العاشرة
مش مستوعبة يلي قاله: طب لي خالتني اقتـ ـلها ولي عملت كل دا و ليه كنت ع شكل عدي.
ف لحظة كنت بصرخ وهو بيقطع ف شعري وبزقه بس ايدي مش بتلمسه كنت هتجنن اكيد عفا”ريت لحد اما سمعت التربة يلي مد’فونه فيها بتتفتح و هو اختفي لاقت عدي و شخص تاني بس الرؤية كانت شبه معدومة عدي كان مخضوض سندني وخرجني برا تربة اخته قعدت وهو زعق للشخص يلي معه: هااات مياه بسرعةة.
بقا بيدلق ع وشي مياه ويشربني لحد اما عرفت اتنفس اخيرا.
عيني اتملت بالدموع ومسكت فيه: عدي انت عدي صح.
الشخص اتكلم بهدؤء: ايوا هو عدي حبيبك.
ببص للشخص وانا حاسه ب حاجة حاسه ف صوته باراحة وامان عدي قالي: اي جابك هنا و حصل ايه.
بقلم ميرا ابوالخير
حكيت له كل حاجه حصلت من اول م شوفته مع اخته كان باين ع وشه تعبيرات غضب خوف صدمة ذهول: انتي عملتي كل دا.
رديت عليه بصوت مبحوح: معرفش ازاي او ليه انا فعلا كنت متغاظه ولاقتني بزوقها بس معرفش ليه عدي انا حبيتك صح مكنش قصدي اوقعها بس معرفش ازاي.
عدي كان ساكت والدموع ف عينه: انا مش فاهم حاجه.
الشخص اتكلم بهدؤء: بس انا فاهمه.
سالت عدي مين دا: دا يلي سامعك وانتي ف التربة و انا ماشي جاه قالي الحق واحدة بتصرخ اتخضيت كنت بحسب روح مي بس لاقتها انتي.
بصينا ع الشخص لاقينه اتغير وبقا مي.
عدي وقف بصدمة: م مي.
مي ابتسمت لي و له:
خدها من هنا يا عدي و وديها الجامع و خاليك معها واياك يا عدي تخرج من الجامع لحد اذان الفجر بس الاول روح البيت هتلاقي صندوق تحت سريري خده اقرا المطلوب احميها يا عدي انا مقدرتش احمي نفسي ويلي حصل بسببي خدها قبل م يظهر تاني و انا مش هقدر اقف قدمه.
عدي مكنش مستوعب بس فهمنا اننا ف حاجه مع عالم الجن بس للاسف مطلعش دا نهائي بردو.
بقلم ميرا ابوالخير
اختفت مي وهو دموعه كانت نازلة وسندني وداني اقرب جامع.
عدي بهدؤء: بصي انا مش عارف هعمل ايه بس خاليكي هنا انا هعمل يلي قالت عليه.
دخلني الجامع وحكينا للشيخ كل حاجه كان مبتسم وقاله روح هات يلي اختك قالت عليه عدي راح و انا استنيت.
الشيخ: بصي يا بنتي الظاهر انه مي دي كان عليها جن عا”شق وهو يلي خالكي تعملي كدا ولما ما”تت عاوز ر”قبتها من يلي ساعدته وانتي يلي ساعدتيه ولو منفذتيش هتحصليها.
دموعي كانت نازلة: طب والحل.
ابتسم ابتسامة: قومي صلي وانا هساعدكم باذن الله.
قومت اتوضي واصلي لحد اما سمعنا حد جاي بيجري ع المسجد وبيقول ف شاب عمل حادثة لابس تيشرت ابيض و بنطلون اسود وكوتش ابيض.
دا عدي اكيد عدي محستش بنفسي غير وانا بجري وخرجت من الجامع و و… يتبع..
الحادية عشر
لاقيت شخص بيجري وبيقول ف شاب عمل حادثة قريب: عدي دا عدي.
خرجت من الجامع وبجري بسرعه لاقيت لمة كبيرة ببص لاقيت عدي مرمي ع الارض صرخت وجريت عليه: عدي متسبنيش يا عدي.
لاقت حد شدني بغضب: مش قولتلك متخرجيش.
رديت وانا بعيط: عدي اهم مني والنبي حد يطلب الاسعاف.
لاقته شدني بغضب و الناس مستغربة وعدي مرمي ع الارض: اوعاااا سبنييي.
رد عليا بصوت مي: اهدي بقا روحي الجامع امشي بسرعه عدي هيكون بخير اخلصييي.
شدت ايدي منها وانا بقول بانهيار:
مش هخلص انا مش هقدر اعيش لو حصله حاجه انتو عفا”ريت مع بعض انا مالي سبونا ف حالنا بقا.
مي بحزن: انا مش عفريته اصلا اسمعيني يا مي لو هو وصل لك محدش هيقدر يمنعه من الاخر انا كنت معاهم وانا بني ادمة عشان كدا هو حبني ولما رجعت لطريق ربنا عمل كدا.
رديت عليها بصدمة: كنتي معاهم ازاي مع الجن صح.
بقلم ميرا ابوالخير
لاقتها ضحكت: لا مش جن ولا عفاريت دا حاجه اكبر بكتير اوي وانا كنت واحدة منهم ولو عملتي يلي قاله هياخدك معاهم وهيسيطر عليكي و يخليكي تفتحي بوابة من عالم الشيطا”ن للعالم دا و الشيطا”ن واعو”انه هيخلوا المليارات تحت سيطرتهم هيغويهم و هيوديهم طريق كله شر.
ضحكت اه ضحكت ماهو الشيطا”ن بيعمل كدا اصلا اي الجديد يلي هيعمله.
مي بهدؤء: عندك حق بس البوابة لو اتفتحت هتفهمي قصدي.
لسه هرد لاقته ظهر قدمي مي بصت له بهدؤء: سبها ف حالها.
رد عليها: لا دي مننا خلاص.
قعدت وربعت: بسم الله الرحمن الرحيم…
قعدت اقرا قراءن لاقت الاتنين اختفوا من قدمي اتنهدت بحزن لاقت يلي ايده ع كتفي: انتي كويسة.
قومت حضنته وهو متغر”ق د”م: انت يلي كويس.
عدي بالم: الحمدلله شوية اصابات كدا قومي معايا.
مردتش عليه….
عدي قعد جنبي: انا عارف حاسه ب ايه بس مكنتش اعرف انه هنوصل للنقطة دي انا حاسس بيكي بس انا هبقا جنبك ودا الصندوق بتاع مي جبته بس مش عارف اقرا يلي فيه بصراحه.
لاقينا عم الشيخ جاه ورانا: انتو روحتوا فين.
عدي بهدؤء: بنلعب شوية تلعب معانا مش شايف اني متشحور اهو.
رد عليه وهو باصص لي: خد البنت دي من قدمي.
استغربت كلامه.
عدي بص لي: اخدها ليه.
رد عليه: هي السبب ف كل دا ولازم تخلص منها.
عدي شك انه مش الشيخ وقرا قراءن بس لاقينا الشيخ بيقرا معه بصوت عذب: انا مش هو بس هحذرك البنت دي خطر اوي.
مشي وهو بيبص لي وانا قاعدة مفيش مني اي رد فعل.
عدي بص لي بهدؤء: تيجي نروح المستشفى عشان انا خلاص هقع تاني.
مسكت ايده وروحنا المستشفى.
دخل مع الدكاترة وانا روحت اشرب مياة عطشت اوي قعدت حسيت اني دايخه واخر حاجه شوفتها الممرضة وهي جاية بتسندني داخلتني اوضة و شوفت شخص اعرفه: انت.
رد عليا ببرود: يلي كنت هعمله مع مي هعمله معاكي انتي اوعدك هفضيكي خالص بدون اي الم نهائي.
كان نفسي اصوت بس مدرتش بنفسي كان دا خطيب مي للاسف حسيت بالمشرط وو… يتبع..
الثانية عشر
غمضت عيني وانا حاسه بقرب المشرط مني مقدرتش اعيط دموعي اتجمدت وبسال نفسي الف سؤال انا بيحصل كدا ليه انا مقتـ ـلتش مي و معملتش غلط ليه اخرتي يا اكون مقتو”لة يا اما اكون هههه والله م عارفه هكون ايه يارب للحظات حسيت الاوضة عمالة تترج ع اخرها وصويت الدكتور يلي كان خطيب مي و الممرضة فتحت عيني بضعف وشوفته قدمي قرب مني واختفينا سوا.
عند عدي.
عدي قالب المستشفى عليها: يارب يارب متحرمنيش منها زي مي وامي يارب هي مش تستحق كل دا يارب لو اختبار قوينا يارب.
قعد وفتح الصندوق شال الورق يلي مش مفهوم لاقي ورقة: دا خط مي.
فتحها وقعد بهدؤء« انا عارفة يلي حصل دا غلط ف يوم كانت واحدة صحبتي حابة تعمل عمل لحبيبها انه يسيب خطيبته ويتجوزها رفضت اني اروح معها بس زنت حاولت اقنعها…بقلم ميرا ابوالخير…. انه غلط بس للاسف كانت معمية روحت معها و
قابلنا ست عجوزة شكلها يخوف اوي قعدنا و عملت ليها العمل و كانت بتبص لي وتقولي لو بقيتي معايا وعاوزة اي حاجه تحلمي بيها تكون تحت رجلك هتحصل رفضت بس فكرت انه انا املك كل حاجه و وافقت مكنتش اعرف انه البداية هتكون مغرية بس النهاية هتكون اكبر للاسف كنت بعمل كل حاجه عاوزها مني و خالتني مع شيطا”ن هو مش الشيطا”ن نفسه دا من اعوانه و حقق لي كل حاجه ف البداية بس خوفت لما قالوا لي اقت”ل اعز الناس عندي وهي امي سبت طريقهم نهائي وللاسف بعتت لي جن عا”شق كنت توبت و بحاول اعمل حاجه كويسة بس لما
ملاقش مني رجاء فضل يخليني احاول ا”نتـ,ـحر وغيرو و قالي انه قريب هكون ميـ ـتة حسيت بالخوف اوي عشان كدا انا جمعت كل الحاجة يلي تخليهم يتحر”قوا كلهم بس مكنتش اعرف انه للاسف عاوزين بنت تفتح ليهم بوابة لعالمنا وساعتها هيحصل كتير اوي لو انت يا عدي يلي بتقرا احمي البنت دي باي طريقة وابعدها عنهم و اعمل المطلوب منك»
بقلم ميرا ابوالخير
عدي قام يروح للشيخ وقاله ع كل حاجه الشيخ رفض يساعده: لا البنت يلي معاك خطر.
عدي بهدؤء: تمم وانا مش هسيبها.
الشيخ بهدؤء: يابني اسمع مني د…
عدي وقف:
مش هسمع انا عاوزك تساعدني زي م قولت. الشيخ: استغفر الله العظيم طيب هات الصندوق و يلا ع الترب لانه اكيد خدها هناك الاول روح اتوضى وصلي.
هز راسه ب نعم.
ف الترب….
لاقيت نفسي قدم تربة مي و هو واقف: انزل هاتي يلي قولت عليه.
قومت بهدؤء؛ لا وانا مش خايفه منك.
لاقته ضحك: لا خايفه و بعدين انتي يلي قا”تلها حتي لو انا يلي وسوست لك وقتها و زقتك بس بردو دا ميمنعش انه انتي شريكتي.
بقلم ميرا ابوالخير.
رديت عليه بزعيق: انا معملتش حاجه ومش هعمل.
ضحك بخبث وشر:
انا اقدر اخليكي تعملي كدا زي م خليتك ترقصي ف العزاء وسط كل الناس بس للاسف مينفعش.
: و هي مش هتعمل اي حاجه انت عاوزها.
ببص لاقيت مي بنفس شكلها يوم الحاد”ثة رديت تلقائي: لا هعمل يا مي. يتبع..
الثالثة عشر
لاقته بيقولي بسخرية: زي م خليتك ترقصي ف عزاء حبيب القلب اقدر اخليكي تنفذي اي حاجه بس دا مينفعش.
لاقيت مي ظهرت بنفس شكل يوم الحادثة وقالت: مستحيل توافقك.
رديت عليها وانا ببتسم: لا ب العكس انا موافقة.
مي بصت لي بصة كلها حزن: متغلطيش غلطتي.
رديت عليها ببرود: غلطة واحدة يااه يا مي انتي غلطتي كتير وانا هنا بسببك وبسبب اخوكي يارتني م عرفته وعارفة انتي لو عايشة كنت مو”تك بارداتي بردو.
لاقتها ابتسمت بصت له وقولت له: انا موافقة اجيب لك ر”قبتها بس بشرط.
رد عليا:
كل يلي بتحلمي بيه هيكون مجاب ليكي وتحت رجلك.
وقفت قدمه بدون خوف: توريني الماضي يلي خالا امي تسيب ابويا واحنا صغيرين .
بقلم ميرا ابوالخير.
لاقيته ضحك: وانا مالي ب امك.
ابتسمت بجمود: دا شرطي.
لاقيت الارض اتهزت وطلعت مريا طولي وفيها امي يوم م سبتني انا واخويا وهي خارجة من الشقة وقفت بتفرج ولاقيت نزلت شقة جارنا و راحت حضنته وكانت بتقوله وحشني لاقيت ابويا دخل عليهم ووشه كله غضب: بتخونيني.
ردت عليه بتوتر: ب بخونك ازاي انا…
قبل م تكمل كلمتها ابويا كان مفرغ مسد”سه فيها و حاطط كاتم للصوت بص لجارنا وابتسم: متشكر ع خدمتك دي.
جارنا كان بيضحك له: انا معملتش حاجه ضحكت عليها و وقعتها فيا تقدر تاخدها وترميها وتقول لعيالك انها سافرت.
ابتسم له واخدوا امي من غير م حد يحس و رجع لينا بعدها بكتير وقال انها سافرت برا ومش هترجع تاني و اخد كل فلوسها..
بقلم ميرا ابوالخير..
المريا اختفت وبصيت لمي و نزلت التربة و معايا سكـ ـينة عشان انفذ المطلوب مني مي كانت عاوزة تدخل بس هو منعها تدخل تربتها ونزل وريا: يلا نفذي وقولي الجمل دي.
ادني ورقة وانا ابتسمت و انا بقوله: رجعنا للمكان يلي حبستني فيه بس المرة دي مش هتخرج منه.
التربة كانت عمالة تترج وهو حاول يختفي معرفش بص لي بصوت كله غضب: هـ ـقـ ـتلكك.
قعدت وربعت وغمضت عيني وعدي كان موجود برا التربة مع الشيخ و بيرددوا نفس الجمل يلي انا بدءت ارددها و الشيخ كان بيرش حاجه منعته من انه يختفي.
فتحت عيني وسمعت صوت عدي: متخفيش من يلي هتشوفيه ف التربة ولا تسمعي كلام مي حتي سبيهم وانا هخرجك.
ابتسمت بدموع: انا مش هخرج الشيخ قالي كدا.
عدي بص للشيخ بصدمة وبيشاور ع باب القبر: هي بتقول ايي يعني اي مش هتخرج.
الشيخ بص له باسف….
يتبع..