_أنا عارفه انك كنت متوحد =افندم !! أنا جاي اتقدملك .. مش موافقه تمم لكن ملكيش دعوة بحياتي الشخصيه _من ساعة ماكنا مع بعض ف المدرسه وانا عارفه .. عرفت من وانا ف اولى ثانوى .. =وانتى مالك يمريم !! عاوزة اى دلوقتى يعنى !! _عاوزة اعرف انت كنت متوحد ازاى .. كنت على طول بشوفك لوحدك مع انك كنت من اشطر الناس إلى ف مدرسه التمريض .. طب انت لسه كدا !!
=لاحظى ان كلامك يزعل .. _مش قصدى والله.. بس الى هو انا بحترمك خالص بس عاوزة اعرف .. =مش من حقك .. بعد اذنك .. *ف اللحظة دى وقبل ما احمد يخرج بابا دخل .. _ها موافقة يبنتى =أيوة يبابا *احمد بصلى ب استغراب كبير اوى .. اول مرة حد يبصله بالطريقه دى .. _على بركة الله يبنتى .. =ربنا يخليك يبابا “أنا مريم عندى ٢٢ سنة وأحمد كمان عنده ٢٢ كنا مع بعض ف مدرسه التمريض .. مكنتش بطيق اى حد من الولاد .. بس كنت بشوف احمد محترم جدا كنت بحترمه اوى وساعات كنت بخاف منه”
.. *بابا خرج عشان يبلغ موافقتى لأهل أحمد .. _أنتى . انتى وافقتي!! =اها .. غريبه دى!! _اصل ساعة مسمعت كلامك وكنت فاكر انك بتقلسي عليا .. =لا والله مش قصدى.. على العموم انا اسفه _لا عادى ولا يهمك .. .. قرأنا الفاتحة مر اسبوعين قبل الخطوبه كان احمد معاه رقمى بس مكلمنيش خالص كنت بلاحظ دايما رعشته وأنه مش بيتكلم كتير .. _الو =م مين!! _انا مريم الى هو المفروض هبقي خطيبتك
=اه .. ازيك _الحمد لله .. ممكن تيجى عاوزة اقعد معاك شويه =تقعدى معايا انا .. سكت شويه وقال (حاضر) .. جه بيتنا وقعدنا على الصالون .. كان قاعد بعيد اوى عندى لاحظت أنه متعمد أنه ميقربش من حد وانى مثلا لما اديله كوبايه العصير يتوتر ويقول حطيها هخدها انا .. قطعت الصمت بكلامى انا .. _ها انت بتشتغل ممرض ف مستشفى اى بق =المنصورة _وانا كمان .. يعنى هنبقي سوا على طول
=ها .. اه.. أن شاء الله.. _اممم .. مش عاوز تعرف عنى حاجة =مش عارف .. _طب هسألك انا .. أحمد هو انت لسه عندك توحد!! *قام فجأة وهو بيترعش واتعصب وقال _منتى عارفه انى اتعالجت .. هو كل شويه السؤال دا انا زهقت .. *سابنى ومشي حسيت انه بيهرب على طول من السؤال وانا كنت عاوزة اعرف ب اى شكل .. *بعدها تم الخطوبه .. _هتنزل الشغل النهاردة =اه
_طب عدى عليا نروح سوا =ماش *كان كل كلامنا ب (اه .. ماش .. لا .. أن شاء الله) .. بس أن جيتوا للحق انا حابه شخصيته جدا .. جو الغموض وانى حاسه انى مخطوبه للمحقق كونان .. *كنا طول فترة الخطوبه بنروح المستشفى سوا .. كان عل طول بيدخن متوتر حزين وحيد .. كان نفسي يحس انى جمبه ومعاه .. لكن للاسف مبيدليش فرصه اننا نفهم دماغ بعض اصلا ..
*لغايه مجه معاد قبل الفرح بيوم واحد.. جه احمد وقعد معايا ف بيتنا ..فضل متوتر وخايف .. _انتى موافقه تتجوزينى !! =نعم .. فرحنا بكرة !! _انتى موافقه تتجوزينى !! =أيوة _وانتى عارفه انى كد!! =أيوة _وانتى شايفه انى انا لسه عقدتى عندى =أيوة _مش هتسبينى !! =ايوة _مهما حصل =مهما حصل _واى الى يجبرك على كد =عشان .. عشان .. عشان انت هتبقى جوزى _بس !! تمم =طب وانت مش عاوز تقول حاجة!!
_لاء .. سلام *مشي وسابنى وسط حيرة كبيرة من الأسئلة الى سألها دى *عملنا الفرح وخلص وروحنا البيت .. _إدخلى =طيب .. _انت رايح فين !! *مردش عليا ودخل اوضه النوم .. دخلت لقيته مش فيها .. لقيته ف البلكونة بيدخن سجارة .. مسكت أيده وخدها منه ورمتها لقيته بعد عنى ودخل تان وراح قعد على الكنبه ف الصاله .. _مريم .. مريم انا عاوز اقولك على حاجه =قول ..
_انتى على طول بتسألى سؤال وانا هجاوبك عليه =يريت .. _أنا فعلا اتعالجت وكنت كويس وحبيت حبيت واحدة بس بس سابتنى وراحت لصاحب عمرى .. متخيلة انتى لما يبقي اغلى إتنين عندك ويخونوكى .. عرفت أن مفيش حد بيفضل مع حد .. وانك بخير مدام انت مع نفسك.. وانك مش هتتأذي وانت بعيد عن الناس .. انا اسف انى ورطك معايا .. وانتى كمان وانتى كمان هتسبينى ..
*كان بيقول الكلام دا والدموع ف عنيه وبيترعش وقاعد على الكنبه .. معرفتش اعمل اى غير روحت قعدت جمبه هو بعد وقعد ف اخر الكنبه.. لسه كان بيترعش وبيمسح دموعه .. روحت حضنته هو كان خايف ف الاول لكن لما لقانى عاوزة أهديه فعلا معتش خاف .. فضلت حضناه لغايه منمنا احنا الاتنين على الكنبه .. *الصبح .. يتبععع……. #أحببت متوحد