بوسي … علشان عاوزاه يبقي سعيد في حياته وهو مش هيبقي سعيد غير معاكي .. هنا تامر كويس ويستاهل انك تتنازلي علشانه … انا عارفه اني غلطت في حقك ومكانش المفروض احبه . بس غصب عني مش بايدي . علشان كده طلبت اقابلك علشان اقولك انو من حقك انتي وبنته هنا .. ولما انتي عارفه كده ماتسيبيه عاوزة منو ايه . لما انتي عارفه انو مبيحبكيش ابعدي عنه لازقة فيه ليه
بوسي بهدوء … انا عندي كانسر .وفي مرحله متأخرة .يعني انا فاضلي شهور وممكن ايام كملت بدموع … انا معرفش حد غير تامر . ماليش حد انا كل اللي عاوزاه لما امو.ت يبقي فيه حد جمبي . مش عاوزة امو.ت وانا لوحدي …………. في الفيلا وخصوصاً في اوضة مراد وشهيرة شهيرة قاعدة علي السرير وباين عليها الحزن ومراد كان معاه مكالمة تليفون خلصها وبص علي شهيرة لاحظ الحزن عليها مراد … مالك ياشهيرة
بصتله وقالت … بفكر في هنا اللي حياتها اتبدلت وبقت طول الوقت حزينه مراد .. بنتك اللي خربت بيتها بإديها ياشهيرة شهيرة .. عندك حق . بس هي عرفت غلطها وندمت مراد .. بعد ايه بقا شهيرة بحزن عليها .. بعد ما اتكسرت . بصتله وقالت .. تامر كسرها يامراد . لما طلقها واتجوز واحدة تانيه اتكسرت . مابقتش هنا اللي نعرفها اللي طول عمرها جامدة ومبيهمهاش …. هي بتحبو بس كرامتها كانت وجعاها .
اتنهدت وقالت.. غلطت انا عارفه بس هي انجرحت منو . وهو رد فعله كان قاسي عليها اوي مراد … اللي عمله تامر رد فعل طبيعي بعد اللي بنتك عملته شهيرة … بس هو مش ملاك هو كمان غلط مراد … عارف . بس اي غلط هو عمله كان رد فعل عليها . بنتك اللي بتبتدي بالغلط . اتنهد وقال .. اوعي تفتكري اني مش زعلان علشانها انا قلبي وجعني عليها . بس هعمل ايه. هي اللي عملت كده في نفسها . ربنا يعوضها بقا باللي احسن منو
شهيرة … مفتكرش انها هتتقبل حد غيره في حياتها . بنتك بتحبو . مراد … طيب ماهو حاول معاها كتيىر بس هي اللي ركبت دماغها . ودلوقتي ياتنساه ياترجعله .. بعدين هو كلمني وطلب يرجعها لو عايزة ترجع ترجع شهيرة … يعني ترجعله وهو متجوز مراد … مقدرش اقوله يطلق مراته اتنهدت شهيرة وقالت بحيرة … ربنا يحلها بقا من عندو ………………………… مساءا نزلت هنا من اوضتها وهي جاهزة تقابل تامر بعد مااتكلمت معاه ووافقت ترجع في وجود بوسي
شهيرة…. هنا هنا … نعم ياماما قامت شهيرة قربت منها وقالتلها … انتي متأكدة ياحبيبتي انك هتقدري ردت هنا بهدوء وقالت .. ايوا ياماما شهيرة .. متأكدة ياهنا انك هتستحملي.. راجعي نفسك ياحبيبتي هنا بدموع متجمعة في عينيها … انا بحبو ياماما دموعها نزلت وقالت .. ومش هقدر اكمل حياتي من غيرو . تامر كل حياتي معرفتش راجل غيرو ومش عاوزة اعرف غيره مسحت دموعها وكملت … انا متأكدة انو لسه بيحبني . وبالنسبة لمراتو انا عارفه انو اتجوزها علشان يغيظني.. وهو مخليها معاه شفقة بس مش اكتر لأنو عمره ماحبها .
……………………………………….. بعد وقت تامر وهنا كانو خارجين من عند المأذون بعد ماكتبو كتابهم من جديد اتجهوا الاتنين للعربية كانت هنا ساكته والحزن باين عليها تامر لاحظ كده ف سألها … مالك ياهنا بس هنا كانت ساكته وهي باصه قدامها لف تامر وشها ليه … مالك بصتله وهي عينيها كلها حزن حس تامر بحزنها مسك وشها بأديه الاتنين وقالها بصدق … انا بحبك . عمري مابطلت احبك ياهنا. بالعكس انتي حبك بيزيد جوايا . انتي عشقي الوحيد
هنا دموعها نزلت وهي عاوزة تقوله طب ليه . ليه اتجوزت غيري . ليه مصمم أن واحده تانيه تشاركنا حياتنا لكن حبست الكلام ده جواها وسكتت متكلمتش مد تامر ايده مسحلها دموعها وقال … مش عاوز اشوف دموعك تاني . مسك أيدها وقالها .. احنا هنبدأ حياه جديده مع بعض . عاوزين ننسي الماضي هنا اول ماقال كده بصتله بصه فهمها هو وهي في نفسها بتقول .. ازاي عاوزني انسي الماضي . ازاي هنساه وهو موجود معانا
اتنهد تامر وقالها بعد مافهم اللي عاوزة تقوله …. متقلقيش يا هنا انتي مكانتك محفوظه قرب خدها في حـ,ـضنه ومسك ايديها وباسها وقالها .. بحبك …………………………………………… وبعد وقت صلو الفيلا دخل تامر وهو شايل لين اللي بتنام ومعاه هنا ليلي قامت بفرحة اول ماشافتهم وقالت … حمدالله على السلامه وقربت من هنا وباستها وقالتلها … نورتي بيتك ياحبيبتي هنا بهدوء … مرسي ياطنط ليلي … هات لين ياتامر واخدتها منو
ليلي … انتي عاوزة تنامي ياقلبي لين هزت راسها بنوم ليلي طبطبت عليها … نامي ياحبيبتي في اللحظة دي شريف دخل من برا شريف … مساء الخير كلهم مساء الخير قرب شريف من هنا وباسها علي راسها وقالها … نورتي البيت ياحبيبتي هنا … بنورك ياعمي وباست علي ايده بعدين شريف بص لتامر وقالو … تعالي ياتامر عايزك ودخل اوضة المكتب وتامر دخل وراه هنا … هاتي لين ياطنط اطلعها
ليلي باست لين اللي نامت على رجلها وقالت … لأ سيبيلي لين النهاردة . اطلعي انتي ياحبيبتي استني جوزك ل فريدة احمد ..