سلمى قالت بغضب…. لا بقى مش هسكت اكتر من كده ما هو انت لازم تحكي لي يعني ايه مش هينفع وخلاص ما هو انت لو مش بتحبها زي ما بتقولي المفروض تطلقها الا اذا كنت بتضحك عليا بقى
عامر اتنهد وقال…. اقسم بالله ما بحبها
سلمى قالت بغضب…. يا ربي هيجنني مدام مش بتحبها سايبها معاك ستبن يعني ولا ايه
عامر ضحك وقرب منها وقال …..لا انا راضي بالانبوبه اللي معايا هيه صحيح هتنفجر في وشي دلوقتي بس بعشقها لما بتتنفخ كده وخدودها تحمر
سلمى قالت بضيق….
ما تغيرش الموضوع يا عامر مفيش راجل بيحب اثنين لو مش بتحبها ومش عايزها يبقى تطلقها يا اما بقى تطلقني انا يا اما الاختيار الثالث تحكي لي في ايه وده اخري معاك بقى
عامر اتنهد وقعد على السرير وشاف ان مفيش فايده من انو يخبي اكتر قال ….من شهور اشتغلت عندي في الشركه كانت بتقدم شاي للموظفين كانت غلبانه كده وصعبت عليا وعينتها بس للاسف كانت مزقوقه عليا في واحد من منافسيني باعتها عشان تسرق ورق بيخص الاسهم بتاعة الشركه ويحولهم لحسابه وهي واحده واحده قدرت توصل للمكتب وتاخد الاوراق بس غدرت بالراجل اللي بعتها اصلا وحولت كل حاجه ليها
هي وكل اسهم الشركه بقت ليها
سلمى اتسعت عنيها بصدمه وعامر كمل وقال….انا لو عليا كنت سبت لها الشركه باللي فيها ومشيت وما اهتمتش ….بس دي شركة ابويا الله يرحمه هو فنى عمره عشان يعمل الشركه دي وسلمها لي وسلم روحه وعرقه وكل حياته فيها سبها لي انا وامي علشان ما نحتاجش لحد علشان تكفينا وتعيشنا كويس كانت حلمه وطموحه وايام حياته ما قدرتش اسيبها بالسهوله دي ….روحتلها عشان اتفاهم معاها قالت لي ….انها مستعده تسيبني ادير الشركه زي الاول يعني ادير الاسهم بتاعتها هناك من غير ما حد يعرف ان الشركه ما بقتش ليا من الاساس بشرط واحد اني
اتجوزها
سلمى كانت بتسمعه بدهشه وعامر قال بحزن ….هيه بتقول انها بتحبني وكلام فاضي كده بس انا مش فاهم هتستفيد ايه مش عارف يعني انا لا بقرب لها ولا بحبها ولا بروح عندها حتى مش فاهم هيه عايزه ايه بالظبط بس كل اللي فاهمه اني مش هقدر اخسر كل ده…انا ممكن ابيع الدنيا كلها علشانك يا سلمى بس عشان امي ابويا اتجوزتها ما قدرش ابقى اناني …مقدرش اواجهه امي دي لو عرفت اني ضيعت الشركه هتروح فيها دي الحاجه الوحيده اللي بقيا لها من ابويا
بقلم…زهرة الربيع
سلمى سمعتو للاخر وهيه مصدومه وقربت منه وقالت… ليه ما حكيتليش
ليه ما قلتليش كل ده قبل ما نتجوز
عامر نزلت دمعه من عيونه وبص لعيونها وقال ….افرض رفضتي تفضلي معايا…. اعيش ازاي من غيرك انتي حياتي يا سلمى قلت لك قبل كده انتي اختياري الوحيد كل حاجه اتجبرت عليها في حياتي الا انتي القلب ده اختارك وصمم عليكي بحبك قوي اقسم بالله بحبك بحبك لدرجه ان عمري ما خنتك حتى في تفكيري
سلمى نزلت دموعها ولقت نفسها لا اراديا بتقرب منه وتحضنه وقالت بدموع ….كل حاجه هتتحل انا جنبك وانا كمان بحبك مش بس بحبك انا بعشقك يا عامر
عامر قرب منها بحب شديد وقال….
يعني انتي بجد مصدقاني لو مش مصدقاني روحي اساليها او اسألي المحامي وحمدي مدير مكتبي هو عارف كل حاجه او
سلمى قاطعته وقالت بسرعه… انا سألت قلبي قبل كل ده وهو قال لي انك بتحبني واكيد في سبب للي عملتو وانا معنديش حد اوثق فيه اكتر منك يا عامر
عامر شدها لحضنه بقوه وقرب منها في لحظات اشتياق شديده متبادله جماعتهم مع بعض
في صباح يوم جديد قامت من النوم لقت نفسها بين ايديه ابتسمت بسعاده على لهفته واشتياقه ليها امبارح وكلامه الجميل بس اختفت ابتسامتها لما افتكرت كلامه عن غاده واللي عملته
وقفت بغضب واخذت هدوم
وراحت على الحمام استحمت ولبست وطلعت على اوضة غاده فورا قبل ما عامر يصحى غاده قامت من النوم على صوت خبط على الباب فتحت عينها بنوم و راحت تفتح وهي متضايقه بس اتفاجئت بسلمى قدامها وووو
طلعت على اوضة غاده فورا قبل ما عامر يصحى غاده قامت من النوم على صوت خبط على الباب فتحت عينها بنوم و راحت تفتح وهي متضايقه بس اتفاجئت بسلمى قدامها قالت باستغراب وسخريه….. خير شوفتيني في حلمك ولا ايه
سلمى دخلت بضيق وقالت … انا مستحيل احلم بواحده زيك عارفه ليه لان طبعا انتي عارفه ان 90% من اللي بنشوفه في احلامنا هو اللي بنفكر فيه …وانتي ولا في بالي
ضحكه وقالت بسخريه….ادخلي في الموضوع على طول اكيد مش جايه تصبحي عليا
سلمى قالت بحزم….
عايزه ايه من عامر وقبل ما تكدبي وتحوري انا عرفت كل حاجه عن اللي عملتيه وطريقه جوازك منه وتهديداتك السخيفه ….انتي متخيله انك ممكن تكسبيه بالشكل ده
غاده ابتسمت بسخريه وقالت… مش مهم اكسبه المهم ما اخسروش ..انا بحب عامر من اول يوم اشتغلت معاه في الشركه وكان بالنسبه لي حلم بعيد وحاولت معاه كتير بس كان مخلص ليكي زياده عن اللزوم لدرجه انه حتى ما اهتمش بوجودي لحد ما خليته يجيني لحد عندي قدرت وخليته يتجوزني وزي ما عملت كده هقدر اشيلك من قلبه واخليه يحبني كلو بالصبر وانا بالي طويل قوي
سلمى ضحكت بسخريه وقالت….
جايز يكون بالك طويل بس عمرك ما يكونش طويل للدرجه اللي تخليه يحبك لأنك لو عشتي مية سنه مش هتكفيكي ولا هتخليه يفكر فيكي ما تضيعيش عمرك على الفاضي…. نصيحه مني ليكي عامر بيحبني انا وبس ..وكان ممكن الاول تخلصي مني و ازعل وامشي وتقدري توقعي بينا لكن دلوقتي بعد اللي عرفته مش هسيبه…و امبارح اتصالحنا وكنا في حضن بعض للصبح مشكلتك ما بقتش في انه يحبك مشكلتك بقت معايا انا وللاسف جوزي حلم بعيد على امثالك…..
اشوفك على الفطار يا ضرتي
قالت كده وخرجت وسابتها هتمـ,ـوت من الغيظ
غاده ضربت الترابيزه برجلها وقعت الحاجات من عليها وهي هتتجنن من الغضب والغيره
سلمى رجعت على الاوضه لقت عامر طالع من الحمام وقال باستغراب ….كنتي فين… ده انا لسه كنت هطلع ادور عليكي
سلمى قربت منه وقالت ابتسامه ….ابدا روحت اصبح على ضرتي
عامر اتنهد بيأس منها وقال….
يا بنتي بلاش تستفزيها دي واحده مجنونه ما نعرفش ممكن تعمل ايه
سلمى ضحكت وحضنته وقالت …ممكن تعمل ايه اكتر من انها خلتني بعيد عنك اسبوعين …عارف انا كنت باحس بايه وانت بعيد بجد كنت حاسه كأن قلبي مش معايا … كنت كل ما اجي انام احس بايدك بتحضني ما كنتش انام غير لما احس بكده كنت معايا حتى وانت غايب يا عامر
عامر ابتسم بحب وقال …انا حالي كان اسؤ من حالك ما كنتش اعرف انام غير اخر الليل لما عيني تشتكي من السهر وتلعني 1000 مره …اوقات كتير كنت اقعد مع نفسي واتمنى لو اشوفك مره واحده
احضنك مره لو هتكون اخر مره وهمـ,ـوت بين ايديك بعدها
سلمى نزلت دموعها وضمتو اكتر بحب و قالت…. ما تقولش كده يا قلبي انا بحبك قوي يا عامر….
خلاص هفضل جنبك مش هنبعد عن بعض ابدا كل اللي بيحاولو يفرقونا لما يلاقونا جنب بعض وما فيش فايده هيمشوا لوحدهم انا متاكده وهنفضل سوا باذن الله
عامر ابتسم وباس جبينها وقرب منها في لحظه جميله قوي كلها شوق وعشق متبادل
قرب بيها على السرير بس هي قالت بسرعه ….بس يا مجنون يلا هتتاخر على الشركه
عامر قال….شركة ايه دلوقتي بس….مش هروح النهارده مش عايز اسيبك ابدا
سلمى ضحكت جامد وقالت… بجد هنقعد سوا
عامر ابتسم وقال بغمز….. لا هنام سوا
سلمى ضربته في صدره وضحكت جامد وقالت… قليل الادب قوي
عامر شالها وقال…. لسه قله الادب ما بداتش
وفضلو طول اليوم مع بعض وطلبوا الاكل فوق ومنزلوش خالص
غاده كانت تحت هتجنن ما بقتش قادره تستحمل اكتر خصوصا بعد الكلام اللي قالته لها سلمى طلعت على اوضتها بغضب وكلمت شخص قالت….
اسمع انا محتاجاك في موضوع ضروري محدش هيعمله غيرك بس افهم كويس عشان الغلطه فيه بمصيبه… هافهمك كويس واول ما اتصل عليك تنفذ على طول
عند سلمى كانت نايمه بين ايدين عامر وقالت بحب ….من زمان ما قضيناش يوم جميل زي ده من الصبح واحنا مع بعض ولوحدنا
عامر باس جبينها بحب و قال ….وهنفضل مع بعض كده على طول وهعمل لك شهر عسل بدل اللي باظ…بس استني عليا كده في شويه امور لازم ارتبها
سلمى ابتسمت وقالت ….انا عسل حياتي كله معايا وبين اديا
عامر ابتسم بارتباك شديد