! انتهت..... #خاتم_فضه🖤 …………………………… اسفه جدا للتاخير🥺 وكمان عايزه اقول حاجه تناسخ الارواح دا مجرد خياااال لايمت للواقع بصله مهما سمعت عن حكايات او اقاويل متصدقش دا خيال وبسكدا💜
