الفصل الأول،،،،،،،،،، غيوم الشمس غامت شمس حياتي وتلبدت بالغيوم واسدل الليل ستائره السوداء ليبدأ خريف عمري الذي عجلت بمجيئه كنت أعلم جيدا أن حياتي معك ايام عجاف لازرع فيها ولا ماء ماعرفت طعم لحياتي معك إلا طعم الذل والهوان ضعفت حياتي ولم أجد سبيل لانجو من هذه الحياه البائسه ولم يحن الوقت لتنتهي حياتي معك لقد ارغمت على حياتك معي وتحولت حياتي بفضلك إلى جح.يم ودفعت ثمن أخطاء لم اجرؤ يوما على ارتك.ابها بل ارت.كبها من وضعوني في دوامه العادات والتقاليد.
_________________________________________ الروايه بتدور أحداثها في احدي محافظات الصعيد وهي محافظه المنيا مركز دير مواس قريه دلجا.
حيث الخلاف الدائر بين عائلتين من اكبر العائلات وهما عائله الدامي وعائلته الجبلاوي لم ينتج هذا الخلاف نتيجه الثأر بل نتج أن إحدى الشباب في عائله الدامي احب فتاه من عائله الجبلاوي وعند رفض عائله الجبلاوي الشاب هربا الشاب والفتاه من البلد إلى الاسكندريه وتزوجا وسافرا خارج البلاد اينعم أن هذه الفعل ليست لها علا.قه بالثأر ولكنها لها علا.قه بالشر.ف فقد اشتد الخلاف بين العائلتين لأبعد الحدود وحاولت العائلات الأخرى الصلح ولم ينجح احد في الصلح بين العائلتين واستمر الحال لسنين طويله حتى أصبح الأمر.
مقلقا للغايه حيث أن بعض العائلات الأخرى تثير الفتنه وتشعلها بين العائلتين مما اد التوتر بينهم تعالوا نشوف رؤيتنا بتحكي عن ايه. _________________________________ في مديريه أمن المنيا. في اجتماع على أعلى مستوى يضم أعلى القيادات بمديريه الأمن بالاضافه إلى كبار العائلتين يترأس الاجتماع مدير الأمن.
اولا انا برحب بكل الموجودين هنا طبعا كلكم عايزين تعرفوا أنا جمعتكم النهارده ليه طبعا كلكم تعرفوني كويس بقالي خمس سنين موجود في المنيا بينكم عمر في حد منكم جه على بابي وقصدني في اي خدمه وانا رديته معاكم دايما في الحزن قبل الفرح ما في اي واحد فيكم قصدني في خدمه تخصه أو متخصوش وانا اتاخرت وعمري ماهتاخر عنكم في حاجه سواءا أنا بينكم هنا أو في أي مكان تاني سواء في منصبي ده ولا منصب أعلى منه. بس النهارده انا جمعتكم علشان انا محتاج مساعدتكم ودي اول مره اطلب المساعده من حد وكلي أمل فيكم انكم متخذلونيش.
في مافيا شغاله بتنخو.ر فى البلد والشغل كله المره دي على محافظات الصعيد وبالأخص في المحافظه بتاعتنا والمافيا دي عباره عن سلاح ومخدرات وإشعال فتنه بصراحه مش سايبين حاجه وانا اجتمعت بأكبر العائلات في كل مركز علشان نعرف نواجه اللي احنا داخلين عليه وخلصت معاهم ومفضليش الا دير مواس واكبر قطبين في دير مواس عطين ضهرهم لبعض ومبيتفقوش مع بعض نهائي والمركز مستهدف وانتوا عارفين كويس اكتر حاجه ممكن المركز يكون مستهدف فيها هي ايه وخلافكم مع بعض لو استمر هيضركم ويضر المركز والبلد كمان علشان في عناصر بدأت تتدخل وتشعل الفتنه بينكم مثال بسيط الخلافات والاشتبا.كات اللي بتحصل تقريبا يوميا
بين شباب العيلتين كلها بفعل فاعل واحنا متابعين الموقف كويس وقادرين نسيطر بس موعدكمش أن الأمر هيفضل تحت السيطره كتير لازم تحطوا ايدكم في أيدي ونواجه كل الأزمات والمشاكل اللي حتقابلنا وانا متأكد اننا لو حطينا أيدينا في ايد بعض هنقدر نتصدي لكل عدو بيتربص للبلد سواء العدو ده في الداخل أو جاي لينا من الخارج. الحاج جابر الدامي / سيادتك متعرفش انت غالي عندينا كيف وكلمه جنابك سيف علي رجابينا وان شاء الله طلبات جنابك كلها أوامر احنا في ديكي الساعه لما نرد بعض من جمايل جنابك علينا جنابك تامر امر واحنا ننفذ لو التنفيذ هيكلفنا حياتنا.
الحاج عبد المجيد الجبلاوي / جنابك عتقول ايه عاد اللي جانبك تطلبه أمر واجب التنفيذ لو طلبتنا للمو.ت عنلبي جنابك احنا ماقصدناك يوم في شي وجنابك اتاخرت أوامر جنابك ع راسنا من فوق مهما تكون. مدير الأمن / ودا كان عشمي فيكم عمري ماتوقعت حاجه غير كده وعارفكم كويس انكم قد المسئوليه اللي هحملها لكم بس قبل قل كل ده انا طالب َمنكم طلب ولا مش هينفع يكون في تعاون بينكم وانتم على خصومه لازم الصلح يتم.
ثانيا لو هتفضلوا كده وهتصرواعلي الخصومه يبقى انا اسف هكون كده مستغني عن خدمتكم واشوف حد غيركم يساعدني قولت ا ايه. تبادل النظرات بصمت بين كل من الحاج جابر الدامي والحاج عبد المجيد الجبلاوي لحظه صمت كانت هي سيده الموقف قبل انا ينطق الاثنين في نفس واحد واحنا موافقين واي حاجه تهون علشان خاطر جنابك. ابتسم مدير الأمن وتنهد وبراحه وانا نظرتي فيكم عمرها مخيبت وده برده كان العشم. الحاج جابر الدامي / واحنا نفدي جنابك برجابنا لو حكمت ومانتاخر عن جنابك واصل.
الحاج / عبد المجيد الجبلاوي / اللي يتأخر عن خدمه بلده وأهله يبقى عويل جنابك مدير الأمن / تمام بالمناسبه دي احب اقولكم ان شيخ الأزهر موجود في الصعيد وانا بالفعل وجهتله دعوه أن يحضر الصلح بينكم يوم الخميس ان شاء الله هنقيم صوان غرب البلد في الأرض البايره علشان يتم الصلح ونقيم الأفراح وهو اقتراح مني الكلام اللي هقوله ولكم الحق توافق ا أو متوفقوش أن يحصل بينكم نسب علشان العلاقه بينكم تقوى ومتضعفش ابدا ومتسمحوش لحد يتدخل بينكم دا راي ولكم مطلق الحريه.
الحاج جاب الدامي / انا بالنسبه ليا هفكر في الموضوع ولو حصل الموضوع هنعلنه في الصلح اللي. الحاج عبد المجيد الجبلاوي/ ودا رأيي برده اللي عنتفقوا عليه هنعلنوه في الصلح على الملأ . مدير الأمن / تمام كده نبدأ دلوقت مبدايا فعاليات الصلح بينكم ونتعاهد كلنا أن احنا هنكون ايد واحده في مواجهه الخطر نقروا الفاتحه دلوقت. الدامي / الفاتحه كلنا ايد واحده الجبلاوي / الفاتحه كلنا راجل واحد بعد مع خلص الاجتماع مع مدير الأمن كل كبير عيله منهم خد ناسه وروحوا على بيوتهم.
_____________________________ في منزل جابر الدامي. في منزل أقل مايقال عنه أنه قصر من القصور العريقه محاط بحديقه كبير خارج القصر يوجد مضيفه كبيره يجتمع فيها أفراد العائله لمناقشه أمور العائله ومشاكلها اجتمع أكثر من مائه راجل من العائله لمناقشته مادار في مديريه الأمن بخصوص موضوع الصلح. الحاج جابر يجلس هو واولاده جاد الكبير وادهم ابنه الاصغر وكبار رجال وشيوخ العائله. جابر / انا جمعتكم دلوقت علشان ابلغكم اني وافقت على الصلح اللي بين عيلتنا وعليه الجبلاوي وان الصلح هيبجي رسمي الخميس الجاي في ألصوان غرب البلد وابلغكم أن جناب مدير الأمن رايد يبجي بناتنا نسب انتوا ايه رايكم في الموضوع.
تعالت الأصوات بين موافق على الموضوع ومعارض له وزاد الهرج مما جعل جابر يقف ويدق الأرض بعصاه بقوه حتى صمت الجميع جابر / خبريه عاد انا بقول عايز رايكم مش عايز الفوضى دي رجل / وايه اللي يجبر نا على النسب ياكبير نديهم بناتنا ولا ناخد منهم نتصالحوا وكل واحد في حاله. جابر / احنا مش مجبورين ولا حاجه بس النسب هعيقوي العلاقه بينا عنبقوا كليتنا يد واحده في مواجهه اي خطر دي النظريه يعني وبعدين ماعيزكوش تنسوا اني انا والحاج عبد المجيد كنا أصحاب عمر جبل ماتحصل المشكله دي عاد وكان ليا اكتر من أخ كومان.
رجل آخر / وانت عتاخد رأينا ليه عاد ياكبير جنابك تامر امر واحنا ننفذ من غير اي كلام كليتنا جاهزين تقول مين عيديهم بنته أو ابنه هياخد منهم كليتنا عندنا بنته وشباب على وش جواز. جابر / انا بعفيكم كلياتكم من ألموضوع ده انا خلاص جررت أدهم ابني عياخد صالحه بنت عبد المجيد وشمس بنتي عتاخد وضاح ولد عبد المجيد وده الطلب اللي طلبه مني عبد المجيد لما طلعنا من عند مدير الأمن وطلب مني انه يكلمني وفعلا طلب ايد شمس لابنه وضاح وانا وافجت خلاص وعطيته كلمه وكل ده عنعلنه في الصلح يوم الخميس.
رجل / طيب وليه جنابك الليله كلياتها عتبقي عنديك في ابنك وبنتك يعني وضاح بيه ياخد بنتهم واي واحد من العيله ياخد بنت تانيه من عنديهم. جابر / خلصت خلاص احنا اتفقنا خلاص وانا ببلغكم دلوكيت علشان متتفجئوش. الرجال / كليتنا موافقين ياكبير على اللي تجول عليه ملناش رأي ولاكلمه غير كلمه جنابك. جابر / يبجي على خيره الله وربنا يجدم اللي فيه الخير. __________________________________ في منزل عبد المجيد الجبلاوي.
لايقل عن منزل جابر من حيث الفخامه والتشييد مبنى على الطراز الإسلامي. يبدو في داخل المنزل أن ما ألقاه عبد المجيد على مسامع الجميع في البيت بعدما أنهى الاجتماع مع العائله قد أشعل فتيل الغضب لدى الجميع وخاصه وضاح الذي تم اختياره ليتزوج من عائله الدامي. وضاح / عتقول ايه يابوي اتجوز مين عاد واحده معرفهاش ولاعمري حتى شفتها من ساعه ماكنا عيال عندينا عشر سنين اتجوزها كيف وليه اني بالذات اللي اتجوزها وانت عارف زين اني رايد بنت خالتي وعايز اتجوزها.
عبدالمجيد / عتعارضني إياك ياوضاح وتصغرني بعد ماطلبتها من جابر بعدين متعرفهاش الزاي دا انتوا متربين مع بعض لحد المشكله دي ماحوصلت وبجي كل واحد منينا في حاله. بدريه/ عتقول ايه يا عبد المجيد مانت خابر زين انه رايد بت خالته ناديه واني مفاتحه اختي في الموضوع وكنا خلاص كلها كام شهر وعنتمموا الموضوع. عبد المجيد / واني قلت كلمه وطلبتها من ابوها عايزني ارجع في كلمتي وعايزين تصغروني جدام البلد كليتها.
وضاح / ماعاش ولا كان اللي عيصغرك يا بوي بس كان ممكن اي حد تاني من العيله ياخدها. عبد المجيد / واني أديت كلمه وخلصنا انت عتاخد شمس وااختك صالحه عتاخد أدهم. ناديه / بس ده ظلم ياعبد المجيد ذنبها ايه بنت اختي نعشموها وبعدين نخلوا بيها. عبد المجيد / بصراحه أكده انا مكنش ليا مزاج للجوازه دي وكده كده مكنتش عتم. ناديه / كيف ده يعني مالها بنت اختي ناجصه ايد ولا رجل ولايمكن مش جد المجام.
عبد المجيد / خلصنا خلاص مش عايز رط كتير اللي عندي جلته ومش عايز سمع رط في الموضوع ده كتب الكتاب يوم الخميس في صوان الصلح والفرح آخر الشهر والحاضر يعلن الغايب. وياخد نفسه ويمشي يخرج من البيت. عزيزه بتيجي من جوه على صوت وضاح الذي علا بعد خروج والده معترضا على الزواج. عزيزه / خبريه عاد حسكم جايب لآخر البلد ايه اللي حوصل. وضاح / يرضيكي ياعمه اللي ابوي بيعمله ده انا لوبت مش حيعمل معاي أكده ويجوزنني غصب عني.
عزيزه / وهو ابوك عيعمل ايه عاد ياوضاح اختارلك عروسه من من أغنى واكبر عيله في البلد وبيقولو البت فلجه جمر فرسه جامحه شمس وهي شمش منوره يعني مااختارلكش واحده شينه ابوك عمل الصوح عايزه أعرف ليه انت منكد على نفسك اياكش عتقولي بتحب بت ناديه اللي لياليها لا شكل ولا لون ماني قلتلك قبل أكده أن بنات بحري ماعيعيشوش حدانا ولا عيستحملوا عيشتنا وعيهجوا من البلد ويفوتوا جوازهم وولادهم واديك شوفت كام واحده من البلد عملوا أكده.
وضاح ياجلب عمتك اكيد انت بتوثج في عمتك وعارف اني عمري ما اجولك حاجه ضد مصلحتك علشان أكده بجولة اتجوز شمس ومتعارضش بوك انت خابره زين اللي يكسر كلمته ممكن يعمل معاه ايه ياولدي عروستك زينه البنته اللي في البلد كلياتهم واحسنها راجل في البلد يتمناها. وضاح / بس انا معحبهاش ياعمه ومريدش اتجوزها. عزيزه / يمكن لما تشوفها تغير رأيك واني متأكده ان ده اللي عيوحصل. ناديه /خبر ايه ياعمه دا اني كنت بجول انتي عتجفي معانا.
عزيزه / اجف معاكوا في ايه ياشملوله هو فيه حد عاجل يرفض جوازه زي دي وعشان مين عاد عشان بت اختك المفروض تكوني عارفه مصلحه ولدك زين. ناديه / ومالها بت اختي ياعمه ولاعشان هما على كد حالهم الفقر مش عيب ياعمه كفايه انهم متعلمين تعليم عالي ومحدش زيهم. عزيزه / الكلام مالوش عازه اخوي جال كلمته وعتمشي على رجاب الكل. وضاح / ابااااااه عليكم عاد اني فايت لكم الدار وغاير من اهنه اياكش ترتاحوا.
عزيزه / على فين ياوضاح تعال اهنه. على العموم بكره تعرف ان بوك عايز مصلحتك. ناديه / ماشيه ورا عبد المجيد انت ياعمه زي ضله عمرك متكسريله كلمه لو على رجبتك. عزيزه / اومال اخوي وروحي فيه وكلمته تمشي على رجاب الكل والكل يجول وراه امين في كل اللي اللي يجول عليه. شوفي حالك يالا ياناديه. ناديه / غايره ياعمه من غير ماتجولي. ________________________________________ في منزل جابر الدامي جابر / جولت ايه ياادهم في اللي أن حكيته.
أدهم / عجول ايه يابوي هو فيه جول بعد جولك اللي تشوفه يمشي على رجاب الكل. جابر /انا عارف ياادهم اني ثجتي فيك في محلها وانك عمرك متكسرلي كلمه وانتي ياشموسه مسمعتش رايك يعني. شمس / يابوي اناكنت عايزه اجولك اني كنت عايزه اكمل تعليمي وكنت عايزه ادخل كليه الحقوق انا جايبه مجموع كبير في الثانويه وكان نفسي اكمل تعليمي. جابر / طيب وايه اللي جرى يعني ممكن تكملي عندجوزك تنتسبي للكليه اللي انتي عايزاها وتروحي على الامتحان أظن المشكله كده محلوله قلت ايه ياشموسه.
شمس / اللي تشوفه يابوي جابر / يبقى أكده كله تمام مبقيش غير تاخد امك و جدتك ومرت اخوك وتروح تزروهم وتقدمها الشبكه. كامله / بس ياجابر مش المفروض هما اللي ياجوا يقدموا الشبكه لشمس الأول. جابر / هما الأول احنا الأول مش فارجه كتير يا ام أدهم الحكايه عتبجي اهليه في بعضها خلاص انا مش عايز رط كتير في الموضوع ده علشان يتم على خير وعايزكوا تجهزوا زياره تليق بالمقام مقامهم ومقامنا فاهمه زين يا كامله.
كامله / اللي تامبيه ياحج كله عيتنفذ وربنا يقدم اللي فيه الخير. ___________________________________ وضاح ركب الحصان بتاعه وبيجري على الطريق بيسابق بيه الريح وبيقف عند التوته اللي في أول الأرض بتاعتهم وبيوقف الحصان وبينزل من عليه بيلاقي بلال صاحبه قاعد تحت التوته وبيمص قصب.بيرمي التليفون والنضاره بضيق جنبه وبيقعد. بلال / خير ياصاحبي ايه اللي حوصل شكلك مش رايق اكيد اتخانجت مع الحاج عاد زي كل مره. وضاح / المره دي غفلجت يابوي جفلت زي الضمنه ومش خابر اتصرف كيف. بوي رايد يجوزني بت جابر الدامي وادهم بن جابر ياخد خيتي صالحه عشان الصلح اللي بين العيلتين يكمل.
بلال / يانهار مغفلق كيف بوك يعمل أكده وهو خابر زين انك عتحب بنت خالتك من زمن. وضاح / بوي معيهموش حاجه حاجه واصل غير أنه يحافظ علي كلمته اللي جالها حتى لو على حساب اي حد فينا علشان أكده انا بفكر اسيب لهم الدنيا وامشي على مصر واتجوز داليا واجعد في مصر. بلال / اتجنيت إياك عايز تهج زي البنته اللي بيغصبوا عليهم يتجوزوا دا كا ن بوك يطربج الدنيا على دماغك. استهدي بالله اومال دول عيقولوا شمس دي زي فلجه الجمر ملهاش زي ولا وصف في البر كلياته يمكن لما تشوفها تغير رأيك.
وضاح / لا ياحزين مش عغير رأي انا بحب داليا ومش عحب غيرها وعتجوزها حتى لو اتجوزت اللي اسميها شمس دي عتجوزها عليها. بلال / ياليلتك الطين عايز تتجوز اتنين وتعمل النسوان كارك وتجعد وسطيهم تحل مشاكلهم بدل متشوفظ مصالحك واشغالك. وضاح / هما اللي اضطروني اعمل أكده مش عايزين يغصبوني على الجواز زي البنته يشربوا عاد. بلال / انا عايزك تسيبها على الله يمكن اللي انت مش طايجها دي ربنا يوضع حبها في جلبك وتبجي هي اللي هنا واللي هناك.
وضاح / لع استحاله ده يحوصل انا عمري ماعحب غير داليا مهما حوصل لو شمس دي حتى طلعت من الحور العين. بلال / ربنا يجدملك اللي فيه الخير ياصاحبي ويفرح جلبك. وضاح / امشي يا بلال وسيبني في حالي الله لايسيئك متزودش همي. _________________________________ في بيت جابر الدامي. شمس خدت الاكل على صينه ودخلت عند جدتها علشان تعشيها على الرغم ان البيت فيه خدم الا انها بتصمم تدخل الاكل لجدتها فهي كبيره في السن ولكنها تحتفظ بصلابتها وقوتها فهي تخرج لتشتري اشياءها بنفسها ومخصص لها سياره لتذهب بها في اي مكان. غرفتها مزوده بكل وسائل الترفيه والتسليه.
وهيبه / تعالى ياشمس جلبي كنت لسه هعيط عليكي علشان تجيبي الوكل تعالى تعالى اجعدي جنبي اهنه بوكي كان اهنه لسه ماشي وجالي على كل حاجه وانا عايزه اسمع رايك ياجلبي. شمس / معرفهاش ياحنا اجولك ايه خايفه جوي. ( حنا يعني جده اوتيته) انا مشفتش وضاح من سنين كتيره من ايام ماكنا صغيرين اكيد اتغير كتير عن الاول وخايفه كمان ميخلنيش اكمل تعليم. وهيبه / ماعيزاكيش تخافي من حد واصل ياجلب حنا اللي ليها اب زي بوكي وأخوات زي خواتك متخافش من حد واصل تجعد وضهرها مسنود على حيطه صلبه وواعره.
شمس / ربنا يخليهم ياحنا ومايحرمني منهم واصل ومايحرمني منك ياروح جلبي انتي. وهيبه / جربي ياحبه الجلب علشان اخدك في حضني علشان اشبع منك انت عتجطعي بيا ياشموسه. شمس / واه ياحنا عتقولي ايه دا انا جمبك في البلد وقت ماتعوزيني عيطي عليا اجيلك رهوان انا مجدرش على بعدك ياجمر انتي. وهيبه / بس يابت انتي خليتي دموعي تنزل وانا دموعي غاليه جوي عليا جومي فزي هاتيلي الصندوق بتاعي من ضلفه الدولاب.
شمس / حاضر فيه ايه الصندوق ده ياحنا. وهيبه/ هاتي بس و. انا هجولك. شمس / اتفضلي ياحنا. وهيبه / خدي ياشمس دي الكردان بتاعي شايلهو لك لليوم ده. شمس / الله ياحنا دا جميل جوي.ربنا يخليكي ليا ميحرمني منك. وهيبه / وكمان ده لعروسه أدهم يجدمهولها مع الشبكه علشان كلكم عند معزه واحده متتخيروش عن بعض. شمس / ربنا مايحرم نا منيكي يا حنا انتي نوارتنا كلنا. وهيبه / ربنا يبارك فيكم ولا يوريني فيكم مكروه ولا سو ويباركلي في ابوكم ويجعل يومي جبل يومه قادر يا كريم
الفصل الثاني….. غيوم الشمس. لم ابحث يوما عن الحب فقد اتاني بغته دون سابق إنذار. لقد غزا حبك قلبي كملك يغزوا مدينه وتستسلم له بكل قلاعها وحصونها وتعلن الخضوع للغزو بكامل إرادتها. ولكن مالاتعلمه انك الغزو الأول والاوحد الذي فتح له القلب أبوابه على مصراعيها كااستسلام مدينه احبت الغازي لها وأرسلت له لكي يأتي وينصب نفسه ملكا عليها ولم يحتاج في فتحها إلى اراقه قطره دم. بل استسلمت له بكل إرادتها واستقبلته بورود الشوق
ايها الغازي أعلم أن من يدخل قلبي فهو آمن. فليكن مرورك بقلبي مقيدا بالبقاء فيه ولا يكن كمرور تترك فيه بقايا من الحب وترحل عنه. __________________________________ في قصر الدامي ولكن في جانب آخر غير جابر وابناءه. بل هو اخو جابر الأصغر هيبه زوجته دلال. دلال / يادي الوجعه الطين بجي اللي كنا بنخططله انا وانت كله راح فاشوش يعني عيال اخوك جابر التنين عياخدواحد غير عيالك يعني اكده كل حاجه راحت.
هيبه اجفلي خشمك يامره وسبيني باللي انا فيه اللي جابرخوي مافكر حتى ياخد رأي في اللي بيعمله كأني ماليش وجود ولا ليا اعتبار عنده. دلال / هو كل ده اللي همك ومش همك الغرب اللي عيجعدوا على الخير ده كلياته معلوم عاد مااحنا مش جد المجام. هيبه / جلتلك اكتمي انا مش طايج خلجاتي الا اجوم اكسر دماغك. دلال /اهوه انكتمت ما انت مش بتتشطر الا عليا ولو كانت مصلحه ولادك بتهمك كنت وجفت الجوازه دي.
هيبه / غوري يا مره من وشي بدل مااجوم اكسر نفوخك. دلال / غايره اهوه وفايتهالك مخضره إياك تنبسط عاد. _________________________________
في أكبر تجمع لم تشهده قريه دلجا من قبل تقام مراسم الصلح بين العيلتين بحضور كل من مدير الأمن الأمن وشيخ الأزهر وكبار عائلات البلد والبلاد المجاوره تعلو وتعلو صوت الاعيره الناريه في سماء المنطقه تجلجل كاصوات الرعد وتذبح الذبائح والفرحه تعم الجميع تنهال المباركات على العائلتين بمناسبه الصلح الذي جاء بعد عناء وشقاء فهناك كثيرون كانوا يقفون في طريق هذا الصلح ويعرقلوه بشتى الطرق كي لايتم فهناك البعض كان يرتب مصالحه على خلاف العائلتين ولكن شاء القدر أن يتم الصلح ولم يكتفوا فقط بالصلح بل صار نسب بين أكبر قضبين في العائلتين.
يقف كل من جابر الدامي وعبد المجيد الجبلاي وبجوارهم شيخ الأزهر ومدير الأمن لإتمام مراسم كتب الكتاب إعلاء المراسم أمام الجميع. وقف قطبي العائلتين لتلقي المباركات من الجميع وسط أجواء تعمها الفرحه والسعاده فبهذا الصلح استعاد جابر وعبد المجيد صداقتهما القديمه التي تلاشت مع خلافات العائلتين خلافات لم يكن لهم ذنب فيها بل اجبر كل منهم أن يساير عائلته في خلافاتها ضد العائله الأخرى ودفعوا ثمن أشياء لم يفعلوها وافترقنا برغم ماكان بينهم من محبه وود كان الاثنان هما أكثر سعاده بهذا الصلح والذي توج بالنسب لكي تقوى العلاقه بينهم من جديد.
انتهت مراسم الصلح ومراسم كتب الكتاب وبدأ المدعوين في المغادرة صافح مدير الأمن كبار العائلات الموجوده وصافح جابروعبد المجيد وتوجه إلى سيارته مستعدا للمغادره كذلك شيخ الأزهر وكبار عائلات المركز والمحافظه ولم يبقى في مكان الاحتفال الا جابر وعبد المجيد وبعض المقربين لهم من العائلتين. يجلس جابر وعبد المجيد على احدي الطاولات في المكان. جابر / عارف ياعبد المجيد لو حد كان عيحلفلي على الميه تجمد أن احنا عنتصالحوا مكنتش عصدق.
عبد المجيد / ومين سمعك ياخوي يعملوها الصغار ويجعوا فيها الكبار انا وانت دفعنا تمن عمايل المصغره. جابر / الحمد لله ان الصلح تم على خير ومش الصلح بس دا النسب كومان أن شاء الله تكمل الفرحه دخلتهم تبجي آخر الشهر وربنا يبارك فيك وتشيل ولادهم وولاد ولادهم عبد المجيد / اللهم امين انا انت ياخوي يالا بينا عنروحوا مفضلش الا احنا اهنه. جابر / يالا بينا ياخوي. __________________________________- في منزل الجبلاوي.
كامله وصفيه مرات ابنها والحاجه وهيبه نازلين من سياره أحدث موديل يقودها أدهم حاملين الهدايا وزياره كبيره تليق بعيله الدامي يقابل هم أهل البيت بالترحاب والزغاريط وخاصه عزيزه وجميله زوجه عدنان اما بدريه فكانت تحاول رسم الفرحه على وجهها على عكس مابداخلها لأنها لواظهرت غير ذلك ستلاقي مالايحمد عقباه اولا من عزيزه ثانيا عندما تخبر عزيزه عبد المجيد فعزيزه تعتبر ظل عبد المجيد في البيت ولاتخالفه في اي شئ وكلهم يهابوها كما يهابوها عبد المجيدتماما.
استقبلهم استقبال حار بكل ترحاب ودخلوا المنزل وقدموا لهم واجب الضيافه على أكمل وجه. الحاجه وهيبه/ اومال وينها عروستنا هي مكسوفه عاد ولا ايه احنا كتبنا الكتاب وعلينا الجواب يعني أدهم يعتبر جوزها. عزيزه / لا ولا مكسوفه ولا حاجه حالا عتكون اهنه.