الطفل الصغير ابني الوحيد اتولد بعد عناء ما بعده عـ,ـناء، لدرجة إن جوزي كان متجوز قبل مني اتنين وطلقهم عشان موضوع الخِلفة وانا كنت التالتة وكنت هحصلهم في أقرب وقت كمان، لولا إن حصل الحمل أخيرا بفضل الله وخلفت، وبما إن جوزي شيخ البلد وشخص مهم فكان الموضوع بالنسباله حياة او مو*ت، لأن فكرة ان ميكونش له ابن يورثه الشياخة دي كـ,ـارثة، كـ,ـارثة بتقول انه هيمو*ت ويتقطع نسله وذِكر اسمه للأبد..
عشان كدا لما خلفت الولد كان طاير بيا من الفرحة، وجابلي نص كيلو دهب هدية ولادتي أول ما شاف ابنه، ومن أول يوم بدأ الخـ,ـوف والوسـ,ـواس يدب في قلبه ان ممكن الولد يمو*ت أو يجراله حاجة، خاصةً اننا اغنيا غنى فاحش في بلد معدومة، والكل بيبص ناحيتنا وجوزي عنده هاجس ان تأخر الخلفة كان بسبب الحسد، وانه مش مستعد يخلي الحسد يحرمه من ابنه ابدا
عشان كدا جاب ناس ترقيه مرة واتنين وتلاتة، وكنت بحس انه مش مقتنع بموضوع الرقية ده لأن مفعوله بينتهي سريعا، وكان عايز يجيب حِجاب أو تميمة يعلقها للولد في رقبته فتحميه من شر العين وشر شيـ,ـاطين الإنس والجِـ,ـن.. قصه حقيقه
وفعلا وفي يوم جاب راجل شكله غريب اوي، لابس جلبية سودة ولون عين اسود ولون العين التانية أبيض، كنت مرعوبة من شكله وخايفة من فكرة انه بس يشوف ابني، بس هعارض جوزي ازاي ده ممكن يمو*تني فيها، شيلنا الطفل للراجل ده وفضل يبص في عنين ابني وقت طويل، وبعدها وبدون مقدمات مسك مشـ,ـرط صغير وجـ,ـرح ابني في دراعه اللي اتنفض وبدأ يبكي بصوت عالي اوي، صرخت من خـ,ـوفي على ابني وحاولت امنع الراجل بس نظرة واحدة من جوزي سكتتني، وقام جاب خرزة وغرقها بدـ,ـم ابني وعملها بخيط وولع فيها بالنـ,ـار لحد ما احمرت زي جمرة اللهب، وبعدها طلب ان ابني يلبسها
وميقلعهاش تاني أبدا.. وفعلا لبسها ابني ومبقاش يقلعها حتى لو هيستحمى، ومن يومها بدأت أحداث غريبة تحصل، وبدأ ابني يتغير تماما، في الاول كان بيفضل يشاور ويلعب ويضحك ويتحرك وكأن حد بيلاعبه، ومسافة ما عدت شهور وبقا مفترض انه يبدأ ينطق بحروف وكلمات مش مفهومة حصلت الحاجة المريبة، ابني في يوم وليلة بقا بيتكلم، وبيتكلم بصوت مش متلعثم اطلاقا، يقولي تعالي رضعيني، تعالي غيريلي الحفاظة، تعالي شربيني مية، تخيل طفل عنده شهور وبيكلم أمه ترضعه..
الموضوع كان مخـ,ـيف، مُرعـ,ـب، خاصة انه لما كان بيرضع كان بيضحك ويفضل يقولي لبنك فاسـ,ـد وطعمه وحش زيك، وكان بيبقا مبسوط انه بيهين فيا ويهزقني، بل وكان لما بيرضع كان بيتعمد يبص للسقف ويشاور لحاجة ويكلمها، كان بيقول: “تعالوا ارضعوا معايا”
ومع استمرار المواقف المرعـ,ـبة دي بلغت ابوه، اللي خاف جدا يكون اتعمله عمل، قولتله ممكن تكون البتاعة اللي لابسها، ولو قلعها هنبقا كويسين، بس رفض تماما، وجاب شيخ جديد، وعمل تميمة جديدة على شكل خرزة زرقا، وعلقها من تاني في رقبته، على امل انه يكون طفل طبيعي، بس للأسف الموضوع كان مخيف اكتر، لأنه لما علق التميمة الجديدة بقا بيرجع دـ,ـم كل شوية، وبقا بيتعب كتير أوي، وجبنا شيخ تالت، وتميمة جديدة على شكل كف خماسي..
وتعب اكتر واكتر، وجبنا شيخ رابع وخامس وعاشر، لمدة ست سنين كاملين مبنعملش حاجة غير اننا بنجيب شيوخ كلهم دجـ,ـالين، لدرجة ان البيت مبقاش فيه شبر غير وفيه تميمة او حِجاب، هو نفسه بقا مكتوب على جسمه كلام كتير اوي، ومتعلق فيه كمية تمائم عجيبة، لدرجة انه بقا زي المجنون، المدرسة رفضت تكمل اول سنة معاه، لأنه بيعمل أفعال غريبة، يعض الاطفال، يفقع عنيهم بالقلم، ويزقهم من على السلم يكسـ,ـرهم، كان عنـ,ـيف وكان بيتلذذ بكل ده، وكمان كان بيفقد النُطق تماما في المدرسة ومبيقولش ولا كلمة، كل ده كان بيأكد ان الطفل مش هيكمل، وحتى لو كمل استحالة يبقا شيخ بلد
بالافعال الجنونية دي.. عشان كدا جوزي دفع مليون جنيه عشان يوصل للعارف، راجل ذاع صيته في الصعيد كله، واتقال ان العلاج مش هيكون غير على إيده، وفعلا جه الراجل وشاف ابني، وقال ان الشر اللي بيلف حوليه كبير اوي، ومفيش حِجاب او تميمة هتقدر تمنع ده، ولازم الروح نفسها تتحصن وتتحيي من جديد، ولما سألنا ده يحصل ازاي اتقال انه يتغطس في تراب القبر ويخرج تاني، وده يحصل في ظلمات الليل، يومها حاولت لأول مرة أثور، اوقف جوزي عن افعاله الجنونية اللي من ساعة ما عملناها واحنا بنجني شر في شر..
بس كان على يقين ان الحل الأخير في اللي هيعمله ده، وخد ابني غصب عني في نص الليل هو واتنين غُفرا قريبين أوي من جوزي وبيستشيرهم في كل حاجة، وراحوا على المقابر بالليل، وفضلت أدعي ربنا وانا حاسة بالفـ,ـزع عشان يهون عليا وينجينا من اللي داخلين عليه..
وكلها ساعتين ولقيت واحد من الغُفرا اللي كانوا معاهم جاي مفزوع وبيتنفض، وقال ان القـ,ـبر اتقفل على جوزي وابني والغفير التاني، كلمت أهل جوزي وجرينا وهناك كان الرعـ,ـب في انتظارنا، جثـ,ـتين جوة المقبـ,ـرة وابني فوق منهم قاعد مبتسم، فرحان، ولما قربنا منه بدأ يزوم زي الحيوان، وفي النهاية قدرنا نتمكن منه ورجعناه البيت وسط رعب وذهول لمو*ت جوزي شيخ البلد والغفير..
وبعد الغسل والدفـ,ـن مرة تانية بدأ الغفير التاني يحكي كلام غريب اوي اوي، قال ان ابني كشف جوة القـ,ـبر سر مرعـ,ـب، وقال ان الغفير الأول هو السبب في كل ده، كان عارف ان جوزي موهوم وهيخاف على ابنه اوي ومستعد يعمل اي حاجة عشان يحميه، فجاب الشيخ واوهم جوزي انه جاي يحصن ابني، وهو في الحقيقة جاي يأذي ابني عشان جوزي يدخل السكة دي برجله وميخرجش منها، وكل شيخ كان بياخد مبلغ ضخم وينصص مع الغفير اللي استحلى الموضَوع، وبقا كل كام شهر يدل جوزي ع دجـ,ـال، ويجيب الدجال بالاتفاق، يأذي الطفل وياخد مبلغ كبير، ولما جوزي يلاقي الطفل مأذي يجيب
غيره، وهكذا وهكذا لحد ما جه العارف، الوحيد اللي جه عن طريق الغفير الثاني المحترم اللي بيحب جوزي بجد.. وقالنا على موضوع الغطس في القـ,ـبر ده، وهناك اتكشفت المواضيع جوة القـ,ـبر، ابني ملبوس ومأذي من اول ما الشيخ الأول عمله الخرزة إياها، وان ابني كان هيبقا طبيعي جدا لو معملش كل ده واكتفى بالتحصين بكتاب الله، وبعدها اتقفل باب القـ,ـبر، وسمع صوت صريخ مرعـ,ـب من جوة..
سمعت الكلام ده وبكيت كتير أوي، بكيت لأن جوزي رفض يؤمن بأن الحافظ هو الله وكلامه، وصدق ان التميمة هي اللي هتحفظ، كان بيدمر ابنه يوم بعد يوم بسبب طمع غفير قذر، وفي النهاية مات مو*تة بشعة، مو*تة يستحقها.. وفضلت ست سنين كاملين بعالج في ابني بالقرآن، يقيني بالله مضعفش طول المدة دي ولو ساعة واحدة، لحد ما رجع طبيعي،. بقا كويس، وانهاردة بقا يروح المدرسة ويجيب درجات كمان، والحمد لله على كل حال..