سكريبت❤️بقلم سولييه نصار❤️ -لا لا مش هلبس ده !! قولتها وانا بعيط وبشوف جوزي ماسك فستان أقل ما يقال عليه أنه خليـ.ع …ازاي كان عايز يخليني ألبس كده !!! -هتلبسيه يا حبيبتي قالها لؤي بشر فهزيت راسي وانا بعيط وبقول: -اتقي الله انت ايه !!!ازاي عايز مراتك تلبس ده وتظهر بيه قدام الناس …انت ايه مش راج…. وقبل ما كمل كلمتي ضر.بني بالقلم لحد ما وقعت علي الأرض وانا بعيط جامد ….
قرب مني وشدني من شعري وزعق: -بتكـ.سري كلمتي يا روح امك …أنا مش قولت اللي اقوله يتنفذ …انتي فاكرة نفسك مين يا بنت انتي …ده انا اقتـ.لك هنا فاهمة ولا لا .. ولا تحبي اعا.قبك بطريقتي … عيوني اتوسعت بخوف وقولت وانا بعيط : -ابوس ايديك يا لؤي مش عايزة اروح ولا عايزة البس ده …ابوس ايديك… ضر.بني بالقلم لحد ما حسيت بطعم الد.م في بوقي وحسيت مناخيري بتنز.ف وقال:
-هتلبسيه يا نسرين وكلمة تاني زيادة هدخلك الاوضة إياها … وبعدين رمي الفستان في وشي ..وقال: -اجهزي يالا فيه حفلة كبيرة عاملها صاحب الشركة اللي هعمل معاه صفقة عايزك تطلعي حلوة النهاردة …عايزك تبهريه…
غمضت عينيا بقر.ف …مش مصدقة أن ده هو الراجل اللي حبيته …هو ده اللي وقفت قدام اهلي عشانه وقا.طعتهم …لؤي كان شريك بابا في الشغل …رغم صغر سنه بس كان راجل اعمال ذكي جدا صحيح مش غني اووي بس الكل اتوقع انه هينجح جامد بسبب حماسه وخبرته الواسعة رغم صغره …وقتها حبيته اووي وارتبطت بيه من غير ما يعرفوا اهلي بس صدفة عرفوا وبهد.لوا الدنيا وبابا فض الشراكة معاه ورغم أنه اتقدملي بس بابا رفضه وقالي أنه رغم أنه ذكي وناجح بس مش مناسب ليا وانه بتاع ستات وخبـ.يث ومش هرتاح معاه ..وقتها أنا خر.بت الدنيا وفضلت ايام ماكلش لحد ما
كنت همو ت …وقتها لحد ما بابا رضخ …ولسه فاكرة آخر كلمة قالها قبل ما يجوزهوني …. فلاش باك … كنت لابسة فستان الفرح وانا فرحانة …قلبي بيرقص وحاسة اني مالكة العالم كله …دخل بابا عليا قبل ما يكتبوا الكتاب وقعد جمبي وقال : -هتتجوزيه اهو يا نسرين بس من النهاردة انتي مسؤولة عن تصرفاتك متتصليش بيا عشان احل مشاكلك…انتي كسرتي كلمتي وعملتي اللي في دماغك فأنا من النهاردة مليش دعوة بيكي ومش هحل اي مشـ.كلة من مشا.كلك مفهوم …
باك … رجعت من شرودي وانا بعيط وبقول: -ياريتني سمعت كلامك …ياريتني سمعت كلامك يا بابا !!! …….. بعد ساعة تقريبا … خرجت من العربية وانا ماسكة ايد لؤي ..كنت بترعش جامد وانا بنزل الفستان شوية اللي كان فوق ركبتي …كان فستان فا.ضح خالص ..حسيت بالعا.ر وانا لابساه …حسيت كأني بضاعة لؤي بيعرضها ..هو دايما بيعمل كده بحس أنه بيعرضني علي أصحابه أو شركاؤه في الشغل !! ….. -جلال بيه ازيك ..
قالها لؤي وهو ماسك أيدي وبيسلم علي راجل كبير في السن قد ابويا تقريبا… – لؤي ازيك .. سلم عليه الراجل بعدين بصلي من فوق لتحت كأني بضاعة وعينيه لمعت وقال: -مراتك مش كده … بلعت ريقي وكان نفسي الأرض تنشق وتبلعني …ز.قني شوية لؤي وقربني من الراجل وقال: -قمر يا باشا مش كده … ابتسم جلال ابتسامة غريبة وقال: -انا بحـ.سدك يا لؤي أن عندك ست بالجمال ده ..
ضحك لؤي وانا كنت قر.فانة وحاسة اني هر جع….. ….. بعد ما انتهت الحفلة قعدنا شوية في قصر جلال بيه …كانوا سكرانين شوية وبيضحكوا … -مش يلا نمشي .. قولتها بصوت واطي للؤي… ابتسم جلال وقال : -روح انت يا لؤي وسيبلي المزة عايزها في كلمتين .. قومت بعصبية وانا بقول : -ايه اللي بتقوله ده …يالا يا لؤي نمشي من هنا … قام لؤي ومسك ايديا وخدني بعيد شوية وقال:
-بصي.دي صفقة مهمة بالنسبالي يا نسرين يا حبيبتي معلش خليكي النهاردة معاه ودي هتكون اول واخر مرة وهو وعدني أن هيوافق علي الصفقة ..الصفقة دي لو تمت هنعيش أنا وانتي عيشة زي الفل … ضر.بته بالقلم وصر.خت : -انت شيطا.ن …شيطا.ن …أنا مراتك يا قذ.ر !!! اتعصب هو وضر.بني بالقلم لحد ما وقعت علي الأرض وقال: -هي بتاعتك يا باشا النهاردة …اعمل فيها اللي انت عاوزه وبعدين سابني ومشي …كنت بصرخ بعنـ.ف وانا مش مصدقة أنه عمل كده وسابني ….
صرخت اقوي لما حسيت بحد بيشدني من شعرني…حاولت اقاوم بس فضل يضر.بني جامد لحد ما حسيت بالتعب وحسيت اني مش قادرة اقاوم …دخلني اوضته وحطني علي السرير وانا حاسة بجسمي كله متخدر من الضر.ب وقال بإبتسامة شريرة وهو بيقلع جاكت البدلة وقال: -اوعدك هتنبسطي النهاردة يا مزة !!!! يتبع #أسيرها #سولييه_نصارالجزء التاني❤️شكرا علي تفاعلكم السكر❤️بقلم سولييه نصار❤️ -ابعد ابوس ايديك … قولتها وانا تعبانة ومش مركزة وبعيط…مكنتش مصدقة أن دي هي نهايتي …مش مصدقة ان جوزي يعمل فيا كده الإنسان اللي أنا حبيته !!!
لسه بيقرب مني وبيشد فستاني فجأة وقع جمبي علي السرير بصيت بتعب لقيت شاب لابس لبس الويتر وماسك عصاية.. وبيقولي بصوت عالي : -يالا بسرعة يا ست هانم … وشدني من ايدي وقومني وقال: -يا هانم بسرعة قبل ما حد من الخدم يجي … بس انا كنت فعلا تعبانة مش قادرة اتحرك … نفخ هو بضيق وشالني ومشي بيا ووقتها أنا أغمي عليا …معرفش مصيري هيكون عليه …في الوقت ده فعلا اتمنيت امو.ت بس اللي حصل بعدين كان زي الأساطير …مكنتش مصدقة حظي …..
….. بعد فترة .. -يا نهار اسود دي ما.تت ولا أيه يا واد ؟! قالتها الست الكبيرة وهي بترش ماية علي وش نسرين اللي مش بتفوق … لطمت الست وقالت: -يا مري البت مش راضية تفوق …شكلها ما.تت … نفخ إيهاب بضيق وقال: -ماتت ايه يا أما ما هي بتتنفس اهي …. بصتله امه بغيظ وسابت كوباية الميا ومسكت شبشبها وفضلت تضرب فيه وهي بتزعق فيه …:
-ما كله منك يا موكوس يا عبيط يا ابن العبيطة …كل ده بسببك …انت جلاب المصايب…عمرك ما دخلت بحاجة عدلة ولا كيلو عنب حتي …دايما بتدخل بالمشاكل والهم منك لله..ودلوقتي داخلي بواحدة الله اعلم جايبها من فين الحمدلله أننا ساكنين في حته بعيدة ومفيش جيران لينا قريبين والا كنا اتفضـ.حنا … -يا امي لسه بتضر.بيني بالشبشب عيب كده انا بقا عندي تلاتين سنة … مسكت أمه ودانه وقالت : -واضر.بك لحد ما تكمل الخمسين يا روح امك …كبرت عليا يا واد …
مسك ايهاب ايديها وقال: -اضر.بيني يا ستي براحتك بس بيني وبينك مش قدام الناس برستيجي يا حاجة … -برستيج مين يا معـ د فن …هو انت عرفت الكلمة دي من فين ..انت بتتكبر عليا يا واد مش كفاية جيبتلي جـ.ثة البيت وضر.بت صاحب الشغل …أنا قولت هتشتغل وحالك هيتعدل روحت تعمل مشكلة تاني مفيش فايدة فيك … -الله يا امي اومال اسيب الراجل يعتد.ي عليها ضربت أمه كف علي كف وقالت:
-انا معرفش انت ليه وشك فقر كده كل ما تروح شغلانة تتطر.د منها زي مكتب المحاماه اللي روحته واتخانقت مع صاحب المكتب …أنت مش بتعمر في اي شغلانة ليه ..عايزة اعرف ليه !!! -عشان أصحاب الشغل مبقاش عندهم نخوة ولا ضمير ..المحامي المحترم اللي اشتغلت عنده كان بيتحر.ش بواحدة قد بناته شغالة عنده اسكت يعني … -لا ازاي جيبلنا مصـ.يبة كل مرة …اهو جبت جـ.ثـة معاه.. -ششش يا امي الجـ.ثة بتتحرك…اقصد البنت بتتحرك …
فتحت عيني بتعب لقيت قدامي الشاب اللي انقذني وواحدة تانية معاه …وفجأة صرخت بر.عب فصرخوا هما … قومت وشيلت البطانية اللي مغطيني بيها وقولت: -انتوا مين ؟! بطلوا صراخ وقالت الست : -ابني جابك من فيلا الباشا اللي كان هيعتـ.دي عليكي … وبعدين مسكت البطانية وغطتني وقالت: -استري نفسك يا ضنايا اصل ابني عينيه زايغة … شدت البطانية حواليا وقعدت علي السرير وانا بعيط جامد …قعدت جمبي الست وقالت :
-قوليلي يا حبيبتي ايه حكايتك؟! بصيت لها وقررت احكيلها كل حاجة من اول حبي للؤي لحد ما أجبرني ابقي مع شريكه … بعد ما خلصت طبطبت الست عليا وقالت: -ده عديم الرجولة يا بنتي …الحمدلله أن ربنا نجاكي منه بس ليه محاولتيش تتصلي بأهلك وتتواصلي معاهم أو حتي تروحيلهم … مسحت دموعي وقولت: -اهلي في القاهرة وهو كـ.سر الموبايل بتاعي …وكان حابسني في البيت ..مكانش بيطلعني ولو عاندته كان بيضر.بني ويحبسني في اوضة ضـ.لمة من غير اكل وشرب وانا عندي فوبيا من الضلمة…
-حافظة نمرة اي حد من عيلتك عشان تتصلي بيهم وانا مستعد اوصلك . هزيت.راسي بالنفي للاسف انا مبعرفش احفظ ارقام التليفونات حتي رقمي مقدرتش احفظه … -خلاص مش مشكلة باتي النهاردة هنا والصبح هوصلك لحد أهلك…لازم تدخليهم في الموضوع… هزيت راسي بتعب فقالتلي الست بحنان : -جعانة يا بنتي تأكلي .. بصيت لها بكسوف وقولت: -ياريت أنا مأكلتش من الصبح … ……….