مريم عاوز تاكل بقلم مونى

مريم: عاوز تاكل حاجه معينه بكرا علي الفطار حمزه: الفطار اللي مامتك هعتمله صح!! مريم: اومال انت عاوزني اعمله انا ونصلي التروايح في المستشفى ولا ايه؟؟ حمزه بضحك: طمنتيني علي مستقلبي الله يطمنك مريم: متقلقش انا بدءت اتعلم حمزه: اسكتي وانبي يا مريم علشان بقالي سنه بسمع منك الجمله مريم بضحك: وهتفضل تسمعها حمزه: نعم!!! مريم: قصدي يعني انا الانسان بيفضل طول عمره يتعمل حمزه بضحك: وانتي جايه تتعلمي فيا انا صح!!... ربنا علي المفتري يا شيخه مريم بضحك: من كتر حبك فيا مش بتبطل دعوات ليا مريم: علي فكره دي حقيقه انتي دعوتي الاوليَ قبل تمرتي الاوليَ مريم: كلام حلو في رمضان!!.. في رمضان!! حمزه بضحك: تصدقي انا غلطان، اقفلي تقريبا حد بينادي عليكي انا وحمزه مخطوبين من سنه، وحقيقي مخلنيش مره ندمت إني اخدت قرار الارتباط لأني انا بخاف من الارتباط وكل العلاقات عموماً... بس هو بيعرف يطمني وبيفهمني، بيعرف إزاي يفرحني بأقل مجهود منه اه بنزعل وبيحصل خلافات لأن ده الطبيعي بس زعلي مبيهونش عليه وبيراضيني بسرعه المشكله الوحيده في مامته اللي بتضايق مجرد ما بيتذكر اسمي قدامها بدون سبب! سلوي: انتي مش ناويه تساعدني انهارده يعني؟؟ مريم: ما انتي بتزعقي لما بقف معاكي وانا مش عاوزه اعصبك وانتي صايمه سلوي: يا سلام علي الحنيه طب قومي روقي الشقه كويس قبل ما خطيبك يجي نور: حاضر سلوي: خلي بالك من كلامك قدام امه علشان هي بتصطاد كلامك علشان تعدل عليكي مريم: متقلقيش انا خلاص اتعودت علي اسلوبها تقريبا كده اخدت مناعه سلوي: طب خلصي يا لمضه هانم خلصت الشقه وعملت اهم حاجه علي الفطار... السلطه اللي مفيش زيها سلوي: ادخلي البسي بسرعه قبل ما يجو مريم : في دقيقه هخلص بعد ربع ساعه سلوي: انتي يا اخره صبري اطلعي حمزه وصل تحت فتحت الباب بسرعه نور: الفستان حلو!!، الطرحه مظبوطه؟ سلوي بإبتسامة: زي القمر يلا نستقبلهم دخلو وسلمنا علي بعض ومامته سلمت بتكبر ك العاده.. انا بقيت مش عارفه هل هي مضايقه ولا ده ريأكشن وشها الطبيعي؟؟ واخته سلمت عليا بكل حب وبأجمل ابتسامه اختي وماما بدوء يحضرو السفره وانا كنت قاعده معاهم ومامته مشغوله في التليفون حمزه بصوت واطي: انتي بقا عملتي إيه في السفره العظيمه اللي هناك دي!! نور بصوت واطي: هقولك علشان تفضل تمدح فيه ماشي؟ حمزه بضحك: ماشي نور بغرور مصتنع: انا اللي عامله الرز حمزه بضحك: إيه الشاطره دي نور: اومال انت فاكر إيه وكمان عامله السلطه العظيمه دي حمزه: يافرحتي بيكي هاله(مامته): هو فيه واحده فضلها سنه وتتجوز ولحد دلوقتي مش بتعرف تقف تعمل أكل لعزومه لوحدها؟؟ مريم: اصل يا طنط...... حمزه كمل الكلام: اصل مامت مريم بتحب تعمل الاكل بنفسها وهي بتكون واقفه معاها برضو سلوي: يلا يا جماعه المغرب فاضله كام دقيقه الحمدلله أن ماما جت وانقذت الموقف مامته ما بتصدق تمسك عليا كلمه او غلطه وهو دايما واقف في صفي وبيهدي الأمور يمكن عشان كده مش بخاف منها وبكون مطمنه بوجودهه سلوي: يارب يكون الأكل عجبكم هاله: هو دسم شويه بس حلو بصتلي وكملت كلامها.. كان نفسي مريم اللي تكون عامله الأكل علشان اقول رأيي بصراحه حمزه: تسلم ايدك الأكل كان حلو جدا والله حتي السلطه كان جميله ابتسمت وسكت وماما فهمت اني قولتله إني عمالها بسمله(اخته): الاكل كان حلو اوي ياطنط وانا كلت كتير كمان عملت الشاي والعصاير وقعدنا كلنا مع بعض مبسوطين... وكمان ماما بتحب حمزه جداً بسمله: إيه رأيك يا مريم ننزل مع بعض بكرا نشتري حاجات ليكي وليا مريم: اه طبعاً ياريت انتي فاضلك حاجات كتير ل جهازك؟ بسملة: لأ قربت اخلص اصل فاضل 6 شهور علي فرحي مريم بإبتسامة: والله انا فرحنالك كأنه فرحي هاله: الفرق بينك وبين بنتي بقا ان بسمله شاطره في كل حاجه ومش عصبيه وهاديه اوي حتي لما كانت في الكليه كانت ممتازه قبل ما ارد عليها حمزه رد حمزه: ده انا بحب كلام مريم وشقاوتها وكمان هي شاطره جدا في دراستها وتقدريتها عاليه وكمان بتطور دايما من نفسها بصتله وابتسمت ومردتش اتكلم بسمله: اه والله ده انا بحب اتكلم معاه جدا وبعدين هي عندها موهبه تخلص روايه كامله في يوم... ده انا بزهق لما بقرء صفحتين ياجماعه ضحكنا والموقف عدا بس اللي بيضايقني نقدها ليا في كل حاجه وانها بتحاول تظهر عيوبي قدام حمزه رغم انه عارف العيوب دي ومتقبلها جدا الوقت عدا وهما مشيو وانا قعدت في الاوضه بتاعتي وبعد شويه ليقت أماني اختي و فاطمه بنت خالي جاين يقعدو معايا اماني: انتي هتفضلي ساكته علي اسلوب حماتك كده كتير؟؟ فاطمه: من الكلام اللي بسمعه عنها منكم حاسه انها مش سهله وهتزهقك في عيشتك مريم: انتم عاوزني اعملها إيه يعني دي في مقام أمي وكمان انا مش عاوزه ازعل حمزه اماني: طب هو حمزه مش بيخاف علي زعلك من كلام مامته!!! مريم: هو دايما بيرد عليها وبيدافع عني بذوق هو برضو ابنها الوحيد وباباه اتوفي وهو صغير فاطمه: طب افرض بقا فضلت تتضايقك بعد الجواز وتكره حمزه فيكي هتعملي ايه؟ اماني: فكري كويس يا مريم انتي لسه علي البر وانتي بتعاملي مامته كويس بقالك سنه، تفتكري هتتغير في الكام شهر الجايين دول؟؟ مريم: شكراً لنصايحكم... سبوني لوحدي شويه بقا انا معنديش اي مشكله مع حمزه بالعكس انا مبسوطه معاه جدا.... بس برضو لازم افكر في المستقبل اكتر هل انا هستحمل انتقدات مامته؟ هل هو هيفضل يدافع عني ولا هيزهق ويسمع كلامها؟؟ هل حبنا هيقدر يواجه المشاكل دي؟؟؟ فكرت كتيير لحد ما وصلت لحل ونمت وانا مقرره هعمل ايه تاني يوم مكلمتهوش وبعتله مسدچ إني عاوزه اتكلم معاه في موضوع مهم والافضل انه يجي البيت عندنا لوحده وقفلت الفون مريم: بغض النظر عن عواقب القرار بس مفيش حل غيره....... يتبع قولولي رأيكم 💙💙 بإذن الله تعجبكم وهي بارتين بس علشان مطولش عليكم✨ #موني Omnia hatemالأسكربيت 2 ✨ النهايه💜 مريم: بغض النظر عن عواقب القرار بس مفيش حل غيره حمزه: قلقتيني... قوليلي حصل ايه؟ مريم: احنا لازم نسيب بعض حمزه:.......... مريم: انت ساكت ليه؟ حمزه: هو انا المفروض ارد بعد المقلب السخيف ده مريم: يا حمزه افهمني بس حمزه: افهم اييه انتي حسيتي أن مقلب رامز مش حلو ف حبيتي تاخدي الجو منه طيب!! مريم: انا مش بهزر احنا حياتنا مش هتكون كويسه طول ما مامتك مش طايقني كده حمزه: يعني انتي شايفه ان الحل إننا نسيب بعض؟!!! مريم: مش هنسيب بعض اوي يعني حمزه: الصبرررر من عندك يارب هنسيب نص نص ولا ايه يعني؟ مريم: بص احنا هنقول ل مامتك اننا مش هنكمل وهنشوف رد فعلها إيه؟؟ حمزه:................ مريم: انت اقتنعت وبتفكر في كلامي صح؟؟ حمزه: لأ بفكر انتي سخنه ولا ده اثر الصيام ولا إيه حكايتك مريم: جرب تسمع كلامي بس وانت مش هتخسر حاجه حمزه: أنتي مدركه إللي انتي بتقوليه!! طيب مامتك هتقول إيه لما تعرف مريم: ماهو بصراحه كده احنا مش هنقول ل ماما علشان متعملنيش بطاطس علي الفطار حمزه: اللهم صلي على النبي يعني هتعملي المسلسل ده علي امي انا بس!! مريم: ايوه كده بدءت تفهمني حمزه: ويارتني ما فهمت والله مريم: يعني ايه بقا حمزه: يعني انا مش هعمل اللي بتقولي عليه ده.... سلام قال الكلمتين دول وقام مشي وهو متعصب ف ماما دخلت مستغربه سلوي: أنتي قولتيله إيه علشان يتعصب كده ويمشي؟ مريم بتوتر: لا مفيش حاجه سلوي: والله بقلق من سكوتك ده. سابتني وخرجت وانا قعدت افكر في كلامي وكلامه انا عارفه انه حقه يضايق بس انا بحاول احسن حياتي في المستقبل... مش عاوزه اعيش في مشاكل وقلق اماني: هي فكره غريبه شويتين بس يمكن تجيب نتيجه مريم: سبيني في حالي بقا علشان من ساعه ما قولته وهو مضايق ومكلمنيش اماني: خليكي استرونج كده ومتبدئيش انتي الكلام وسبيه كده مريم: مستحيل ابعتله او اكلمه اصلاً بسمله: ايوه كده علشان ينفذ الفكره بعد شويه فتحت الفيس لقيته اونلاين قفلت الفون وقومت عملت كذا حاجه ورجعت لقيته لسه فاتح برضو مريم: هو سهران بيعمل ايه بقا!! طب هو ممكن يكون حصله حاجه؟؟ بقاله ساعتين انا وهو اونلاين والكرامه كمان اونلاين في لحظة تهور وتسرع بعتله مسدچ مريم: يعني بقالك يومين مش بتسأل عني افرض حصلي حاجه ولا تعبانه؟؟ علي العموم الاهتمام مبيطلبش رد في نفس الدقيقه: انتي كويسه!! فيكي حاجه؟؟ مريم: ملكش دعوه حمزه: يعني انتي اللي منكده عليا وكمان زعلانه!! ربنا المفتري يا شيخه شوفتها وضحكت، انا عارفه ان مفيش حد بيطلب حاجه زي كده بس دي مجرد محاوله.... بعد إلحاح وكلام ساعتين بدء يقتنع شويه حمزه: بصي انا مش هقولها سيبنا بعض برضو بس هقول أن بنا خلافات ومش بنتكلم اليومين دول مريم: ياسيدي ماشي انا موافقه مفيش حد كامل، مفيش علاقه من غير مشاكل وتحديات وانا في رأيي أن المشاكل دي بتقوي الحب اكتر وبتخلينا نعرف بعض اكتر،الحب الحقيقي مش بيابن واحنا صافين ومزاجنا حلو لأ الحب بيبان في المواقف الصعبه لما بنحس بقيمه الوجود الفعلي للشخص اللي في حياتنا مش مجرد كلام وخلاص لما بنحس أن مهما حصل الشخص ده هيفضل باقي عليك وعاوز يفوز بيك رغم اي ظروف ______________________________ هاله: اتأخرت كده ليه حمزه: كان عندي ضغط شغل هاله: مالك، شكلك مضايق حمزه: متشغليش بالك انا هدخل انام انا وافقت على كلام مريم علشان انا عارف أن أمي فاهمه مريم غلط هي فاكره انها واخداني منها واني مش بقعد معاها كتير زي الاول رغم ان ده مش صح واني بقيت مشغول علشان اخلص الشقه بسرعه.... ف فكرت اني ابينلها اني مشغول سواء بكلم مريم او لأ فات يومين وانا بصحي ساكت وانزل الشغل ومش بجيب سيره مريم في البيت وبرجع اتسحر وانام هاله: مالك يا حمزه متغير ليه حمزه: عندي شوية مشاكل بس هاله: اممم وإيه اخبار مريم حمزه: تقريباً كويسه هاله: يعني إيه تقريبا دي ما انت بتكلمها علي طول... ده انت حتي بتكلمها اكتر مني ومبقاش عندك وقت تقعد معايا حمزه: علي فكره يا أمي انا مش بكلمها اكتر منك ولا حاجه انتي اصلا مكانتك ملهاش مقارنه بإي حد لقيت عينها لمعت وملامح وشها لانت بعد ما كانت متعصبه ف كملت كلامي: انا بس بقيت اشتغل وقت اضافي علشان اخلص شقتي وافرحك بيا مش انتي نفسك تشوفي عيالي؟؟ هاله بإبتسامة: طبعاً نفسي اشيل عيالك هو انا عندي اغلي منك يا حبيبي حمزه بإبتسامة: انا متأكد انك بتحبي تشوفيني مبسوط ومريم دايما بتختارلي الهدايا بتاعت المناسبات ليكي وهي عارفه إني بحبك اكتر من اي حد هاله بإبتسامة: ربنا يخليك ليا يا حمزه وانا هبقا اكلم مريم علشان اعرف مين فيكم اللي غلطان وتتصالحو حمزه بفرحه: ربنا يباركلي فيكي يا ست الكل يهمني اشوفها مبسوطه وراضيه ومتقارنش قيمتها عندي بأي حد لأنها ليها حق عليا بسمله: انا حاسه أن حماتي بتغير مني يا ماما هاله: إزاي يعني؟ بسمله: يعني بتتضايق لما بتشوف يوسف بيكلمني او مهتم بحاجه خاصه بيا وبتقوله متعملش كل اللي هي عاوزه هاله بتوتر: بس انتي مش بتطلبي منه حاجه زياده... ليه هي بتقوله كده بسمله: مش عارفه هاله بتفكير: قربي منها يابنتي حسسيها إنك مش جايه تاخدي ابنها حته من قلبها وتمشي بكل سهوله كده طمنيها إنك عمرك ما هتفكري تبعدي ابنها عنها يمكن بعد كده تحبك ومتقلقش منك قالتلي الكلمتين دول وقامت... كأنها حست انها كانت غيرانه من مريم فعلاً وعاوزه قلبها يطمن أن ابنها مش هيتغير معاها وانا كان قصدي اقولها الكلمتين دول علشان هي تَسمع نفسها الكلام الصح وبرضو مكنش احرجتها ولا قولتلها انها غلطانه بطريقه مباشرة فات يومين وانا وحمزه كويسين جداً وهو قالي علي المناقشه اللي حصلت بينه وبين مامته ف انا متكلمتش في الموضوع ده تاني الساعه كانت 2 الضهر لقيت مامته بتتصل بيا وبتتكلم بأحسن أسلوب وبتعزمني علي الفطار وبعد كده بتقولي انزل مع بسمله نشتري شويه حاجات... ودي حاجه محصلتش منها قبل كده كنت طايره من الفرحه واستأذنت ماما و وافقت.... انا عارفه ان مفيش حد بيتغير مره واحده بس كفايه انها بتتقبل وجودي ومش هتبقا قلقانه مني ولا هتحاول تتطلعني وحشه قدامه هاله: بصي بقا يا مريم انزلي انتي وبسمه هاتي كل اللي انتي عاوزه وخودي حمزه معاكو علشان يشيل الحاجات التقيله مريم: ياااااريت والله بس هو بيقولي مش فاضي هاله: لأ مفيش شغل انهارده بقا مريم بفرحه: ده احلي قرار والله خلاص احنا اعتمدنا كلام حضرتك وهنفذه حمزه: ايه ده ايه ده انتو هتتفقو عليا ولا إيه هاله: ايييه عندك مانع!! مريم بضحك: مانع إيه بقا ده القرار طلع من الكبيره كان اول مره تقعد وتضحك معايا منغير ما ترمي كام كلمه كده يعصبوني وفعلاً نزل معانا واشترينا حاجات كتيره ووصل اخته وبعد كده وصلني حمزه بإبتسامة: شكراً يا مريم مريم: علي ايه؟؟ حمزه: إنك بتحاولي تحسني العلاقه بينك وبين ماما ودي حاجه مهمه ومفرحاني مريم: هي زي أمي و واجب عليا احترامها واستحملها برضو حمزه بغمز: طب وحمزه ملهوش حاجه كده مريم بضحك: ما انا بعمل كل ده علشان خاطر حمزه برضو حمزه بضحك: قلب حمزه والله "إذا كانت البدايات جميلة دعنا كل يوم نبدأ مجددًا، ، لكي لاننتهي أبدا وتظل مالك قلبي الوحيد" ❤️ رأيكم يهمني💙💙 #موني Omnia hatem

مقالات ذات صلة

عشق الفهد

حكايه مريم مصطفى محسن

بقلم بسمله صالح

فاطمه عيد ج٣

اترك تعليقاً إلغاء الرد