تاني يوم استأذنت علي اروح لصاحبتي اسراء وهو وافق …كنت محتاجة اتكلم مع حد عارف الموضوع …حد ممكن يساعدني … . ….. -يالهووي انتي بتقولي ايه يا تقي ؟!! قالتها إسراء وهو بتلطم…قولت وانا بعيط: -انا بمو.ت من امبارح يا اسراء…برج من دماغي هيطير …أنا مش عارفة اعمل ايه ..حقيقي يا اسراء عقلي واقف ومش عارف اهبب ايه…ياربي أنا توبت وقولت الحمدلله اني اتسترت يجي وائل ويفضـ.حني ..وبعد ما اتجوزت راجل مفيش زيه …
كانت دموعي بتنزل واسراء.بتبصلي بشفقة …وقالت: -هنلاقي حل يا حبيبتي متقلقيش … بصيت لها وانا منهارة وقالت: -مفيش الا حل واحد …حل ممكن يخـ.سرني كل حاجة اني اقول لعلي …أقوله كل الحقيقة …يعرفها مني احسن ما يعرفها من غيري … -لا يا مجنو.نة طبعا متعمليش كده !!!ده هيطلقك وش واحتمال يقتـ.لك كمان …علي مهما كان كويس بس هو راجل شرقي وانتي عارفة تفكيرهم ازاي مش هيقبل أن تكون علي ذمته واحدة بماضي زيك …
وشي بهت فقربت مني ومسكت ايديا وقالت: -تقي متتسرعيش وتقوليله …علي ممكن يقتـ.لك فعلا مش هيتحمل …ولو عنده شوية شفقة هيطلقك بعد ما يفضـ.حك ..مش هيقول ده ماضي أو غيره …فاهماني… -طيب أنا اعمل ايه ؟! قولتها وانا بعيط … هزت راسها بحزن وقالت: -مفيش الا تنفذي اللي بيقوله! -انتي اتجنـ.نتي يا اسراء ؟! قولتها بإ.نهيار فردت هي : -للاسف ده الحل الوحيد عشان متتطلقيش ومتتفضـ.حيش يا تقي …كده كده لو حصل حاجة بينكم جوزك مش هيعرف …انتي روحي بس اشرطي عليه يمسح الصور قدامك الاول وبكده تحلي مشكلتك …
هزيت راسي وانا بعيط وقولت : -مستحيل…مستحيل أنا توبت لربنا …حتي لو علي معرفش بس عمري ما هكون مرتاحة لما اغضب ربنا اخو.ن جوزي… -ربنا بيسامح يا تقي بس البشر لا …علي لو عرف هيقتـ.لك…صدقيني ده الحل الوحيد … …. طلعت من عند اسراء وانا منها.رة اكتر …الر.عب كان متملك مني …بصيت للسما وانا بقول: -يارب …يارب ساعدني . ……. -قدرت أقنعها تروحلك يا معلم اي خدمة …متنساش توثق اللي هيحصل بينكم صوت وصورة…
قالتها إسراء وهي بتكلم وائل علي التليفون وهي مبسوطة .. -يعني هي قالتلك أنها هتيجي … سأل وائل بلهفة فردت اسراء وقالت: -مش بالضبط بس انا متأكدة أنها هتروح…تقي جبا.نة ولما جبت سيرة أن علي ممكن يقتـ.لها أو يطلقها بفضيـ.حة كشت …متقلقش هتيجي ..استني بس النهاردة واتصل بيها بعد بكرة وشوف … -تمام يا باشا ….وانتي يا سوسو مش ناوية تيجيلي الشقة ننبسط شوية … ابتسمت ببرود وقالت : -لا يا حبيبي مليش في الحر.ام …أنا مش شمال زيها …
….. بالليل … كنت قاعدة في الحمام وانا بعيط جامد …كل السكك اتقفلت في وشي …يا تري هعمل ايه ؟؟!!اعمل ايه !!! ……… تاني يوم … علي كان رايح الشغل وقربت منه وقولت: -ممكن النهاردة اروح عند اسراء معلش … بصلي بحيرة وقال: -ايه حكاية انك تروحيلها كل شوية يا تقي … -معلش يا حبيبي من وقت ما جوزها عمل عملته المهـ.ببة واتجوز عليها وهي نفسيتها و.حشة اووي … باس علي راسي وقال :
-خلاص روحي … أنا ابشـ.ع واحدة في العالم …جوزي بيحبني وبيثق فيا وانا رايحة اخو.نه…كنت فعلا قر فانة من نفسي !! ……… بعد ساعة تقريبا كنت واقفة قدام شقة وائل في المهندسين وانا بعيط بعنـ.ف وبمد أيدي عشان ارن الجرس!!! يتبع #ذنوب_الماضي #سولييه_نصار نكمل ؟!الجزء التالت♥️شكرا علي تفاعلكم السكر♥️بقلم سولييه نصار♥️ أيدي اتجمدت لما أذان الضهر أذن …رجعت لورا وأنا مصدومة ومكسوفة من ربنا اللي سترني ورغم كده رايحة للمعـ.صية برجلي …دموعي بدأت تنزل وجريت من قدام الشقة ومشيت …
…… قدام محل علي … دخلت المحل وعيوني حمرا من العياط ..الحمدلله مكانش حد في المحل الا علي بس … -تقي مالك ؟! قالها علي وهو مصدوم ..مستنتش أنا وجريت وحضنته جامد وانا بعيط …كنت بعيط بشكل بشـ.ع …حاسة أن قلبي هيخرج من مكانه …فضلت ماسكة فيه وانا بعيط وحضناه جامد لاني عارفة أن بعد ما أقوله كل الحقيقة هيطلقني ..عارفة اني هتحرم منه ….. …. بعد انهيا.ري الفظيع في المحل علي سلم المحل للشاب اللي بيشتغل عنده ورجع معايا البيت ….
كان قاعد جمبي علي الانترية وحاضنني وهو بيقول: -يا حبيبتي انتي قلقتيني عليكي …اتكلمي قولي فيه ايه ؟! بس أنا مردتش ..كنت ببكي وبس وانا حاضناه اووي كأني بودعه …أنا هخـ.سر اكتر انسان أنا حبيته في حياتي …قلبي كان وا.جعني …..بعدني علي عنه شوية ورفع وشي وفضل يمسح دموعي بحنان وقال: -ممكن تقوليلي ايه اللي حصل يا تقي …بدأت اخاف عليكي …مين زعلك …قوليلي مين ؟! بعدين سكت شوية وقال :
-هي ماما كلمتك عن موضوع الخلفة تاني مش كده ؟! هزيت راسي بالنفي فاتنهد براحة وقال : -طيب الحمدلله بعد اخر مرة طلبت منها انها متتكلمش معاكي عن الموضوع ده وفت بوعدها…وبعدين يا ستي ان كان علي موضوع الخلفة انا مش مستعجل …ومتحطيش كلام امي اني ممكن اتجوز عليكي عشان اجيب عيل…مش هعمل كده لاني واثق لو العيب مني مكنتيش هتتخلي عني … كلامه خلاني انفـ.جر في العياط اكتر …..بصلي علي بتوتر وقال:
-قلقتيني اكتر يا تقي قوليلي مالك يا حبيبتي مالك ؟!! بصتله وقولت: -انا مستاهلش حبك يا علي …مستاهلهوش ابدا …أنا واحدة ر.خيصة مستاهلش واحد نضيف زيك … كان بيبصلي بصدمة فكملت وقولت : -انا عملت ذنو.ب كتير يا علي بس توبت وقررت ابدأ من جديد بس الماضي ظهر في حياتي تاني ومنغص عليا عيشتي … -تقي اتكلمي !!!قصدك ايه ؟! بكيت اكتر وقولت: -أنا هقولك علي كل حاجة يا علي …
غمضت عينيا ودموعي نزلت وانا متيقنة أن بعد ما احكيله هيطلقني اكيد … بدأت احكي قصتي من البداية : -من أربع سنين لما كنت في السنة الأخيرة من الكلية بتاعتي ارتبطت بوائل زميلي في الكلية …كنت بحبه من سنة أولي عشان كده لما طلب يرتبط بيا في سنة رابعة مكنتش مصدقة ابدا انه هيرتبط بيا …وافقت فورا رغم ان مليش في جو الارتباط ده … سكت شوية وبعدين بدأت اعيط وانا بفتكر كم الحاجات الو.حشة اللي عملتها عشان ميسبنيش … وكملت:
-قالي هيتقدملي بعد سنة لما يجهز نفسه وانا وافقت علي ده وكنت برفض دايما العرسان اللي بيجولي واهلي كانوا هيتجننوا مني ..بعد ما اتخرجنا وعدت السنة واحنا بنتواصل كلمته يجي يتقدم بس بدأ يتلكك ويعمل مشاكل وقتها أنا اتر عبت لاحسن يسيبني وقولتله اني هصبر وهو فهم اني بحبه لدرجة اني مش هقوله لا …وبدأ يستـظغلني من النقطة دي بدأ يطلب نخرج سوا ولو رفضت يهد.دني انه هيسيبني وانا عشان بحبه كنت بكد ب علي اهلي واتحجج عشان اطلع معاه …كنت بركب عربيته وكان احيانا يفضل يلمسني بطريقة انا مش بحبها ولما اتكلمت فضل اسبوع مقاطعني وانا كنت زي المجنو.نة بحاول
اتواصل معاه …ولما اترجيته نرجع عرف اني مش هقدر اعترض تاني فبدأ يبقي أسو.أ معايا …بدأ يسـ.تغلني زي ما هو حابب وانا عشان بحبه سمحت بكده … بصيت لعلي المصدوم بكسوف وكملت وانا بعيط : – بعدها بدأ يقنعني اروح معاه شقته اللي بيجهزها في المهندسين عشان نتجوز فيها …في الأول رفضت بس هو اصر نروح سوا …وهناك…. شهقت وانا بعيط جامد فقال علي بصوت مصدوم: -حصل ايه هناك ؟!