_وأنت تدفعلى الأجرة بمناسبه اى =أصل لقيتك مدفعتيش قولت أتصرف _عرفت منين انى مش معايا فلوس انا معايا فلوس توزنك كد وبعد اذنك متدخلش ف حاجة متخصكش تان دفعت الأجرة ونزلت من العربيه وانا متخيلة منظره وانا همو\ت من الضحك إلى هو يا كسفتك يا حازم خصوصا ان الميكروباص كله كان بيتفرج عليه يلا مش مهم _لو سمحتى
=انت ماشي ورايا لى.. انت شكلك من الى بيخطفوا الناس وبيتاجروا ف الأعضاء ومتفتكرنيش ضحيه سهلة للخطف دا انا أشقلبك يولا.. اظبط كد ومتمشيش ورايا تان.. ربنا يهدكم يشيخ ازاى بيجلكوا قلب تخطفوا الأطفال وتاخدوا منهم الأعضاء بتاعتهم.. قولت بق انى حلوة وكد وان اكيد اعضائي طازة.. انا اعضائي خربانة يعسل.. فقولت هى دى ضحيه النهاردة _انا غلطان واسف مرتين اسف انى حاولت اطلع شهم ف العربيه واسف انى وقفت واحدة هبلة زيك يلا شوفى انتى راحة فين
سيبته ومشيت وكنت بضحك جامد انا ازاى ارد كد المعروف عنى انى بتحرج دايما ومعرفش ارد.. يلا مش مهم .. _مالك يبنتى =اما حصل حتة موقف النهارده _خير حكيتلها كل إلى حصل _مريم ام نص لسان نطقت وردت على ولد؟ لا انا مصدومة.. دا انجاز يبنتى.. دا انتى هتبقي استيكر على الأرض من كتر ماشيك وانتى حاطة راسك على الأرض.. الكليه كلها فاكرة انه واقع منك حاجة وبدوري عليها =انا كبهير انبهرت وعهد الله معرف انا رديت ازاى فعلا
_طب يلا يختى على المحاضرة =يلا (احنا ف كليه تمريض) _يختاى يختاى يختاى =ف اى هتفضحينا _هو دا إلى بقولك عليه =هو مين مش فاهمة _إلى كنت هتشاكل معاه النهارده الصبح =ثوانى انتى كنتى هتتشاكلى مع يوسف احلى واحد ف الدفعة!! _هو معانا ف الدفعة =انتى متعرفيش.. اقول اى يعنى من واحدة عرفانى بالعافيه _اعمل اى دلوقتى.. زمانه بيقول عليا هبلة =حقه والله.. يعنى واد قمر وحب يعمل شهم
_مش على حسابي.. يدفعلى لى هو يعرفنى اصلا =طب اسكتى عشان الكلام معاكى خسارة والله .. خلص اليوم وحسيت انى مصدعة جامد.. روحت لكافيه اشرب اى حاجة ممكن الصداع دا يروح _تشربي اى يفندم =نسكافيه _كام معلقه سكر؟ =يوووه هات اى زفت انا هم\وت من الصداع دا كنت ماسكة راسي بايدى وباصه على الارض مشي على طول بعد مزعقت.. طب هو ذنبه اى يعنى.. وبعدين ف غباءك دا _اتفضلى يفندم
بصيت على الكوبايه لقيته رسملى وش مبتسم بالشوكولاته ابتسمت ورفعت وشي ملقتوش موجود أنا حتى معرفش شكله عشان اعتذرله!! مشيت والصداع كان خف شويه روحت الكليه تان يوم _ف اى يبنتى كنتى قافلة واتس امبارح لى =روحت نمت على طول كنت مصدعة اوى _لا الف سلامه يحبيبتى =الله يسلمك.. انا امبارح شربت احلى كوبايه نسكافيه ف حياتى _منتى بتشربيه على طول اى الجديد يعنى!! =لا بس كانت مميزة كد
حكيتلها إلى حصل _انتى يبت دبش؟ متعرفيش تتكلمى خالص.. كتلة دبش ماشيه على الأرض يا اخى شوف سبحان الله =اعمل اى يعنى كنت مصدعة جامد والله.. بس هو ملوش ذنب _طب يلا عشان عندنا عملى النهارده =انا انسانة بلا هدف بلا عقل ازاى ادخل تمريض _قدر بق هنعمل اى =لاء وتيجى الناس تقول كله يهون ف الاخر هتقبضي بالدولار _دولار ايوة.. يلا بس عشان متبكناش على حالنا =يلا وأمرى لله
.. _التوزيعة مع مين!! انتى بتهزرى اكيد =كل البنات حسداكى يوحش _حسدانى.. يخرابي يانى.. اعمل اى دلوقتى ازاى انا وهو نبقي ف مكان واحد من بعد إلى عملته دا =عادى اتعاملى عادى _ومن امتى بتعامل مع زميلتنا اذا كان انا عارفه انه زميلنا منك انتى =كنى كد واقعدى ف جمب مش هياكلك هو.. يلا انا راحة على توزعتي _أصحاب اونطة يا خال =اه انتى بدأتى؟ _اهل مين وحبايب فين دول مش باينين يا باشا
=انا همشي بدل متسمعينى الألبوم كله .. انا مش عارفه ازاى الصدفه تيجى كد واتوزع معاه بعد الموقف الزفت دا.. طب اعمل اى.. عادى يبنتى اهدى ف اى عادى خالص ولا اكنه موجود.. عادى عادى عادى عادى منا عادى اهو.. ودونى عند ماما بالله عليكم .. _ممكن اقعد =مش الكرسي فاضي _ايوة =طب لو عاوز تقعد متقعد لنفسي: يبنتى بطلى دبش بق اى القرف دا _احممم انا اسف على حركة الأجرة
=ولا يهمك وانا اسفه على حركة الخطف مع انك تشبه رجل العصابه _أيه!! =أيه _يوسف =مريم _عاشت الاسامى يا مريم =الله يكرمك والله _الله اي!! =وحشه يكرمك .. خلاص ربنا يخليك والله ويسترك قام من الكرسي وهو بيضحك.. مش بعرف اتكلم جاى تتكلم معايا لى يبنتى انت عبيط؟ لا اله الا الله خلص اليوم وروحت نفس الكافيه مش عارفه لى كنت عاوزة اروح _ايوة يفندم =هو انت الى كنت جبتلى النسكافيه امبارح؟
_لاء يفندم الحقيقه ان اول مرة اشوف حضرتك =اه.. لو سمحت عاوزة نسكافيه _كام معلقه سكر =هو عارف _افندم!! =قصدي تلاتة _تمم يفندم مش عارفة لى كنت زعلانة ان هو مجاش ياخد الطلب بتاعى ممكن عشان كنت حابه اعتذر وانا باصه من شباك الكافيه جت كوبايه وعليا نفس الوجه المبتسم رفعت وشي لقيت شاب لابس كاب وموطى وشه وملامحه مش باينة خالص _هو انت الى جبتلى النسكافيه امبارح
=ايوة يفندم ابتسمت تلقائي _طب انا أسفه والله كنت مصدعة وانت ملكش ذنب ف دا =ولا يهمك يا فندم كان عندى فضول اشوف وشه _اممم شكرا على الاسمايل إلى بتعملهالى رفع وشه وقلع الكاب _العفو يفندم =انت!!!!! يتبع… #رأيكم ف كومنت يفرحنى😹💜 #بقلم مريم سمير💜🌍 #من البدايه وانت لى❤️🌝