أمشي من وشي احسنلك تمسك دراعه وتسنده ينام ع الكنبة طب خلاص خلاص شكلك تعبان بجد والله لسه واخدة بالك بومة متجوز بومة ! سابت دراعه بسرعة وزقته أنا بومة ي عديم ال.. ال… مش لاقيه صفة وحشه صح أنا فعلا متعوضش بنرفزة تقبض ع إيديها وتجز ع سنانها وتسيبه وتدخل الأوضة تاني يوم أنتي ي هانم أنتي ي مدام ! أنتي ي بت فتحت الباب بعصبية بت في عينك
طلعتي بتعرفي تتكلمي أهو أمال مبترديش ليه أنا حرة أنت مين علشان تتحكم في إلا اقوله والا اعمله أنتي الكلام مبقاش يجيب معاكى نتيجة بتنسي كتير أني جوزك مش كدا بسيطة أنا هخليكى تفتكر ع طول خدها من إيدها بقوة ودخل الأوضة أنت اټجننت ! يوسف سيب إيدي والله أصوت وألم عليك الناس هخليكى كل ما تبصلي في المراية تفتكري أنا مين كويس پخوف ي ماماااا أنت عاوز مني ايه ياريتنى ما سمعت كلامهم وجيت
قعدها ع السرير بدفعة وقرب منها لحد ما طال الكومدينو وفتح الدرج طلع منه صباع روج وقام يكتب ع المراية الشخص إلا يوم ما هتفرحي فيه بنجاحك هتلاقيه فرحان ضعف فرحتك ولو في يوم زعلتي مستعد يضحي بنفسه علشان إبتسامة منك هو مش مميز ولا مثالي ولا بيعرف يعمل مفاجأت ولا يقول كلام حلو وتقريبا مفهوش ميزة بس بقربك منه هتلاحظي ومن لمعة عنيكي هتحسي أنك ملكة ومن خوفه عليكي ومعاملته هتحسي نفسك جوهرة بين إيديه الشخص دا هو الوحيد إلا يستاهلك ويستاهل وجودك معاه أحم ألا هو أنا يعنى علشان دماغك دي مترحش لبعيد وأجيبك من شعرك
بدموع وتأثر بتبص ع المراية بإبتسامة يااه أخيرا كلامي أثر فيكي ! پصدمة صباع الروج أنت خلصت صباع الروج بتاعي وبوظت المراية ! يشيخة منك لله بقي أنا غلطان انى بتعامل معاكي بحب ورقة أنتي إلا زيك مش لازم يعيش ليوم التلات خد بس أنت رايح فين سبينى أنا رايح في داهية طب خلي بالك من نفسك وأنت في الطريق
ضحكت بفرحة وهي بتقرأ الكلام إلا كتبه مقدرتش أبين فرحتي بكلامه قدامه يوسف من وأحنا صغيرين دايما مع بعض كبرنا ودخلنا جامعة واحدة صحيح هو كان أشطر مني ونزل من هندسة لتجارة علشان ميسبنيش لوحدي ولا حد يضايقني اتعودت عليه لدرجة لو غاب عنى يوم بحس أن الدنيا مقفلة ومستنيه ييجي علشان يفتح كل حاجة حوليا عارفه أنه بيحبنى من زمان وتقدملي بدل المرة اتنين وتلاتة وعشرة بس دايما بتوه بحجة شكل هو انا عاوزاه جمبي اه بس متخيلتش انه يكون جوزي بإختصار مش دا فتي أحلامي إلا مستنياه إلا بيقول كلام حلو إلا بيعرف يرقص ولما أحب اټجنن يتجنن معايا
الفون رن أيوا ي مي صباح الخير ي مدام أنتي كمان ي مي هتقوليلي ي مدام أنتم عاوزين ايه أولع في نفسي يمكن ترتاحوا ! بضحكة خلاص ي ست مكنتش كلمة المهم اعملي حسابك فرح ريم بكرا ولازم تيجي اه بجد دا انا كنت ناسيه ها هتيجى صح بحزن مش عارفه ي مي قال يعنى يوسف كان بيخلينى أخرج قبل ما نتجوز علشان يخرجني دلوقتي نتجوز !! ايه دا مين إلا قال كدا !
أنتي مي اخرسي محصلش انا بس اتلخبطت ياله سلام دلوقتى هشوف وكلمك نتجوز ! مين إلا قال الكلمة دي أنا شكلي لسه نايمة ولا ايه مساء الخير طب كويس أنك مردتيش أنا اصلا مش عاوز أكلمك بصوت واطي وبعدين بقي هقوله أزاي ع فرح ريم دلوقتي يارب يكلمنى تاني وانا هرد عليه ع طول أحم اتعشيتى بنظرة كبرياء ومتردش والله انا الا غلطان علشان بطمن عليكي قال يعنى — بتنسي نفسك ومبتكليش هه أنا داخل أنام
أنا مني لله ع إلا بعمله في نفسي دا ! ااا يوسف تخبطه في دراعه بقوة يوسف أنت أتعميت ولا ايه! اااه يخربيت الأنوثة إلا واخدة اجازة معاكي انتي ايه يبنتى حمار ۏحشي تايهه في الغابة محدش عارف يمسكه بقر تايهه وسط الخضرة ! بقرة لما تبقي تاكل ودانك ي بعيد وبالنسبة للحمار عادي يعنى أحم هعديها علشان عاوزة طلب اه خير ان شاء الله يوسف ممكن أروح فرح ريم صحبتي
تروحي فين سمعينى تاني كدا ! أنا قولت برضو ان سمعك تقيل بصوت عالي فرح ريم صحبتي عاوزة احضره أنتي بتستهبلي صح في ايه ي يوسف ! في ايه ي يوسف متعرفيش في ايه ي هانم ! فرح يعني عريس طبيعي فرح يعني فستان حلو وميكب يخليكي حلوة اكتر ما انتي قمر كدا بإبتسامة متكسفنيش بقي وبما أنه فيه عريس يبقي أكيد فيه أخو العريس وصاحب العريس وعادل ابن طنط مديحة صاحبة ام العريس ودول كلهم هيشوفوكي مش كدا !
صبارة ي يوسف وتعالي أدفني جمب السفرة دي أنت عاوز مني ايه اروح فين منك ي أخي انا زهجت خليهم يعملوا فرح إسلامي وانا وأديكي ولا هو لازم اختلاط وقلة أدب يوسف امشي روح نام كان عندي حق أني أرفض الجوازة دي والله بتقولي حاجة! بكلم نفسي فيها حاجة دي واعمل حسابك من بكرا هجيب معزتين اسرحهم في البلكونة اهو تطمن معنتش اتعامل مع بنأدمين خالص طب والله فكرة حلوة بس ياريت تأكدي ع الراجل إلا هتجبيهم منه يدهملك معزتين بنات علشان بغير عليكي ي ملاكي
بعيون حمرة ووش أحمر من الڠضب كلمة كمان ي يوسف \\نفسي طنط مديحة أنا نازل عاوزة حاجة بعدم اهتمام وهي باصة في الفون لأ مش عاوزة يشاور بإيده قدامها متأكدة بتشم ريحة برفان قوية تبصله بتفاجئ اقف مكانك تقوم بسرعة في ريحة برفان ع غير العادة وايه القميص والبنطلون دول من أمتي يعني وأنت بتغير أستايل لبسك لكاجول كدا خلصتي تحليلك للبس خلاص عن أذنك بقي اتأخرت بصوت أعلي يظهر مثلا انك ناسي ان النهاردة السبت اجازة من شغلك
لأ مش ناسي ومقولتش أني رايح الشغل ممكن أمشي بقي اه طب رايح فين مثلا يعني ! بعند ودا يخصك في ايه مثلا يعني بغيظ يوسف متستهبلش قول أنت رايح فين من أمتي وأنت بتخرج في يوم أجازتك يعني لا والله ع أساس أنك عارفة كل تحركاتي ولا ايه
المفروض بتشتغل خمس أيام واجازة جمعة وسبت أيام الشغل بتخلص وبتيجي تاخد شاور وتنزل تقعد في الكافيه انت وصحابك وتطلب شاي بلبن وتتغلب في دور الكوتشينة زي كل مرة وبالليل كنت بتفضل لازقلنا في الشقة بحجة تزاكر معايا عنيك كانت بترشق في كل حتة ماعدا الكتاب! بصراحة اللبس دا مش لبس قهوة خالص وانهاردة مفيش شغل يبقي ايه قرب منها بنظرات حب تفتكري ي ملك ليه البنت ممكن تدقق في تفاصيل شخص لدرجة الشاي بلبن !
بتوتر قصدك ايه يعنى يعدل القميص بكبرياء أحم إعجاب مثلا أو ح.. متكملش بقولك ايه انت تنسي كل إلا بتفكر فيه دا مفيش حاجة منها صح أصلا بقي كدا ! أيوا ودي الحاجة إلا المفروض تبقي عارفها كويس تمام أخلع أنا بقي واقعد أخلص الشغل الا ورايا ايه دا انت مكنتش خارج ! بما أنك عارفه كل تحركاتي فهو الطبيعي أني أكون في البيت وانا غلطان أني فكرت أخرجك نتغدي برا
أييه قولت ايه انا سمعت غلط غدا انت قولت غدا سيبي القميص مكلبشة في دراعي كدا ليه يوسف رد عليا علشان خاطري هتغدينى برا ! بس دا بمناسبة ايه ! لا — انهاردة عيد ميلادي ولا الفلانتين ولا حتي عيد تحرير سيناء !! هاهاها دمك يلطش حبيبي ربنا يخليك قول بقي بمناسبة ايه بمناسبة أنك … أييه انتي قولتي ايه ! قولت بمناسبة ايه