ذهب سليم بعد الغداء إلى السج’ن لكي يقابل والده
حلمي:متعرفش مين اللي جاي يزورني يا حضرة الصول
الصول:دلوقتي هتدخل عند الظابط وهتشوف
الظابط :جبت المتهم
الصول:أيوة يا فندم واقف بره اهو
الظابط :طب دخله
حلمي :أوامرك يا باشا… سليم
الظابط:عن إذنك يا سليم بيه هسيبكوا مع بعض شوية
سليم:اتفضل……… انت هتفضل واقف كدة كتير
حلمي:لأ بس مش مصدق نفسي إنك جيت عشان تشوفني
سليم:انا مجتش عشانك.. انا جيت عشان مراتي طلبت مني ده وانا مبحبش ازعلها، وبعدين هو انت مضايق إنك شوفتني ولا إيه
حلمي:ده انا كنت بتمنى من ربنا وبدعي ف كل دقيقة إني اشوفك مرة واحدة قبل ما امـ,ـوت
سليم:وانت شوفتني اهو عن إذنك
حلمي:سليم
سليم:افندم
اقترب منه حلمي وضمه بشدة ودموعه تنهمر ندمًا على ما فعله بإبنه
حلمي:انا عارف إني مهما قولت ومهما عملت مش هتقدر تسامحني
وانت معاك حق بس صدقني عمري ما كنت أتمنى اننا نوصل للمرحلة دي… انت الحاجة الوحيدة اللي عملتها صح ف حياتي حاول تسامح ابوك يا سليم وتدعيلي أن ربنا يغفر ليا على كل حاجة وحشة عملتها ولما ربنا يرزقك وتبقى أب، ابقى احكي لولادك وقولهم إني بحبهم أوي وكان نفسي اشوفهم والعب معاهم، اوعي تنساني يا سليم افتكر ابوك على طول يا ابني وحاول تسامحني
نزلت دموع سليم رغمًا عنه وضمه هو أيضًا وظلوا هكذا لفترة طويلة
سليم:ليه عملت كدة.. ليه وصلتنا للمرحلة دي..انا كنت عايز اعيش حياة طبيعية معاك انت وامي ليه كل ده حصل
حلمي:انا آسف يا ابني سامحني
سليم:انا مسامحك بس صدقني مش قادر اتخيل ان بعد كل ده هتسيبني تاني
حلمي:انا استحق كل ده يا ابني، لازم اتعاقب على كل اللي عملته ف حياتي، أهم حاجة عندي إنك سامحتني واخدتك ف حضني يا ابني
سليم:صدقني انا من قبل ما اجي أو اشوفك حاولت اشوف حل للقضايا اللي عليك بس للأسف كلها ضدك
حلمي:إنك تحاول عشاني ده أهم حاجة عندي وانا غلط ولازم اتعاقب يا ابني
سليم:صدقني يا بابا هحاول اعمل كل اللي اقدر عليه وان شاء الله هلاقي الحل
حلمي:أنت قولت إيه؟
سليم:هحاول الاقي حل بطريقة قانونية
حلمي:لأ مش قصدي ده انت قولتلي يا بابا… أخيراً سمعتها منك بعد كل السنين دي
سليم:كل حاجة هتتصلح صدقني وهنرحع أحسن من الأول
حلمي:وانا واثق فيك يا حبيبي
سليم:انا اسف همشي دلوقتي ونتقابل ف المحكمة، المرة الجاية هكون موجود معاك..كل حاجة هتبقى كويسة ان شاء الله
حلمي:طول ما انت موجود معايا اكيد كل حاجة هتبقى كويسة
#
#مريم_محمد
#البارت 24
عاد سليم إلى البيت، وصعد إلى غرفته هو وعشق ووجد عشق ممدة على السرير وتقرأ، ف اقترب منها ووضع رأسه على كتفها
عشق:سليم انت كويس
سليم:أنا سامحته يا عشق..سامحته ودلوقتي خايف يبعد عني انا محتاجله جنبي
عشق:بس خلاص اهدي يا حبيبي..
كل حاجة هتبقى كويسة ان شاء الله
سليم:انا هعمل كل اللي اقدر عليه عشان ميحصلش له حاجة هحاول صدقيني
عشق:أنا عارفة ومتأكدة كمان إنك هتساعده وواثقة إنك هتنجح، يلا عشان تأكل
سليم:مش قادر انا تعبان عايز انام
عشق:ماشي يا حبيبي
“بعد فترة”
عشق:سليم انت نمت
سليم بنوم:اليوم النهاردة كان مليان أحداث ومُتعب بطريقة رهيبة، ومع ذلك فقرة أسئلة ما قبل النوم لسة زي ما هي
عشق:خلاص مش هقول
سليم:لأ قولي يا حبيبتي انا سامعك
عشق:مش قايلة
سليم:ياروح قلب سليم والله ما قصدي ازعلك بس انا بحب اهزر معاكي مش اكتر،
وبعدين انا بحب اسمع صوتك يلا قولي بقي
عشق:انا حامل
سليم:صح انتِ صح براڨو عليكي
عشق:هو إيه اللي صح
سليم:اللي انتِ قولتيه
عشق:وايه اللي انا قولته؟
سليم:إنك حام…. إيه؟؟!!. انتِ قولتي إنك حامل
عشق:أيوة
سليم:متهزريش يا عشق
عشق:والله ما بهزر..
انت مش فرحان ولا إيه
سليم:فرحان بس ده انا هتجنن من الفرحة انا بعشقك ياعشق سليم وقلب سليم وروح سليم ده انتِ واكلة عقل سليم
عشق:سليم انت كويس
سليم:نفسك تاكلي ايه وانا هجبهولك
عشق:سليم
سليم:عاوزين نجيب لبس البيبي بس ياترى هنجيب لبس ولد ولا بنت
بصي إحنا هنجيب الإتنين
عشق:سليم
سليم:إحنا هنعمل الأوضة بتاعته لونها إيه… وكمان لسة هنجيب لعب وأكل وحاجات كتير.. يارب بس نلحق نخلص كل حاجة قبل ما يجي
وكما….
عشق:سليييم
سليم:نعم يا روحي.. في حاجة بتوجعك اطلب الدكتورة
عشق:دكتورة إيه دلوقتي..
اهدي يا سليم لسة بدري على كل اللي بتقوله ده
سليم:بجد…. يعني هنلحق نخلص كل حاجة قبل ما يجي
عشق بضحك:أيوة هنلحق..انت نفسك يطلع إيه
سليم:اي حاجة كل اللي يجيبه ربنا حلو أهم حاجة انه منك انتِ يا قلبي
،أنتِ عايزاه يبقي إيه
عشق:انا نفسي اجيب تؤام وخلاص على كدة يبقى الحمدللّٰه
سليم:خلاص إيه يا حبيبتي.. لأ انتي حتى لو جيبتي تؤام هنجيب غيرهم ان شاء الله انا عايز عشرة
عشق:نعم؟؟!!…ليه هو انت فاكرني أرنبة ولا إيه، هو انا بلاقيهم ف الشارع
سليم:يا حبيبتي انتِ احلى أرنبة ف الدنيا…
كل الحكاية إني وحيد وعايز عيلة كبيرة
عشق:قصدك عايز تخلص عليا
سليم:لأ والله ده انتِ الخير والبركة يا نور عيني
عشق:تصبح على خير يا سليم
سليم:وانتِ من أهل الخير يا أم العيال
عشق:ربنا يستر منك يا أبو العيال
سليم بضحك:ده انا ناويلك على نية قمر زيك
عشق:بتقول إيه؟؟!!
سليم:بقولك نامي يا روحي
استيقظ سليم قبل أن تستيقظ عشق؛ لكي يحضر الإفطار ولكنه صدم عندما راي من يأكل هناك
سليم:انت بتعمل إيه هنا ع الصبح
زياد هو يأكل:سولي حبيب قلبي تعالى اقعد كل لقمة معايا
سليم:انت بتعمل إيه؟
زياد:بفطر…تعالي اقعد متتكسفش انت مش غريب
سليم:أنت ملاحظ مكانك.. قصدي يعني انت عارف أنت قاعد فين
زياد:إيه يا سليم..مالك يا حبيبي انت فقدت الذاكرة تاني ولا إيه، أنا قاعد ف المطبخ بفطر
سليم:والمطبخ اللي انت بتفطر فيه ده فِ بيت مين
زياد:ف بيتك
سليم:انت شايف إن الوضع طبيعي يعني
زياد:أنت شكلك لسة نايم.. خلاص روح كمل نومك، اكون انا اتغديت
سليم:يا أخي والله بحس إنك مش بتشبع.. انت بتاكل أكل الأسبوع كله على الفطار
زياد:فين ده….ده انا يا قلب أمي هفتان اهو انت اللي مش طايقني من ساعة ما اتجوزت، شكراً يا سليم بيه مش واكل حاجة تاني دادة أحلام:صباح الخير يا سليم.. انا جبت الرز باللبن اللي انت طلبته يا ابني زياد:حبيبتي يا دادة والله عاوز بقى شوية مكسرات عليه دادة أحلام:حاضر استنى هجبلك زياد:لأ هو انا لسة هستني بصي انا هاكل ده وانتِ هاتي واحد تاني بالمكسرات هاكله برضو دادة أحلام:حاضر يا ابني
زياد:كنت بتقول إيه يا سليم.. تعالي خدلك معلقة رز ده طعمه تحفة هيعجبك أوي
سليم:………
زياد:انت ساكت ليه.. لو مش عاوز رز
فيه مهلبية
سليم:يا صبر أيوب.. انت إيه اللي جابك يا زياد زياد:جابني فين
سليم:إيه اللي جابك هنا ع الصبح زياد:اه قصدك عندك يعني..لأ انا قومت لقيت نفسي فاضي فقولت اجي افطر معاك انا عارف انك متقدرش تعيش من غيري
سليم:نعم يا روح ماما
زياد:خلاص يا عم ده انت رخم، ياض الواحد ميعرفش يهزر معاك
سليم:اخلص وقول جاي ليه
زياد:هنتكلم هنا يعني خلينا نتكلم بره وهقولك
سليم:على أساس انه بيفرق معاك المكان أوي… وبتتكسف. يلا يا اخويا
زياد:ماشي……دادة أحلام معلش ابعتيلي الرز أبو مكسرات والبسبوسة على الصالون… عاوز حاجة انت كمان يا سليم
سليم:…………
زياد:يبقى مش عايز… يلا
سليم:خير عايز إيه على الصبح
زياد:طب استنى اخلص اكل وبعد كدة اتكلم
زياد:سلييييييم
زياد:خلاص هقول…
انا عايز اتجوز
سليم:نعم يا اخويا؟؟!!..اومال إحنا كنا بنعمل إيه عند الناس من يومين
زياد:ناس مين
سليم:انت عايز تمو*تني صح قول
متتكسفش
زياد:بعد الشر عليك يا حبيبي
أومال انا هاكل فين
سليم:قول عاوز إيه على طول
زياد:انا مش عايز خطوبة والجو ده
انا عاوز اتجوز على آخر الأسبوع بالكتير أوي ♡بارت صغنون عشان بكرة ان شاء الله هيبقى في بارت حلو أوي # #البارت 25
زياد:انا مش عاوز خطوبة والجو ده، أنا عاوز اتجوز على آخر الأسبوع بالكتير أوي
سليم :وانت عاوزني اروح أقول للناس اني هجوزك بنتهم وهما لسة
عارفينك من يومين
زياد:وهما هيلاقوا حد في أدبي وحلاوتي وجمالي، وخفة دمي واحترامي اصلاً
سليم:لسة في تاني؟
زياد:طبعاً في كتير بس انا مبعدش،
هو انت شاكك فيا ولا إيه
سليم:انا اقدر أشك فيك، ده أنت خارق مشوفتش ولا هشوف زيك
زياد:ما أنا عارف……
المهم اتصرف يلا عاوز اتجوز آخر الأسبوع ده
سليم:وانا كمان هيكون فرحي آخر الأسبوع
زياد:ألف مبروك يا صاحبي
سليم:اللّٰه يبارك فيك
زياد:عقبا…. انت قولت إيه؟؟!!… فرحك ازاي يعني….. فرحك على مين
سليم:هيكون على مين يعني يا زياد.
أكيد عشق
زياد:ده اللي هو ازاي بقى؟
سليم:إيه أول مرة تشوف حد هيتجوز
زياد:لأ هو انا أول مرة أشوف حد متجوز بيتجوز مراته
سليم:أنا فعلاً اتجوزت عشق بس معملتلهاش فرح ولا أي حاجة من دي…..
هي بنت وأكيد كانت بتحلم باليوم ده زي كل البنات، وأنا مش عاوز احرمها من الفرحة دي، وعشان كدة هعمل فرح لينا آخر الأسبوع يوم عيد ميلادها
زياد:وهي عارفة الكلام ده؟
سليم:لأ هخليها مفاجأة
زياد:خلاص يبقى تتصرف وتقنع أهل ليلي عشان اتجوز معاك
سليم:اديني سبب واحد يخليني اساعدك واعمل كدة علشانك
زياد:هفطر ف بيتي ومش هضايقك
ومش هنطلك كل شوية، ده مش سبب
سليم:معاك حق أعتبر الموضوع ده خلصان وجهز نفسك يا عريس
زياد:هو انت مش ناوي تخرج الدكتور اللي إسمه مجدي ده…. كفاية بقى حرام عليك
سليم:ماشي خليهم يخرجوه……
أنا فرحان ومش هضايق نفسي بسببه
زياد:وإية اللي مفرحك يا أخويا؟
سليم:عشق حامل
زياد:أنت بتهزر ولا بتتكلم جد
سليم:واللّٰه ما بهزر
زياد وهو يحضن سليم بفرحة:ألف مبروك يا حبيبي، أنت تستاهل كل خير يتربى في عزك
سليم:الله يبارك فيك……عقبالك يا صاحبي
زياد:إن شاء اللّٰه……
الواد ده أول ما يجي أنا اللي هربيه وأعلمه الأدب
سليم :مش لما أنت تتربي وتتعلم الأدب الأول
زياد:ما انا هخليه نسخة مني
سليم:هو انا طايقك أساساً……عملت إيه في موضوع الورق اللي هيتقدم للمحكمة
زياد:متقلقش كل حاجة تمام….أنا جبت الورق اللي يثبت إن عمك عثمان هو اللي ورا شغل الماف”يا
مش عمي حلمي
سليم:طب وقضية القت*ل
زياد:مفيهاش حاجة دي معروفة انها دفاع عن النفس، وكمان عثمان هو اللي كان رافع على مراتك وأبوك السلا*ح، وعمي حلمي عمل كدة دفاع عن النفس وكل الكلام ده كان قدام الظابط اللي كان معايا…….
متقلقش كل حاجة متظبطة وهيخرج من أول جلسة ان شاء الله
سليم:يارب يا زياد….انا مش عارف اقولك إيه مع إنك رخم وتاعبني بس جدع……ربنا يخليك ليا يا صاحبي
زياد:يا ابني انت اخويا ومستعد أمو’ت علشانك وكمان اعيش واقرفك يا حبيبي
سليم:أمشي يا زياد
زياد:لأ انا مستني البسبوسة لو وراك حاجة امشي انت
سليم:أنا هكلم أهل خطيبتك دلوقتي
واقنعهم لإني بجد مش قادر استحملك أكتر من كدة
زياد:شكراً يا صاحبي…….أنت هتحضر جلسة المحكمة صح
سليم:أكيد طبعاً وهيخرج إن شاء الله، وهيحضر الفرح كمان
زياد:أنا بجد مبسوط أوي لأن علاقتك مع عمي حلمي رجعت
تاني
سليم:عمري ما كنت اتخيل إن اليوم ده يجي….. بس من ساعة ما عشق دخلت حياتي وهي غيرت كل حاجة
زياد:ربنا يخليكوا لبعض يا صاحبي
أنا همشي سلام
سليم:والبسبوسة
زياد بضحك:خليهالك انا مبحبش أكون تقيل على حد
سليم:لأ ما انا عارف من غير ما تقول مر الأسبوع وخرج حلمي والد سليم من السج’ن
وجاء موعد زفاف زياد وليلي، وسليم وعشق ويصادف يوم عيد ميلاد عشق
سليم:في إيه يا حبيبتي مالك؟… سرحانة في إيه
عشق:سليم هو انت مش فاكر حاجة
سليم:حاجة زي إيه
عشق:يعني النهاردة يوم عادي ولا مميز
سليم:طبعاً مميز هو في احلى من اليوم ده
عشق:أيوة ليه بقى مميز؟
سليم:لأن النهاردة فرح صاحب عمري وأخويا زياد…. أكيد لازم يكون مميز
عشق:ماشي خلاص
سليم:انتي مش هتروحي لليلي ولا إيه….. دي مستنياكي من بدري
عشق:عارفة إنها مستنياني أنا ماشية اصلاً….ومن غير سلام كمان
سليم بضحك:خلاص براحتك من غير سلام
ليلي:عشششششق
عشق:إيه؟!… في إيه مالك يا ليلي بتزعقي كدة ليه
ليلي:انا بقالي ساعة بنادي عليكي
إيه سرحانة في إيه
عشق:مفيش
ليلي:هو إيه اللي مفيش انتي مش شايفة نفسك.. إيه اللي مزعلك
عشق:سليم مش فاكر عيد ميلادي
يا ليلي
ليلي:وانتي قولتيله قبل كدة تاريخ عيد ميلادك
عشق:لأ بس هو المعروف يعرف
ليلي:خلاص متزعليش نفسك وانسى الموضوع… قوليلي بقى إيه رأيك ف الفستان ده
عشق:اللّٰه جميل أوي يا ليلي…..بس ده مش فستانك
ليلي:ما أنا عارفة ده فستان شوفته
هنا وعجبني…..
وقولت لازم أشوفه عليكي
عشق:وانا هلبسه ليه
ليلي:جربيه يا عشق عشان خاطري
نفسي أشوفه عليكي
عشق:بس…….
ليلى:مفيش بس يلا إدخلي إلبسيه
عشق:حاضر
لبلي:اللّٰه أكبر عليكي انتي جميلة أوي يا عشق بصراحة انا خايفة احسدك
عشق:مش للدرجادي يا ليلي الفستان هو اللي حلو
ليلي:هو فعلاً حلو بس عليكي يجنن