_أراهنك أن ما كان بيحبك =رييييم _طب والله كمان مرة بيحبك =ممكن تسمعينا سكوتك وبطلي تخريف وفتي _بكرة تقولي ريم قالت وبعدين يا بختك يا ستي دا بنات الشركة كلهم هيمتوا عليه دا كفايا انه المدير بصتلها بحدة _كل البنات معادة انت وحسبي الله ونعم الوكيل =يا بنتي بطلي تحليلاتك وركزي في شغلك هو المدير صاحب الشركة وانا مهندسة في شركته مش أكتر ولا أقل
_دا من ورا قلبك لكن انا واثقة انك بردوا في مشاعر من نحيتك ليه ثم ان أكتر حاجة مخلياني متأكدة النهاردة لما كنا في الاجتماع والمستثمر كان مركز معاكي وعينه منك نظرته كان كلها شرار واول مرة يخرج عن هدوءه وبروده ويتعصب على المستثمر ويرفض الصفقة. شردت وتذكرت ما حدث بالإجتماع فهي لاحظت ايضًا لأول مرة رأته يخرج عن بروده ولأول مرة ترىٰ نظرة لم تستطع تفسيرها نظرة جعلت دقات قلبها تنبض بشكل لم تعهده….
_هيييي نحن هنااا سرحتي فين =مفيش بغمزة _عليا بردوا =انت رخمة لي النهارده _عشانك بتتهربي من غير سبب $بشمهندسة ليل.. مستر ليث طالب حضرتك في مكتبه _تمام ريم بهمس: مش قولتلك ربنا يوعدنا يارب ليل بغيظ: اخرصي اكيد عايزني في شغل مش دماغك الشمال دي يلا باي اتجهت للمكتب ودقت فأذن لها بالدخول _مستر ليث حضرتك طلبتني =أيوة اتفضلي اقعدي
ساد الصمت لثوانِ وهو منغمس في الاب توب _لو حضرتك مش فاضي مم.. قاطعها =لو مش فاضي هفضي نفسي عشانك ‘فجاة حسيت بإحساس غريب، مريب مختلف كـ نظرة عيونه وهو بيقولها وبحة صوته الدافية وهو بيقفل الاب توب وبيبصلي يارتني ما تكلمت.. اتوترت فبعدت نظري فقام من كرسيه ووقف قدام الشباك بشرود’ _سمعتي الموضوع الـ داير ما بين الموظفين بتوتر =موضوع اي..؟ _يعني مش عارفة
بتوتر اكتر =مش فاهمه حضرتك تقصد اي _لو مش فاهمة مكنتيش هتتوتري ولا هتلعبي بصوابعك وتبصي في كذا اتجاه.. فتحت عيوني بصدمة ‘هو مركب كاميرات في ضهره ولا اي.. لف بضهره وبصلي وشبح ابتسامة ظهر على وشه لما شافني برمش بصدمة وقال وعيونه بعيوني’ =مسمعتيش مثلا الاقاويل والاشعات اني مثلا بحبك… مسمعتش بودني لكن هماستهم نظراتهم بتأكد كلامي ‘وشي احمر وبلعت ريقي وأنا بحاول استجمع قواي واتكلم من غير توتر ولكن للأسف فشلت’
ليل بتعلثم: أنـ ـا قصدي حضرتك عـ ـارف ان النـاس ما بتصدق تلاقي حاجة وتمسك فيها وفي الاخر دي مجرد اشاعات ملهاش علاقه بالواقع.. _عارفة المشكلة فين؟ مش في الموظفين ولا كلام النااس لانه اخر حاجة ممكن افكر فيها نظرت له بترقب فأكمل.. _المشكلة انها مش اشاعة… …. المشكلة .. اني بالفعل… بحبك ‘قالها ببحة صابتني برعشة وجلعت من قلبي يدق بعنف رغم عني… التوتر اتملكني… ولساني عجز عن الحركة ومن الصدمة مقدرش ينطق بحرف متوقعتش ايوة متوقعتش ومحطتش في حسباتي’
كمل كلامه وانا عايزة اهرب من قدامه..
_مش عارف هتصدقيني لو قولتلك معرفش ليه ولا ازاي ولا اشمعنا أنتِ لأني حقيقي مش عارف السبب، كل الـ اعرفه إن لأول مرة احس بمشاعر جديدة عليا من أول يوم جيتي فيه الشركة من اربع شهور.. لأول مرة الاقي نفسي بهتم بحد من غير ما احس بهتم بأدق تفاصيله أعرف بيحب اي وبيكره اي رياكشناته لما بيتوتر بيلعب بصوابعه وبيبص حوليه ووشه بيحمر.. وبفكر فيه غصب عني ومُحتل تفكيري…واخرج من أعصابي ومن هدوءي وبرودي لما حسيت بنار لما حد بص عليه… لأول مرة أجرب وأفهم يعني اي حب ولأول مرة بعد حروب كتير بحاول اكذب مشاعري فيها بس حبي غلبني
‘لساني اتشل حرفيًا… مش عارفه ارد بايه.’ =مـ ـسـ ـتـر لـ ـيـ ـث