_ أدخلى برجلك اليمين يعروسه .. يا أحلي يوم في عمرى =متشكرة يا حسام _متشكرة !! طيب .. شكلك لسه مكسوفة وكد =عاوزة اتكلم معاك شويه _تمم اقعدى طيب =أنت عارف ان يعنى اى واحدة عندها ٢٥ ولسه مكنتش اتجوزت فلما اهلها لقوا شاب كويس من عيلة محترمة طبعا كان لازم يوافقوا .. انت طلبت تكتب الكتاب على طول .. حاسه انى زى عربيه وعاوز تشتريها .. أو بيت عجبك ونفسك تملكه .. لكن مخدش رأيي حتى أو قعدت معايا ولا سألت نفسك مش يمكن هى مش موافقه !!
_هو انتى مش موافقه يا نيرمين!! =أيوة .. مكنش ينفع اقول لأهلى لاء بعد مشوفت الفرحة في عنيهم .. خوفت اكسرهم .. أنا أسفه بس انا مبحبكش _بتحبي حد تان !! =كنت .. بعد ممات ف حادثه .. كان هيتقدملى بعدها ب اسبوع .. كنت كنت بحبه اوى .. أنا عمرى متخيلت حياتى من غيره .. لكن هو اختار يمشي وميرجعش تان *ساعتها نيرمين عيطت جامد وبقهرة _متعيطيش ارجوك.. عشان خاطرى
=أنا أسفه والله.. _أنا حاسس بيكى .. انا كمان كنت بحب واحدة بس هى دلوقتى متجوزة .. كنت فعلا بتمنى اكمل معاها حياتى .. بس أهلها غصبوها على الجوازة .. متزعليش انتى بس =أنا أسفه أنى فكرتك بيها .. انت لسه بتحبها !! _لا خلاص بق الحكايه دى من زمان .. انا دلوقتي بحب واحدة تانيه =واحدة تانيه !! م مين؟ _لما ناخد على بعض اوعدك هقولك =ماش _بطلى عياط
*بيمسح دموعها _قومى نصلى ركعتين طيب =حاضر.. انا أوضي فين _والله انا كنت عامل حسابي على اننا ننام زى الناس الطبيعيه على سرير واحد =هه _ايوة كد اضحكى .. على العموم ابقي نامى انتى ف الاوضه الكبيرة وانا هنام على الكنبه أو اوضه الاطفال =لا طبعا .. طب اقولك عادى ننام احنا الاتنين ف الاوضه الكبيرة.. لو سمحت هدخل اغير والبس الاسدال عشان اصلى _تمم *دخلت نيرمين الاوضه وحسام قلع الجاكت بتاع البدلة وقلع الببيونة وفك زراير القميص لغايه نصها وفك زراير الايد
وفجأة خرجت نيرمين وشعرها الجميل مفرود على كتفها بملامح حزينة لكن جميلة حتى في حزنها .. هل يعقل أن يكون هناك فتاة حتى وهى تبكى يشع الجمال من وجهها !! _حسام حسام =ها _سرحان ف ايه =فيكى .. _احمم .. طب يلا نقوم نصلي *الاتنين صلوا سوا وحسام لاحظ صوت نيرمين في السجود وهى بتبكى اكيد بتبكى على حبيبها الى مات *بعد الصلاة _خلاص عينك هتوجعك من كتر العياط دا
=انا واحدة على كد .. *مسح دموعها وكان عاوز يخدها في حضنه فى اللحظة دى ويطبطب عليها بس معملش كد واكتفى أنه يطبطب على كتفها .. ف اللحظة دى نيرمين الى حضنته وفضلت تعيط كان نفسه يخدها فى حضنه لكن فضل يطبطب عليها بس _اهدى عشان خاطرى .. *نيرمين هدت ولقت نفسها فى حضن حسام بعدت بشكل تدريجي ووقفت عياط _طب تعالى نتكلم شويه =في ايه !! _عننا يعنى =طب أبدأ الاول
_بصي يستى انا مهندس مدنى .. بس بحب الطبخ هى هوايه عندى يعنى من ايام إعدادى .. وعندى ٢٧ سنة .. وبس =انا خريجة صيدلة بس مشتغلتش .. كويس انك بتحب الطبخ عشان انا فاشلةة ف الحكاية دى _هه .. لا متخافيش منقذك هنا *فضلوا يتكلموا ويضحكوا ويهزروا ومحسوش بالوقت خالص *الساعة ٥ .. نيرمين بدأت تتاوب _طب ادخلى نامى =بجد الكلام معاك لذيذ خالص ومحستش بالوقت _وانا كمان *نيرمين دخلت الاوضه ونامت على طول من كتر السهر
حسام دخل لقاها نايمة خالص وبتبتسم اخيرا شاف ابتسامتها .. شالها وعدلها على السرير وغطاها .. جه يمشي لقي نيرمين ماسكة أيده وهى نايمة.. نام جمبها *الصبح …..يتبع #شجعونى اكلمها #رأيكم ف كومنت يفرحنى 💛البارت الثاني والاخير *الصبح نيرمين بتصحى تلاقي نفسها فى حضن حسام ومليكة ايده، بصت عليه قد اى هو طيب وانسان خلوق وقدر مشاعرها، طب هى تظلموا معاها لى!! بس هو قال إنه بيحب واحدة تانيه !! هو انتى بدأتى تحبيه ولا اى يا نيرمين !! يوووه .. بس حضنه حلو اوى .. الصراحة هو كله على بعض كد قمر .. لا انا تكمل نوم بق
بعد شويه الباب خبط حسام صحى لقي نيرمين حضناه جامد ولسه ماسكة أيده .. ابتسم وفضل بصصلها .. قد اى انتى جميلة ينيرمين .. قد اى النصيب جميل واننا نستنى فيجى حد نشكر ربنا اننا فعلا استنينا .. فاق حسام من شروده لما الباب خبط تان _نيرمين نيرمين =ها ف اى _معلش .. الباب بيخبط .. قومى اجهزى وانا هروح افتح =هه _بتضحكى لى!! =عشان انت لسه لابس بنطلون والقميص بتاع البدلة
_ينهار .. طب انا هلبس ترينج وهطلع على طول *حسام بيغير هدومه وبتبان عضلاته وجسمه الرياضي _نيرمين =هاا _انا طالع .. البسي انتى بق =ح حاضر *حسام بيفتح الباب وبيلاقى مامته ومامت نيرمين .. حسام رحب بيهم وقعدوا *نيرمين بتخرج لابسه برموضه البنطلون بتاعها فوق الركبه وكان شكلها حلو اوى ب المكياج الخفيف وملامحها الجميلة نيرمين قعدت جمب حسام ورحبت ب امها وحماتها نيرمين بوشوسه: اقفل بوقك