_متـ،،ـقلع يبني!! =اي، نعم!!! _نعم يا اخويا !! رجاله اي الي بتتكسف دي يربي، انا غلطانلك انا قلبي عليك في الحر د عشان متنـ،،ـمش بهـ،،ـدومك، أقـ،،ـلع انا بقي =اي لا استنى، هطلع برا _خد يلا تعالي هنا، انت اسمك اي؟ =أنا، أنا اسمي مروان _وانا أحمد، وطالع برا لي بقى يسي مروان!! =هشوف الجو برا، نام انت _ماشي بس لو الريس قفشك انت حر
مشيت ومردتش، انا اي الي خلاني اعمل كده! انا واحده أضعف من كده على فكره، اي يخليني ادخل معسكر الرجاله واسيب معسكري! يخربيت المغامره الي هتوديني في داهيه، وبعدين اي الإنسان قليل الادب الي عاوز يقـ،،ـلع قدامي دهه!، واي مروان دا كمان، طب فيه بنت رقيقه وجميله زيي تجيب بروكه وتركب شنب! هو انا عندي عقل فيه مخ وكده؟ ، طب انا بعمل كده لي! منا مش عارفه والله، لو عارفه هقول هخبي لي يعني و..
_إنتباااه، ثابت اتحسـ،،ـرت ووقفت مكاني بعد مكنت ماشيه اكلم نفسي =أفندم أديت التحيه ووقفت رافعه ايدي لفوق، يرب متكشف، انا لو اتكشفت هيعـ،،ـلقوني على باب المعسكر عبره! _بتعمل اي هنا يعسكري؟ =ها، بشم هوا يفندم _هنهزر!! على اوضـ،،ـتك فورا =تمم يفندم جريت من قدامه، هو انا هخش اقعد مع الأخ الي جوا دا؟ حاسه ان اتسرعت في حكايه ان انا بميت راجل سيكا وحاسه كمان ان لو حد هزني كده هينزل مني ناس متهانه صغيره قد كده، ودوني معسكري ولا اقولكم جوزوني وستتوني بلا وجع دماغ
خبط ودخلت لقيته مش موجود في الاوضه، غمض عيني براحه وفتحتها تاني لقيته قدامي لافف الفوطه حوالين وسطه ومكنش لابس حاجه فوق! اي اصوت؟ لفيت بسرعه وشي للناحيه التانيه وانا بعض على شفايفي من الكسوف _مالك يبني! متسمر مكانك لي؟ =لا مفيش، انت كنت فين! _مش باين اني كنت بستـ،،ـحمي مثلا!! ابعد من طريقي عشان ألبس اتحركت من مكاني ووقفت الناحيه التانيه وانا لسه لافه وشي، اهـ،،ـرب؟ ارقع بالصوت طيب!!
_مروان! =.. _أنت يعم!! جه خبط على كتفي فبصتله _مش بنديلك! =انت بتقول يمروان _والباشا مش مروان بردو!! سكتت ثواني وافتكرت ورديت بضحك= ابقي فكرني كل شويه اصل بنسى _يبن الظريفه =نعم!! _نام =بس .. _بقولك نـ،،ـام!! قعدتت على السـ،،ـرير الي جمبه وسكتت _أنت هتنام كده! =كده ازاي يعني _بهدومك دي!! قوم يبني غير =لا انا بحب انام كده _أنت حر، تصبح على خير =وانت من اهله
أنا دلوقت مع راجل غريب في اوضه لوحدنا، الشيطان اتأخر لي؟ طب يفكر يقربلي وانا كنت .. اه اه انا راجل اهدي انتي في امان، يعني انا دلوقت مع راجل!! انا دلوقت بكل حوارتي دي وحته عيوطه في الاخر! انا لو اهلي عرفوا اني سبت معسكري وجيت هنا هيعدموني في ميدان عام شنقا رميا بالرصاص .. مش عارفه نمت ازاي بس صحيت على خبط في كتفي صحيت وزقيت الي قدامي
_يا اخي منك لله انا غلطان اني بصحيك دعكت عيني وبصيت لقيته على الأرض =انت اي الي قعدك كده! _قولت اغير جو ضحكت=معلش يعم اصل برفص وانا نايم _خدتت بالي، قوم يلا عشان التدريب قومت بسرعه وكنت متحمسه جدا الي جايه عشانه خلاص هبقي فيه، لي تدريبات الرجاله عنيفه وجامده واحنا مش زيهم لي، ولا فاكرين ان هما بس الي جامدين وكده طب والله لولا أن الجامد مبيحكيش عن جمدانه كنت ألفت كتاب عن جمدان مريم وقتي
لبست لبس التدريب ومشيت معاه، هو لطيف مش نفس فكره الرجاله الي رسماها في دماغي ولا اقولك لا كلهم مصطفى أبو حجر مد متمشيش جمبي يلا وصلنا وكل واحد واحد وقف مع زميله _دلوقتي كل واحد هيدخل في اشتباك مع زميله، ابتدي لقيت احمد وقف قدامي وحاطط ايده قدام وشه، ثواني انت هتضربني بجد! هتمد ايدك على واحده نسوان!! رفعت حاجبي _أنت هتعمل اي! =هضربك _لا وواثق من نفسه اوي
=مالك يلا خرع كده! اتعصبت_هو مين دا الي خرع! =وريني اخرك اصل شكل اخرك فاضي _طب تعالي بقى ضربته في عينه ونزلته على الأرض _اااه =بالشفا تعيش وتاخد غيرها ان شاء الله جه القائد وشكر فيا واحمد كان لسه على الأرض وانا هموت واضحك، ينفع اضحك ! مديتله ايدي وقام ووقف جمبي وقرب وهمس في ودني _سيبهالك بمزاجي متحلمش كتير ضحكت= يعم عينك وارمه يعم _لا هي بتبقى وارمه اول مصحي من النوم كده
*يلا كله هينط من فوق بالحبال _نعمممم!!! #يتبع .. #فقط_وفقط_للرجال💙 #مريم سمير 💙#البارت التاني _يلا كله هينط من فوق بالحبال =نعمممم!! _اي يعم مش عامل جامد وبتضرب اشرب بقي =أنا بخاف من المرتفعات _مالك يلا طري كده لي يلا!! =احمد انت عينك لسه وارمه بسبب خرع الي قولتها من شويه _يعني مش هتطلع؟ =يبني انت روش جدا، اكيد هطلع يعني _طب يلا عشان ننط سوا =هو الانتحار محرم اوي يعن!!
_بتقول حاجه!! =يلا يبني عشان ننط من فوق يبني في اي!! هو انا هعمل كده بجد؟ اعمل اني مغمي عليا طيب؟ خنجر وارشقوه في قلبي جوا قلبي كده وإتكوا عشان انا استاهل والله استاهل عشان انا الي جبته لنفسي طلعت مع احمد وكنا احنا الاتنين واقفين جمب بعض _أنت عاوز تفهمني اننا هنط دلوقت من الحبال دي ونوصل تحت! =قول يرب _وأننا هنكون متشعلقين في الهوا زي البندول؟ =ايوه فعلا
_وانها يا تصيب يا تخيب؟ =بالظبط _لا يبقي توكلنا على الله =انت رايح فين! _نازل =لا يحلو من هنا زقني ونزلت، انا عمري مهأمنلك تاني يلا، اصلا المفروض مكلمكش عشان انت راجل، ثواني الله احساس حلو اوي وانتي نازله من فوق كده والهوا محاوطك من كل ناحيه، كنت مبتسمه لغايه ملمست رجلي الأرض وخدتت نفس مع تغميضه عين _ها اي رايك؟ =أنا جاي اقول كلمه واحده بس منك لله لواحد اول حرف من اسمه احمد
ضحك وسقف ايده الاتنين فبعض، يويلتي يخربيت جمالك الله وكيل مش إلك حل وربنا !! ثواني انت الي زقتني من فوق مش كده؟ يشيخ حسبي الله ونعم الوكيل فيك يشيخ _دلوقت هتجروا 15 مره حوالين المعسكر سمعت الجمله وربعت على الأرض وحطيت ايدي على راسي _جوزك طلقك ولا اي! =يبني سبني في حالي بقي _اصلك شبه المطلقه جامد يعني، يلا عشان نلف =أنت مبسوط اوي لي معلش! هو احتا نلف بفره!!
_يلا يلا بلاش كسل، يا انا يا انت هنا، زميلي في الاوضه مينفعش يبقى كده قوم دا احنا لسه في الاول، يلا هات ايدك ابتسمت وقومني وجرينا، كنا مرهقين اه بس التعب كله كان بيروح لما يقول نكته بايخه ويطلع يجري ويضحك وانا اضحك على ضحكته، حاسه اني ظلمت معشر الرجاله سيكا، ولا يمكن أحمد إلى مختلف! خلصنا ووقفت وحطيت ايدي على ركبتي وفضلت اخد نفسي وانهج _مروان! =بلا مروان بلا زفت بقى انا جضيت يجدع
_احنا كده خلصنا النهارده =ايدا مموتش لسه؟ طب الحمد لله اني لسه عايش والله _يعم تعالي صعبت عليا لقيته فجأه لف ايدي حوالين رقبته وسندني ومشي، ثواني! انا دلوقت هو ماسكني وكده صح؟ خسئت يعم اي الأخلاق دييييي!!! رجعنا الاوضه وقعدت على السرير وانا لسه بنهج _أنت هتعمل اي يباشا؟ =هغير!! ولا اقولك انا داخل استحمي _ثواني تعالي هنا =عاوز اي!! _خد هدوم معاك البسها جوا رفع حاجبه =طيب هاخد اهو
دخل وانا خدت نفس وغمضت، كويس يغير قدامي ليييي! هو انا بتكسف يجماعه بردو منا بنت يعني، شويه ولقيته جه ولابس بنطلون البيجامه بس! يعني انا قيلالك خد هدوم لي يبني؟ كان بينشف شعره بالفوطه وانا بصاله، هي دي عضلات ولا منفاخ ما شاء الله ربنا يحميك، جاوبني بصراحه اسمك أحمد قلوعه!! لفيت وشي الناحيه التانيه وهو جه قعد قدامي فشهقت، حد يخض حد كده؟ ربنا ينتقم منك في اي يا احمد الاه!!
_معلش اصلي انسان وبحس وان الدنيا حر وكدهه =اه لا خد راحتك يعم مفيش حاجه _طب ادخل استحمي انت كمان عشان فيه سهره جامده النهارده =سهره جامده فين؟ _برا الرجاله هيعملوا قاعده وكده عشان نستريح شويه =اه _اه اي، ادخل يلا عشان ننزل تحت! =.. _أنت مش معاك هدوم؟ =معايا بس مليش مزاج ألبسها دلوقت _طب استني فتح الدولاب وجابلي بيجامه _دي أغلي واقرب بيجامه عندي متغلاش عليك =متحرمش يصاحبي
خدها ودخلت وعاوزه اقولكم اني كنت نسيت اني بنت خلاص، بس احساس انك بتعملي حاجه كان نفسك تجربيها دا مهون اوي، خلصت وطلعت وابتسم اول مشافني ونزلنا تحت، كان حاطين خشب ومولعين فيه عشان يدفوا، احنا في مخيم؟ ميمشيش معاكم اننا في معسكر يعني؟ تمم اشطا كملوا مفيش حاجه واحد فيهم ضحك واتكلم _عارفين القاعده دي نقصها اي؟ رديت بتلقائيه= ايي؟ _نسوان =أحيههه!! كله ضحك وكملوا كلام _دا مراتي دي لازم تكون كده موديل، احنا هنجوز امتى يرجاله!
=هنفضل احنا في السجن دا لغايه متروح علينا كانوا بيتكلموا وانا فاتحه بوقي وكل شويه ابص لأحمد اوعا تطلع زيهم! ازعل والله _وانت يا ابو حميد عاوزها عامله ازاي؟ بصيت ب اهتمام ليه كأني كنت مستنيه حد يسأله فعلا، مش عارفه مالي بس عاوزه اعرف فعلا هو عاوزها عامله ازاي =بص يعم، لازم تكون طيبه وشجاعه مبحبش انا البنات الرقيقه اوي دول يعني تحس انها بميت راجل لما تقع وتلاقيها جمبك لما تحتاجلها، وتبقى بقى زوجه صالحه وحنيه ايوه اهم حاجه تبقى حنيه وميهونش عليها
كنت مبتسمه وانا بسمعه وكله فاتح بوقه وهو بيتكلم، ايوه مهو طبعا اول مره تسمعوا كلام نضيف ليكم حق، مش عارفه لي كنت مبسوطه بس كنت أتاكدت خلاص انه مختلف وانا مبسوطه اني اتعرفت على واحد زيهه و.. ثواني انتوا هتعملوا اي؟ _في اي يرجاله، مش خير؟ =دي ازازه متسربه كده عشان نتبسط شويه _نعم! خمره؟ شربتوا حشيش ولا لسه يجدعان!! كله ضحك من تعبيرات وشي، يخربتني هوديني في داهيه اسكتي اسكتي
_خدت يا ابو حميد اشرب رديت بسرعه =يلا يا احمد نطلع الاوضه عشان حاسس فجأه اني عاوز انام رد عليها الشاب الي كان بيكلم احمد _اقعد يعم مروان مالك مأذمها لي! دا ،دا شربوه غصب عنه!! اي دا منكر! بتشرب منكر يا احمد؟ دوقني كده الحرام طعمه اي، وريني الازازه دي بتقول اي كده _خلاص يجدعان كفايه، هو أول مره يشرب باين، احنا طالعين عشان ننام بقى، يلا يا احمد
كان متنح ومبتسم، انت لحقت؟ سندتت ايده حوالين رقبتي وطلعنا الاوضه وسندته للسرير _انتي حلوه جامد لي؟ =افندم!!! #يتبع .. #فقط_وفقط_للرجال💙 #مريم سمير 💙#البارت التالت _أنتي حلوه جامد لي؟ =أفندم!! وقفت بسرعه وهو كان قاعد يضحك على السرير بدأت اتوتر واخاف هو بجد عرف!! فجأه قام وانا كنت برجع خطوه لما هو يقرب _أحمد فوق في اي!! =مات ،مات وسبني لوحدي، حتى هي كدبت عليا وسبتني، اكتر اتنين حبتهم في حياتي سابوني
مش عارفه لي قلبي وجعني كان بيدمع وهو بيتكلم، سندته تاني للسرير وقعدت قصاده _مين دول الي سابوك؟ رجع براسه لورا على السرير وبص قدامه وبدأ يتكلم =صاحبي من واحنا صغيرين جيت الدنيا لقيته جمبي، كنا واحد، كنا احنا الاتنين راكبين العربيه وكنت انا الي سايق وعملنا حادثه ومات، انا الي قتلته انا السبب بدأ عياطه يزيد واتعدل في قعدته وبصلي
=أما هي بقى فسبتني عشان جالها الأغنى، طبعا هتحب واحد كئيب زيي لي، كدبت عليا وقالت إن أهلها غصبوها، وهي كمان سابتني، عارف لما الضربه تجيلك في وقت انت ميت فيه اصلا، معقول انا وحش اوي كده عشان محدش يفضل معايا يمروان! قعدتت جمبه وبصتله وهو كان باصص قدامه ولسه بيعيط
_صاحبك دا قدره، متحملش نفسك اللوم انك السبب في موته، دا عمره الي ربنا كتبه، افضل ادعيله وان شاء الله شبابه في الجنه، هو عمره ميموت جواك عشان انت صاحب أصيل يا احمد، اما بالنسبه للبنت فعادي يعم كلنا بنختار غلط، هيجيلك في وقت بنت تستاهلك وتحبك بجد، وانا يعم اهو اي يعني مش صحاب مثلا؟ ضحكت_ ولا عاوزني اورملك عينك التانيه بقي
إلتفت ليا وسكت وبعدين انا مسكت ايده من نوع المواساه وفجأه حضني! هو انت يلا محدش يأمنلك ابدا؟ تعرفوا انا عمري معيطت يمكن كنت بدمع بس معيطش عشان حد دايما عامله نفسي سبع رجاله في بعض والي هو مينفعش تعيطي لازم تحاولي مره واتنين وتلاته عشان توصلي، مش عارفه لي عيطت عشانه! مش عارفه هو عمل فيا اي والله!!
طلع من حضني وهو لسه دايخ فنام على طول فضلت بصاله ومسحت دموعه الي كانت على وشه، يمكن كنت واخده فكره غلط خالص عن الرجاله، اوقات لازم يعيطوا بردو عشان يواسوا نفسهم، بيظهروا بمنظر لا الرجاله متعيطش وهو جواه حزن يخلي الواحد يفضل يعيط وبس!!، ثواني حسبي الله ونعم الوكيل يعم عشان فكرت انك قفشتني، بس كانت لحظه جامده وانت بتقرب ممكن نعيد المشهد تان معلش عشان مخدش بالي!
مش عارفه نمت ازاي بس صحيت على خبط على كتفي وكالعاده رفصته، قومت ودعكت عيني لقيته قاعد على الارض وبيضحك، شوفت ضحكتك حلوه اوي ازايي!! طب والله شكله هيبقى يوم جامد عشان بدأ بالضحكه دي _لامؤاخذه يا احمد، مش مشكلتي لا تتعود بقي =لا منا هتعود، شكرا يمروان على امبارح انت فعلا فوقتني وطلعت جدع _الله يسترك =اييي!! _قصدي دا واجبي عشان احنا صحاب ولا اي؟ ابتسم= ولا اي
لبسنا وفطرنا ونزلنا، مش عارفه ازاي فات شهر وبقينا صحاب جامد، هو الواحد اه بيتعب بس كون فيه حاجه مهونه عليه التعب دا ففجأه التعب دا بيتحول لمتعه انت بتعيشها، الحاجه دي تبقي هو، مش عارفه مالي بس الي عرفاه اني مبسوطه وانا معاه وان اول مره احس بالاحساس دا، بس انا طوره والله ومش عارفه اترجمه، طلعنا من التدريب وقعد على السرير وانا قعدت قصاده _انا قايم ا.. =بلا تستحمي بلا بتاع دلوقت، عاوزك في موضوع مهم
_ها أنجز =انت لي بتعاملني كدهه يبني _معلش اخلص يعني =سؤال عاطفي ويريت تطلع بتفهم _الاه دا انت طلعت جامد وانا فاكرك محترم ضحكت =لا متفكرش تاني، بس السؤال ميخصنيش، يخص واحده صاحبتي يعني _ها سامعك =لو هي مبسوطه ومطمنه مع واحد، بتحب تشوفه وكده ومرتاحه معاه دا يبقى اي؟ _لا دي اعراض غباء مفيش حاجه =مش بهزر دلوقت _دا الي اسمه اللهم احفظنا الي بيسموه الحب دا =وانا موطي صوتك ليي!
_عشان محدش يسمعنا =احنا لوحدنا في الاوضه يبني!! _مهو الحيطان ليها ودان وشويه هنركبلها حلقان بس مكنتش عاوز اقولك الموضوع دا =قوم استحمي يا احمد انا غلطانلك _مكان من الاول يجدع =تعالي هنا متنساش ال.. _الهدوم اخدها معايا جوا =و.. _هلبس جوا حاضر =جدع يا احمد فيه اي _الله يكرمك
خدت بيجامه ودخل يعني انا بحبه؟ اي دا انا عندي قلبي! وفيلنج وكده؟ وات! بس هو يستاهل يتحب والله، دا عليه ضحكه اقسم بالله لما بشوفها لو قالي عامل اي بعدها هقوله الحمد لله بحبك وبحب ضحكتك وانت!! ، هنسمي عيالنا اي بقى!، 1،2،3 وابتسمت وبصيت قدامي ومكنتش باصه نحيته عشان عارفه انه هيطلع من الحمام وبردو بنفس المنظر لابس البنطلون بس، انت عضلاتك مقويه قلبك مش كده!! جوزي وصل يحاره
_ادخل يلا انت =داخل اهو دخلت وانا لسه بفكر يعني بجد خلاص حبيته وكده؟ طب اقوله ازاي احيه انا راجل كده هتفهم غلط جامد، بس انا مش راجل انا مريم!! يمكن جيت هنا عشان اعرفه و.. وأحبه طلعت من الحمام وهو كان حاطط ايده حوالين راسه وقاعد على السرير _مالك يا احمد حصل حاجه؟ بصلي ومتكلمش _فيه حاجه مزعلاك؟ قام وبدأ يقرب مني، بلعت ريقي ورجعت خطوه لورا _احمد انت شربت تاني ولا اي؟
كان بيقرب وانا ارجع لغايه موصلنا للحيطه، كان بيبصلي وانا والله لو فضل باصصلي كتير كده هقوله بحبك بلا استرونج بلا نيله رفع ايده على شعري وفجأه شال البروكه وشعري نزل على وشي فشهقت من الخضه، بدا يلمس وشي وفجأه بعد عني بعصبيه _مروان مش كده! =هفهمك كل حاجه بس اسمعني _انا كنت بدأت اثق فيك، ولا اقول فيكي! =هقولك والله بس اصبر اديني فرصه اتكلم _ومهو خلاص لعبتك اتكشفت انتي ذكيه اوي يمريم، ذكيه جامد بس غلطه الشاطر بقى، حطيتي بطاقتك في الدولاب فاكره انك هتستمري في الفيلم دا !!
=احمد انا بس… _انتي واحده كدابه، بتكدبي حتى على نفسك في اللحظه دي سكتت وبدأت اعيط _كنت فاكر اني فعلا لقيت صاحب، بس بردو اتخذلت والمرادي من شخص كنت فاكرهه فعلا قريب مني، انا قولتلك اني بكره الكدب، لي عملتي كده ليييي!، كان من حقي اعرف، كان لازم اعرف يمروان و..
خبط راسه ب ايده وسابني وخرج ورزع باب الاوضه، نزلت على الارض وكملت عياط، انا قلبي وجعني بس مش عشان كشفني قلبي وجعني عشان وجعته، انا مكنتش عاوزه أذيه ولا اجرحه تان، مسحت دموعي وغسلت وشي ولبست البروكه ونزلت لقيته واقف تحت، حطيت ايدي على كتفه ف إلتفت ليا وقبل متكلم سمعت صوت حد بينادي فإلتفتت بصدمه وخوف _بابا، ماما !!!!! #يتبع .. 💙 #فقط_وفقط_للرجال💙 #مريم سمير 💙#البارت الرابع
_مامااا بابااا !! شهقت من الخضه ومش عارفه لي استخبيت وراه، مش عارفه لي شوفته حمايتي في اللحظه ديي _انتي اي الي جابك هنا؟ جايه معسكر للرجاله انا ربيتك على كده! انا غلطان اني وثقت فيكي انتي قليله الادب بابا رفع ايده وجاي يضربني غمضت عيني بقوه وبعدين فتحتها لقيت احمد ماسك ايده _اهدي يعمي، محدش عرف حاجه ماما =كده يمريم تعملي فينا كده! _طب انا هسيبكم لوحدهم، ارجوك متضربهاش، اتكلموا بالراحه هي اكيد عندها سبب
بابا خد نفس بتنهيده وهز راسه بالموافقه، مشي وانا بصتله ورجعت بصيتلهم تاني _عملتي كده لي؟ =كنت عاوزه اجرب، كان نفسي احس احساس تعب الرجاله ولي عملوا معسكرين واحد لينا وواحد ليهم، لي يكونوا هما الي واخدين الحمل كله، والله يبابا مكان قصدي ازعلك كان نفسي بس اجرب _انتي عارفه نتيجه الي عملتيه دا اي؟ كنتي فاكره انك هترجعي البيت ومحدش هيعرف! لولا أن قائد المعسكر دفعتي كان زمانك في السجن عشان دا انتحال شخصيه ولا انتي مش بتفكري في عواقب الي بتعمليه يهانم!!
=بابا انا .. _لأول مره احس اني خايف عليكي، طول عمرك بميت راجل واعتمدت عليكي ومرضتش اكسر بخاطرك لما قولتي هتدخلي شرطه، احنا روحنا معسكرك وملقناكيش هناك، طلعنا ومامتك فضلت تعيط وانا هتجنن عليكي، لغايه مصحبتك الي انتي معرفاها مكانك قالتلنا، انا مصدقتش الا لما جيت وشوفتك الي عملتيه دا غلط، غلط كبير يمريم =غلط كبير بس اتعلمت، اتحملت كتير وبقيت أقوى من الاول ، سامحني والله اخر حاجه اقصدها اني ازعلك مني
حضنته وهو كان مودي وشه الناحيه تانيه، طلعت من حضنه وانا عياطي على وشي _اول مره احضنك وانت متحضنيش يبابا =خمس دقايق تلمي حاجتك وتيجي، مش ناقصين فضايح، احنا في العربيه برا مستنينك خد ماما ومشيوا، انا عمر قلبي موجعني كده، انا والله مش قصدي أذى حد والله مش قصدي، كنت ماشيه وانا بعيط، العياط دا طلع بيوجع اوي، انا مكنتش كده! طلعت لقيته قاعد على السرير واول مشافني قام من مكانه
_خليك انا هاخد حاجتي وامشي قعد مكانه وبص الناحيه التانيه _حتى انت زعلان مني؟ انا أذيت كل الي حواليا، كل الي بحبهم، انا وحشه اوي يا احمد، وحشه اوي =.. _متزعلش مني، وهفضل فاكره وقتنا سوا، عاوزه اقولك انك اجدع واحسن صاحب في الدنيا، وانك دايما كنت جمبي وبتساعدني =.. مكنش بيرد عليا ولسه باصص في الناحيه التانيه بدأ عياطي يزيد ولميت حاجتي بسرعه، لقيته حط ايدي على كتفي فبصتله
_بطلي عياط، عمرك معيطي قدامي قبل كده =عمري معيط خالص، انا اسفه _خلي بالك من نفسك هزيت راسي = سلام يا احمد، واتمني فعلا انك تسامحني عشان انا حاولت اقولك كتير والله بس مكنتش بعرف، مكنش قصدي اكسر ثقتك فيا او تتخيل اننا مش صحاب مشيت ونزلت وركبت العربيه ومشينا، رجعت البيت وبابا دخل الاوضه بتاعته على طول، حطيت شنطتي في الصاله ودخلت وراه _بابا =.. _هتفضل زعلان من بنتك الوحيده؟ انت متجوز غير امي ومخلف عيال غيري فمقويين قلبك؟
ضحك وبصلي وسكت _والله اخر مره، والله متزعل مني، حقك علي دماغي وقلبي والله حضنته _احضن عشان معيطش تاني والله حضني =متخوفنيش عليكي تاني _والله حاضر، و.. عاوزه اكل =اي!! _ما انا عيطت جامد اوي ودا خد من صحتي فقوم معايا اعوض ضحك =امشي من قدامي _حبيبي يحاج والله كلنا سوا ورضيت ماما في أقل من ثانيه حقيقي انا بحبكم اوي والله، خلصت ودخلت اوضتي، اول مدخلت افتكرته، قعدت على السرير وابتسمت
_هو انا مش هصحي على ضحكته؟ ونكته البايخه ومش هدور وشي بكسوف لما يطلع من غير قميص الترينج! لا اعترض معلش، طب والله هيوحشني اوي، ويعز عليا انه زعلان مني اقسم بالله مر اسبوع وكل حاجه اتظبطط وبابا معتش زعلان مني خلاص، عشان هو راجل جدع والحاره كلها عارفه انه راجل جدع اه، كنت بفتكره كل ليله وافتكر لحظاتنا سوا واضحك وانام، ايوهه هشوفه امتى يعني؟ صحيت الصبح على صوت صاحبتي شهد
_انتي يبت سهله لي، انا مش طيقاكي، كده تقولي لأبويا اني في معسكر الرجاله!! =لا اسيبهم ميتين من الخوف عليكي _الله وكيل مقتنعت =قولي فوقي عملتلك قهوه، عشان تفوقي وتحكيلي كل حاجه حصلت _انتي السبب اني مش معاه دلوقت =ثواني، ثواني مع مين؟ قومت وقفت وبدأت اتكلم وانا بتحرك
_أحمد، التدريب كان صعب اوي يشهد بس معاه حاجه تانيه ولا لما ننط من فوق بالحبل بحس اني طايره من الفرحه، انا حفظت كل كلامه حتى الكلام الي مش بياخد باله منه، مختلف اوي عن أي حد، عليه ضحكه اقسم بالله تنسيكي كنتي هتقولي اي، هو اه وقتنا سوا مكنش كبير بس دا احسن وقت عشته في حياتي ، هو حقيقي الطف صاحب في الدينا، قد اي هو وحشني =مريم!!! انتي سخنه؟
_هو عمل الي متعملش صح؟ =دا مين الجامد الي خلاكي تقعي، دا انتي مبيعجبكيش العجب!! ابتسمت _بس دا احمد =طب يلا قومي _على فين!! =معسكرنا !! وقعت فنجان القهوه من ايدي _هنروح بجد! =انتي يبنتي هبله الجاكيييتت الجاكيييتت _ثواني اعرف الحاج واوضب شنطتي طلعت وانا الضحكه من الودن دي للودن دي، كان فيه حاجه اسمها تقل مش كده؟ الحاجه دي نلغيها خالص بقى عشان عاوزه اشوفه معلش _راحه المعسكر يوالدي
=بتاعك ولا بتاع الرجاله يقادره؟ ضحكت_ لا متخافش المرادي بتاعي =خلي بالك من نفسك، خدي دول _أنت فاكر اني مش هعرف اعتمد على نفسي واني لسه صغيره عشان اخد منك فلوس!! =ربنا يصلح حالك يبنتي و.. _كام دول يحاج؟ مش عارفه لي كنت مبسوطه اوي كده، مهو المعسكر بتاعنا لازق في بتاعهم يعني هشوفه غصب يعني هشوفه غصب انا قولت اهو بدل معمل جريمه وقتي خلصت حاجتي ونزلت مع شهد، وبابا وصلنا بالعربيه ودخلنا، طلعنا علي الاوضه وحطيت الشنطه على السرير وقعدت جمبها وخدت نفس طويل
_محلاها عيشه الحريه =يلا عشان هنبدأ تدريب _ودوني على بيت اهلي حالا!! اصلا عادي على فكره وانا استرونج بس هو ينفع اعيط؟ نزلت انا وشهد وحقيقي اكتشفت قد اي التدريب مع الرجاله ارحم من البنات الملزقه دي _يلا هنبدأ، يلا اربع لفات حوالين المعسكر اي اربع اي؟ يجدعان ودوني معكسر الرجاله مش بهزر بجد، انا عاوزه ال 15 لفه انا ذمتي 15 يجماعه في اي!! كله لف وانا اول واحده خلصت ووقفت مكاني
_ايدا هموت ميا مش قادره كنت باصه للبنت ورافعه حاجبي =الميا هناك، روحي اشربي اصل شكلك هتموتي دلوقت!! _دلوقت تمارين المسدس كله على الموقع فرحت ونطيت وسقفت إيد ب إيد _تمريني المفضل يحليله والله روحنا الموقع وكل واحده مسكت مسدسها قبل مبدأ افتكرته كان هو الي علمني وكنت مرعوبه من المسدس لغايه مبقي التدريب الأقرب لقلبي، متيلا تنجزوا وتقولوا اضربوا!! ضربنا وكانت البنات كلها بتصوت، مالكم!! جبت الست أهداف قريبين من الهدف الأحمر وجت القائد وقفت قدامي
_عفارم عليكي، مجتيش من اول مبدأنا لي؟ =اصل، اصل كنت تعبانه شويه _استمري شكلك بتحبي الي بتعمليه، يلا دورتين تانيين حوالين المعسكر قبل متطلعوا لفينا والله والله والله والله مشوفت بنات خرعه كده والله مشوفت او يمكن انا الي جامده ولا اي على الله حكايتي ، الجامد مبيحكيش عن جمدانه، انا فعلا الي جامده طلعنا وشهد وكانت بتفرفر على السرير _متنشفي يخرعه في اي =اشهد ان لا اله الا الله وان محمد رسول الله
_يجدع!! انتي عارفه كنت بتدرب ازاي انا كنت بلف المعسكر 15 مره والمعسكر بتاعهم أوسع من بتاعنا يجي مرتين كده، وكانت تدريبات كتيره، هو انا مش هنط الحبل؟ =نامي يمريم _مش هنط الحبل! =يمريم نامي _الحبل مش هنط؟ =منك لله _.. =انتي راحه فين! _انا عاوزه انزل دلوقت =دلوقت فين انتي اتجننتي!! #يتبع ❤️ #فقط_وفقط_للرجال❤️ #مريم سمير ❤️#البارت الخامس _تنزلي دلوقت فين انتي اتجننتي؟ =عاوزه، عاوزه اتمشى شويه _عاوزه تتمشى ولا تشوفي أ…
=أنا عاوزه انام حالا! روحت على سريري وغمضت عيني، انا عمري مكنت ضعيفه، الصفه دي مكنتش فيا، لي ببقى ضعيفه بسببه! لي قلبي دقله بعد مكان حالف يفضل قافل، لي بقى عقبه في يومي اني مشوفوش لي؟ نمت بعد تفكيري فيه وصحيت على هز في كتفي فرفصت الي قدامي وقومت دعكت في عيني _يشيخه منك لله انتي لسه فيكي الطبع دا؟ ابتسمت =طب والله كان بيستحمل _بتقولي اي؟ =صباح الخير يلا نفطر عشان ننزل التدريب!
فطرنا ولبست ونزلت وقفت في الطابور _ثاابت كلنا =أفندم _النهارده هنلف بس برا المعسكر بتلقائيه ابتسمت، هو انا فعلا ممكن اشوفه تان؟ أفهمه بس سوء التفاهم الي بينا ونلغي اي زعل، عشان حاسه اني كسرت ثقته سيكا أصلها مش مواعين امي عشان اكسرها بردو طلعنا برا المعسكر فجأه لقيت معسكر الرجاله كلهم برا!! ايدا بدون تدخل بشر هيعملوا معانا تدريب النهارده!! لقيت القائده بتاعتي راحت وقفت مع القائد بتاعهم في اللحظه دي تنحت، جيت القائده بتاعتنا وقفت قدامنا
_احنا قررنا ان التدريب النهارده يبقى مواجهه بين معسكرنا ومعسكر الرجاله كلهم بلعوا رقهم بخوف وانا ابتسمت وبصيت للسما =شكرا، بجد شكرا _هنبدأ باللف، هتلفوا المعسكرين سوا من برا، تلت لفات وتيجوا كلكم معسكر الرجاله عشان فيه تدريبات جديده هتجربوها يبنات القائد والقائده دخلوا والبنات كلهم واقفين متنحين، جيت انا ووقفت الأول _يلا بسم الله
بدأت اجري، لأول مره اجري وانا طايره كده، ببص جمبي لقيته! هو كان فعلا هو!! كانت سرعتنا قد بعض بالظبط، بصيت ورايا ملقتش حد هما البنات لسه في حاله مصدومه بجد ومش بنطق ولا عارفه ارد ولا اي!! رجعت بصتله ورفعت حاجبي، كان باصص قدامه مبصاش جمبه اصلا!! خطوتي زادتت وخلصت التمرين في عشر دقايق انا وهو ورجعنا نقطه البدايه _بنات!! انتوا بتعملوا اييي؟ =بنفطر _لا لا اقتنعت اذا كان كده ماشي ، اخلصوا وأبدأوا وعدوا اليوم عشان ميجيش فوق دماغكم
روحت وقفت قدام البوابه بتاعت معسكر الرجاله وهو كان واقف جمبي بصينا لبعض بحده ورجعنا بصينا قدامنا وجرينا لغايه موصلنا موقع التدريب، بدأت اجري مكاني وأنشط جسمي عشان اعرف اكمل اليوم وزي مكنت بعمل على طول _متحاوليش =أفندم!! _يعني التدريبات الجديده مش هتعرفي تسدي قدامها ضحكت = الكلام دا ليا انا؟ _ليك اه، قصدي ليكي =اه ليك عادي مش هتفرق عشان انا أقوى واحده ممكن تشوفها في حياتك _رهان! =على اي!!
_انك هتفرفري من اول تدريب، وانك مش هتعرفي تكملي لآخر اليوم =ولو تعرفت؟ _هتبقى فعلا اقوي واحده شوفتها في حياتي وهعترف ب دا ابتسمت =خلصانه جه القائد والقائده _ثباتت!! احنا الاتنين =أفندم _فين الباقي!! =لسه مخلصوش بصينا احنا الاتنين للبوابه وشوفنا البنات جايه قاطعه النفس خالص وجايين مفرهدين، ميلت عليه وقولت بثقه _شكلي هكسب الرهان *إستعدوا، احنا طورنا التدريبات بتاعت المعسكر دا، يعني في تمرين نط الحبل زودنا المسافه، والتمرين الجديد هو الزحف على البطن والنط فوق الحواجز
_احيه! شكلي هخسر الرهان يجماعه في اي! البنات كانوا متنحين وفاتحين بوقهم وانا واقفه ببص على المعدات بتاعت التمارين الجديده هتقدرى يمريم؟ هتقدرى *يلا كله يطلع فوق عشان هنبدأ بنط الحبل تمريني المفضل اشتقتلك والله، جيت اتحرك شهد جابتني من قفايا وقفتني وسط البنات وكانوا كلهم حوليا وأبدأوا يتكلموا _هنعمل اي =نعم؟ _احنا خايفين، وبعدين نضمن منين ان الحبل متأمن؟ =هوريكم ورقه التأمين حاضر _احنا اول مره نجرب تمارين زي دي!!
ابتسمت=ومش اخر مره، يلا كله على فوق بقى، عشان القائده متتعصبش وانشفوا ها انشفوا تأمين اي الله يهديكم احنا هنبقى ظابطات!! طلعت وهو ندالي بصوت واطي فوقفت جمبه _هنعمل كل التمارين مع بعض =اه مهو اكيد مش هيجيلك خلق تعمل مع بنت غيري _هو الصراحه؟ اه ابتسمت =تمم موافقه كنا احنا الدور التالت ومستنين الولد والبنت الاولنيين ينطوا _يلا يرحاب! =يقائده هموت _احنا مش هندلع هنا =بالله مبقاش اول واحده بالله
ضربت انا وهو راسنا ب ايدنا ضربه خفيفه وبعدين بصينا لبعض، هو انا بجد بقيت عارفه كل حركاته كده؟ رفع حاجبه_ يلا؟ بتحدي =يلا =قائده هنبدأ احنا *طب تعالي يلا يمريم لفينا الحبل علينا وبعدين بصيت للمسافه، هو انا كان لازم اعمل فيها جامده اوي يعن! المسافه زادت كتير هو احنا هنطيروا ولا اي! اللهي يبتليكوا بنصيبه _ها جاهزه؟ بصتله =طول عمري جاهزه، يلا استعينا بالله ومنكم لله نزلنا احنا الاتنين، طب والله الاحساس دا كان وحشني اوي، غمضت عيني وافتكرت كل لحظاتي في المعسكر دا، قد اي التمارين دي فعلا قوتني
لمست رجلي الأرض وبصتله بتحدي _ها تحب نجرب مره كمان عشان اثبتلك؟ =اي! _اي؟ =لسه اليوم طويل _هتشوف كنا واقفين جمب بعض مستنين الباقي يخلص _أحمد =أنجزي _أنت بتعامليني لي كده يبني! =معلش اخلصي يعني ضحكنا احنا الاتنين عشان افتكرنا أيامنا وأننا على طول بنقول الجمل دي لبعض _لسه زعلان مني! =لا، بصي عاوزه الصراحه؟ _عوزاها اه =مش دلوقت رفعت حاجبي وسكتت وبصيت قدامي تاني *دلوقت يلا على الحواجز بصيت للبنات، هما يغمى عليهم ولا اي! يخبتي ياني عليا وعلى الي جبني وسطكم منك لله يشهد
روحت موقع الحواجز وبدأ القائد يشرحلنا هنعمل اي _احمد =ها!! _هو المفروض هنطلع علي دي وبعدين ننط من عليها وبعدين نجري وبعدين نطلع تاني على البتاع العالي الي هناك دا ونتسلقها ب ايدنا وجسمنا هيبقى متشعلق في الهوا كده! =انتي بتسمعيلي الي هو قاله ولا اي!! _طب مع السلامه بقى خلي بالك من نفسك انت =استسلمتي؟ _يلا يا احمد نبدأ في اي!! طلعنا ورقنا قصاد بعض، كان نفسي أموت موته احسن من دي حقيقي، لا لا مش هموت هنا انا، احنا بس هنعمل كده وخلاص تمم؟ انا عاوزه اعيط
كان هو يعمل الخطوه وانا وراه على طول، طب والله يصاحبي مفيش احسن مننا في المعسكر دا خلصنا ووقفنا في الاخر ماسكين ركبنا ب ايدنا وبناخد نفسنا _تعبتي؟ =مبتعبش، كده كده هاخد راحه في الاخر يبقى اقدم احسن ما عندي ولا اي _ولا اي ابتسمت والقائده جت وقفت قدامنا _برافو عليكم استريحوا شويه عما الباقي يخلص _ممكن اطلق نار عما يخلصوا يفندم ؟ =ارتاحي شويه _لا لا انا تمم =خلاص روحي، لما يخلصوا هنادي عليكي عشان التمرين الي بعد كده
_علم وينفذ جريت ناحيه موقع الطلق ولبست أدوات الأمان _معتيش بتخافي يعني!! =كنت بخاف بس من صوت المسدس، دلوقت ولا الهوا _طب يلا بينا =هتطلق معايا ؟ _اه عما يخلصوا =طب يلا بينا قعدوا نضرب نار يجي ربع ساعه، كنت مبسوطه بس مش مبينه مهو طلع عندي كرامه اهو امال اي الافتري دا، دا الإنسان ظالم والله _كفايه عليكي كده =مع اني عاوزه كمان بس تمم كفايه _انتي يبت بتحبي المعاناه؟ بتعشقي ضيق التنفس!!
ضحكت والقائده جت وكملنا تدريب الزحف وعاوزه اقولكم اني لو بزحف للسعي مش هيبقى كده متكهربونا احسن في اي!! خلصنا على المغرب لما الشمس راحت، قعد على الاستراحه وشربت ميا وكبيت الباقي على وشي عذرا عشان والله تعبت انا لو بجري على عيالي مش هجري كده كنت لسه قاعده على الاستراحه وببص حواليا ملقتش البنات، ثواني هما مشيوا؟ اقسم بالله مش بيس كده، جربت ناحيه البوابه بس وقفت ورجعت مكاني وبصيت حواليا لقيته واقف في جمب، جريت نحيته
_ها يلا بسرعه قول =اقول اي؟ _انا كسبت الرهان!! =الصراحه اه _ها؟ =انتي أقوى بنت شوفتها في حياتي، ها ارتاحي؟ ابتسمت _عارفه =طب فيه حاجه انتي متعرفهاش بقي _ها؟ =فاكره لما قولتلك عاوز اقولك الصراحه بس قولتلك مش دلوقت _فاكره اه =الصراحه بقى اني … *مريم!!!!! #يتبع .. 💙 #فقط_وفقط_للرجال💙 #مريم سمير 💙#البارت السادس *مريم!!! إلتفت مكان صوت الي بينادي لقيتها شهد _ثواني جايه تاني، جمع كلامك عما اجي
جريت نحيتها _شهد انتي بتعملي فيا كده لي بجد؟ =القائده لو عرفت انك مرجعتيش المعسكر هتعلقك، انا جيت اخدك انا لما لقيتك مش موجوده لسه _خمس دقايق، خمس دقايق بس هيعترف بحاجه وهقطع علاقتي بيكي علي طول =إيهه!! _قصدي هاجي معاكي على طول =خمس دقايق يمريم غير كده هيعملونا عبره _طيب حاضر خليكي هنا، هاجي اهو جريت نحيته ووقفت _قدامك خمس دقايق ها صراحه اي الي عاوز تقولها!! =اول صراحه ان صاحبتك بطل جامد
ضربته علي صدره وجيت امشي مسك ايدي وسابها ففضلت مكاني وربعت ايدي ضحك= بهزر والله بهزر _طب اتكلم عشان الوقت يدوبك =انتي عارفه وحكيتلك قبل كده اني كنت بحب واحده وكده نفخت_ اه وبعدين! =وبعدين خوفت احب تاني عشان لما احب بتلخبط بيبقى فيه كركبه موجوده يعن _ها، كمل = اول لما جيتي المعسكر ولقيتك جدع وصاحب صاحبك لما عرفت انك بنت و.. _احمد انا مش فاهمه حاجه! =اخرسي كده
_الاه!! =مش عارف اجمع يخربيت وقفتك _أقف في حته فيها شبكه طيب =امشي يمريم انا غلطانلك اصلا _خلاص والله سكتت
=فاكره لما قولت اني عاوز بنت شجاعه؟ عمري مهلاقي واحده شجاعه زيك انتي فعلا بميت راجل مبتخافيش ودد احلى حاجه فيكي وكنتي بتقفي جمبي لما أقع، وكنت عاوزها اي كمان يربي اه طيبه وانتي طيبه اوي يمريم رغم دور الراجل الي رسماه دا، وحنينه ودا اتأكد منه لما كنت بحكيلك عن صاحبي وعيطت، اول مره كنت اعيط قدام حد كنتي انتي، لما مشيتي مش عارف اي الي حصل نسيت اي زعل بينا بس كنت عاوز اشوفك الي هو اشوفك ومعتش هبقي زعلان خلاص
ضحك= كنت بقوم الصبح الى هو ايدا الاه هو انا مش هترفص!! الصراحه بقى انك وحشتيني، وحشتيني جامد يحلوه كنت متنحه ومش عارفه ارد هو انا ينفع اجري قبل محمر وكده؟ _انا، انا لازم امشي حالا!! =بس .. لفيت وشهقت لما لقيت شباب واقفه قدامي _اي دا قمر في معسكرنا! =لا القمر فوق يروح خالتك _الاه وعنيفه كمان جزيت على سناني وغمض عيني وضغطت على أيدي عشان متعصبش الي هو انت احمد عشان تعاكس معلش؟ معلش يجماعه انا بتعاكس من جوزي بس معلش يعني، احمد جه ووقف جمبي
=مخلاص يشباب في اي، مش عاوز ازعل حد فيكم، ف امشوا بهدوء بدل متحصل مشاكل *دي الحكايه احلوت اوي، أحمد الهادي طلع خلبوص يجماعه الشباب الي كانوا معاه ضحكوا وانا بصيت لأحمد =امشي دلوقت يلا بسرعه هزيت راسي بالموافقه وجيت امشي الشاب مسك ايدي *على فين هو دخول الحمام زي خروجوه ولا اي؟ قبل مرد كان أحمد ضربه على وشه طب والله شرس وحبيبي بصتله وابتسمت ورجعت وقفته جمبه _شكلنا هندرب عليهم عملي ولا اي؟
ضحك= ولا اي ضربنا التلت شباب الي كانوا معاه ووقعوا على الارض، كل واحد فينا ضرب ايده ب ايده التانيه فبصينا لبعض وهو رفع حاجبه =بقيتي قلوده اوي، يلا من هنا *انتبااااه أنا هو اتحسرنا ووقفنا ثابت =أفندم الشباب قاموا وهو ماسكين جسمهم *اي الي بيحصل هنا دا؟ وانتي اي الي جابك هنا !! _كنت بس .. *كلكوا على مكتبي فورا مشي قدامنا وانا هو بصينا لبعض ورجعنا بصينا للشباب ومشينا ووصلنا لمكتبه واحمد خبط ودخلنا
*اي الي حصل دا، حد هيفهمني ولا تتعاقبوا على طول! _يفندم حضرتك عارف ان كان فيه تدريب مشترك بينا وبين معسكر البنات النهارده، واكيد لاحظت مريم قد اي كان تعبت النهارده فقعدت على الاستراحه ترتاح شويه لكن كان معسكرها مشي من هنا، وجيت تمشي لقت دول بيسخفوا عليها، وانا مينفعش اسيبها في موقف زي دا *فضربتهم!! رديت بتلقائيه رب ابتسامه =ضربناهم بص للشباب واتكلم بحده *انتوا تطلعوا تلفوا المعسكر 20 مره وتطلعوا تناموا وحسابي معاكم بعدين
شاب منهم _يفندم بس .. *نفذوا الي قولته، وفورا طلعوا وفضلت انا واحمد قدامه *تاني يمريم تاني!! ابتسمت ابتسامه ساذجه _يفندم اخر مره *انا عمري مشوفت بنت زيك _الله وكيل ومش هتشوف مش هتلاقي حد غبي كده لا *على العموم تدريبك النهارده كان كويس اوي، اهو نلاقي ظابطه كويسه بعد كده عشان المعسكر قريب يخلص _ربنا يسترك *إي! =معلش يفندم مش بتعرف ترد ضحك *طب يلا على معسكرك، انصراف طلعنا من قدامه وجيت امشي وقفني صوته
_مريم =ها!! _مش ناويه تقولي حاجه؟ =حاجه دي اي! _امشي من هنا كده ضحكت =تصبح على خير _وانتي مع أهله يمريوم جريت عشان الحق المعسكر وطلعت الاوضه لقيت شهد قاعده على السرير متوتره _مين اوطى خلق الله؟ =اترعبت لما لقيت الشباب جم نحيتكم افتكرتهم هيضربوكم!! _دا للعيال السيس الي زي حضرتك، لكن انا وهو فسحناهم =يعني انتي كويسه؟ _انا فل =الي كنتي واقفه معاه دا احمد مش كده! _اه مش كده
=ها وحصل اي؟ _طلع مش زعلان مني يشهد =كان زعله فارق اوي كده؟ _جامد طبعا =انتي بتحبيه؟ سكتت وابتسامتي الي على وشي راحت هو انا فعلا وقعت؟ _انا مش عارفه حاجه غير اني عاوزه انام دلوقت عشان كان يوم متعب اوي، تصبحي على خير نمت وبصيت الناحيه التانيه، يمكن فعلا حبيته طب اعرفه ازاي طيب؟ واعرف منين انه كمان بيحبني مثلا !! نمت وصحيت على صوت شهد، صحيت ودعكت عيني
_مالك واقفه بعيد لي؟ =لا اجيلك ترفصيني! قومي يلا عشان اليوم باين من أوله _في اي!! =اوف انا مقولتلكيش؟ _لا والله مقولتي =يقطعني، معدلناش غير اسبوع تدريب هنا وهنعمل التدريبات طول الاسبوع مع الرجاله عارفه يعن اي اسبوع؟ _يعني سبع ايام =مريمممم!! _ثواني انتي قولتي اننا الاسبوع الاخير هيبقى التدريب في معسكر الرجاله؟ =ايوه _يحليله، قومي بسرعه عشان منتأخرش فطرت ونزلت ووقفنا في الطابور وطلعنا كلنا روحنا معسكر الرجاله، وقف القائد والقائده قدامنا
*من النهارده هنبدأ كل تمرين في يوم، عشان آخر اسبوع ليكم هنا، هنبدأ بضرب النار عشان دا اساسي، كله في موقع التمرين يلا بصيت حواليا ملقتش شهد فضلت ادور عليها وابص حواليا ومفيش أثر لأحمد كمان! مشيت لغايه ورا المعسكر فلقيتهم واقفين سوا وبيضحكوا !! _شهد!! احمد!! #يتبع .. 💙 #فقط_وفقط_للرجال 💙 #مريم سمير 💙 #الجاي الاخير 💙#البارت الاخير _شهد!! احمد!! روحت وقفت قدامهم وبصيت لكل واحد فيهم بس محدش اتكلم
_انتوا اي الي جابكم هنا؟ انتوا تعرفوا بعض! بصوا لبعض ورجعوا بصولي وسكتوا _هو انتوا عاطيين اجازه للسانك النهارده!! =عادي يمريم مفيش حاجه _عادي انك تبقى معاه هنا!! هو في اي بالظبط!! أنا مش عاوزه سكوت، انتوا اكيد مش هتوجعوني مش كده؟ انا، انا وثقت فيكم، قولولي واقفين هنا لي!! لسه فيه حاله الصمت كأنهم حالفين ميتكلموش _أحمد قولي انت في اي! =بنت وشاب واقفين مع بعض يبقى اي؟ _يبقى بعد اذنكم، اسفه اني جيت قطعتكم
مشيت من قدامهم وانا بعيط، هما لي مش بيبرروا؟ لي طيب روحت موقع التمرين وبدأت اطلق نار، مع كل طلقه كنت بصوت زي باقي البنات، كنت عاوزه اطلع الي جوايا وفي نفس الوقت ميبنش عليا حاجه، مع ان كل طلقه كانت صح وكانت بتيجي في مكانها المظبوط، خلصت على الساعه 12 الضهر وقعدت على استراحه ارتاح شويه واكمل بعدين، انا لي بعمل في نفسي كده لي؟ ولي حبيته لي ضعفت وانا على طول قويه شجاعه مصره على كل حاجه في دماغي، مريم انتي هتبقي ظابط في أقل من أسبوع يعني لازم تعطي كل الي عندك عشان تثبتي نفسك
عيطت_ بس انا كنت فاكره ان عندي صاحبه وصاحب مفيش زيهم، كنت فاكره انه صاحبي قبل الحب والكلام الي في قلبي، الحمد لله اني مقولتلوش الي حاسه بيه كنت هبقي أضعف من كده بكتير، طب طب شهد عارفه واكيد حاسه اني بحبه! لي يعمل فيا كده!! مسحت دموعي وكملت تمرين *برافو عليكي انتي خلصتي لغايه دلوقت عشر خزانات _متشكره يفندم *دا صاحبي خلف بنت بميت راجل ابتسمت =دايما عند حسن حظك
*قوليلي يمريم، بيتكم لسه نفس العنوان ولا نقلتوا؟ رفعت حاجبي =لا نفس العنوان يفندم *عال اوي، بلغي بابا اني هاجي اشرب معاه الشاي قريب، ولا اقولك هقوله أنا شهقت وسكتت ونزلت راسي على الأرض، هو في اي!! رفعتها تاني ملقتوش فغمضت عيني براحه، يشرب شاي؟ هو معندوش ولا اي!! طلعت معسكري على طول، ودخلت الاوضه ملقتهاش ضحكت_ هي لسه معاه ولا اي!! نمت على طول، بقالي خمس ايام على الوضع دا، كنت بظبط المنبه يصحيني قبلها وانزل واتجنب حتى ابصله، مش مصدقه ان بكره اخر يوم!! يعني خلاص كده؟
روحت من التدريب لقيت فوني بيرن _مريم =مين؟ _احمد وعاوز اشوفك حالا =وانا مش عاوزه و.. جبت رقمي منين اصلا! _لو مجتيش اشوفك هجيلك انا والي يحصل يحصل نفخت= انت عاوز اي يا احمد مش خلاص ولا اي؟ _لا مش خلاص، احنا آخر يوم بكره لازم اشوفك دلوقت =طيب طيب، فين؟ _تعالي ورا المعسكر بتاعكم، مستنيكي قفل السكه وانا فضلت مبلمه، هو عاوز اي؟ مش فاهمه!! يمكن يعزمني على فرحهم ولا حاجه
قبل منزل لبست جيبه تحت الركبه وتيشرت وحطيت ميكب خفيف ونزلت، روحت واتسحبت وخرجت وجريت لورا المعسكر _ها في اي عاوز اي؟ =انتي اي الي انتي لبساه دا!! واي الي انتي حطاه على وشك دا! _شيء ميخصكش، ودي حاجه ملكش دعوه بيها وانت مالك اصلا و.. =اخرسي كده _أنت بتقرب لي يا احمد!! =قولت اسكتي فجأه قلع الجاكيت بتاعه _أنت عبيط!! لو مبعدش دلوقت انا، انا .. =ششش عشان مش طايقك
ربط الجاكيت بتاعه على وسطى ورجع مكانه تاني، فكيت الجاكيت وادتهوله _باين في واحده تانيه محتاجاه اكتر مني ولا اي =اول مره اشوفك بلبس بنات، مش حلو إلبسي على طول لبس متحشم والا وقسمن يالله هتغدغ دماغك _اي اي؟ دا انت عيان ومحتاج تكشف بقى =ممكن اعرف الهانم بتحاول تبعد عني لي الفتره الي فاتت؟ _انا حره =لا مش حره _لا حره واعمل الي انا عوزاه، زي محضرتك بتعمل الي انت عاوزه يبقى محدش يحاسب التاني وبعدين احنا صحاب
=انتي كدابه، انتي بتحبيني يمريم مش كده؟ _انا مش بحب حد =لا بتحبيني بطلي تكابري _عمري محب حد مش بيحبني يا احمد، انا مستاهلش من حد كده، انت كسرت خاطري ثقتي و.. قلبي، كسرت كل حاجه مينفعش تتصلح، انت اناني يا احمد مينفعش كنت تعمل كده وانا مأمنالك، كنت فاكره ان انت كمان بتح.. ،احمد انت عاوز اي دلوقت ارجوك سبني في حالي كفايه لغايه هنا =مش هعرف، مش هعرف ابعد وانا مش ببقى مرتاح ومبسوط الا في قربك انتي، مش ببقى كويس الا وانتي موجوده، انا اناني فعلا عشان كده عاوزك جمبي انتي معاكي حق
_أنت بتقولي الكلام دا لي؟ =عشان بحبك، ايوه بحبك من اول ثانيه عرفت فيها انك بنت، لما بعدي عني عرفت قد اي كنتي مهمه، ووحشتيني انا اسف اني كنت سبب في عياطك الايام الي فاتت _انا مكنتش بعيط =لا بتعيطي، انا ضيفت لحياتك حاجات مكنتش موجوده ومنها العياط بس متنسيش اني كمان خليت واحده عنيده زيك تحب، ويبختي والله يبختي ان الحد للي حبتيه يبقى انا _.. =اوعدك انك هتعيطي قريب بس من الفرحه
_وشهد يا احمد؟ عشان خاطري بررلي الموقف بتاعكم =مش دلوقت _يبقى انت متحبنيش =مريم انا .. _اسكت، ممكن تسكت؟ مشيت من قدامه ولما خدت تلت خطوات جريت، لي كلامه ملخبط لي بيقول انه بيحبني وفي نفس الوقت مش عاوز يبرر الي انا شوفته! لي مش عارفه اصدقه رغم ان عيونه صادقين وقلبي واقف في صفه، مش عاوز يقولي لي!! طلعت الاوضه بسرعه لقيت شهد قاعده على السرير _خضتيني عليكي =شكرا، انا كويسه
_كنتي فين؟ =تصبحي على خير غيرت هدومي ونمت، صحيت على رنه المنبه، كان آخر يوم صعب اوي، من حيث المشاعر الي جوايا الي هو انا اه عاوزه ابقى ظابط بس عاوزه افضل في المعسكر اتمرن واغلط واتعلم الغلطه برا مبتتصلحش عكس هنا الغلطه بنتعلم منها، اتمنى ابقى حد كويس عشان انا تعبت جامد عشان اوصل هنا خلصنا والقائد نده عليا _قولي لبابا اننا جايين النهارده =تنور يفندم ابتسم وانا ابتسمت =بعد اذن حضرتك
طلعت الاوضه ولميت حاجتي، كان نفسي احضنها واقولها هتوحشيتي، كان نفسي اقولها لي عملتي كده! بس معرفتش، خلصت شنطتي ونزلت خدت مواصله وروحت البيت، وهنا كان خط النهايه لكل الي حصل، لكل المشاعر العياط التدريبات الصحيان من النجمه محاولتي اني ابقى افضل عن اليوم الي قبله، قد اي الايام دي هتوحشني دخلت البيت وسلمت على ماما وبابا وقعدت معاهم في الصاله عشان ناكل _جايلك عريس النهارده =مش طافحه يلا _انا أعطيت كلمه للناس، انتي اكيد مش هتصغيريني يمريم مش كده؟
=ثوان ثوان، القائد قال انه .. !! _ايوه هو دا =احيه! هو شرب الشاي يعني جواز!! _بالظبط =طب تصبحوا على خير انتوا بقى دخلت اوضتي بسرعه، انا اتجوز واحد قد ابويا!! هل انا بايره؟ وابويا وافق!! والله مشوفت ابهات زي كده قبل كده والله مشوفت نمت عشان جسمي كان مكسر وصحيت على صوت ماما _ايوه!! =اصحى يلا عشان العريس على وصول _اطفي النور يماما الله يسترك وخدي الباب في ايدك
=يسمييييير _مساء الخير يجماعه خمس دقايق وهجهز ماما طلعت وانا قعدت على السرير ودا لامؤاخذه اطفشه ازاي دا لو قولتله كلمه يعلقني، دا القائد! ملقاش الا انا؟ يخبتي ياني على المصيبه الي وقعت فيها، اهرب واجبلهم العار ولا اي في الليله الي مش فايته دي! قومت ولبست دريس هادي وقعدت على السرير ولما سمعت صوت خبط الباب واربت الباب وشوفت القائد وهو داخل، اسكت انا بقى؟ لا طبعا قفلت الباب الي فتحت دا وقعدتت مكاني تاني
الباب خبط _اتفضل كانت شهد وجت وقفت قدامي =الف مبروك يمريم _متشكره =انتي زعلانه مني في حاجه؟ _يشيخه ما ابجحك!! مش عارفه انا زعلانه من اي؟ وقفت واعطيتلها ضهري وبدأت اتكلم _كنت مستنيه منك انك تيجي وتقوليلي اي كلمه على الي شوفته كنت هصدقك، والله كنت هصدقك، كنت فاكره اننا اخوات بجد!! =احنا فعلا اخوات و.. _وملقتيش الا أحمد! اصلا هو واحد مفهوش مميزات =مريم!! _وقليل الأدب =مريم خلاص _وعينه زايغه
=مريم اسكتي التفتت ليها _اي زعلانه اني بشتم حبيب القلب؟ شهقت اول ملقيته واقف قدامي _مفيش فيا مميزات وقليل الأدب و اي كمان بتقولي؟ رديت بتلقائيه= وعنيك زايغه _يخربيت ام تلقائيتك بس تمم اوي كده *طب اسيبكم شويه لوحدكم بقي طلعت وانا لسه واقفه متنحه هو بجد قدامي!! _أنت اي الي جابك هنا؟ =جاي عشان اشوفك عشان وحشتيني رديت بسخريه_المفروض ادوخ ويغمى عليا ويفوقوني بكلونيه دلوقت صح؟ =كلونيه!! انا غلطان انا الي اختارتك وانا الي عاوز اتجوزك انا الي استاهل والله
_تتجوزني !! =ايوه _لا وواثق اوي واخد بالك =خدتت بالي اه _أنت الي الي جابك هنا؟ =يختاي مش هنخلص، جاي اقولك اني لما كنت واقف انا وشهد كنت بسألها عليكي وانك بتحبيني ولا لا عشان عارف ومتاكد انك حتى لو بتحبيني مش هتقولي، ولما لقتيني واقف معاها وغيرتي و.. _مغرتش انا =اخرسي كده، لما لقتيني واقف معاها وغيرتي ها غيرتي عرفت واتأكد انك خلاص وقعتي ، فجيت اقولك هل تقبلين الزواج مني؟ بتتقال كده صح؟
_فيه راجل عجوز برا الي هو القائد ومتقدملي، جاي دلوقت تقول كده؟ =الراجل العجوز دا يبقى ابويا شهقت_ وانت عامل اي دلوقت؟ بجد انت ابن القائد!! =ايوه _لي مقولتليش قبل كده؟ =هتسيب موضوع الجواز وتركز ان ابويا طلع قائد المعسكر _بس انا مش موافقه =وبعدين معاكي بقى!! _قصدي بشروط يعني =موافق اترفص كل يوم على فكره _.. =وموافق اعلمك اي تدريب انتي متعرفهوش _اوعي تكسر قلبي يا احمد في يوم، اوعي تكسر قلب واحده فعلا محبتش غيرك
=محبتش غيرك!! دا انا كده بقى إلى هحتاج كلونيه ضحكت_اه ومتطلعش من غير قميص البيجامه من الحمام بعد كده قرب وغمز =لا دي موعدكيش فيها _هنتلم؟ =هنتلم حاضر، ويلا عشان بيقرءوا الفاتحه من غيرنا تقريبا _احمد!! =ها؟ _فاتحه اي اكتب عليا وقتي #فقط_وفقط_للرجال💙 #مريم سمير💙 #رايكم 💙