أشواق ركبت مع الست و هى مرعوبة و الست كانت بطبطب عليها و قالت،، دى باين لها كانت مخطوفة يا صبري… تعالى يا بنتى فى حضنى انا زى امك أشواق كانت خايفة جدا و لقت الست بطمنها و بتقول،، ما تخافيش يا حبيبتى بس ايه يعنى اللى جابك هنا لوحدك… تعرفي لو كنا وحشين كان زمانا عملنا فيكى حاجه لقدر الله . أشواق ما رضتش تحكي لها على اللى حصل فقالت،، فيه عصابة خطيرة خطفتنى يا خالتى و هما بيدوروا عليا انا بالذات
الست شهقت و قالت،، يا نهار ابيض و اشمعنا انتي يا بنتى بس؟؟ أشواق،، عشان… عشان هما عاوزين ينتقموا من بابا و عشان كده لازم اتخبي منهم لحد حتى بكرا لما اروح القسم… ممكن تخلينى عندك للصبح صبري بص لها فى المراية و قال،، ايوة بس ما ينفعش طبعا ولا ايه يا فوزية فوزية قالت،، معلش يا صبري خليها على ضمانتى دى زى بنتنا برضوا… ماشي يا بنتى تعالى معانا
و بعد شوية صبري كان روح البيت و أشواق اتفاجأت ب قصر كبير يجى قد قصر الباشا عشر مرات،، عامل زى المغارة،، أشواق مبرقة و بتقول،، هو دا بيتكوا؟؟… مش معقوول فوزية ضحكت و قالت،، انتى جاية تحسدينا ولا ايه يا… انتي اسمك اى صحيح أشواق خافت تقول لها اسمها صح خصوصا انها هربانة و ممكن جدا عيلة الباشا يكونوا بيدوروا عليها فقالت،، إسمي… إسمي روفيدا… مش هندخل بقي انا الصراحه مرهقة جدا
الست دخلتها القصر و منها على جناح و شاورت لها على أوضة و قالت،، اتفضلى يا بنتى دى هتكون اوضتك هتلاقي فيها كل حاجه و فيها كمان تلاجة أشواق لسة هتدخل الست دخلت قبلها و طلعت فستان و بإبتسامة قالت،، خدى الفستان غيري هدومك شكلها متزسخ خالص و لو عوزتى تدخلى التويلت تاخدى شاور اهو في الاوضة. ############################ غيرت أشواق هدومها و نامت من التعب غصب عنها على السرير و ما حستش بأى شيء غير بيد بتلمس دراعها بعدين وشها فتحت عينيها
على طول لقت وش شاب فى وشها و بيقول،، ملاك مراتى.. حبيبتى تعالي حبيبتى فى حضنى. أشواق نطت من على السرير بفزع و هو كان قصادها و بقت تزعق،، انت ميين انت… يامدام فوزية ولا اسمك اى الشاب قال،، ملاااك حبيبتى تعالى هنا ما حدش هيسمعك… تعالى فى حضنى زى زمان!! …………………………… و في مكان تانى عيلة الباشا كانوا حوالين جثـ ـة جاسر و البوليس مالى المكان..
الظابط وقف قصاد الأب عادل بيه اللى بيعيط بحرقة و قال،، اهدي يا فندم عشان تقول لى اى اللى حصل عادل قال بـ عياط و أنهيار،، مراته الجديدة… البت اللى جابها من الشارع انتوا مش قبضتوا الظابط أستغرب و قال،، قبضنا على مين بس احنا ما قبضناش على اى حد عادل اتصدم و قال،، ازاااى انتوا بعتوا بوكس خدها القات.. لة دى؟؟ الظابط قال،، تعالوا كلكم معايا عشان يتفتح تحقيق..
و بدأ التحقيق مع العيلة في أوضة النيابة،، اللى كان قاعد فيها وكيل النيابة شوقى غالب،، أشهر الظباط الكفئ.. قاعد و بينفخ سيجارته و بيسمع إتهامات عادل و مرة واحدة قال،، و يا ترى فى وقت الجريمة كنت انت فين يا عادل بيه #سارة_بكري عادل قال بتوتر،، كنت… كنت قاعد فى أوضتى طبعا و.. وقتها كنت متعكنن جدا و سمعت صويت من اوضته… قومت و…
عادل دموعه نزلت و شوقى باصص له بتركيز بعدين عدل نفسه و قال،، و فين كانت مرات ابنك الاولى… سلوى هانم الرفاعي؟؟ عادل برق و بلع ريقه بإرتباك لما شوقى واجهه ب السؤال ده! و نرجع ل أشواق اللى كانت بتجرى من الشاب اللى باين انه مريض عقلى و اللى كان بيجرى وراها و مرة واحدة أنقض عليها و ما بقتش عارفة تبعده عنها و هنا غمضت عينيها بإستسلام
ليه و هو بيقرب منها و……………. يتبع #أنتظروا_الباقي هينزل ان شاء الله حلقة كمان منها اليوم بس عاوزين تفاعل حلو و تقولوا ارائكم يا جماعةأشواق #الحلقة_4 وقفنا الحلقة اللى فاتت لما كانت أشواق عند الست فوزية و جوزها .. أشواق كانت بتجرى من الشاب اللى باين انه مريض عقلى و اللى كان بيجرى وراها و مرة واحدة أنقض عليها و ما بقتش عارفة تبعده عنها و هنا غمضت عينيها بإستسلام
ليه و هو بيقرب منها و فجأة الباب أتفتح و دخلت فوزية اللى أول ما