جاءت من الخارج فتاة تبدو صغيرة ولكن عمرها يتخطي السابعة عشر ترتدي فستانا باللون القرمزي جعلها تبدو أكبر سنا.. أحمد بتجري ليه بس يا قمر! ندي بخجل مراد جه.. شغف تحيه للباشا وهو جاي.. أحمد بس بقي.. دلف مراد ينظر لهم بإبتسامة باهته تقدم خطوات تجاهها فصمتت تتنظر اي كلمة منه اي شيئ يوحي لها بأن ذلك الكائن امامها يشعر ولو قليلا.. مراد اتفضلي الورد.. شغف بهمس لا وعلي اي ما ترميه في وشي أحسن..
احمد احم.. يلا علشان منتأخرش علشان ميولعوش فينا لو سمحتم.. جلسوا جميعهم بالسيارة أحمد يقود السيارة وبجواره ندي وبالخلف تجلس جمرة مشتعله تكاد تفتك بمن بجوارها لكن ماذا تفعل تلك الجمره بمكعب من الجليد.. كان حفل الزفاف بسيطا بالمنزل كما اختارت شغف بحضور الأقارب والجيران وبعض اصدقائها فهي لن تريد ان يري الجميع شغف وزوجها تجاهلته شغف عندما وصلا و اندمجت مع ابيها وعمها يضحكون و يحتفلون بهم وانضم لهم أحمد وندي واخذا الأضواء منها فجلست مره أخري بجوار مكعب الجليد…
والدة مراد لبني خدي اشربي مايه.. شغف شكرا يا خالتو.. لبني أنا مبسوطة أوي النهاردة مش مصدقة اني شايفاكم كدا ربنا يسعدكو يا حبايبي لو كانت أمك عايشه كانت هتبقي مبسوطة أوي.. شغف ربنا يرحمها صحيح يا خالتو العشاء اي!! لبني بضحك أنتي هتجننيني في يوم يا شغف متقلقيش أنا عملالك كل الأكل اللي بتحبيه.. شغف تسلم ايديكي ايوا كدا دلعيني ولا لازم اتجوز علشان تدلعوني لبني يا ظالمه بقي انا مبدلعكيش دا انتي بوظتي علي ايديا انا..
شغف بضحك صح في دي معاكي حق.. لبني بضيق ما تقول حاجه يا مراد اي هتفضل ساكت اليوم كله! مراد أنتي عارفه اني مبحبش الدوشه يا ماما.. لبني معلشي فكها شوية دا النهاردة فرحك.. مراد بقولك اي ما تيجي نسيبهم ونمشي.. شغف پصدمه استني يا خالتو دا خد باله من وجودي و بيوجهلي كلام.. احم ونروح فين يا استاذ مراد.. مراد البيت أو حتي نخرج شوية بعيد عن الدوشه دي..
لبني هتاخدها فين كدا بفستان الفرح!! اصبر نص ساعه وانا هفض الموضوع.. مراد بضيق طيب.. بالفعل بعد نصف ساعة ودعهم الجميع بالمباركات جلست بجواره في سيارته تعبث بهاتفها وتلتقط بعض الصور لها بفستانها الأبيض.. دلفت لشقتهم وهو خلفها اتجهت للطاولة المليئة بالأطعمه وابتسمت بحماس.. شغف يا سلام عليكي يا خالتو والله. مراد شغف كنت عاوز اتكلم معاكي. شغف هتاكل! ولا ألم الأكل دا! مراد سيبك بس من الأكل وكلميني هنا..
شغف اي دا!! هي خالتوا جايبه بيبسي مع الأكل!! أخذت هاتفها واتصلت بخالتها سريعا.. شغف اي يا خالتو دا انتي جايبة بيبسي ليه انتي مش عارفه انه مقاطعه! لبني دا انا لقيت الناس بتجيبها فقولت يبقي خلاص… شغف لا يا خالتو مش خلاص لو سمحتي ترجعيها مكان ما جبتيها… لبني خلاص بكرا هبقي اجي اخدها وارجعها للمحل.. شغف تمام.. سلام يا قلبي.. لبني سلام يا حبيبتي.. أغلقت الهاتف والتفتت لتجد
— مراد ينتظر ليتحدث معها… مراد كنت عاوزة اقولك حاجه عن موضوع السفر.. شغف طيب دقيقتين هغير هدومي أو لو ينفع نتكلم بكرا أحسن يلا تصبح علي خير.. دلفت للداخل تلتقط أنفاسها براحه فهي ستلقنه درسا في التجاهل بدلت ثيابها بغيرها منزلية مريحه ولكن قبل ان تخرج من الغرفة وجدت شيئا علي الكرسي أمام التسريحه نظرت له وفتحت عينيها پصدمه أخذته للخارج غاضبه.. شغف اي دا بالظبط يا مراد!! ويتبع..
الثاني شغف اي دا بالظبط يا مراد!! مراد تذكرة سفر.. شغف والله!! ما أنا شايفه انها تذكره بس دي بعد اسبوعين!! أنت عاوز تسيبني بعد اسبوعين من فرحنا وتسافر!! ماشي انا مش متوقعه منك انك حتي تبص في وشي وتعاملني عدل زي البني آدمين بس علي الأقل علشان شكلي قدام أهلي! مراد يعني اللي فارق معاكي في سفري شكلك قدام اهلك! شغف بدموع اومال هيفرق معايا اي يا مراد!! الفرحة الكدابة اللي عماله اقنع نفسي بيها ولا حبك اللي مش موجود!! كفاية مستقبلي اللي هيضيع بسبب الجوازة دي لا وكمان الباشا هيسيبني ويمشي!!
مراد دا شغل مش لعب عيال.. ودا عقد ولازم ارجع.. شغف ولما أنت عارف انك هترجع بعد شهرين ونص ليه خليتنا نستني علي الفرح! ما هو يا كنت تعمله اول ما تنزل يا اما منعملهوش خالص.. مراد پغضب خلاص اعتبرينا معملناهوش… شغف وهو كذلك يا مراد ولو سمحت بقي متورينيش وشك خالص الاسبوعين دول مش عاوزة احس بوجودك ومتطلبش مني اي حاجه.. مراد والله ولا الاسبوعين ولا السنتين هتحسي بوجودي..
شغف پصد,مه سنتين يا مراد!!! مراد ايوا.. شغف پغضب أنا بكرهك بجد.. تركته ودلفت للغرفة غاضبه منه جلست علي الفراش تنظر لفستانها بحسره اي زواج هذا الذي وقعت به!!! في الصباح التالي خرجت من غرفتها فوجدته يخرج من المرحاض عيناها متورمتان من أثر البكاء التفتت وعادت لغرفتها مرة أخري وأغلقت الباب بقوة.. لم تخرج منه الا بعد الرابعة عصرا عندما آتي الجميع لمباركتها ارتدت افضل ما عندها و زينت وجهها ببساطه جعلتها تبدو أكثر جمالا…
مراد أهلا يا جماعة اتفضلوا.. لبني ألف مبروك يا حبايبي.. مراد الله يبارك فيكي يا ماما.. شغف اتفضلوا هدخل اجيبلكم حاجه تشربوها.. لبني طب ادخل يا مراد ساعدها.. أحمد أنا هساعدها.. دلف أحمد خلف شغف وجدها تجهز المشروبات للجميع بوجه حزين شاحب.. أحمد بصي يا شغف أنت.. شغف بمقاطعه هيسافر بعد اسبوعين هيسيب اختك بعد اسبوعين ويمشي.. أحمد نعم!! ودا ايه اصله دا بقي شغف لا وهيقعد سنتين كمان عمتا يا احمد متتعبش نفسك ولا تتكلم معاه لأن أكيد بابا وعمي عارفين وهو واخد قراره..
أحمد أنا بجد مبقيتش طايقه.. يعني مش كفاية ان انتي اصلا مش عاوزة الجوازة لا كمان بيتأمر.. شغف لا أنا ولا هو كنا عاوزين بس معلشي يعني انا احترمت قرارهم وبقيت أقول لنفسي انه فعلا شخص كويس و مناسب و محدش هيخاف عليا اكتر من ابن عمي بس بجد انا غبية.. أحمد بصي يا شغف عيشي حياتك ولا كأنه حصل حاجه انتي كدا كدا كنتي عايشه حقيقه ان مكتوب كتابك علي ابن عمك ركزي في حلمك في مذاكرتك تمام!
شغف هو دا اللي هعمله هو ولا حاجه اساسا.. أحمد جدعه هاتي الصينيه دي هخرجها اي يا بت الحلاوة دي هما اللي بيتجوزوا بيحلوا كدا!! شغف بإبتسامة والله انت اخ جدع وبتفهم اي رأيك في الفستان الفراشه بتاعي.. أحمد بضحك هياكل منك حته… بعد رحيل الجميع جلست عهد علي سفرة الطعام و أمامها الكثير من الأطباق امسكت بريموت التلفاز وأخذت تتنقل بين القنوات حتي تركت شيئا لتتسلي به وهي تتناول طعامها..
تجاهلها مراد ودلف للغرفة الأخري — مره ثانيه ولم تهتم هي ايضا.. بهذا الوضع استمروا لإسبوعين لا تعلم كيف مروا عليها لم تجد نفسها سوي وهي توضب له حقيبة سفره… لبني ناقص حاجه كدا يا شغف! شغف لا أنا راجعت كل حاجه.. لبني انتي متأكدة إنك مش عاوزة تيجي معانا المطار! شغف لا.. أنا هسلم علي مراد هنا قبل ما يمشي.. علي ذكر اسمه دلف مراد لغرفته وهو يضع حقيبه اخري بجوار حقائبه..
مراد ماما بابا بيناديلك برا.. لبني طيب كمل انت مع شغف.. خرجت لبني فتجنبت شغف النظر له وضعت باقي أغراضه في الحقيبه أقترب منها وأغلق الحقيبة ثم أمسك بيديها فنظرت له تحاول الا تبكي أو تضعف حتي ولكنه لم يسمح لها مراد أنا اسف يا شغف.. ترك يدها و اخذ حقائبه ثم غادر الغرفة بل البلد بأكمله تركها لتواجه حياتها بمفردها وهو الذي يقال عنها زوجها…. بعد مرور 6 أشهر…
شغف استني يا أحمد.. استني متجبهاش لا قلبي هيقف.. أحمد لا مش هيقف ولا حاجه خلينا نشوف النتيجة قبل ما الموقع يهنج تاني.. هه يلا.. شغف پخو,ف طيب يلا.. أحمد ماشي بسم الله بسم الله اللهم صل علي النبي 93 يا شغف.. شغف پصد,مه يعني اي يعني هدخل هندسة ولا لا!! أحمد بضحك هتدخلي طبعا يا هبلة فوقي.. شغف بفرحه بجد يا أحمد!! سالم بفخر والله كنت عارف انك هتعمليها وليكي مني 5 ألاف هدية النجاح..
شغف بفرحه الله بقي.. أحمد اي دا!! طب ما انا نجحت في الثانوية العامه و دخلت كلية واتخرجت ومشوفتش اي حاجه!! سالم ما بلاش افكرك بدرجات الحرارة اللي كنت جايبها يا فاشل!! أحمد لا خلاص قلبك أبيض.. فؤادوالد مراد وأنا كمان مجهزلك هدية نجاح زي ابوكي بالظبط.. لبني أنا هرن علي مراد أقوله علي الخبر الحلو.. أحمد بضيق مهو لو كان مهتم كان سأل من نفسه.. لبني خليك محضر خير هاه.. اهدي شويه..
رن هاتف شغف ليظهر رقم مراد تعجبت فهو لا يتصل بها كثيرا ربما لمرتين أو ثلاث في الفترة الأخيرة ابتعدت عن الجميع و أجابته… مراد مبروك يا بشمهندسه.. شغف الله يبارك فيك يعني دلوقتي انت معندكش مشكله أدخل الكلية! مراد لا طبعا هتكملي أنا عمري ما كنت هقف قدام تعليمك يا شغف مش زي ما أنتي فاكره… شغف يا ريتنا كنا فضلنا ولاد عم بس يا مراد كان زماني أسعد واحده في الدنيا دلوقتي انت متعرفش مكانتك عندي بس الجواز دا اللي بوظ كل حاجه..
مراد اطلبي هديتك! عاوزة اي هدية النجاح شغف بتنهد عاوزة سلامتك.. مع السلامة.. مراد شغف.. أنا حابب أجيبلك حاجه.. شغف هات الحاجه اللي هتحس انها هتبسطني سلام… في بداية العام الدراسي الجديد ارتدت ذلك الفستان الذي ارسله لها مراد والذي أعجبها كثيرا ولكنها لم تخبره وهو لم يتواصل معها من يومها ظلت تبحث عن المكان المدون بجدول محضراتها تبحث عن ذلك المدرج لمحاضراتها الأولي.. صباح الخير معاكي مالك من اتحاد الطلاب اتفضلي .
شغف دا اي دا! مالك دا اعلان رحلة السنادي.. شغف رحلة اي هو احنا لحقنا دي لسه السنه في أولها.. مالك أنتي أول سنه صح!! شغف ايوا.. مالك بصي هو احنا عادة بنحب نطلع الرحلة في اول السنه علشان قبل ما نتزنق في التسلميات وكمان علشان نعمل واحده كمان بعد الميدتيرم.. شغف تمام.. شكرا.. مالك لو حابة تطلعي هتبعتي للرقم دا علي الواتس يقولك التفاصيل..