بعد دقيقة واحدة كان رعد و كرم بالمكان
رعد بغضب : ممكن اعرف الهانم بتعمل ايه هنا ؟
شمس : طب ممكن اعرف اخوك بيجي هنا ليه طالما مكان مش كويس
و نظرت الى كرم و عرفته ثم نظرت الى من*ار و برقت بعنيها
مالك بقرف : وانتي مالك بيا ؟؟؟ بجد بنت غريبة
كرم : مالك ما ينفعش كدة اتكلم باسلوب احسن من كدة … و انت كمان يا رعد اهدى شوية … روحو اوضكم و تفاهمو هناك مش هنا يا شباب
امسك رعد شمس من كوعها و سحبها بقوة
مالك :
اتفضلي قدامي يا من*ار هانم
نظرت له من*ار برفعة حاجب و مشت من قدامه و هو لحقها
كرم : عيلة متخلفين دلف رعد السويت بتاعه و رمى شمس لدرجة انها وقعت على السرير
خلع الجاكيت بتاعه و رماه
شمس بذعر وقفت على السرير و قالت : لا يا عنيا جو التحر..ش بتاع المسلسلات ما يمشيش عليا … و الله اصوت و الم عليك كل الي في الاوتيل المعفن ده
امسكها من كوعها مرة اخرى و قعدها و قال : اتهدي شوية يا بت
شمس : بت لما تبتك
مسكها رعد من تلابيبها و قال : انتي ازاي تنزلي من غير ما تقوليلي ؟؟
شمس : وانت مين يا عنيا عشان اقولك
رعد برفعة حاجب : والله ؟ انتي في بلد غريبة يا بت ما ينفعش تتصرفي من دماغك و المكان الي نزلتيه ده ما تنزلوش الا الرقاصات
شمس بتفكير : طب منا بعرف ارقص
رعد بجنون : و بعدييين معاكييي هتموـ,,ــــتيني ناقص عمر يا ولية …
طب اقولك من هنا و رايح هتبقى في اوضي لغاية ما نرجع مصر و مش هتتحركي من هنا
شمس بغضب : و اسيب من*ار لوحدها ؟
رعد : هتبقى مع جوزها انتي مش الدادة بتاعتها
شمس بتحذير : اتكلم باسلوب احسن من ده عشان دي صاحبتي
رعد : انا هسامحك المرادي بمزاحي … بس ما تاخديش عليا كتير عشان هتزعلي بعدين
شمس بتريقة : لا خوفت انا اوي بصراحة
مسكهها رعد و بدا يحرك فيها و يقول : يا بت اتلمي بقا …..اتلمي بدل ما اعلقك
في اوضة مالك دخل هو بالاول بعدين هي لحقته
و حطت ايدها على وسطها و قالت بفظاظة : عايز ايه ؟
مسكها مالك من طرحتها وقال : ازاي تنزلي لمكان زي ده .. ازاااي اصلا تخرجي من غير ما تقولي
دفعته عنها وقالت بغضب : وانت مالك بيا ؟؟ ليه كنت مراتك بجد ولا ايه ؟ ده كدب افهم الي احنا فيه كدب و زي ما انت من حقك تكلم بنات و يتمايصو عليك عادي انا من حقي اعمل الي انا عايزاه من غير ما ارجعلك
مالك بجنون : انتي مراتي بالاسم يا هانم يعني محسوبة عليا … انتي نزلتي مكان ما تروحهوش الا الرقاصات و بنات الليل ما يلقيش ابدا فيكي يستي احترمي الحجاب الي انتي لابساه ع الاقل … ولا هو ستار لعمايلك الشمال و عاملة دور الشريفة ادته كف خماسي الابعاد على وشه وقالت بدموع : انا ما اسمحش لاي حد يكلمني كدة .. انا اشرف من الشرف … انا نزلت مع شمس عشان ما اسيبهاش لوحدها و هي كانت عايزة تكلم رعد … مش انا الي اعمل حركات زي دي يا بيه يا محترم
كان بيبصلها بصدمة و لكن هي خرجت قبل ما ينطق اي كلمة دلفت السويت بتاعها و هي بتعيط فكت الطرحة و قعدت تعيط بصوت عالي
بعد شوية
دلفت شمس بسرعة و قالت بلهفة : في ايه مالك
من*ار بدموع : انا خلاص جبت اخري مش هستحمل كل ده انا عايزة اطلق ده انسان مرييييض
شمس بهدوء : طب اهدي شوية … انا الحق عليا ما كانش لازم ننزل قبل ما نتاكد من رعد و مالك و نراقبهم …… المهم دلوقتي لازم نشوف هنعمل ايه
من*ار بدموع : انا مش قادرة اكمل .. كملي انتي يا شمس انا خلاص عايزة اطلق
شمس : ما تكونيش غبية يا من*ار … ليه تطلقي و تخسري كل حاجة …
لو عايزة مالك لازم تستمري معايا عشان تكسبيه و لو مش عايزاه ع الاقل تخرجي بقرشين يأمنو مستقبلك
من*ار بصدمة : شمس انتي من امته بتفكري بالطريقة دي
شمس : من النهاردة … مصلحتنا اهم من اي حاجة … انا بدأت اخاف يا من*ار ….. خايفة احب رعد و اتعلق بيه … دول عندهم ك*سر قلب البنت اسهل من المحشي … ياااه نفسي بمحشي ما تيجي نطلب اكل
من*ار بضحك : انتي اكيد عايزة تشليني
شمس بعبوـ,,ــــس : رعد قال افضل عنده بس انا هربت اول ما خرج
من*ار : لا ارجعي بلاش يعرف و تبقى مشكله تانية احنا مش ناقصين
شمس: و اسيبك لوحدك يا ست الناصحة
من*ار :
امال يعني هتعاندي رعد ده كان يد.فنك
خبط الباب
شمس بخوف : معقولة رعد ؟! ده اكيد هيمو.تني
قامت من*ار لبست اسدال و فتحت الباب وجدت مالك
مالك ببرود : اتفضلي على السويت بتاعي يا هانم
وضعت بدها على خصرها وقالت بسخرية : والله !
مالك بحدة : اومال هتقعدي هنا لوحدك يعني
من*ار بحدة : مش هاجي عندك … و بعدين ايه الاهتمام المفاجىء ده انت مالك بيا اصلا ؟
مالم : والله !
من*ار :
اه و الله
قرب منها بسرعة و حملها و هي قعدت تصرخ و تحاول تنزل نفسها
قامت شمس تبص عليها و قعدت تضحك على شكلها و تلوح لها بايدها
و بعدين اتجهت الى اوضة رعد وصل السويت بتاعه و نزلها و هي بعدت عنه و قالت بغضب : انت ازاي تحملني دنا هوديك في داهية
مالك : طب ما تخلينيش اعمل تصرف تاني يخليكي تخرسي لاخر عمرك
من*ار بتحدي : طب وريني بقا هتعمل ايه
شدها من خصرها و باسها بعن..ف شديد و هي بتضر*ب بيه على صدره بعد شويه افلتها و هي بعدت عنه و كانت بتبصله بصدمة و دموع مالك : دي اقل حاجة ممكن اعملها و لو بجحتي معايا هزود العيار … و ابقي خففي قعدتك مع شمس عشان انا الدماغ دي ما بتمشيش معايا
تركها و خرج
قعدت بصدمة على الكنبة و هي بتعيط
عند رعد
رعد : مش هتنامي
شمس : وانت مالك
قرب منها و شدها من تلابيبها وقال : مش قولنا هنبطل دبش
شمس بدلع : اخاف ابطل تقوم تخدش حيائي
ضحك رعد بقوة على كلامها
رعد : مش لايق عليكي ابدا
شمس : طب اتخمد يسطا بدل ما ازعلك
رعد بابتسامة : انتي روحك حلوة اوي يا شمس اوعك تتغيري مهما عملت فيكي الدنيا
شمس : يا عم الدنيا هي الي قلقانه من الي هعمله فيها
ضحك رعد و قال بهدوء : طب يلا يختي نامي
شمس :
هنام فين يسطا
رعد بقرف : يسطا !؟ نامي هنا السرير واسع و هنحط بينا مخدات
شمس بغمزة : مش هتتشاقى يعني
رعد بضحك : يا بت فصلتيني نامي ربنا يهديكي
خلعت شبشبها و تمددت و هو كمان و حط بينهم مخدات كتير
رعد باستغراب : هتنامي بالطرحة ؟؟
شمس : اممم
رعد : براحتك
بعد شوية
شمس بتفكير : رعد هو ليه في ام اربعة و اربعين و ما فيش ابو اربعة و اربعين و اشمعنا اربعة و اربعين اصلا
رعد بنعاس : يمكن مـ,,ــات في الجيش
شمس بقرف : ها ها ها رخم اوي
رعد : طب نامي
شمس : طب بقولك ايه طالما معاكو فلوس كتير بتشتغلو ليه
رعد : عشان نحس اننا عايشن
شمس : ده انت لو قعدت عمرك كله تصرف الفلوس دي مش هتخلص ..دي مليونات كتير اوي
رعد :
محنا لو ما اشتغلناش مش هنعرف نحافظ على الفلوس و لا هنكبرها و ممكن كمان نخسرها
شمس : وجهة نظر ..طب بقولك ايه
رعد : ناااامييي
شمس : حاضر يعم ايه نامي نامي هو انا بالحضانة و لا عندك مدرسة الصبح محنا قاعدين ورانا ايه
عند مالك في النايت كلوب
تالين : رحت فين يقلبي خضيتني عليك
مالك : معلش حصل ظرف مستعجل
تالين : طيب يا حبيبي مش هنروح لاوضتي ولا ايه
مالك : لا مراتي مستنياني هروح انا بقا
تالين بغيظ : اهاااا و ما افتكرتش مراتك غير دلوقتي
مالك بحدة : تاااالين اخرسي خالص
و ذهب و تركها و هو ماشي خبط في وحدة بصلها بصدمة
البنت بصدمة : مالك ! ……يتبع
بارت 6 و هو ماشي خبط في وحدة بصلها بصدمة
البنت بصدمة : مالك !
نظر مالك لها بصدمة و توقف به الزمن
جوليا : ازيك يا مالك
مالك بكبرياء يخفي في اعماقه وجع شديد : انا تمام و انتي ؟
جوليا : انا كويسة .. عامل ايه في دنيتك سمعت انك اتجوزت
مالك : يااه و متابعة اخباري بقا
جوليا بتهرب : بتحبها ؟
مالك بغرور : طبعا .. اتجوزتها بعد قصة حب حلوة اوي …و انتي اتجوزتي مش كدة ؟
جوليا ادارت وجهها وقالت :
اه اتجوزت و انفصلت بعدها بست شهور … هو ما كانش مناسب ليا
مالك بسخرية : اجتماعيا ولا ماديا ؟
نظرت له باستحقار و بعدين راحت من قدامه
نظر لاثرها بوجع و مسك قزازة مسكر و بدأ يشرب من القزازة
خرج و هو ماسة القزازة و بيشرب فيها
و بيفتكر
فلاش باك
من حوالي 11 سنة
كانت جوليا اول حب بحياته
جوليا بدموع : ارجوك افهمني يا مالك .. انت وضعك الاجتماعي مش مناسب ليا ابدا …
بابا عايز يجوزني لابن صاحبه هو طيار و ابن عيلة معروفة و عايش في فرنسا ….و هو قادر يجهز نفسه و يعيشني الحياة الي بحلم بيها
مالك بغضب : و جاية تقوليلي الكلام ده ليه عايزة موافقتي على العريس ؟
جوليا بدموع : مالك انا بحبك بس الحب مش كل حاجة … تقدر تقولي لو اتجوزنا هتعيشني فين ؟؟ هنقعد كام سنة عشان نأمن تمن السرير الي هنام عليه ؟؟؟ ممكن تقولي هتشتغل ايه؟ انت حتى خريج دبلوم … انا مش عايزة اجرحك بس ده الواقع … و اكيد اهلي عايزين مصلحتي
مالك بوجع : عندك حق …
انتي ما تستاهليش الحب الي حبتهولك … ياما رعد قالي ما تبصش لفوق اوي عشان رقبتك هتتك*سر ….. انا الغلطان الي بصيت لوحدة زيك …. بس اوعدك اننا هنتقابل تاني و هنشوف بقا الدنيا هتعمل بيكي ايه و سابها ومشي و دي كانت اخر مرة شافها بيها بااااك خلصت القزازة …رماها و اتك*سرت بالارض و راح للاوتيل
وصل اوضته و هو سكر…ان مش شايف قدامه
فتح الباب كانت من*ار قاعدة اول ما شافته وقفت و قالت بفزع : مالك ….انت كويس ؟
مالك بسكر : انتي هنا ؟! …. انتي تضر*بيني على وشييي يا بت …..تعالي انا هعلمك الادب
متىن*ار بذعر : انت شارب حاجة ؟
هجم عليها يجاول تقبيليها ولكنها حاولت ابعاده و قالت بقرف : ايه ريحة بوقك دي انت شارب خ..م..رة ؟؟
حط ايده على خصرها و مسك قميصها من عند الصدر و قطعه
من*ار بجنون :
ابعد عنييي يا حيواااان
و امسكت فازة و خبطتها بدماغه بس ما اتك*سرتش لان ايد من*ار كانت خفيفة
هو وقع ع الارض مغمى عليه
من*ار بذعر و بترجف : انااا…انااا …قت…لته يا انهار اسووود …. انا مجر…مة …يا لهوتااااي
و جريت اخذت الاسدال و لبسته و راحت لاوضة شمس و خبطت الباب بخفة صحيت شمس
شمس باستغراب : مين الي بيخبط بوقت زي ده
و اتجهت الى الباب و وقالت بخفوت : ميين
من*ار برعب : انااا افتحي يا شمس
فتحت شمس الباب و خرجت و اغلقته عشان رعد ما يسمعش شمس بهمس : ايه الي جابك ؟؟ في اييه ؟؟
من*ار بدموع و ذعر : الحقيني يا شمس الحقينييي انا عملت مصيبة
شمس بصدمة : مصيبة ايييه انطقي هيغمى عليا … استني استني… اوعك تكوني ضعفتي قدام الي اسمه مالك و سلمتيه نفسك … والله اد.فنك بارضك يا من*ار
من*ار بدموع و خوف : لا … قت..لته
شمس بصدمة : قت.لتي مين انطقيي
من*ار بنهيار : مالك … ككككان سكر…ان و حاول يعتد..ي علياااا
شمس بغضب : الحقييير … و عملتي ايه بالج..ثة؟؟
من*ار بدموع :
لسا متلقحة جوة تعالي ساعدني نداريه قبل ما نتفضح
شمس : يلااا يلااا
وهم ماشين بسرعة باتجاه سويت مالك
شمس : بقولك ايه احنا نحطه بالبانيو و نكهربه …. هيفتكرو ما..ت متكهرب
من*ار بدموع : الحمام مفهوش بانيو اصلا ….انا خلاص انتهيت … اكيد هيشنقوني
شمس بخوف : لا يا بت ده دفاع عن النفس … و هو كاان ..سكرا….ن هيبان بالتشر…يح … بس المصيبة انه رعد هيد..بحنا احنا الاتنين … ده مهما كان اخوه
فتحت شمس باب الغرفة و صرخت باعلى صوت
شمس برعب : اعااااااااااا روحه لبست المكااااان اهربي يا مناااار كان قاعد و مولع سيجارة و بيشربها و مريح دماغه
من*ار بصدمة : مالك انت عايش
و اتجهت له جري و هي بتعيط حضـ,,ــــنته
مالك باستغراب : في ايه مالكم ؟!!! انتي بتعيطي ليه ؟؟
من*ار نظرت الى شمس بخوف و قالت : انت انت دخلت الاوضة و و و ….نفسي اتقطع مش قادرة
و وقعت بحضـ,,ــــنه مغماً عليها
مالك بصدمة : في ايه يخر.ب بيوتكم هتجننوني
حملها و حطها على السرير
شمس مسكت علبة عطر و فوقتها
فاقت من*ار و هي بتهلوس : انااا مجر..مة … انا قت..لته ….انا خلاص هتش..نق شمس : تفاهم انت معاها … انا هروح قبل ما رعد يطين عيشتي .. ده مش بيستغني عني خالص
و خرجت
مالك : كان العيلة ناقصها مجانين يعني … من*ار قومي مالك في ايييه
فاقت من*ار شوية و قالت بتعب و دموع : انت … كنت .. سكرااان …. و حاولت تتتت…اعااااااا ….. و بعدها فجأة وقعت على الارض قاطع النفس… افتكرتك م.ت روحت ناديت لشمس بسرعة ….. ااااااه
مالك بهدوء : انا اسف يا من*ار .. انا كنت فعلا سكر…ان بس عشان زودت شرب
من*ار بغضب : بطل الزفت الي بتشربه حرام عليك … انا عايزة ارجع اوضتي
مالك بحدة : مش عشان اعتذرتلك تسوقي بيها … مش عايز اسمع نفسك فاهمة
من*ار بدموع : بس انت كنت عايز تتت …
اعااااا …اااه مش قادرة انساااا الي حصللل
و حلست تبكي بصوت عالي
مالك : قولتلك مكنتش بوعيي خلاص بقا مش عايز اسمع صوتك
سحبت من*ار الغطاء و قالت : طيب شوفلك حتة تنام فيها بقا
اعطاها نظرة ساخرة و دخل الحمام بدل هدومه
خرج لابس شوت و مش لابس حاجة فوق
نظرت له و جحظت عنيها
من*ار و هي بتداري وشها : البس حاجة عيب كدة
مالك : انا مرتاح كدة
و قفز على السرير و سحب الغطاء و تغطى هو كمان و نام وهي بتحاول تنام و مغمضة عنيها بقوة و خجل
عند شمس
دلفت الاوضة بتتسحب زي الحرامية
: كنتي فين ؟
شمس بذعر : اعاااااااا قطعتلي الخلف يا ابن الكل..ب
رعد مسكها من معصمها و قال بغضب : هتشتمي هنفخك …كنتي فين ؟؟
شمس لنفسها : اهدي يا شمس اهدي خليكي كيوت….هففففف
رعد : كنتي فين انطقي
شمس بتوتر: كنت عند من*ار … استنا استنا هفهمك …
اخوك الصايع الواطي قليل الادب كان سكر..ااان و حاول يتهجم عليها …فهيا خبطته بالزهرية على دماغه افتكرته ما..ت قامت جاتلي عشان اساعدها تداري الج..ثة قبل ما تعفن و انا روحتلها لقيته صاحي و بيشرب سجاير و مش هامه حد ..دي كل الحكاية اقسم بالله
رعد كان بيضحك على اسلوبها و مش قادر يكتم ضحكته : شمس هو انتي كنتي بتشوفي افلام كتير و انتي صغيرة مش كدة ؟؟
شمس بعبوـ,,ــــس : طب اتلم و ما تتريقش بلاش اخبطك بالزهرية على دماغك افتحهولك سبع غرز ..انا ايدي تقيله
شدها من خصرها و هي تنظر له بصدمه و قال : انتي بت شاطرة بالكلام و بس …لسانك ده لو اتقص هتعيشي حياتك طبيعية جدا ….خلاص بقا اتكتمي
شمس : ايه الجو ده انت استحليتها يا عنيا سيبني بدل ما اصوت و افضحك
رعد بتحدي: طب اعمليها كدة و انا مش هسيبك
و حملها و هي بتصرخ و بتشتم فيه و رماها على السرير
رعد بسخرية : ها عملتي الفضيحة ؟! يلا نامي
شمس بعبوـ,,ــــس : مش عايزة
نظر للنافذة ..رما عليها المخدات و قال :
عاجبك كدة اهو النهار طلع و انا لسا مش نايم …انا عايز انام دلوقتى لو سمعت حسك هنفخك
شمس بنعاس : وانا تعبت اوي لازم انام
شدها رعد وقال : طب تعالي
شمس بذعر : لا لا سيبني
بس ارتخت لما شافته حضـ,,ــــنها بقوة
رعد بنعاس : نامي بقا
و شد الغطاء عليهم
كان بيحضـ,,ــــنها بقوة و نايم بس هي بتبص على ايده الي محاوطاها و بتبتسم
و بتعض شفايفها بخجل لانها اول مرة تحس بالشعور ده
في اليوم التالي
بعد العصر
تحديدا في موقع حفل الافتتاح نزل رعد من عربيته باطلالة خاطفة للانظار و لكن مرت ثواني حتى مد يده
امسكت بيده و نزلت من العربية و عدلت فستانها الازرق السماوي نظرت شمس لرعد بابتسامة و امسكت يده جيدا مشيت معاه بعد شويه توقفت عربية مالك و نزل منها مالك و امسك بيد من*ار التي ترتدي فستان باللون البمبي تقدم مالك و من*ار من رعد و شمس
نظرت شمس لمن*ار بابتسامة و غمزتها
ابتسمت من*ار لها و رفعت حواجبها بغرور
كرم : الي يشوفكم النهاردة ما يصدقش الي حصل امبارح
مالك بهدوء : انا بقول نتلهي بالحفلة يكون احسن
رعد برسمية : فعلا
كرم : طيب يجمـ,,ــــاعة مالكم سخنتو عليا ليه مر الوقت سريعا
و جلست من*ار مع شمس على نفس الطاولة
من*ار : مش عارفة امشي بالكعب خالص ..رجليا عورتني اوي
شمس : بقولك ايه احنا لازم نفتح حديث مع كرم باي شكل من الاشكال
من*ار : طب هنعمل ايه يعني
شمس : مش عارفة
مالك : جوليا هانم احب اعرفك من*ار هانم مراتي و حبيبة قلبي
جوليا بصدمة : دي مراتك ..محجبة ؟!
قامت من*ار و قالت بغيرة : مين دي يا مالك
بينما شمس تنظر بصدمة و ابتسامة بلهاء
وضع مالك يده على خصر من*ار و قرب منها وقال : دي بقا مدام جوليا ..كانت صديقتي زمان ايام الجامعة
من*ار بابتسامة صفرة : اهاا تشرفت يحببتي
و سلمت عليها ببرود
مالك : تحبي تشربي حاجة يروحي تحبي اطلبلك المشروب الي بتحبيه ؟
من*ار بصدمة : نعم ؟
مالك :
اسف يحياتي نسيت انه غلط على البيبي صحيح ..خلاص هجيبلك عصير فريش
و راح من قدامها
بينما حوليا نتظر بعدم رضا من*ار عرفت انه بيمثل و قالت : اتفضلي اقعدي يا مدام جوليا
قعدت قبالها و بتبصلها بطرف عنيها شمس بضحك : دي هتفرقع منك يا بت
من*ار : انا الي همو.ت من الغيظ ..الواطي ده بيستغلني
شمس : مش لو كنتي قت..لتيه امبارح كنا خلصنا منه
اتى رعد و كرم و جلسو معهم
رعد : اهلا جوليا هانم .. ازيك و ازاي الوالد و شغله ماشي تمام ؟
جوليا : الحمدلله بابي كويس اوي و حاليا مستقر في فرنسا
رعد ببرود : اممم كويس
اتى مالك و وضع العصير بهدوء امام من*ار
شمس بتلاعب : رعد حبيبي كنت عايزة تجيبلي عقد الماس زي الي جابه مالك لمن*ار
ابتسم مالك على كلامها بخبث
رعد باستغراب : عقد ايه
شمس بتبرقله : العقد ..الالماس ..الي جابهولها هدية الحمل
رعد بصدمة: حمل ايه ؟؟
شمس وضعت يدها على دماغه و قالت : مالك يحبيبي انت تعبان ؟؟ نسيت ان من*ار مرات اخوك حامل ده انت اكتر واحد فرحت لما عرفت
كان بيبصلها بصدمة بعدين بص لجوليا وفهم
رعد : ااااااه …صحيح افتكرت …. ولا يهمك يحببتي هجيبلك احلى منه
كرم بتلاعب هو الاخر : انا عارفك يا رعد اذكى من كدة ..مراتك بتلمحلك بحاجة تانية …العقد جابه مالك لمراته عشان حامل ….
و شمس طلبت زيه …تبقى هيا كمان حامل ..مش كدة
بصتله شمس بصدمة
و مالك كتم ضحكة
رعد نظر لشمس و فتح عنيه على وسعهم و هو بيكتم الضحك و بيصطنع الصدمة : شمس انتي حامل يحببتي ؟!
شمس بتوتر و احراج : هااا ؟؟ اااه
من*ار بخبث : الف مبروك يحببتي لازم تهتمي بنفسك كويس عشان البيبي
وكزتها شمس و قالت بتمتمة : انا هربيكي يا واطية
رعد بتمثيل : الف مبروك يحياتي
مالك : خودي يا حبيبتي اشربي العصير
من*ار بصدمة : لا مش عايزة
مالك : لا يروحي ما ينفعش هتتعبي كدة غلط ..هشربهولك بنفسي
و بدأ يشربها و هي فاتحة عنيها بصدمة
جوليا بحنق : عن اذنكم بقا …لازم اروح اوضب شنطي عشان مسافرة
وذهبت كرم فجأة فرط من الضحك و رعد قعد يضحك معاه ..خبطته شمس بكتفه وقالت : لينا اوضة تلمنا انا هربيك ..عملتوني مسخرة انا هوريكم يا معفنين
وضع مالك كاس العصير بينما من*ار شرقت
من*ار وهي بتكح : هات مية يخربيتك
اعطاها كوباية مية
مالك : منتي الي بتشربي زي الفجعانة
توقفت عن الكحة و خبطته بكتفه وقالت : دي حركات رخيصة …رخيصة اوي ..لا وانا زي الغبية كملت معاك بالتمثيلية السخيفة دي ..مغروووور
وقامت و هي محروق دمها و لحقتها شمس رعد بضحك: بصراحة معاها حق ..بجد يا مالك دي حركات عيالي اوي
كرم : اهم حاجة عند مالك غروره و كبرياءه نمبر ون
مالك : مخلاص يا شباب ايه هتشيلوني المشاريب ولا ايه
دلف رعد اوضته و اول ما تقدم من وسط الاوضة نطت عليه و اتشعلقت برقبته
رعد : فييي ايييه
شمس بغضب : انا تتريقو عليا يا شلة معفنة
نزلت عنه و قالت بحنق و زعل : انتو بجد معندكوش ذوق ..ازاي تتكلمو بموضوع حساس زي ده قدام الكل ..عيب اوي كدة قرب منها و حط ايده على خصرها و رفع ايده لذقنها و اداره ناحيته : هو الي انا شايفه ده بجد ؟؟ انتي زعلانة و ضاربة بوز
شمس بزعل : بجد اسلوبكم كان غلس اوي و عمالين تتريقو عليا انا مبحبش كدة ابتسم بهدوء وهو ببص على ملامحها وقال : طب حقك عليا يا ستي و اطلبي الي عايزاه اجبهولك كاعتذار مني ليكي
شمس بابتسامة : عايزة عقد الماس زي الي جابه مالك لمن*ار
ضحك رعد بشدة على كلامها و قال : هجبلك احلى عقد الماس في الدنيا ..بس بشرط
شمس : ايه
رعد : تضحكي
نظرت له بصدمة و عنيها بتلمع
رعد : مفيش احلى من ضحكتك يا شمس.. لما بتضحكي بتحلوي اكتر ..
اوعك تبطلي ضحك
ابتسمت على كلامه و ادارت وجهها بخجل
مسكها من ذقنها مرة اخرى و اداره ناحيته …و اخذ شفتاها بقبلة طويله و هادئة و هي كانت مغمضة عنيها و مش حاسة بالدنيا اصلا ………يتبع بارت 7
عادوا جمعاً الى مصر
فيصل : الحمد لله على السلامة وحشتوني اوي يا بنات
شمس : ده انت الي وحشتنا يا اونكل
من*ار : اه والله يا اونكل كان نفسنا اوي انك تيجي معانا
فيصل : معلش يا حبايبي المرة الجاية
دلف مالك و رعد سويا
فيصل : عاملين ايه يا شباب
مالك بهدوء : الحمد لله يا بابا ..وحشتنا اوي
نظر فيصل الى رعد و قال : هو صحيح الكلام الي سمعته يا رعد
رعد ببرود : سمعت ايه بالزبط
فيصل :
انك هتتصالح مع ماجد الرويعي ، الكلام ده صحيح ؟
رعد : اممم واضح ان الي بينقلك اخباري قريب جدا مني لدرجة ان يقولك كلام لسا بفكر فيه مجرد تفكير
شمس بخفوت : مين ماجد الرويعي
من*ار : عارفة داليا الواطية ..يبقى باباها
شمس بصدمة : ايييه
من*ار : شكله رعد اتجنن خالص
بعد وقت
في اوضة رعد كان قاعد بيشتغل على اللابتوب
دخلت شمس من غير ما تخبط
شمس : هو انت بجد هتتصالح مع ابو العقربة داليا ؟
رعد و هو بيكتب على اللابتوب: اممم الي بينا مجرد شغل يا شمس … وبعدين ما تدخليش بالموضيع دي لو سمحتي
شمس : طيب عايزة اروح لبيت اهلي
رعد : ليه
شمس : بابا وحشني و ليلى اختي و العيلة يعني
رعد ببرود : طيب
خرجت شمس و هي مضايقة من اوضته و راحت اوضتها بتفكر امسكت موبايلها و عملت مكالمة
شمس بنفاذ صبر : ردي بقاااا … ايه الرخامة دي عند مالك
مالك : ايه ده فين الساعة بتاعتي
و قعد يدور عليها
مالك بتذكر : هففف الظاهر اني حطيتها بشنطة من*ار … هروح اجيبها في اوضة من*ار
كانت بتاخد شاور لفت منشفة على نفسها و شعرها كان مبلول و تركته ينشف لوحده و خرجت
دلف مالك من غير ما يخبط و اتصدم من الي قدامه
من*ار بصراخ : اعااااااااا … اطلع براااااا
و عادت للحمام
بينما هو كان واقف مبلم مصدوم من منظرها اول مرة يشوفها من غير حجاب اصلا
من*ار و هي في الحمام : اطلع برااا عايزة اخرج البس هدومي
مالك بخبث : اوك هخرج اهو
اتجه الى الباب و خبطه و هي افتكرته خرج
اخذت نفس عميق و خرجت من الحمام
من*ار بخضة : اعااااااا انت لسا هنا يا حيوان ..
اخرج من هنا
ابتسم مالك باعجاب و هو بيبص عليها من فوق لتحت و منظرها شده اوي
قرب منها وهي خافت و هربت على الحمام مرة تانية
ابتسم بخبث و قال : فين ساعتي يا هانم …. انا حطيتها بشنطتك بالغلط و جيت عشان عايزها
من*ار بخوف : الشنطة عندك خد ساعتك و امشي
مالك بتلاعب: اوكك
و فتح الشنطة و بص على هدومها مع انه عارف هو حاطط الساعة فين بالزبط و اصلا هي في الجيب الخارجي بس هو حب يتسلى
مالك : اممممم حلو اوي الفستان ده
جحظت عنيها و اخرجت جزء من راسها من باب الحمام و راته يحمل فستان نوم قصير من الستان
من*ار بغضب : سيب حاجتي … اطلع برااا
اخرج مالك بدله رقص و قال : الله … ما تاخدي تجربي دي اصل وحشني البلدي اوي
من*ار بغضب : وحش لما يلهفك يا حيوان … سيب هدوميييي
مالك بخبث : اوككك
و اخذ ساعته و خرج وهو بيضحك
من*ار بغضب : سافل و مختل
بعد وقت
وصلت شمس لبيت والدها
سهيل : اهلا يا شمس ازيك يا بنتي
شمس ببرود : الحمدلله ..فين ليلى
ليلى : انا هنا يحببتي … ازيك وحشتينى اوي … الا قوليلي ازاي لندن …حلوة مش كدة
شمس : انا كويسة و اه لندن حلوة اوي
ليلى باستغراب : مالك يا شمس انتي مش على بعضك في ايه ؟!
شمس اخذت نفس وقالت : بابا لو سمحت ممكن تكلم بعمو سمير عايزاه بموضوع مهم
سهيل : ليه في ايه
شمس : لما يجي هتعرف
سهيل :
ماشي يا بنتي
بعد وقت جيه سمير
سمير : في ايه يا بنتي ..جايبني على ملا وشي
شمس :
انا هدخل بالموضوع من غير مقدمـ,,ــات …عمي انت عارف اني كنت بعتبر بنتك هدى بمقام اختي و اعز …اول مرة كلمتها و مفهمتش لكن المرادي مش هسكتلها ولا هكلمها …انا جيت ليك و لبابا عشان هي بنتكم انا كنت ناوية افضحها بس اتعاملت باصلي …بنتك يا عمي قليلة ادب و ما شافتش يوم تربية ..مع احترامي لحضرتك …بس هيا حاولت تلف على جوزي و انا عرفت و مش هسكتلها و مش بس كدة ..بتروح لاماكن مش من مستوى تربيتك يا عمي و لو مش مصدقني بص للشات دي و الصور كمان
مسك سمير موباليها و بيبص بصدمة و غضب
سهيل : معقولة هدى يطلع منها كل ده
شمس : انا كنت بعتبرها زي اختى و عمري ما خونتها او طع.نتها بظهرها بس هي واطية و ما تركتليش خيار تاني …انا دلوقتي قولتلك يا عمي بس المرة الجاية مش هرجعلكم و هتصرف من دماغي
سمير بجنون : انا هوريها بنت الكلب
و خرج وهو غاضب
سهيل : و انتي ازاي عرفتي كل ده
شمس : عشان انا عارفة هدى كويس و جوزي مش بيخبي عليا حاجة خالص
سهيل : طيب انا عايز اكلمكم بموضوع تاني
ليلي : في ايه يا بابا
سهيل : انا هتجوز
شمس : نعم يا روح امك
سهيل بصدمة : ايه
شمس بانتباه : ربنا يحرـ,,ــــقني…مش قصدي يا بابا بس ازاي مش فاهمة يعني ايه هتتجوز
سهيل بهدوء :
بصو يا بنات من ساعة ما شكرية مامتكم توفت و انا ما فكرتش اتجوز خالص خصوصا انك يا شمس كنتي شايلة همي و اختك كانت متجوزة ..بس دلوقتي انتو الاتنين متجوزين و الحمدلله اطمنت عليكم …بس انا دلوقتي عايز مين يهتم بيا و يساعدني مش هقضي الي باقي من عمري وحيد يعني شمس بتأثر : بس يا بابا انت كده هتجيب لينا مرات اب …عارف يعني ايه مرات اب ….يعني بيتك ده هيبقى غريب علينا عشان صاحبته ست تانية
ليلى : ما تفكريش كدة يا شمس ..بابا من حقه يتجوز …اومال مين هيخدمه و يشوف طلباته شمس بدموع : انتي بتقولي ايه …ده بيت ماما ..كل شبر في البيت ده ماما ليها بيه ذكرى …ازاي عايزيني اوافق ست غير ماما تاخده ….لو عايز تتجوز يا بابا اتجوز بس ارجوك ما تعيشهاش بالبيت ده
سهيل : يعني معندكيش مشكلة مع فكرة اني هتجوز ؟
شمس بدموع : لا انا مش انانية للدرجادي ..انا بس عايزة بيت ماما يفضل لينا … انا بشم ريحتها بكل مكان …البيت ده الحاجة الوحيدة الي فضلت من اثرها ..ارجوك يا بابا ما تخلييش حد يعيش بيه سهيل : خلاص يا بنتي هاخد شقة في حته تانية بس لازم تروحو تتعرفو على نادية الست الي هتجوزها شمس : معلش يا بابا خلي ليلى تروح …انا جوزي مستنيني و المسافة بعيدة و مش عارفة هاجي تاني امته
سهيل : طيب يا بنتي روحي و ربنا معاكي
في المساء
كان بيسوق عربيته بسرعة و كل شوية بيفكر فيها منظرها علق بدماغه و مش قادر ما يفكرش بيها
مالك : وبعدين بقاااا هفضل افكر فيها كتير يعني؟؟ مهي تفرق ايه عن الي اعرفهم ؟؟؟ ما فيهاش حاجة زيادة يعني وقف العربية فجأة وقال لنفسه : لأ فيها ..فيها حاجة مميزة عن اي ست عرفتها …انها شريفة و محترمة … عمري ما شوفت بنت بتخاف على نفسها قد البنت دي ….. بس هيا مش ستايلي و لا زوقي اصلا ….خلاص بقا مش لازم افكر بيها خالص
وصل النايت كلوب
و طلب مشروب و فضل يشرب
وضعت يدها على ظهره بهدوء
هدى : مالك
امسكها من خصرها وهو سكران و اعطاها الكوباية تشرب
شدتها من يده و شربتها
وضع راسه على عنقها وقال : يلا بينا
هدى : يلا
و اخذها و اتجهو لشقته في منطقة قريبة
في الفيلا
من*ار: مالك يا شمس في ايه
شمس بزعل : مش عارفة ليه المصايب بتيجي ورا بعضها
من*ار : ايه ده انتي كلمتيها ؟
شمس : اممم ..و هزقتني و قالت دي مصيبة ولازم رعد ما يتصالحش معاهم عشان كده هيبقى الشغل صعب اوي
من*ار: و هنعمل ايه
شمس : مش عارفة … بس هيا قالتلي انو ما نحاولش نعمل اي حاجة عشان ما نتكشفش
من*ار : طيب و كرم هنتقرب منه ازاي
شمس :
انا هكلمه و اقوله اني عايزة اعمل بارتي لرعد و عايزة اعرف منه رعد بيحب ايه …يعني عشان افتح معاه حديث
من*ار : اممم ..طيب و ايه الي مدايقك اوي كدة
شمس بزعل : بابا هيتجوز
من*ار : طيب و فيها ايه
شمس بدموع : مش متخيلة ايه الي بيحصل …هيبقى في ست تانية مكان ماما الله يرحمها انا مش قادرة اتخيل ان بابا ممكن يخلي ست تانية تاخد مكانها
من*ار بصدمة : بس مامتك مـ,,ــاتت من زمان …شمس هو انتي بتغيري على باباكي ؟!!!
شمس :
لا مش كدة يبنتي بس فكري معايا شوية … يعني انا لو اطلقت عايزاني اعيش مع مرات ابويا ؟ تخيلي انها ممكن تخلف و يبقى عندي اخوات من بابا
من*ار : من غير مبالغة يا شمس .. ما تروحيش بتفكيرك لبعيد ….انتي مستحيل ترجعي لباباكي و انتي عارفة ليه كويس اوي
في اليوم التالي
في اوضة شمس
كانت بتوضب الاوضة
خبط الباب
شمس : ادخلي
دخل رعد و ابتسم و عرف انها فاكراه من*ار
كانت معطياه ظهرها و بترتب بالدولاب
حط ايده على خصرها
لفتله و قالت بصدمة : رعد
رعد : اممم
شمس و بعدت عنه و قالت بخجل : عايز ايه ؟
مسك ايدها و وقفها قدام المراية
شمس باستغراب : في ايه
اخرج من جيبه عقد الماس يخطف القلوب و البسها اياه
وضعت يدها على العقد بصدمة و قالت : رعد ….
انا …انا كنت بهزر
رعد بابتسامة : ايه رايك
شمس بعدم تصديق : تحفة …يجننن ..بس مش هقدر اقبله ده غالي اوي
رعد : بس هو دلوقتي برقبتك يعني بقا ليكي …انا زعلتك و احنا في لندن …. اعتبريه ده عربون صلح ايه رايك
شمس بابتسامة : بجد ميرسي جدا يا رعد .. العقد حلو اوي
رعد وضع يده على ذقنها وقال : مش اتفقنا انك تضحكي …مش عايز اشوف الوش ده مكشر خالص
ابتسمت بهدوء و استدارت تنظر الى العقد بتمعن و فرحة شديدة
اما هو ابتسم على طفولتها و خرج وهو حاسس انه مبسوط
استيقظ من النوم ..تململ بكسل …ثم نظر الى حالته بصدمة ..والى تلك التي تنام بجانبه عا..رية تماما
مالك بصدمة : انتي بتعملي ايه هنا
استيقظت على صوته و نظرت له بصدمة و لنفسها
هدى بصدمة و دموع : انا الي جابتي هنااا
نظرت على الملايه لقت د….م
هدى بصراخ : انت عملت بيااا اييييه ….يا نهااار اسودددد انا هروووح فيهاااا
مالك بجنون : انتي ايه الي جابك هنااااا عايز اعرف …اناا ….انا كنت شارب و مش شايف قدامي انتي طلعتيلي منين
هدى بدموع :
انا جيت امبارح اتكلم معاك بس انت اجبرتني اشرب ،…انااااا هروح فيهااا بابا هيق.تلنيييي
مالك بجنون : طيب خلاااص اخرسي …هتعمليلي فيها شريفة يعني ..منتي الي جيتي مكان عارفة ايه هو ..و بتلحقيني في كل مكان …يعني دي نتيجة طبيعية لعمايلك
هدى بدموع و غضب : دلوقتي بقيت انا الشريرة و انت البريء مش كدة ….انت لازم تصلح غلطك و الا بابا هيمو.تني
مالك بغضب : خلاص اخرسي ..هكتب عليكي النهاردة بس خليكي فاكرة ..بعد فترة هطلقك..انا هعمل كدة بس عشان انا غلطت … و لا انتي اصلا ارخص من جزمتي
و تركها و دخل على الخمام بينما هي تنظر لاثره بابتسامة نصر
امسكت موبايلها
هدى : يا انهار اسود 20 مس كول من ماما … يا لهوتي دي هتمو.تني في الشركة
رعد : كرم شوفلي مين الي بينقل اخباري و اخبار الشركة لبابا
كح كرم بخضة و حاول يكتمها
رعد : مش معقول يا كرم بابا بيعرف ادق التفاصيل و دي حاجة مش كويسة ..انت عارف بابا ملوش ع الشغل
كرم : حاضر بس انت اهدى شوية …المهم ..مالك ؟ حاسس انك مبسوط
رعد بابتسامة جانبية : يعني
كرم بخبث : ايه قلبها مال ؟
رعد بضحك : لا مش للدراجادي يا كرم …شمس بنظري صديقة مقربة او يمكن عشان بتفكرني بامل ربنا يرحمها يعني زي اختي …
بس اني احبها ده شيء مستحيل
كرم : ليه يعني مستحيل ؟
رعد : عشان انا الشغل عندي رقم واحد بالحياة و اقدر افضله على اي حد بعد ما امل توفت ..انا بنيت كل العز ده عشان اقدر اربي اختي و اعيشها حياة كريمة …بس اهو هي راحت و الشغل فضل .. مش مستعد احب اي وحدة و اخسرها زي ما خسرت اختي ….وبدين قدامك داليا اكبر مثال كانت هتخسرني شغلي الي تعبت فيه عمري كله
كرم بحزن شديد : معلش يا صاحبي هيا الدنيا كدة …اه صحيح فين مالك
رعد باستغراب : هو لسا مجاش ؟
ده ما نامش في البيت حتى ….اول مرة مالك يعملها و يتأخر على الشغل
دلف مالك و قال بتعب : السلام عليكم
رعد : وعليكم السلام …مالك ؟ انت تعبان ؟
كرم : مش بالعادة تتاخر يعني
مالك : اطلبلي قهوة عشان احكيلكم الكار.ثة الي حصلت
طلبله رعد قهوة
رعد : ها في ايه ؟
مالك : انا اتجوزت
كرم : نعم ؟!
رعد بصدمة : يعني ايه ؟؟
مالك : امبارح شربت جامد لغاية ما اتعميت …لقيت نفسي تاني يوم عامل كا.رثة و البت لو اهلها عرفو هيد.بحوها ..ما كانش قدامي حل غير اني اتجوزها
رعد بصدمة : و مراتك ؟!
مالك بعدم اهتمام : ع اساس فارق اوي معاها
كرم : مهما كان يا مالك دي ست و اكيد كدة هتزعل
مالك : و تزعل و انا مالي هو انا كنت متجوزها عن حب يعني ….تستحمل
رعد : يعني هتجيب البنت و تعيشها في الفيلا ؟؟
مالك : امممم لغاية ما اطلقها يعني شهرين زمان …لا والانيل من كدة انها بنت عم مراتك يا رعد
رعد باستغراب : لا يشيخ
مالك : اه والله
كرم : مش معقول برودك يا اخي حاجة تقهر اقسم بالله …انا هروح قبل ما اتنقط
في الفيلا
شمس : مالك يا من*ار
من*ار بتوتر و دموع : قلبي واجعني اوي يا شمس ..حاسة في حاجة هتحصل
شمس : ان شاء الله خير يحببتي ما تخافيش ..اكيد انتي توترتي من الجو
من*ار بدموع : لا انا حاسة اني مش مرتاحة …احساسي دايما صح انا عارفة …..يتبع بارت 8
اثناء حديثها مع من*ار قاطعها رن الموبايل
شمس : الو
ليلى : شمس الحقي …في اخبار زي الزفت
شمس بصدمة : في اييه
ليلى : انتي عارفة مين كان بالحارة النهاردة
شمس : مين انطقي يا ليلى
ليلى : مالك ..سلفك …النهاردة كتب كتابه على هدى
شمس بصدمة : انتي بتقولي ايه ازاااي نظرت الى من*ار بصدمة و قامت بعيدا
شمس : حصل ايه بالتفصيل
ليلى : النهاردة نزلت هدى مع مالك من عربيته و معاهم المأذون وصلو و قعدو مع عمي سمير و اتكلمو و قال مالك ادى عمي سمير شيك في مبلغ كبير و كتب كتابه بعدها على هدى
شمس بصدمة و وجع : يا انهار اسود ….. مهو صحيح الي قدر يشترى بابا اكيد هيشتري عمي كمان …اعمل ايه يا ربي هقول لمن*ار ازاي
بعد وقت
شمس بتوتر : من*ار …بصي انتي لازم تكون قوية و تستحملي الي هقوله
من*ار : في ايه
قاطعهم دخول مالك و هدى
وقفت من*ار وهي مصدومة
من*ار : هو في ايه
فيصل : مين دي يا مالك
مالك : دي تبقى بنت عم شمس مرات اخويا
فيصل : امممم اهلا وسهلا يا بنتي
كانت تنظر شمس لهدى بغضب و شدت على يد من*ار
مالك :
و مراتي
جحظت عيون فيصل اما من*ار كانت تنظر بصدمة نظرت الى شمس بعدم تصديق و لكنها تماسكت و ذهبت من امامهم و تبعتها شمس
فيصل : انت بتقول ايه يا ابني ازاي تتجوز من غير ما تقول …و مراتك المسكـ,,ــــينة ذنبها ايه
مالك ببرود : كل حاجة جات بسرعة … و بعدين هدي مش هتطول هنا ما تقلقش
في اوضة من*ار
فتحت الباب بعنف و دخلت الاوضة و قعدت على السرير بجمود
قربت منها شمس و قعدت جنبها و قالت : من*ار انتي كويسة ؟
من*ار : اممم ما تقلقيش عليا … انا اصلا مش من حقي ازعل … عارفة ليه ؟ عشان انا مش مراته و هو عمره ما اعتبرتي مراته و الاحتمال ده كان وارد جدا
شمس : من*ار احنا لوحدنا … و باوضتك … تقدري تعيطي و ما تكدبيش على نفسك
تحولت ملامح من*ار من الجمود الى الحزن ..ابتلعت غصة في حلقها … تقوست شفتاها … بدأت تتنفس بصعوبة ..حتى حضـ,,ــــنت شمس و بدأت بالبكاء الشديد
من*ار بشهقات : انا الغلطانة من البداية الي تعلقت بواحد زيه … انا كان لازم اسمع كلامك و افكر بمصلحتي قبل الكل … انا خلاص هكمل معاكي لاخر نفس لغاية ما اتطلق من مالك و بعدها مش هرجع اشوف وشه خالص
شمس : و ده المطلوب يا من*ار … متأمتيش برجالة البيت ده خالص … متفكريش بحاجة غير نفسك و بس … بس مع كدة انا متأكدة ان دي لعبة من الاعيب هدى ..
انتي ما تعرفيهاش … محدش فاهم هدى قدي
من*ار بدموع : كفاية يا شمس مش هنقعد نبررله تصرفاته … انا خلاص خدت قراري هكمل معاكي و اخد نصيبي و هتطلق منه … مش هخرج بعد كل ده من غير ولا حاجة
شمس : كده انتي بدأتي تصحصحي .. حب ايه يا بنتي في بيت ما بيحترمش الست و لا بيديها اي اهتمام … احنا هنا صفر على الشمال … اوعك يا من*ار تستسلمي … انا النهاردة هكلم كرم و اشوفه و احاول افهم منه هيحصل ايه بالزبط
بعد وقت
دخلت شمس اوضة المكتب الخاصة بمالك
مالك بحدة : هو انتي ما اتعلمتيش تخبطي قبل ما تدخلي
شمس ببرود : لا …انا جاية اتكلم معاك بحاجة مهمة
مالك : اممم اتفضلي
شمس : اولا بغض النظر ان انت مش طايقني و لا انا طايقاك بس ده ما يغيرش اني مرات اخوك …. وصاحبة مراتك
مالك : من غير المقدمـ,,ــات دي .. عايزه ايه
شمس : هدى واطية …و انت عارف الكلام ده … انا متاكدة انك اتجوزتها من ورا لعبة من الاعيبها
مالك ببرود :
الموضوع ده يخصني لوحدي و ما تقلقيش فترة و هطلقها
شمس بابتسامة ساخرة : لا دي صعبة شوية …عشان انا عارفة هدى كويس عادي ممكن تقولك انها حامل بس عشان تلوي دراعك …. انا جاية اكلمك عشان انا ما تعودتش اشوف الغلط و اسكت .. و هدى انا اكتر حد يعرفها
مالك : شمس قولي عايزة توصلي لايه بالزبط
شمس : هدى خبيثة يا مالك و حاولت تلف على رعد قبل كدة و انا اعرف ماضيها كويس اوي … ولو مش مصدقني معايا صور تثبتلك
و ادته الموبايل
مالك بصدمة :
انتي بتقولي ايه و ازاي رعد ما قاليش
شمس : رعد ما عندوش علم خالص ..انا اخدت الصور و بعدها مسحت الشات من فونه …. انا مش جاية اطع.ن بظهرها من وراها بس انا روحت لباباها و هو ما عملش حاجة … و انا تقريبا عارفة انت اتجوزتها ليه … كان لازم انبهك
مالك : شمس …عندي سؤال مهم و عايزك تجاوبيني عليه
شمس : اتفضل
مالك : هدى كانت لسا فيرجن
شمس بصدمة و احراج : ااا… انا ما اقدرش اتكلم بموضوع زي ده … دي حاجة تخصها
مالك :
شمس ارجوكي لو عارفة احكيلي .. انا محمل نفسي ذنبها .. اوعدك مش هأذيها خالص … بس لازم اعرف
شمس : قولتلك دي حاجة تخصها ..تقدر تسأل مامتها .. انا ما اقدرش اتكلم بحاجة زي دي
و خرجت و هي تشتمه لوقاحته
في اوضة من*ار
كانت قاعدة في السرير و بتبص قدامها و بتعيط
خبط الباب
مسحت دموعها بسرعة و قالت : ادخل
دلفت هدى و جلست بحانب من*ار
من*ار بحدة : عايزة ايه
هدى : من*ار … انتي ضرتي … و عارفة ان مالك بيحبك اوي …بس انا كمان بحبه ..و ما اقدرش اتخلى عنه ..مش عايزك تزعلي مني …بس انا بجد همو.ت لو بعد عني
من*ار : ياااه ..ايه البجاحة دي ؟ انا مش فاهمة ..هو انتي سر*قتي قلمي عشان تقوليلي مش عايزاني ازعل ؟ و بعدين اقولك على حاجة …
مالك اشبعي بيه …انا كلها فترة و هتطلق منه ..و يلا اتفضلي اطلعي
خرجت هدى و هي تبتسم بنصر فهذا كان هدفها
بعد اكتر من ساعتين
في احد الكافيهات
كرم : في ايه يا مدام شمس ؟
شمس : اولا بلاش مدام دي .. ناديني شمس عادي
كرم : طيب في ايه
شمس : بصراحة انا كلمتك عشان عايزة اسألك عن رعد .. رعد غامض اوي و مش قادرة افهمه … انت صديقه المقرب مش كدة
كرم : امم … عايزة تسألي عن ايه بالزبط
شمس بتوتر : يعني لو رعد قالك حاجة عننا او كدة
نظر لها مطولا و قال : بصي يا شمس ..
انا فعلا رعد كلمني عنك وقالي قد ايه مستلطفك و حابب وجودك معاه … بس هو بيعتبرك زي اخته .. عشان انتي بتفكريه بامل …. لكن لو جيتي للجد رعد لسا خارج من علاقة فاشلة … يعني مش هيلحق يحبك اصلا
شمس بهدوء : وانا عارفة الكلام ده … طب ممكن اسألك سؤال تاني
كرم : امم تفضلي
شمس : هو لو اتصالح رعد مع ماجد الرويعي هيرجع للعقربة داليا ؟
ابتسم كرم بخفة وقال : ما اعتقدش … بس برضو احتمال وارد
شمس : كرم هو الصلح ده ضروري يعني ؟
كرم :
بصراحة لا و انا اعترضت بس رعد و مالك اصرو اوي
شمس : طب حاول تمنعهم ارجوك يا كرم
كرم باستغراب : شمس هو انتي بتحبي رعد ؟!
شمس بتهرب : حتى لو بحبه .. انا مش هتقبل الحياة دي … و اكيد مصيري هطلق منه .. بس انا خايفة عليه .. الي اسمه ماجد و بنته العقربة دول ممكن يأذو رعد
كرم بابتسامة : انتي فعلا شبه امل بحجات كتير … كانت زيك كدة دايما تتكلم من ورا قلبها
شمس : كنت بتحبها ؟
كرم بسرحان : كانت كل حياتي …
عارفة انا اتحديت الدنيا كلها على شانها … خاصمت صاحب عمري الوحيد عشان رفض يجوزهالي و تعبت اوي لغاية ما اقنعته .. كنت بشوفها بتكبر قدام عيني .. كل يوم بحبها اكتر من الي قبله …كانت كل حاجة بحياتي .. و رعد ما كانش بيأمن بحد غيري عليها …كانت على طول معايا
شمس : غريبين اوي انت و رعد متعلقين بيها بشكل كبير … بس مالك مش كدة خالص …هي بقالها كام سنة متوـ,,ــــفية
كرم و الدمعة بدأت تلمع بعنيه : خمس سنين … بقالها خمس سنين …مالك كمان زينا اتاثر اوي لما مـ,,ــاتت …بس هو مغرور و عنيد مستحيل يظهر الي بقلبه شمس : طب تخيل لو امل لسا عايشة .. كنت هتعمل ايه ؟؟؟
كرم و نزلت دمعة من عينه : كنت هاخدها بحضـ,,ــــني … كنت هخبيها عن العالم ده كله … عارفة ساعات كتير اوي بكون قاعد و بتخيل انها لسا عايشة … انها قدامي .. بحس دايما انها حواليا .. خمس سنين ما فارقتش خيالي …كل يوم بكون اتمنى انه يكون كابوـ,,ــــس و افوق منه الاقي امل نايمة بحضـ,,ــــني ….
كل يوم و كل ساعة و كل دقيقة بتمنى ربنا ياخدني عشان اشوفها …وحشتني اوي …نفسي تحصل معجزة و ترجعلي
كانت بتسمع كلامه و بتعيط بحرـ,,ــــقة و تنظر الى الهاتف الذي يسجل كل كلمة قالها
مسح كرم دموعه و قال : انا اسف يا شمس … نكدت عليكي … مش عارف ليه قولتلك كدة بس بجد انا ارتحتلك اوي …انا اسف بجد
شمس بدموع : بالعكس …
وانا ارتحت ليك و من النهاردة انا هعتبرك اخويا ….انت الي زيك خلصو من زمان يا كرم ..امل كانت محظوظة جدا بواحد وفي زيك …بس عايزة اقولك حاجة مهمة …احيانا المعجزات الي احنا فاكرينها مستحيلة بتتحقق نظر لها بعدم فهم
شمس : عن اذنك انا اتأخرت اوي
عند من*ار
كانت قاعدة باوضتها بتسرح شعرها و سرحانة
دلف مالك بدون ما يخبط
وقفت من*ار بصدمة : في ايه
قفل الباب و قرب ببطىء منها
و هي رجعت للخلف بخوف لغاية ما خبطت بالتسريحة
من*ار بتوتر : في ايه ؟؟
شدها و حضـ,,ــــنها بقوة و هي كانت مصدومة جدا من فعلته
مالك : من*ار … انا محتاجلك اوي … انا حاسس اني عايز افضل معاكي
من*ار بصدمة : بب..بس ..انت ..اتجوزت
مالك : انا عارف اني غلطت ..و شربت تاني .. لغاية ما غلطت مع البنت دي …
اتجوزتها عشان اصلح غلطي … انا تعبان و مش عارف اعمل ايه …انا بجد محتاج لبنت زيك في حياتي
من*ار بهدوء : مالك اهدى شوية ..انت لازم تفكر بهدوء ..انت اكيد دلوقتي متلخبط … لازم ترتاح
مالك : مش قولتلك اني محتاج لبنت زيك في حياتي …ممكن اطلب منك طلب
من*ار : اممم
مالك : ممن انام عندك الليلة
نظرت له بصدمة بس هزت رأسها بموافقة
عند رعد
كان قاعد مع ماجد الرويعي في فيلته و كانت داليا تجلس مقابلة له ترتدي فستان الى الركبه و مفتوح من عند الصدر فتحة جريئة .. و يبدو انها تجهزت جيدا لانها كانت جميلة جدا ماجد : اظن كدة يا رعد بيه رجعت المية لمجاريها .. لازم نشرب بمناسبة الصلح و كمان تجديد عقود العمل
