لقيت أختي بتتفرج علي فيديو غريب علي الإنترنت إمبارح … و حاولت أعرف هي بتعمل إيه ! كنت رايح أوضتها عشان أقولها إن الوقت إتأخر و لازم تنام ، لما قربت من أوضتها سمعت صوت غريب ، صوت مش صوتها هيّ ، فتحت الباب شوية و بصيت منه و لقيتها بتتفرج علي فيديو أونلاين علي الإنترنت و إسمحولي هقولكم بالتفصيل أنا شفت إيه
الصورة كانت جوا إطار ملون شكله مبهج ، مليان قلوب و زهور شكلها حلو ، في وسط الصفحة كان الفيديو شغال ، الفيديو كان عبارة عن شخص لابس بدلة أرنب عيد الفصح ، مش عارف ليه بس أنا خفت من شكله جدًا ، كنت حاسس إن فيه حاجة غلط ، برغم إن الأطار و ألوانه كانوا مبينين إن ده موقع للأطفال ، أختي عندها 7 سنين بس
الأرنب في الفيديو أو الشخص اللي لابس أرنب ده كان باصص للكاميرا و بيتكم ، لما كنت علي الباب سمعته بيقول بصوت هادي و كأنه بيكلم أختي بس : ” ممكن أطلب منك طلب و تعمليه ؟ ، لو ممكن هزي راسك ” دخلت راسي أكتر من فتحة الباب ، و شفت أختي بتهز راسها موافقة ، بهدوء بدأت أنتبه للموضوع و أركز فيه بهدوء الأرنب سألها : ” إنتي عندك بابا و ماما … صح ؟؟ ”
هزت راسها بالموافقة ” و عندك أخ ؟ ” هزت راسها بالموافقة ” و أخت ؟ ” هزت راسها بالموافقة قالها بهدوء شرير : ” أقولك سر ؟ ” بدأت تنتبه و بان علي وشها الإهتمام ، قالها بصوت واطي : ” كلهم بييجوا يلعبوا معايا و بيقولولي إنهم مش عاوزينك تيجي تلعبي معايا ، تفتكري هما صح ؟ ” هزت راسها بالرفض بدأ يتكلم تاني : ” أنا هاجي البيت قريب و هختار واحد بس يلعب معايا منكم كلكم ، عارفة هتعملي إيه لو عاوزاني أختارك إنتي ؟ ”
هزت راسها بالموافقة الأرنب ضحك ضحكة مخيفة و قالها : ” يعني ممكن آجي النهاردة بالليل عشان نلعب سوا ؟ ” هزت راسها بالموافقة الأرنب سكت فجأة و بعدين قالها بصوت مختلف : ” أخوكي واقف علي الباب بيراقبنا علي فكرة ” في اللحظة دي دخلت الأوضة بسرعة و شديت اللاب توب من إيدها قبل ما تلحق تقفله أو تعمل أي حاجة ، كنت فاكر إن ده برنامج السكايب أو أي حاجة زي دي
إتصـ,ـدمت و إتفاجئت إنه فيديو عادي جدًا و شغال علي برنامج من برامج تشغيل الفيديوهات ، سألتها علي الموقع اللي جابت من عليه الفيديو ده و كشرت في وشي و رفضت تتكلم حاولت أفتح الهيستوري عشان أجيب منه اسم الموقع لكن فوجئت إن الهيستوري كله ممسوح ! سبتلها اللاب و قلتلها تنام و كفاية سهر ، كنت هقول لبابا و ماما كل حاجة بكرة و أخليهم يشوفوا ليها حل
حاولت أنام لكن كلمة أخوكي بيراقبنا كانت بتطاردني ، لو مكانش ده فيديو لايف عرف منين إني براقبهم ، عرف منين أصلًا إني كنت موجود ، إزاي شافني لو هو مجرد فيديو عادي ! فضلت أفكر لحد ما نمت من غير ما أحس أو آخد بالي ! الصبح لما صحيت إستغربت من حاجتين ، أولًا إزاي محدش صحاني لحد دلوقت و ده كان حاجة غريبة جدًا و ثانيًا إزاي البيت هادي بالشكل ده و دي
كانت حاجة أغرب … و تخـ,ـوف أكتر ! دخلت أوضة بابا و ماما أول حاجة ماما مقت*ولة في السرير و مط*عونة أكتر من 20 طـ,ـعنة ، بابا تقريبًا صحي و حاول يدافع عنها لأنه مط*عون و مرمي جنب السرير ، الأوضة مليانة د*م الستاير كلها د*م الملايات غرقانة د*م ! أختي التانية إتخنقت و هي نايمة بالمخدة ، وشها أزرق و علي وشها نظرة رعب مالهاش مثيل أختي اللي كانت بتتفرج علي الفيديو مش موجودة خالص !
إختـ,ـفت تمامًا الدليل الوحيد اللي الشرطة لقته كان بدلة الأرنب اللي كان لابسها في الفيديو و هي غرقانة د*م بشكل مخيف ، و عليها ورقة مكتوبة بخط حلو جدًا …. ( إوعي تفكر إننا نسيناك ، هنجيلك ، بس لما وقتك ييجي … هعيشك في رعـ,ـب لحد ما أجيلك ) الشرطة لحد دلوقت ملقتش أي دليل علي اللي أهلي الشرطة لحد دلوقت ملقتش أي دليل علي اللي خـ,ـطف أختي أنا كل يوم و كل ليلة و كل ساعة بتعدي عليّا بخـ,ـاف أكتر … خايف وقتي ييجي و ييجي يم*وتني … أنا بقيت عايش في رعب !
#بتاع_الرعب