عمر خدها بس و هو ماشي بص ل أشواق باصة غامضة اوى و سابها محتارة و مشي.. فوزية قربت منها و قالت،، عايزة تراضيه رضا رنا من رضاه أشواق،، مين رنا… استنى سيبانى ليه فوزية مشيت و سابتها و هيا مش فاهمة ولا عارفة حاجه ابدا.. اشواق مع نفسها كانت ب نفكر،، مين رنا دي… يمكن.. أخته… بس هو قالى انه وحيد… تبقي مين بقي رنا؟
راحت ل مكان الفطار لقت رنا بتورى عمر صورهم زمان رنا،، بص دي يا حبيبى فاكر دى كانت فين… لما كنا فى الجونة.. و دي لما كانت ملاك معانا أشواق،، احم ورينى كده.. اه حلو.. و انت يا عمر شكلك كنت بتفضل الخروج مع رنا كتير عمر بص لها و ما ردش،، بعدين رنا بقت توريه صور تانية و فضلوا على الحال ده كتير و أشواق ب تراقبهم من بعيد..
أشواق،، يا بنت اللذينة ده انتى مش عتقاه دقيقة… اى ما صدقتى شوفتيه … انا ليه غيرانة… أشواق خلصى مهمتك و أمشي من المكان ده.. ده مش مكانك طلعت على فوق رنت على ديب بسرعة.. أشواق،، الو… اى يا ديب… قصدي يا حسام بيه الديب،، مش فارقة يا شوق ديب من حسام قولى اللى يريحك… ها؟ فيه جديد أشواق ردت بالراحة،، فيه بنت جديدة جات و إسمها…. رنا… بس انا مش عارفة تقرب لهم ايه
الديب لسة هـ يرد،، اه رنا تبقي… #رنا بنت عمى دى مشكلة.. تصورى مصممة تنزل البول فى السقعة دى اشواق لفت لقت عمر فى ضهرها،، وشه قلب جد و قال،، بتكلمي مين دلوقتي أشواق اتوترت جدا و قفلت التليفون،، ااا… دى واحدة صحبتى… مالها رنا عمر ملامحه كانت غامضة و مليانة شك لكن قلب وشه و أبتسم،، مالك يا شوشو حد مزعلك… انا ملاحظ انك متغيرة اليومين دول
أشواق كانت عاوزه تقول له انه هو اللى متغير لكن ما لحقتش ترد لقته شدها و مسك ايديها باسها و عينه جات على الخربوش و قال،، انا عارف امى مقصر.. غصب عنى… كنت بخلص شوية حاجات بس خلاص جاه وقت انى أفاجئك أشواق،، تفاجأنى ازاى؟؟ عمر،، اعملى حسابك بعد حفلة عيد جوازنا على طول هـ نسافر نغير جو و نرجع أيام زمان يا حبيبتى عمر لمس وشها و بص لشفايفها و قال،، فاكرة ايام زمان؟؟
بعدت خطوتين و غصب عنها حطت ايدها على شفايفها و قالت،، ااا… نبقي نفتكرها لما نسافر… انا عاوزاك تتشوق بالسفرية و توفي بوعدك اشواق ما خدتش بالها من ايديها على اللى على كتافه غير لما بص عليهم بابتسامة عمر،، ده احنا اتطورنا اوى.. كل ده و مش عاوزانى أدوق حضنك أشواق اتكسفت و طلعت تجري نزلت على تحت و هناك شافت حاجه خلتها تقف مكانها مصدومة..
……….. في شقة الديب، مراتة فرحة كانت قاعدة مع والدها اللوا شوقي.. فرحة،، انا ما بيتهياليش يا بابى ولا البنت دى ليها علاقه بشغله… يا بابي ده ساعات كان بينطق بأسمها و هو نايم اللوا شوقي ضرب كفوفه في بعضها و ما كانش راضي ولا فاضي ل كلام بنته عشان كده رد عليها،، فرحة حسام راجل ممتاز و مضمون انا اللى مختارهولك يا بنتى و يا بابا ما تقلقيش انا هعرفلك اى الموضوع من غير ما اعرفه حاجه
فرحة كانت قلقانة اوى و سرحت شوية لقته كمل كلامه،، بس انتي حاولى ما تنكديش عليه و لما تلاقيه تعبان حاولى تخففي عنه يا بنتى الرجالة ما باحبش النكد خصوصا اللى شغال شغلتنا شوقي قام مشي و ساب فرحة مستنية حسام لحد ما نامت غصب عنها على الكنبة و ما حستش ب حسام لما جه و أتسحب على جوا عشان ما تصحاش لبس هدوم تانية و نزل من بيته ما يعرفش ان فرحة نزلت وراه من غير ما يدري..