رسالة جائتني يقول صاحبها :
بعد أذنك مش عايز أنشر أسمي نظراً لحساسية حكايتي .
أنا هحكي قصتي لكن هغير الأسماء كلها بأسماء وهمية .
” أخي الأكبر بسبب زوجته الشابة التي تصغره بأكثر من عشرين عاما ناداني في ليلة وطلب مني أغرب طلب ممكن أخ يطلبه من أخوه !! ” .
أنا رجل في بداية الاربعينات وعمري تحديدا ” ٤١ عاما ” مطلق وأعيش وحدي في شقتي الموجودة في منزل العائلة .
أنا أصغر أخوتي السبعة من بينهم أخين وأربعة أخوات ، يسكن معي في نفس المنزل اخي الأكبر ناصر ” ٦٤ عاماً ” ويسكن أيضا في نفس المنزل أخي “رفعت ٥٦ عاما ” .
أخي ناصر تزوج بعد زواج أبناؤه و وفاة زوجته الأولي من زوجته الحالية سميرة والتي عمرها لم يتجاوز ٤٢ عاماً .
فوجئت ذات ليلة بأخي ناصر يناديني بعد منتصف الليل ويطلب مني النزول الي شقته !!
أرتديت ملابس خفيفة ونزلت إليه ، وبعد أن جلسنا لاحظت عليه التوتر بوضوح !! سألته : مالك يا ناصر أنت تعبان ؟ تحب ننزل نروح للدكتور ؟
ناصر ” مسح عرقه ونظر للأرض وقال” : لأ ملوش لزوم ، أنا عايز أعرض عليك عرض أول مرة حد يعرضه علي أخوه .
بدأت أقلق من كلامه خاصة أن نبرة صوته كان واضح أنها تحمل كا،،رثة ، قولتله : أتكلم يا ناصر ، فيه ايه ؟ أنت قلقتني !!
ناصر نظر للأرض وقالي : زي ما أنت عارف أنا عندي دلوقتي ٦٤ سنة ده غير الأمراض اللي بدأت تتمكن من جسمي .
قولتله : الف سلامة عليك ، ربنا يديلك الصحة وطول العمر .
سكت ناصر لثواني ثم قال : وأنت عارف إن سميرة مراتي لسه صغيرة بالنسبالي يعني تقريباً من نفس عمرك .
قولتله بقلق : عايز تقول ايه يا ناصر ؟ اتكلم علطول أنت قلقتني بجد .
ناصر قالي ” بصوت مبحوح ” : بصراحة سميرة مراتي أنا مبقتش قادر عليها و صعبانة عليا تعيش في حر،مان وهي لسه في السن ده .
قولتله : يعني ايه ؟؟؟
قالي : يعني الواجب عليا إني اطلقها لكن أنت عارف إني مقدرش أعيش من غيرها ، ده غير إني في سني ده محتاج لحد يعملي أكلي ويغسلي هدومي وينضف شقتي .
بصيت له وبدأت أرتبك وأتلخبط وسألته : يعني أنت عايز ايه ؟ أنا كده مش فاهم حاجة !!!
ناصر : أنا هطلق سميرة و عايزك تتجوزها .
بصيت له في ذهو،ل وصد،مة وقولتله :
أزاي وليه ؟؟
ناصر : لما أطلقها وأنت تتجوزها مش هتكون محرومة ، وفي نفس الوقت هكون مطمن عليها وممكن تعملي أكلي وتغسلي هدومي ، وأظن أنت مش هتغير مني لأنك عارف إني خلاص بقيت غير قادر .
كنت بسمع كلامه وحاسس إني بحلم أو إن ناصر أخويا قاصد أنه يعمل معايا حركة كوميدية زي الكاميرا الخفية ، أو أي حاجة غير إن الكلام ده بجد !!!
ناصر كان بيبص لي بنظرة إنكسا،ر وبيحاول يشوف رد فعلي لكني فضلت ساكت مش بتكلم .
ناصر قالي :
أنا عارف إن العرض ده غريب و أكيد أنت محتاج وقت تفكر ، أنا عايزك تفكر كويس وترد عليا .وأنتهي كلامنا علي كده ، وأنا دلوقتي عايش في حيرة مش عارف أعمل ايه ؟؟ ياريت لو حد عنده نصيحة ينصحني بيها مش يبخل بيها عليا .
أنتهت .