_هنا ..هنا =سهيلة؟؟ ~هنا ماما تعبانة اوى يا هنا ودتها المستشفى اللى جنب البيت ومحتاجة عملية …ممعيش يا هنا جريت بسرعة على المستشفى ومعايا سهيلة,مامتى مريضة كلى من زمان والدوا والغسيل كان مخليها عايشة. =خير يا دكتور _للأسف مامتك محتاجة متبرع بكلى ضرورى لان الكلية الوحيدة اللى موجودة أتلفت!! =متبرع؟؟ …وده هيكلف كام _العملية هتعمل خمسة وتمانين ألف أما بالنسبة للمتبرع فممكن ياخد ٣٠الف =انا …انا هتبرع بكليتى
عملت التحاليل ولقيت انه ينفع بس لازم حساب المستشفى,الوقت كان بيعدى والخطر بيزيد دورت على كل اللى أعرفهم ومجمعتش ربع المبلغ حتى,مفيش غيرها,دكتورة رغدة. “أيه ده هنا؟؟ =دكتورة رغد عشان خاطرى ساعدينى انا والله ما بشحت “إهدى بس فيه إيه =ماما يا دكتورة ماما بتمـ،،ـوت لازملها ٨٠الف عشان العملية “طيب أهدى انا هاجى معاكِ بعد العملية عرفت ان الحساب أدفع كله. =شكرا اوى يا دكتورة والله هدفعهملك قريب اوى
“أيوة بس انا مدفعتش حاجة _حمدلله على السلامة يا هنا =خالد “خالد هو اللى دفع فلوس العملية …انا لازم أمشى دلوقتى باى يا حبيبى رغدة مشيت ولقيته قعد جنبى وبنته على أيده. =دى بنتك؟؟ …حلوة أوى وشكلها حبت رغدة _هى بتحبها من زمان…زى ما بتحبك =رغد بنت طيبة وتستاهلكوا _طيب بتعيطى ليه دلوقتى وبعدين ما أنتِ كمان تستاهلينا =انا أسفة إنِ رفضتك بس هيفيد بأيه أنت خلاص أتجوزت وأكيد رغدة أحسن منى على الأقل مش عليها شبهة ولا رفضتك زيى
_رغدة إيه رغدة …رغدة أختى =أختك!! _كانت عايشة فى لبنان ولسة راجعة =أيوة صح دى قالتلى أنها لسة راجعة من لبنان بس… مسح شعرى_تتجوزينى يا هنا؟؟ =انا أتجوزك!! _اه …فكرى براحتك يا هنا =موافقة بعد العملية بأيام خالد أتجوزنى,دخلت البيت وانا مكسوفة جدًا وهو كان ورايا, صمت تام ومحدش بيتكلم فينا انا قاعدة ومستنياه يجى وهو دخل أوضة وفضل فيها كتير لما زهقت دخلتله لقيته أبتسم بس أبتسامة فيها حزن كبير,باس راسى
وقال_الف مبروك يا هنا =هو..هو بنتك مجتش معانا ليه _فرح مع ماما النهاردة ومن بكرا هتيجى انا هنام هنا والأوضة التانية أوضتك أنتِ وفرح أندهشت من كلامه بصيت على الأوضة لقيت صورة مراته واخدة الحيطة كلها!! =دى مراتك!! #يتبع #إسكريبت #سارة_بكرى#عروس_للبيع3 ~الف الف مبروك يا هنون =الله يبارك فيكِ يا سهيلة,ماما عاملة إيه؟ ~ماما كانت عاوزة تجيلك بس,أمك من بعد اللى عملتيه معاها وهى مكسوفة إنها تجيلك تخيلى أنها بدأت تعيد حسابتها معاكِ
=انا مش خطية يا سهيلة عشان ماما تصدق فيا حاجة زى دى, ماما هى اللى ربتنى على إيدها كان المفروض تعرف تربيتها عاملة إزاى ~طب ماتفكريش فى كل ده أنتِ عروسة, عاملة إيه مع خالد؟؟,لسة بيفكر فى مراته ومعتبرك مُربية!! فكرت قبل ما أقولها,مش لازم أحكى لحد أسرارى مع خالد حتى لو كانت أختى! =لاء يا سهيلة كله تمام,أستنى يا سهيلة خدى ~أيه دول؟؟ =دول عشان البيت وعلاج ماما
~يبنتى انا خلاص هدور على شغل وكله هيتحل =طب وعصام طليقك؟؟ ~يعمل اللى يعمله, انا بس خوفى على أمك خايفة يحصلها حاجة وهى شايلة منك أو أنتِ شايلة منها الباب خبط وكانت حماتى أيوة هى ست فاتن. _أزيك يا عروستنا …تعالى يا فروحة سلّمى على ماما نزلت لمستواها لقيتها مقوسة بُوقها وبصالى بحزن ودخلت علطول. =هى مالها يا طنط _ماعرفش والله يبنتى هى بتزعل كده ساعات ربنا يكون فى عونك
قلبى أتقبض من جملتها فكملت_هو خالد هنا =نزل شغله أدخلى يا طنط _لاا ده انا عندى مشاوير قد كده وأبو خالد تعبان لازم أروحله =سلامته سهيلة مشيت ورا حماتى وفضلت انا وفرح لوحدنا. =عملتلك أكل إيه من اللى بتحبيه,أمسكى وقعت الأكل على الأرض_أنتِ وحثة =ليه بس يا حبيبتى بتقولى كده…ده انا زى ماما _أنت هتخلى بابا يحبك أكتر منى وتاخديه منى أستغربت جدًا من كلامها خصوصًا أنه مش كلام طفلة أربع سنين ده كلام واحدة كبيرة,مقدرتش أتغلب عليها فأستنيت خالد.
=خالد كويس إنك جيت _بابااا طنط …طنط الوحثة بتضربنى و..وجيت أكل وقعت الطبق على الأرض خالد بص للطبق لقاه مكسور فبرقلى جامد. =خالد ده محصلش والله _دى الأمانة اللى سيبتهالك,بتضربى بنتى =خالد دى طفلة هتصدقها هى _معلش يا حبيبة بابا مش هسيبك معاها تانى خلاص أخد فرح ودخل بيها أوضته,كنت زى نكرة فى وسط البيت,إزاى البنت تكدب كده,البنت دى وراها حد هو اللى بيقولها الكلام ده,بس مين!!؟, حماتى لالا أكيد ولا حتى رغدة طب مين تعرفهم.
_انا نازل الشغل,فرح ماما هتيجى تاخدها =طبعا أنت مصدق إن واحدة زيى تعمل كده, كده انا مهمتى خلصت كانت تربية فرح وفرح مقبلتنيش _انا شوفت بعينى =لاء أنت مشوفتش اى حاجة فرح جات وانا أدتلها الأكل وقعته على الأرض ولالتلى إنِ هاخدك منها وده مش كلام طفلة يا خالد _قصدك إيه!!…قصدك إن أهلى مملينها يعنى =مقصديش كده علفكرا,ممكن تسيبلى فرح وانا هقدر أخليها تتقبلنى _لو أشتكت منك =مش هتشتكِ يا خالد
أدالى فلوس ونزل شغله وبعد شوية سمعت صوت حاجات بتتكسر دخلت لقيتها بتكسر كل حاجة, فضلت واقفة قدامها وصامتة تمامًا,لحد ما وقفت وبصتلى. =خلصتى؟؟ ,يلا عشان نفطر خرجت معايا لحد السفرة شيلتها وقعدتها. =عرفت الأكل اللى بتحبيه ياست فرح وعملتهولك أكلت بحماس فأبتسمت ومسحت على شعرها,الأطفال لا يعاتبوا ابدًا لأنهم ببساطة …”أطفال” =خلصتى؟؟ …نتكلم شوية بقا,مين الوحش اللى قالك إن عاوزة أخطف بابا وبعدين بابا بيحبك ومحدش يعرف يخطفه منك يابنت اللذينة
_م..محدث قالى =إيه رأيك متروحيش بكرا الأسكول ونتفسح انا وأنتِ وبابا _بجد!! =اه بجد,بس بشرط بلاش اللى حصل الصبح ماشى _ماثى ماثى …….. _هنا هنتفرج على الفيلم ثوا ثح؟؟ =صح يا أم نص لسان,أقولك روحى نادى بابا يتفرج معانا جريت على جوا وطلعت بيه_انا جيت يا ست فرح أتفرج معاكم =حيث كده أقوم أعمل فشار قومت عملت فشار وانا مبسوطة بالدفا ده كنا بنتفرج سوا عيلة واحدة,فيه مشاعر دافية,خالد قرب علينا وحضـ،،ـن فرح وحـ،،ـضنى معاها.
_بابى _إيه يا بابى _تيتة ونيسة جاية تاخدنى بكرا _روحى معاها دى أم ماما يا فرح _مث عاوزة أروح, هفضل مع هنا =خليها معايا يا خالد وتروح بعدين لجدتها _ماشى هكلمها بكرا وأقولها بعد شوية لقيت فرح نامت,بصيت لقيته قريب أوى منى _مبسوط أوى أنك أنتِ وفرح أخدتوا على بعض كده, انا ..انا أسف يا هنا ظلمتك =أنهى واحد؟؟ _مش فاهم =ظلمتنى أنهو ظلم الأول إنِ عاملة زى الهوا فى حياتك ولا التانى إن مش فارقالك وبتصدق عليا أى كلمة!
_هنا أنتِ مش هوا فى حياتى,أنتِ أنتِ صاحبتى بنتى و…. =خلاص يا خالد