وراح أسر عند الاوضه التانيه لقاها مبتتفتحش آسر : بقولك البنات هنا اكيد الاوضه مقفوله بالمفتاح عمر : اض-ربها طلقة وافتح الباب مينا : لا بلاش ضر-ب نار دلوقت اسر : انا هكسروا من غير صوت اهدوا بس وحاول اسر يكسر الباب اكتر من مرة وتعب جامد سمع صوت من جوة نرمين : الحقنيييييي هيقت-لونييييييي اسر اتفزع وبكل ما أوتي من قوة كسر الباب في ثانيه لقا نرمين قاعده ع الكرسي ومربوطة ومفيش حد معاها
أسر : انتي كويسة فين اللي هيئذيكي نرمين : ياعم انا لقيتك مش قادر تكسر الباب فقولت اديك حافز اسر : المهم دلوقت يارا ومارينا فين نرمين : هما في اوض جمبي بس الزفت العصابه اللي هنا عرفة انكم جيين ونويين يعملوا كليكم هجوم فخلص فكني بسرعة اسر فكها بسرعة ولسة هيتحرك لقا 4 رجالة داخلين وقفلوا الباب وراهم وكلهم طول واحد ومعدديين ال190 سم وحاجة كده اي علف بلدي
آسر : اللهم صلي ع النبي … عارفة يانرمين انا يانتبوني دلوقت إفية كلوا ضر-ب ض-رب مفيش شتيمة خالص بالحبل وغمز ليها … اي يا رجالة 16 ع واحد مش رجولة يعني احد الرجال باستغراب بصوت ضخم : بس احنا 4 بس آسر : عيب عليك ياعم انت مش شايف نفسك ده انت تفلق 4 طول بعرض راجل اخر : ده انت زمك خفيف بقا وبتقالش آسر بغرور : لا ده انا أعجبك أوي اوي أوي اوي كمان مرة من عندي
احد الرجال : هو انت بقا اللي عامل قلق ومضايق الباشا آسر : انا يابني ده انا غلبان انا العبد الفقير الي الله ده انا حتي نسمة انا معاكم بقالي بتاع 10 دقايق اهو دوست لحد ع طرف غلط في حد فيكم مديت إيدي ع حد فيكم قولوا كلمة حق رجل اخر : والله انت دمك خفيف بس احنا لازم نشوف شغلنا آسر : اه طبعا طبعا أومال لازم تحللوا الفلوس اللي بتخدوها ده
راجل آخر : والله انا حبيتك أسر : أنا حبيتك وجرحتيني انا صُنتك لكن خُنتيني الرجالة : انتي أكيد مش بتحبيني آسر : لي من الأول عشمتيني نرمين : مخلاص بقا يا نجم عايزين نشوف شغلنا اسر بسرعة شد الحبل اللي نرمين ربطتوا في رجليهم كلهم بعد ما آسر غمز لها وهي فهمتوا وهو استغل الوقت في انوا يلهيهم بالكلام ووقع الرجالة كلهم في الأرض ونزل هو ونرمين ضر-ب فيهم وربطوهم كويس
آسر : معلش يا رجالة بقا انا والله حبتكم بس الشغل شغل برضوا واه صحيح شكلكم نفخ مش عضلات حقيقية لا تيب ع المرجلة والله يلا يا بنتي نرمين بسرعة : يلا #إلا_رسول_الله عند عمر ومينا عمر اول ما سمع أسر دخل عند نرمين وان التانين في الأوض التانيه دخل بسرعة هو ومينا عمر : بقولك عدي الأوضه الاول والتانيه وهندخل في اللي بعدهم مينا : يابني حرس انا حاسس بغدر
عمر : ياعم اخلص بقا مش وقتك خالص ودخل عمر بسرعة عند أوضة مقفولة راح ضر-ب الباب طلقة وفتحة ودخل لقا يارا مربوطه والدموع واقفه في عنيها عمر وهو بيفكها : اهدي اهدي متخفيش انتي كويسة يارا : انا انا كويسة بس هما ناويين … الحقققققق يا عمررر عمر بيبص لقا اتنين نفس الأحجام اللي كانت عند آسر دخلوا وقفلوا الباب ومشيوا تجاه عمر عمر : اي يالا منك فاكرين نفسكم هتعلموا عليا ده انا ه***
وعمر زق يارا بعيد وراح مشنكلهم الاتنين في حركة واحدة ووقعوا ع الأرض وقعد يضر-ب فيهم الاتنين بعشوئية واحد منه قام مشنكله ع الارض ونزل فوقة ضر-ب والاخر راح تجاة يارا يارا : انت عايز اي يا حيوان يا مهزء انت بقولك اي انا مبخفش … والراجل ماشي تجاهها بابتسامة مستفزه يارا : انت يعني ترضها ع نفسك انك تمد ايدك ع واحدة نسوان … شكلك معندكش دم وترضاها بقولك اي انا مبخفش مش كل الطير يتاكل لحموا يا اخويا … وكان الراجل قرد منها قوي …
يارا : يالهويييييييييييي وقعدت تجري في الاوضة والراجل وراها وعمر كان بيتخانق هو الراجل التاني ووشوا جاب دم ومرة يضر-ب ومرة ينض-رب … يارا كانت عمالة تجري وتصوت يارا : يا لهوييييييييي الحقونيييييييييي يا خرابييييييييي اللطخ ده لو نفخ فيا بس هيفرمنيييييييي يا لهويييييييي قووووم يا عمررررررررررر الراجل اللي بيتخانق مع عمر : اي الصداع دة ما حد يسكت البت دي بدل ما اقوم اخرصها خالص عمر استغل انشغالوا في الكلام وادالوا روسية جامده وقلبوا ع الارض بقا عمر قوق والراجل تحت وادالوا بوكسات متتاليه ع وشوا لحد ما الراجل ابتدي يدوخ
عمر : تخرصها ده لو مكنش معاها راجل ده انا اللي هخرصك انت واهلك يابن … وخبطوا جامد في راسوا واغمي علية وقام شد الراجل التاني ونزل فية ض-رب وبرضوا يض-رب مرة وينضر-ب مرة يارا بتبص لقت في طاسة زيت قديمة حبت تعمل فيها ريبونزل والطاسة وكده بقا مسكت الطاسة وجت تضر-ب الراجل اللي بيتخانق مع عمر ض-ربت عمر ع ماغوا والراجل استغل ده وضر-ب عمر وقعوا ع الارض يارا : سوري والله كان نفسي اض-ربوا هو واساعدك
عمر : ابـ,ـوس إيديكي ابعدي بس انتي ومش عايز مساعدات وحاول يضر-ب في الراجل التاني يارا زعلت وحست ان هو كسفها والمفروض مكنش يقول كده ده بدل ما يشكرها يارا بتبص حوليها لقت الراجل التاني ابتدي يفوق راحت بالطاسه وع دماغوا قام مغمي عليه تاني يارا بصوت عالي : عشان تعرف بس اني استرنج ومبخفش من حاجة … بتبص لقت صرصار قعدت تصوت وتجري في الاوضة عمر والراجل التاني بصوا الراجل اتصدم انها خايفة من الصرصار وعمر استغل كده وقع الراجل ع الأرض ونزل بوكسات في وشوا وبغل وراحت يارا بالطاسة ض-ربت الراجل ع دماغوا جامد واغمي علية
يارا : هييييييييييه هييييييييييه هييييييه مو-تة عمر باستغراب : ده اغمي عليه بس كنتي اشطري ياختي ع الصرصار فضحتينا يارا : بس اي رائيك انت استغليت الموضوع لصالحك انكر بقا عمر : بقولك اي يلا يلا قبل ما يفوقوا نشوفوا آسر ونرمين ومينا ومارينا يارا : استنا لحظة ومسكت الطاسة وض-ربت كل واحد من الرجاله ع دماغوا تلات مرات يارا : ايوة كده نأمن احسن يصحوا دول ميأثرش فيهم طاسه عارفة بس اللي موجود بقا
عمر استغرب في الاول بعدين ضحك جامد ع طريقة كلامها يارا : بيضحك ع اي ده يلا يابني احسن هيفوقوا عمر وهو لسه بيضحك : يلا ياختي #إلا_رسول_الله في المستشفي دخلت ساره ومامتها وباباها وسائلوا في الاستقبال عن اوضة مامت نرمين وراحوا عند الأوضة وعرفوا انها عندها انهيار والدوك اداها منوم سارة اتصلت بسليم عشان تطمنوا سارة : الو سليم : ايوة يا سارة. سارة : حضرتك احنا عند ولدتك في المستشفي وهي كويسه بس الدوك مديها منوم
سليم : رحتوا ازاي … وعرفتي منين … ومتاكدة انها كريسه ساره : اسر اتصل بيا وقالي … والله هي كويسة متقلقش عليها سليم : شكرا جدا يا سارة بجد شكرا جدا انا عمري ما هنسالك اللي عملتية معايا دة بجد سارة : عملت اي يعني معملتش غير الواجب سليم : تسلميلي بجد … انا في الطريق وقدامي ربع ساعة وأوصل سارة : تيجي بالسلامة ان شاء الله … مع السلامة
سليم : تمام …سلام صلوا ع سيدنا محمد ♥️ عند مينا دخل الأوضة لقا مارينا مربوطة في الكرسي ومغمي عليها راح بسرعة فكها وحاول يفوقها وطبعا محدش من الحرس رضي يدخل الاوضة دي لأنهم معتقدين ان مارينا عندها كورنا وخافوا ع نفسهم … مينا وهو بيحاول يفوقها لقا ازازة مايه جابها ورش ماية خفيفه ع وشها فاقت وكانت بتعيط مارينا بعياط وصوت ضعيف : هيم-وتونا هيم-وتونا مينا : اهدي بس اهدي متخافيش انتي في أمآن محدش هيقدر يكلمك
مأرينا : بجد مينا : بجد يلا بقا عشان نخرج وسندها وخرجوا من الأوضة وكان عمر ويارا وآسر ونرمين لسة خارجين من الاوضة آسر : كده احنا كاملين عمر ومينا : اه كده تمام نرمين : انا مش مطمنة ع فكرة دول أكيد هيعملوا حاجة مهو مش معقول يعني هنمشي كده بالساهل … قاطعها صوت صلاح من وراهم ومعاه رجالة وسلاح : الله الله يعني حلوة وكمان ذكية لا كده كتير عجبايني والله
آسر : اي يا يابنات مقولتولناش ان في حريم تانين هنا متداريبن ورا السلاح يارا : معلش بقا آسر ما هما نسوان برضوا عايزين حاجة تحميهم نرمين : وانتوا عارفين احنا مبنجيش ع الولايا عمر : بس لو النسوان دول قلوا أدابهم هنربيهم عادي يعني مينا : براحة عليهم يا عمر الله ده حتي أشرررف لسه واكل علقة سخنة وخاسرنين شحنه مخدرات بملايين … يعني بجد الدنيا جايه عليهم ومسفلتاهم
صلاح : اي الحلاوة دي ده انتوا بتغنوا وتردوا ع بعض بقا لا بجد عاملين شغل عالي والبت المسيحية اللي هناك دي مش هتقول حاجة آسر : اتكلم باحترام دي احين منك ومن نسلك الوسخ كلوا مارينا بصوت ضعيف : اهدي بس يا هندسه … البت المسيحيةدي عندها كورنا وهتعطس في وشك تجيب اجلك انت وأهلك صلاح بصوت عالي : هات يا زفتت انت وهو الكحول وانشغلوا بإنهم يعقموا إيديهم واسر وعمر ومينا استغلوا ده واشتبكوا معاهم ونرمين كانت بتحاول تض-رب معاهم ويارا شغالة تخبيط بالطاسة ومارينا طبع ميئوس منها عماله تعيط وخايفة وفجأه صوت ضر-ب نار ودم ملا المكان
نرمين بصرخة عالية : عمررررررررررررررررررررر #يتبع