جدو احنا رايحين على فين .. _ هتعرفي لما نوصل يا قلب جدو – طب لما نوصل تجيبلي شكولاتة _ اه هجيبلك ،متتكلميش كتير بقى لحد ما نوصل سابها الجد في العربيه و خرج منها وقف مع واحد كبير في السن من نفس عمره كانو بيتكلمو و بيبصو على البنت و الراجل بيبتسم ابتسامه خبيثه كانت نارين بتلعب في العربيه بالعروسه بتاعتها اللي فجأة اتقطعت ايديها زعلت و باست ايد العروسه و قالت : متزعليش لما نروح لماما هخليها تصلح ايدك دي
فتح الجد باب العربيه و خرجها منها و ابتسم لها بحزن و حضنها وقال : نارين عارفة اد ايه جدو بيحبك نارين بسرعة وهي بتضحك قالت وهي بتعد على ايديها : اه اد ..واحد و اتنين و خمسه و عشره ضحك الجد و شالها و راح بيها ناحيه الراجل التاني الراجل : دي صغيرة يا ماهر ماهر بحزن قال : عمرها 14 سنه ..خلاص الغي الاتفاق انا همشي مسك الراجل أيده و قال : صغيرة ايه لا هاتها مش صغيرة بكره تكبر
نارين وهي بتبص للراجل و لجدها : لا يا جدو مش هروح معاه ده شكله وحش و بيخوف الجد بحزن وهو يضمها لحضنه اكتر : مش بأيدي اخدها الراجل منه وهي قلبها خايف و فضلت تعيط و تضرب الراجل مشي الجد و ركب عربيته و رجع على البيت اول ما دخل جريت عليه بنته وهي بتعيط : فين نارين يا بابا ماهر : انسيها مبقاش عندك بنت بالاسم ده سهير مسكت أيده و فضلت تعيط : لا متقولش كده بالله عليك لا انا هاخدها و امشي من هنا خالص
مروة اختها الكبيره خرجت من الأوضه : حرام عليك يا بابا رجعلها بنتها انت معندكش ذرة شفقه على حالتها ماهر غضب و قام وقف و صرخ فيهم : هي اللي مش قادرة تصدق انها مش بنتها مروة : مش ذنبها أنها اتعرضت لاغـ,ـتصاب وهي …وهي كانت لسه مريضه سهير : ارجوك رجعهالي دي اخر امل ليا في الدنيا انا من غيرها مش هعيش الجد في نفسه : وانا لو هي رجعت انا مش هعيش حياتي مقابل حياتها
.. نارين : ابعد عني انت راجل وحش رجعني لماما الراجل : ماما ايه مبقاش فيها ماما انتي هتروحي ل هتلر نارين بحزن شديد قالت : انا عايزة اروح لماما وانت روح لهلتر الراجل وهو بيضحك جامد : هلتر ازاي اسمه هتلر انتي شكلك غلباويه و هتتعبيني وصل بيها لبيت فخم بدورين كان وسط صحرا و في بحر قدامهم جريت الخدامه عليه محمود : خدي نارين يا سعاد نضفيها و هاتيهالي تاني عقبال ما اغير
_ حاضر يا بيه شالتها الخدامه و راحت بيها على الحمام نارين : انتي مين يا بت الخدامه بشهقه : بت ..انا بت محدش قالك تحترمي الاكبر منك نارين : انتي بت و اللي برا واد و كلكم حرامين بتسرقوا واحده اطفال الخدامه وهي بتضربها على ايديها : عيب يا قليله الادب دمعت عين نارين و عيطت دخل محمود الجد عليهم زعق للخدامه أنها ضربتها و خلاها تطلع بره رجعت نارين لورا وهي خايفة و عيطت اكتر : انا عايزة ماما