_طب كويس خرجت وانا خدت نفس بهدوء، خلصت القهوه وطلعت واعطيتله فنجان، فونه رن ورد بسرعه _ايوه، اييي! مكانها فين؟ انا جاي حالا وقعت من ايده القهوه وانا بصاله ومستغربه في اي! =في اي يا احمد _نقلو ماما على المستشفى =هاجي معاك _مينفعش لازم تفضلي، مينفعش اسيبك اصلا بس غصب عني والله، مش هتاخر ممكن اروح؟ =ممكن بس وانا معاك _خطر يريم برا خطر وانتي مسؤوليتي =مش هيحصل حاجه، يلا بينا
مشيت بسرعه قدامه وهو حصلني ركبنا العربيه وهو ساق بسرعه، وصلنا وسألنا على مامته وقالولنا رقم الغرفه طلع بسرعه وانا وراه ووقفنا مع الدكتور _في اي يدكتور هي مالها =لازم عمليه استئصال للثدي فورا _اعملها =هي مكلفه شويه _التكلفه قد اي؟ =150000ج _اييي!! *اعملها بصلولي هما الاتنين بدهشه وكررت كلامي _اعملها *تمم هبدأ تجهيز اوضه العمليات حالا الدكتور مشي وانا وقفت قدامه _هنروح دلوقت نجيب الفلوس وتيجي ندفعها في الحسابات
=مستحيل اقبل تعملي كده _احمد لازم مامتك تعملها =مش هاخد منك فلوس يريم _اعتبرهم سلف يلا يا احمد مفيش وقت مسكت ايده وشديته ، مش عارفه كنت بعمل كده لي، بس الي اعرفه اني مش عوزاه يكون حزين، زيي انا طول حياتي حزينه، وجع فقدان الاهل دا صعب وألمه بشع، مش عوزاه يجربه عشان ميستهلش كده ساق ب أقصى ما عنده وروحنا الفله _داده يداده =ايوه يبنتي _فيه فلوس هنا؟
=ايوه في خزنه البيه _معاكي المفتاح؟ =كنتي عطيهولي امبارح!! _هاتيه بسرعه ووريني الخزنه دي فين كانت ميستغرباني كان عندها حق تستغرب بس انا مفيش عندي وقت عشان أنظم كلامي، اعطتني المفتاح وشاورتلي على الاوضه الي فيها الخزنه، دخلتها بسرعه واول مفتحتها كانت مليانه فلوس، افتكرت انا جايه هنا عشان اي، عقلي سرح في الي ممكن يحصلي لو منفذتش المطلوب، هزيت راسي وخدت المبلغ وقفلت بالمفتاح وخليته معايا وخرجت برا لاحمد، ركبت العربيه وساق وصلنا ودفعنا الفلوس في الحسابات وطلعنا قدام اوضه العمليات، كان رايح جاي وهو بيعيط، تسلم الي ربتك وعرفت تحببك فيها بالشكل دا
وقفت قدامه وابتسمت _كله هيبقى عال ابتسم= شكرا يريم، بجد شكرا الدكتور خرج وجرى عليه _ها يدكتور =الحمد لله العمليه نجحت ولحقنا نشيل الورم في الوقت المناسب قبل ميطور لا قدر الله بصلي وابتسم ورجع بص للدكتور _شكرا يدكتور الدكتور مشي ومامته خرجت وقالوا انها هتفوق بعد ساعه _تعالي نقعد اعزمك على قهوه تهدي أعصابك الي معتتش موجوده دي ضحك =والله معادت موجوده فعلا نزلنا في الكافتيريا وشربنا اتنين قهوه
_قهوتي احلى، قولي اه معلش =فيه الاحلي من قهوتك _القهوه دي؟ =لا انتي بصيت في الأرض وطلعت بتكسف وبنت وكده ما شاء الله عليا ما اروعني طلعنا ودخل لمامته وانا فضلت برا عشان يتكلموا سوا شويه، طلع وهو بيضحك ف انا ابتسمت _كويسه؟ =كويسه، نمشي؟ _نمشي كان فرحان جدا وحمدت ربنا انه بقى كويس وانه محزنش، شكله وهو بيعيط يقطع القلب منه لله كنا هنركب العربيه وبعدين سمعنا ضرب نار و..
#شبيهتي💙 #مريم سمير 💙#البارت الرابع سمعنا ضرب النار فمسكت ايده وجرينا _كنت عارف انك في خطر ومع ذلك خرجنا =فكك دلوقت واجرييي فضلنا نجـ،،ـري وبصيت ورايا لقيت اربع رجالهه، مسـ،،ـكت ايد احمد ووقفت _بتعملي اي =خلي ضهرك في ضهري _لي؟ =الي جايين دول جايين يخـ،،ـطفوا مش يقـ،،ـتلوا، يعني مش هيسجروا يضـ،،ـربوا طلقه واحده الي في الأول دا كان تهويش _طب اقفى في جمب =عيله انا؟ مش هعرف احمي نفسي!!
الاربع رجاله جم وكانوا عاملين دايرهه حوالينا _ريم =متفكرش اضـ،،ـرب انا ضـ،،ـربت اتنين وهو ضـ،،ـرب اتنين كانوا على الأرض وهو فضل متنح وباصصلي _لو فضلت واقف كدهه هيصحوا تاني مسكت ايده وجرينا ووصلنا للعربيه وركبنا وهو ساق، كان بيبصلي ب استغراب ويرجع يبص للطريق _هنعمل حادثه على فكرهه ركن العربيه وبصلي= انتي ازاي كده!! _كده ازاي!! =الي يعرف انك بنت وزير يقول انك مثلا مغروره مدلعه، بس انتي مش كده كلامك طباعك زي بنت البلد، ثواني انتي عرفتي منين انهم مش هيطلقوا نار تاني؟ وعرفتي تضربيهم ازاي! انتي ازاي يبنتي
_انا جعانه =نعم!! _اي مش فاهم الكلمه ولا ايي؟ =الساعه 2 ومفيش مطاعم فاتحه باين _مش عاوزه مطعم ودينا عربيه فول يلا =عربيه اي!! _قصدي كان فيه يعني عربيه فول ونفسي اجربها وكدهه ابتسم= حاضر _هتفضل باصصلي كده مش هتسوق =احمم، لا هسوق ساق وانا بصيت من شباك العربيه وضحكت مش عارفه مالي والله حطيت ايدي في الجاكيت الي كنت لبساه لقيت مفتاح الخزنه، الفلوس!!
وصلنا واحمد جاب السندوتشات وكنا بناكل في العربيه، الوقت معاه لطيف بيعدي بسرعه، روحنا على الساعه 2 ونص طب والله متربيت يجماعه بكلمكم بالامانه، كنا داخلين واحنا بنضحك ولقيت في وشي الي اسمه حسام الي هو خطيبي دا اه _لسه بدريي =انت بتزعق لي؟ لو اتكلمت بالراحه هقول الي صوته واطي اهو! _انتي رجعالي بتضحكي وش الفجر =هبقي ارجع بعد كده وانا بعيط حاضر _دا انتي زوديها اويي قرب مني ورفع ايده غمضت عيني بقوه وفتحتها لقيت احمد ماسك ايده وقميص بدلته
=دا انت الي زودتها اويي، انت هتعمل اي؟ هتمد ايدك عليا بتاع اي _انت اتجننت نزل ايدك، دي خطيبتي =ومسؤوليتي لو كان الوزير شاف انك تقدر تحميها مكنش جابني هنا _انت ازاي تتجرئ و.. =بقولك اي اسمع .. *بقولكم اي متسمعومني انا بصولي هما الاتنين بغضب *تعالوا كلوني يلا، حسام انا مش بحب الطريقه ديي تمم،سيبه يا احمد، احمد خلاص سيبه ساب هدومه وبعد عنه خطويتين _اعملي حسابك باباكي جاي بعد شهر اول ميجي هنكتب الكتاب زيي اتفاقي معاه
مشي وانا لسه واقفه مكاني كتاب مين الي يتكتب!! هو جاي بعد شهر!! _انتي هتتجوزيه؟ =نعم!! _هتتجوزيه! =بيقولوا _وانتي على كده بتحبيه؟ افتكرت اني المفروض ريم وانها اكيد بتحب الشخص الغبي دا =ايوه بحبه _نامي عشان الوقت اتأخر طلع برا وانا فضلت متنحه في اي بقي؟ طلعت اوضتي ونمت بعد يوم طويل ومتعب وانا بفكر هعمل اي بعد كده! *عند ريم صحيت الصبح وانا ببتسم للشمس الي على وشي وانا باصه حواليا انا دلوقت برا البيت مش كده؟
كنت باخد نفس بس كحيت بعدها البيت بيولع ولا اييييي!! طلعت بسرعه لقيت دخان طالع من المطبخ _انت، انت بتعمل اي؟ مسكت الطاسه بسرعه وحطيتها على الحوض وهو فتح الشباك وخرجنا برا في الصاله واحنا بنكح احنا الاتنين _لو ناوي تولع فيا قول متتكسفش =كنت بعمل بيض على نار هاديه _هاديه اي انت لو زودت شويه كانت هتبقى نار جهنم، ثواني بيض! =عشان تفطريي ابتسمت _انا مش جعانه =متأكده؟ _متأكده، ومتاكده كمان انك متدخلش المطبخ تاني تمم؟
ضحك =تمم، لازم اغير وانزل دلوقت _رايح فين؟ =الشغل _هتسبني لوحدي؟ =اروحك؟ _مع السلامه انت يحبي ضحك ودخل الاوضه يغير، محدش هيفهمني، انا مش عاوزه ارجع وليا اسبابي _عاوزه حاجه قبل منزل؟ =انت بتشتغل ايي؟ _بشتغل نفسي =بتشتغل اي يعني بردو مفهمتش _في شركهه حاسوبات قريبه من هنا =هعمل اكل عشان تيجي تتغدى و.. _ابوس ايدك لا والله ابدا هجيب دليفري وانا جايي، لا انا ولا انتي لينا نخش المطبخ، ارجوكي حافظي على اساس البيت، البيت هيقع مش كدهه
ضحكت= طب خلي بالك من نفسك _تحبي اجيب اكل ايي؟ =الي تحبه _مش هتأخر =مع السلامه مشي وانا فضلت واقفه مكاني، دخلت الاوضه نضفتها، لقيت ألبوم صور فمسكته وفتحته، لقيت صوره وهو صغير وهو شاب وهو في الجامعه، طب بذمتك حد ملامحه لطيفه كده!! لقيت في آخر الألبوم صوره متقطعه كأن حد متصور جمبه مش باين غير الكتف بس، بتهيقلي دا كتف بنت! الباب اتفتح وجريت على الباب ولما لقيته ابتسمت
_ماسكه اي! خبيت الصوره ورا ضهريي= ولا حاجه حط المفتاح والكيس الي كان شايله على الطربيزه وبصلي ورفع حاجبه _متأكده؟ =اه اه طبعا