سيلين :انا إللى اصالحه كمان حرام عليكى كده كتير
عايده بحده:بنت كلامى يتنفذ جدك بقي مش طبيعى من نحيتنا وجسور هو الأمان الوحيد دلوقتي لو حبك
سيلين بعدم اقتناع:حاضر حنفذ كلامك
خرجت عايده من غرفة سيلين ودخلت تاخد شاور وابتسام أول مااطمنت انها دخلت وراحت على غرفة المكتب
الجد:هاه ياابتسام كانت عاوزه ايه
ابتسام :دى مش انسانه ومعندهاش ضمير
الجد:اخلصى وقولى طلبت منك ايه
ابتسام :عوزانى احط اقراص منع الحمل لميسون فى العصير
الجد بصدمه:ياااااه ياعايده هى حصلت
ابتسام :علشان تعرف ياباشا مش دايما بنات العائلات بيكونوا كويسين واحيانا بنات الشوارع بيبقى
عندهم قلب
الجد بصرامه:ابتسام
ابتسام:اسفه ياباشا انا حمشى قبل ماتشوفنى الست عايده
الجد:روحى انتى دلوقتي وطبعا أوعى تنفذى حاجه
ابتسام :من غير ماتقول ياباشا ميسون زى بنتى وعمرى مااوجعها
…………… ………..
عدت ايام كتير ومافيش أى حاجه جديده على ابطالنا ميسون بتروح امتحانتها
وسيلين محبوسه فى البيت
وجسور مشغول بيخلص صفقات مهمه علشان يفضى نفسه للفرح
عايده مطمنه ان خططها بتتنفذ
وجه اليوم إللى خلصت فيه ميسون الامتحانات وقرر جسور ياخدهم وينزلوا يختاروا الشبكه والفساتين وبالفعل خرج جسور مع البنات وبس لكن العلاقه بين جسور وسيلين كانت متوتره شويه وبالرغم من ده الا ان جسور حاول يسعدهم اختار البنات شبكتهم واللى أدهش جسور ان سيلين مااختارتش حاجه غاليه زى ماكان متوقع مع ان هو مش فارق معاه سعر الشبكه لكن إللى يفرق معاه يعرف هى طماعه ولا لأ
واكتشف أن كل إللى يهمها شكل وذوق الشبكه وده جانب اكتشفه فى سيلين اما الرقيقه ميسون اختارت طقم بسيط ورقيق جدا طبعا الشبكه من الألماس وبعدها اختاروا الفساتين ميسون اختارت فستان باللون الموف الهادى وسيلين اختارت فستان من اللون الاوف وايت والفساتين كانت اجمل من بعضها وبعدها عزمهم جسور على الغدا فى اوتيل وأثناء الغدا حب جسور يتكلم معاهم هما الاتنين لوحدهم من غير تدخلات من حد
جسور:انا عاوز نتكلم مع بعض فى حاجه مهمه علشان انا مش حابب يكون فى أى مشاكل بينكم من أى نوع
سيلين:اتفضل اتكلم
جسور:انتوا طبعا عارفين ان فرحكم فى نفس اليوم واننا
حنسافر بعد كده شهر العسل
ميسون:معلش انا شايفه ان الأفضل يكون كل واحده مننا لوحدها فى شهر العسل يعنى ممكن تسافر انت وسيلين وبعدها اسافر انا وانت
جسور:كده حكون بظلم واحده فيكم لانى حفضلها عن التانيه
سيلين :ممكن انا استنى وعلى فكره انا حكون راضيه بكده اكتر
جسور:مش الفكره فى مين تستنى الفكره ان مافيش واحده تسبق التانيه فى حاجه ومش ده المهم
ميسون:طيب ايه المهم
جسور:المهم اننا نكون حابين بعض انا عن نفسي مش حظلم واحده فيكم واللى حعمله لسيلين حعمل زيه لميسون بالظبط
سيلين :لكن مش حتقدر تحكم على قلبك يحبنا احنا
الاتنين زى بعض
جسور:انا مش حنكر انى كنت مشدودلك ياسيلين لكن كمان الأيام الل فاتت لما قربت من ميسون انا اتشديت ليها جدا وده طمنى شويه عموما دى حاجه اتفرضت علينا كلنا ولازم نتعايش معاها ومش عاوز أى تدخلات من بره فاهمينى انتوا الإتنين إللى بينا ويفضل بينا حتى لو واحده ضايقت التانيه انا بس إللى اعرف لا مامتك ولا ماممتها
سيلين وميسون:تمام حاضر
جسور :ومن دلوقتي كلامى انا بس إللى يتنفذ مافيش خروج لأى سبب من غير علمى ومافيش لبس من القديم ياسيلين وانتى ياميسون مافيش زملاء ولاد لما تدخلى الجامعه ان شاء الله
سيلين:لكن يا
جسور اكيد لازم بنحتاج احيانافى الجامعه لزمله ولاد ومادام فى حدود الزماله بيكون عادى
جسور بهزار:انتى من دلوقتي حتتحدى معاها عليا ههههههه
ضحك الجميع وكانوا فرحانين انهم وصلوا لعلاقه هاديه وبدأوا صفحه جديده مع بعض لكن أول ما رجعوا البيت وشافتهم عايده وهما منسجمين اوى كده قلبها ولع نار …….
الحلقه السادسه/
أول مارجع جسور مع البنات على القصر وشافتهم عايده والنار ولعت فيها حاولت تسيطر على انفعالها وتظهر طبيعيه
عايده بمكر:ايه ياحبايبى ربنا يسعدكم خلاص اشتريتوا الشبكه والفساتين
سيلين بضيق:ايوه يامامى
عايده:ومش حتفرجونا ولا حتعملوها مفاجأه هههههه
جسور :لما جدى يشوف الأول ويجتمع العيله كلها
عايده:اااااه طبعا يا حبيبي
خرج الجد من مكتبه إللى بيكون معظم وقته موجود فيه يتابع كل الشغل منه جريت عليه ميسون بفرحه فى عيونها وحضنت جدها وطلعت شبكتها تفرجه عليها
طبطب الجد على كتفها وحضنها بحنان لكن عيونه شافت سيلين وهى نفسها تقلد ميسون وخايفه جدها يكسفها
لان من يوم واقعة النادى وهو متجنبها لكن حنانه غلبه وقرر يرضى عنها ومايكسرش فرحتها
الجد:وانتى ياسيلين مش حتيجى تحضنى جدك وتفرجيه شبكتك
جرت سيلين على جدها ودخلت جوه حضنه وهى فرحانه انه صالحها
فتح البنات شبكتهم وفرجوها لجدهم بارك الجد لحفيداته
نادى الجد على ابتسام وطلب منها تنادى لسميه ومشيره وبالفعل نزلوا بمنتهى السرعه فرحانين
الجد:انتوا علطول مختفيين فين
مشيره:بنحفظ قرآن ياعمى وبنضطر نقفل على نفسنا علشان نركز
الجد بفرحه:ماشاء الله ربنا يقدركم وانا هديه منى ليكم ان حفظتم جزء كبير ححجزلكم رحلة الحج إللى جاي ان شاء الله
مشيره وسميه بفرحه:ربنا
يخليك لينا ياعمى ده حافذ جميل جدا
الجد:يلا بقى اتفرجوا على شبكة العرايس ولو انى زعلان انها حاجات بسيطه اوى مش قيمة بناتى يا جسور
جسور:والله ياجدى انا قولتلهم اختاروا براحتكم لكن اعمل ايه مراتاتى عاوزين يوفرولى ههههههه
الجد:لسه مابقوش مراتاتك ياولد ماتخلنيش ارجع فى كلامى
ضحك الجميع على هزار الجد وجسور و الفرحه إللى موجوده فى القصر لكن الجد كان ملاحظ غيظ وكيد عايده من الشبكه فحب يضايقها اكتر
الجد:ايه ياابتسام مش حتشوفى الشبكه وتباركيلهم وتسمعينا زغروده
ابتسام بفرحه:طبعا ياباشا الف الف مبروك لولولولولى
عايده ارتبكت جدا وبدأت تشك ان عمها عارف حاجه
لان مش من عاداته يدخل الخادمات فى حوارتهم
فضلت عايده دماغها تودى وتجيب وده كان هدف الجد انه يشغل تفكيرها ويبعدها عن أحفاده
عدى اليوم ودخل كل واحد على غرفته علشان ينام لكن كل واحد فيهم كان تفكيره مشغول بحاجه
عايده كانت بتفكر ان لو كان عمها عارف ازاى فضل ساكت كل ده ولو سكت اكيد علشان حاجه فى دماغه
جسور كل إللى كان شاغل باله ازاى يقدر يوفق بين الاتنين من غير مايظلم حد فيهم خصوصا بعد ماشاف تغيرات سيلين
ميسون كانت فرحانه ان اخيرا حتتجوز من حبيبها لكن خايفه ماتقدرش تتحمل وجود سيلين فى
حياته
سيلين بعد ضر*ب عايده ليها وهى قررت انها تعترف الجسور انها مش بتحبه وانها مغصوبه على الجواز منه لكن بعد كتب الكتاب
الجد فضل يفكر ياترى إللى عملته زمان كان صح ولا غلط واللى بيعمله دلوقتي حيظلم بيه حد من أحفاده إللى بيحبهم كلهم
ابتسام بعد ماشافت شبكة بنتها وحست بإحساس الامومه ندمت على موافقتها زمان انها تتنازل عن حقها وحق بنتها
الكل عدى عليه ليله صعبه بالرغم من المناسبه المنتظرة
وفى صباح يوم جديد على عيلة الشامي لكنه صباح مش عادى النهارده الفرحه المنتظرة وكتب كتاب البنات على شاب العيله الأوحد
اجتمع أفراد
العيله على مادة الإفطار كالعاده والجد وزع على كل واحد مهمته وبدأ السيدات والبنات فى تجهيز نفسهم بعد الفطار مباشرة ورجالة العيله او بمعنى اصح ابو العريس وابهات العرايس كل واحد بدأ يشرف على تجهيز حاجه وجسور طبعا هو كمان بدأ فى تجهيز نفسه لكن وهو فى غرفته سمع باب دق على باب غرفته واول مافتح اتفاجئ انها سيلين
جسور :خير ياسيلين فى حاجه انتى مش المفروض بتجهزى
سيلين :ممكن ادخل اتكلم معاك فى حاجه
جسور :تدخلى هنا ازاى تعالى نقعد تحت
سيلين :لا مش هينفع انا بس حقولك حاجه واحده
جسور :طيب تعالى لكن سيبى
الباب مفتوح
دخلت سيلين وهى متردده لكن حاولت تقاوم ترددها
جسور:يلا ياسيلين مش حلو ان حد يشوفنا هنا قبل كتب الكتاب
سيلين:جسور عاوزه اعترفلك بحاجه لازم تعرفها ضرورى
جسور وبدأ يشك فيها ويتعصب:ماتنطقى انتى حطنقتينى بالكلام
سيلين :انا مش عارفه إللى حقوله صح ولا غلط لكن انا ربنا يعلم بعزك اد ايه ولازم انبهك انك ماتجرحش ميسون أبدأ لانها بتحبك
جسور بدهشه:ده معناه ايه بقى ان شاء الله انتى بتنفذى كلام امبارح علشان تعرفينى انك اتغيرتى ولا دى خطه من خطط عايده هانم
سيلين بضيق:انا مش ينفذ خطط حد بالعكس مامى لو عرفت انى
بقولك كده يمكن تق**نى فيها لكن انا بقولك انسانى انا خالص واهتم بميسون لانها بجد بتحبك من زمان
جسور بمكر:طيب ما انتى كمان قولتيلى انك بتحبينى
سيلين برجاء:معلش حجاوبك على سؤالك بعد كتب الكتاب ودلوقتي عن اذنك ارجع قبل مامى ماتلاحظ انى مش موجوده
خرجت سيلين من غرفة جسور وسبته دماغه تودى وتجيب وفكر فى كلامها ويحاول يفهم هى ليه بتعمل كده لكن مش قادر ينكر انه طاير من الفرحه لما عرف ان قطته بتحبه ومن زمان كمان
جهز الجميع واضاءت أنوار القصر وعلت أصوات الموسيقى وبدأ كتب الكتاب وجه معاد نزول العرايس علشان الامضاء على ورق
المأذون وطل عليهم اجمل ملكتين وأخذهم جسور من أول سلالم القصر وسط دهشة الناس من الموقف وحقد ناس على جوازهم من جسور بالرغم من أن كل واحده فيهم فرحتها مش كامله لكن كانوا حاقدين عليهم وفى ناس كانوا عارفين بعهد العيله ومتفهمين ظروف الجواز ه
تم كتب الكتاب وخلاص البنتين أصبحوا زوجات جسور لكن جسور ماكانش قادر يخرج كلام سيلين من دماغه وكان مستنى الناس تمشى ويعرف منها سبب الكلام إللى قالته الصبح وفعلا بعد انتهاء كل شئ وبعد مابارك لميسون وباس ايديها وطلعت على غرفتها والكل طلع على غرفه اتصل بسيلين وطلب منها تنزله فى غرفة المكتب وبالفعل نزلت
سيلين لجسور
سيلين :خير يا جسور فى حاجه حصلت
جسور:انتى بتسألينى انا انا إللى عاوز اعرف معنى كلامك إللى قولتيه الصبح وسببه وقسما بالله ياسيلين لو كدبتى عليا ولا فكرتى تلاعبينى لتشوفى منى ايام سوده
سيلين :انا مش محتاجه اكدب ولا العب عليك لانى لو كنت عاوزه العب عليك كنت كملت على نفس الخط وماجيتش لحد عندك علشان اقولك ان ميسون بتحبك
جسور:ماهو ده إللى مجننى
سيلين :اوعدنى الأول ان الكلام إللى حقوله دلوقتي محدش حيعرف عنه حاجه وخصوصا مامى وجدى
جسور:من غير مااوعدك انتى بقيتى مراتى يعنى مايصحش ان حاجه بينا تخرج بره
سيلين:وانا حثق فيك وحتكلم …شوف يا جسور انا لما جيت قولتلك ان ميسون بتحبك علشان هى دى الحقيقه ولما انت سألتني انا بحبك ولا لأ انا فضلت اجاوب بعد كتب الكتاب
جسور مقاطعا:لأ انا سألتك مش انتى كمان قولتى انك بتحبيني ودى تفرق لأنك انتى قولتيها مش انا لسه بسألك
سيلين:انا عارفه انى قولتها لكن مش دى الحقيقه انا مش بحبك مامى هى إللى غصبت عليا أنزل اقولك كده لكن بعد ماخرجنا مع بعض وحسيت انك ابتديت تحب ميسون وانا عارفه من زمان انها بتعشقك وبصراحه اكتر من وقت مامى ماض*ربتنى وماوقفتش جنبي على الرغم من انها عارفه كويس
انى عمرى ماحقبل بحاجه غلط وانا قررت انى اكون سيلين من غير إللى يرسملها ويخططلها واسيبك تعيش حياتك انت وميسون وتكملوا مع بعض وانا متأكده انكم حتكونوا اجمل قصة حب فى العيله كلها
جسور:واشمعنى قولتى الكلام ده بعد كتب الكتاب
سيلين :علشان شرط الوصيه لانى مش حقبل طبعا ان العيله تتبرئ منى
جسور:ولا علشان الميراث
سيلين:اولا جده عايش ربنا يديه الصحه وبعدها فى مامي وبابى يعنى ربنا يدينا العمر علشان يوصلنا الميراث ده
جسور:اسألك سؤال وتجاوبينى بصراحه
سيلين:اكيد لانى مش ناويه غير على الصراحه معاك
جسور:فى حد تانى فى حياتك
سيلين :لا والله
أبدأ
جسور:وانا مصدقك وعلى اد ماكلامك ضايقنى زى أى راجل لما يحس ان مراته رفضته يوم ارتباطهم بعد رسمى لكن احترمت تفكيرك واحترمت صراحتك لكن المهم انتى حابه العلاقه بينا تكون ازاى
سيلين:انا عوزاك تهتم بميسون وماتشغلش نفسك بيا وبالنسبه للفرح وشهر العسل خلى كل شئ يتم عادى وبعدها يحلها ربنا او بمعنى اصح خلينا نفضل اخوات
جسور:طيب وطنط عايده
سيلين بخوف:لا أوعى مامى تعرف حاجه
جسور:ماشي ياسيلين حاضر حنفذلك طلبك لكن ده مش معناه انك تعملى إللى انتى عوزاه الناس كلها عارفه انك مراتى وقبل كل ده بنت عمى
سيلين :دى كمان حاجه كان
نفسي اوضحالك اما عمرى ماعملت حاجه غلط وموضوع النادى ده لو كنت استنيت تشوف رد فعلى كنت حتلاقينى بضر*بها بالقلم على وشه لكن انت اتسرعت وحكمت عليا
جسور:انا اسف ياسيلين
سيلين بابتسامه:ولا يهمك
وخرجت سيلين من المكتب ورجعت على غرفتها لكن مااخدتش بالهم ان فى حد.كان بيسمع كلامهم وفرح اوى من كلام سيلين
الحلقه السابعه/
طلعت سيلين لغرفتها وهى مرتاحه ومبسوطه وكأن حمل جبل اتشال من على قلبها لأول مره تحس انها انسانه وليها حرية الاختيار وانها مش عروسة الماريونت إكللى بتحركها عايده
جسور كان مستغرب سيلين وكلامها لكن هو كمان أرتاح مش حيحتاج يحير قلبه ولا يفرض عليه يحب مين ومايحبش مين حيسيب قلبه إللى بدأ يدق لميسون ياخد حريته وكان طاير من جواه ان ميسون بتحبه لكن جه الوقت إللى يسمع منها اعترافها بحبه
ويحتويها
ابتسام كانت واقفه عند المكتب وسمعت كلام سيليضضضضضن لجسور وفرحت جدا ان بنتها لسه جواها القيم إللى زرعتها فيها وقت ماكانت بتربيها ووافقت
تشتغل خدامه وتسيب شغلتها إللى كانت بتحبها علشان تحافظ عليها يمكن ده كمان طمنها ان يمكن ييجى يوم وتعرف بنتها الحقيقه وتسامحها على ذنب مش ذنبها فضلت ابتسام طول الليل تفكر وتفتكر إللى حصلها زمان
**فلاش باك**
فى إحدى المستشفيات الخاصه بالحمل والحقن المجهىر رى كانت عايده بتعمل عمليه حقن مجهرى (طفل انابيب)لكن وقتها كان كل إللى فى المستشفى عارفين ان العمليه عمرها ماحتنجح ومع ذلك عايده كان عندها امل فى الوقت ده اتقابلت ابتسام مع ماجد لانهاكانت بتشتغل فى نفس المستشفى ودار بينهم حوار وتحول الحوار عن إمكانية حمل عايده لمقابلات اكتشف بعدها ماجد ان ابتسام مطلقه وعندها
بنت وولد من زواجها برغم من سنها الصغير حبها ماجد وعرض عليها الجواز لكن كان شرطه ان أهله مايعرفوش ولحظ ابتسام ان عايده ماتقبلتش معاها ولا مره وبسبب غرورها كانت معاملتها مع الدكاتره فقط لكن بعد فتره من جواز ابتسام وماجد اكتشفت وقتها انها حامل ماجد كان فرحان جدا ان اخيرا ربنا عوضه بعد ماكان عارف ان عايده عمرها ماتقدر تخلف منه لكن عايده كانت لسه متعرفش وكانت بتحاول تعمل عمليه تانيه وبتابع مع الدكتور..ماجد فكر ان ابوه ممكن يوافق على جوازه من ابتسام لما يعرف انها حتجيبله حفيد لكن كانت المفاجأة القلم إللى أخده ماجد وهو راجل من موسى الشامي
واللى بعد ما عرف كل حاجه قرر يقابل ابتسام
فرحت ابتسام لما عرفت من ماجد ان ابوه عاوز يقابلها لكن بعد المقابلة كرهت اليوم إللى عرفت فيه ماجد وحبته لان كلام موسي الشامي كان ض*به قاضيه لابتسام
ابتسام بفرحه :اهلا بحضرتك شرف كبير ليا انى اقابلك
موسي بتعالى:انا عارف انه شرف ليكى تقابلينى لكن انتى طمعتى فى الاكتر من كده وهو انك تكونى مرات ابنى
ابتسام بصدمه:ايه إللى حضرتك بتقوله ده انا حبيت ماجد واتجوزته بشرع الله
موسي :اسمعى الجواز ه دى لازم تنتهى واللى فى بطنك لازم تنزيله
ابتسام بقهر:ايه انا بتقول ايه اق**
ابنى ولا بنتى ليه وعلشان مين علشانك علشان دى أوامرك انا عمرى ماحعمل كده ولو فكرت تأذينى ولا تعمل حاجه فى إللى فى بطنك انا حبلغ عنك
موسي بتفاخر:ههههه انتى مش عارفه انتى بتتحدى مين
ابتسام :مهما كنت انت مين انا ام والقطه بتحامى على ولادها وانا مش قطه علشان اخاف منك
خرج موسي من عند ابتسام وهو بيتوعدلها بالاذيه لكن صعب عليه حال ابنه إللى قطع الاكل والحجز فى مستشفى للعلاج من الاكتئاب ماجد كان حب ابتسام بجد وإحساسه انه ممكن يخسرها ويخسر طفله إللى في بطنها كان حيم*وته
رق قلب موسي لابنه وقرر يتفق مع
ابتسام على حل
ابتسام :خير ياباشا حضرتك جاى تهددني تانى
موسى :لا ياابتسام جاى اتفق معاكى
ابتسام :اتفضل ياباشا قولى طلباتك
موسي :اسمعيني انتى عارفه طبعا انى اقدر ااذيكى وادمر حياتك وحياة ولادك
ابتسام:برده جاى تهددني اهو
موسي بغضب:متقاطعيش كلامى
ابتسام:اتفضل كمل
موسى:انا وصلت لحل وانتى لازم توافق عليه عايده حاليا بتحاول تعمل عمليه جديده واللى انا عرفته انها متعرفش شكلك انتى حنتقابلى مع عايده وتوصللها انك أطلقتى ومش عاوزه الجنين إللى فى بطنك وانا عارف ومتأكد ان عايده حتعرض عليكى تشتريه
ابتسام:ومين قالك انى حوافق
موسى :انتى ماعندكيش اختيارات انتى
حتوافقى غصب عنك واوعى تفكرى انى عملت كده علشان واحده بنت شوارع عرفت تضحك على ابنى وتخليه يتجوزها انا عملت كل ده علشان ابنى والطفل الل فى بطنك
ابتسام :وانا مستحيل ابعد عن ضنايا
موسى :انتى مش حتبعدى عنه حتشرطى على عايده انك تربيه فى القصر وهى إللى حتدخلك القصر بمعرفتها
ابتسام:اشتغل خدامه فى بيت جوزى
موسي:تقصدى طليقك
ابتسام :ايه الجبروت ده انت ماعندكش قلب