احمد : فكري فيها منيح اول شي ابعدي فكره انو غصبونا على الجازه اعتبرينا نحنا اخترنا بعض
غنى : بس انا ما اخترتك
احمد : واعتبرينا انو نحن هلأ مخطوبين …
غني : يعني انت ب..
احمد: اي بحبك ولح استناكي لحتى تحبيني
كنت مصدومه من الكلام معقول احمد بحبني معقول ….
رجعنا على البيت اخدت دوش ولبست بيجامه زهر وفلتت شعراتي طلعت من باب الحمام لقيت احمد بوجهي
احمد: حمام الهنا
غنى : الله يهنيك
احمد : بدك تنامي
غنى : اي وانت
احمد :
اي بستناكي
غنى : تصبح على خير
احمد :وانتي من اهلو
طلع احمد برا الغرفه ودخلت تحت الحاف انا دقيقتين وكان احمد جنبي ع تخت
احمد : بدي نام جنبك
غنى : شو والاتفاق
احمد : تعبت من نومة الكنبه وضهري وجعني كل واحد بنام على طرف التخت
غنى : بالله شو عم تمزح استاذ احمد
احمد : والله بحكي جد
نمنا انا وياه بنفس الغرفه وبنفس التخت وفقت الصبح كنت بح.ضنو ما بعرف كيف …..
صرنا ننام كل ليله بنفس الغرفه ونضحك ونحكي سوا قبل ما انام ويحطني احمد بح.ضنو وانا.م كنت مبسوطه كتير وقلبي عم يخفق بقوه وكل ليله كان احمد يستناني البس قميص العرايس وانا لحد هاللحظه ما لبستو بس عنجد يوم عن يوم كنت حبو بشخصيتو بحنانو بعطفو عليه كنت حس انو اخويا الي ربنا ما اعطاني اياه كان حبنا طاهر شريف
بس لسه خايفه سلمو حالي خايفه يتغير بعد ما ياخد كل اشي مني خايفه تصير حياتنا ممله متل بعض المتجوزين رجعت ع جامعه وبطلت شوفها لمرتعمي ااالاا بالمناسبات بس طبعا ما كنت خلصانه من لسانها وغلطها عليي وعلى امي …
غمرني احمد كتير عند الباب وباسني على خدي وطلع على شغلو ….ضبيت البيت ..وكنت دايخه كتير ومعدتي بتجعني ما قدرت روح على الجامعه نزلت عند دار عمي وشفتني مرتعمي دايخه وبستفرغ …
ام احمد : شو بدك تجبيلي حفيد منك انا ما بدي عملتيها وحبلتي لحتى تتمكني …..
غنى : الظاهر اخد برد مرت عمي
ام احمد : اي ما بدك تحكيلي انك حامل خايفه احسدك لا تخافي ما بحسد عندي اربع اولاد مش متل امك جابتك وماعرفت تجيب غيرك …
غنى : مرت عمي انا بردانه مش اكتر
ام احمد :
اي روح ارتاحي فوق ببيتك
طلعت على بيتي تسطحت شوي ١٠ دقايق وكان احمد عندي
احمد : انتي حامل غنى
غنى : احمد جاي بكير
احمد : سألتك انتي حامل
غنى : شو عم تحكي انت اكيد جنيت
مسكني من ايدي ولفها ورا ضهري وقربني لعندو سألتك جاوبي
غنى : لك ترك ايدي عم توجعني كيف بدي احمل وانت ما لمستني
احمد : اي احكيلي انتي كيف يا شريفه بتحبلي وانا لسه ما لمستك بتخونيني
غنى : مجنون انت كيف هيك بتحكي
احمد : مين هو احكي
غنى :
مين هو …
احمد : يلي سلمتيلو حالك
غنى : انا مش حامل واترك ايدي بردانه بس
احمد : والتحليل
غنى : لك اي تحليل انا ما حللت اصلا مين قلك اني حللت
احمد: امي يعني كذابه وليش لتكذب اصلا
غنى : روح جيب فحص حمل ولو طلعت حامل طلقني ولو ما طلعت حامل كمان بدك تطلقني لانو يلي بحب حدا ما بشك فيه وانت عم تتهمني بسمعتي …
نزل احمد وجاب فحص حمل وطلعت النتيجه سلبيه ما في حمل
غنى شو سكتت
احمد:
انا اسف بس لما امي قلتلي انها جبتلك فحص وطلعتي حامل حسيت برج من راسي طار سامحيني غني
غنى : طلقني ما بدي عيش معك ولا دقيقه
احمد : والله انا بحبك وما بستغني عنك
غنى : انت كذاب لو بتحبني ما بتطعني بسمعتي وشرفي
يا خساره ك.سرتني من جوا هدمت كل الاشياء الحلوه يلي بيناتنا
احمد: برجع ببنيها من جديد اعطيني فرصه بس
غنى : طللقني
…..
احمد: انا بحبك والله بحبك صرلنا شهرين متجوزين وكل ليله بستناكي تكوني اميرتي وانتي رافضه
غنى : طلقني
احمد : انتي كنت عطول تهربي مني ما بدك اياني صرتي بتعرفيني منيح وانا تعبت بدي اياكي وانتي بالمقابل ما بتهتمي ولا حتى عبرتيلي عن اعجابك فيني شكيت انو في حدا تاني بقلبك ولما امي قالتلي انك حامل ومتأكدة وسألتها فحصتو وقالت ايه حسيت حالي ضعيف وبردان كتير انتي الهوا يلي بتنفسو غنى بغار عليكي مجنون فيكي اعطيني حبك وثقتك
غنى : انت حاليا ما الك ولا اي شي بقلبي اذا ونحنا لسه بنبني بالحب هدمتو وك.سرتو انت واحد مجنون ….لح كمل معك كمان ٣ شهور على الاتفاق الاول وبعدها رح نطلق …
احمد :
بس انا بحبك
غنى : وانا بكرهك
….
كانت عيونو متل الجمر وايديه عم يرتعشو طلع بسرعة من البيت وخبط الباب وراه وانا قعدت على الارض وصرت ابكي بجنون هدمني ك.سرني …كنت حاسة انو قلبي متل الجمر جسمي كلو نار ..الدمعه بتنزل من عيوني بتحرق خدووودي لك وانا بحبك والله بحبك والله بتنفسك …..بكيت كتير ما بعرف كيف نمت على الارض صحيت على صوت موبايلي وهو برن ….تطلعت حوليي الدنيا ليل طلعت الساعه ١ ونص ….رقم غريب ….
#يتبع،،،،