لغز سماسم

لغز سماسم قصة حقيقية بقلم عادل عبد الله ملحوظة … ” تم تغيير الاسماء ”

في قسم الشرطة …
يقف ابراهيم ” ٢٣ سنة ” امام الضابط قائلا : انا جاي يا فندم اقدم بلاغ .
الضابط : اتفضل تبلغ عن ايه ؟؟
ابراهيم : انا روحت ازور والدتي في بيتها رنيت الجرس كتير مش فتحت ، وفيه ريحة وحشة جدا خارجة من الشقة وخايف يكون حصلها حاجة !!
الضابط : اخر مرة روحت لوالدتك او اتصلت بيها كان امتي ؟؟
ابراهيم : من حوالي اسبوعين .
الضابط : اسبوعين كاملين متعرفش حاجة عن والدتك !!! مش كتير ؟؟
ابراهيم : ظروف يا فندم ، يعني شوية خلافات .

الضابط : خلافات !!! طيب انا جاي معاك اشوف فيه ايه ؟؟ امام باب شقة الحاجة سماسم …
يقف الضابط وابراهيم ومعهم قوة شرطية ، رائحة كريهة تنبعث من الشقة دون سبب واضح !!
الضابط : لازم نكسر. باب الشقة .

بعد فتح الباب يدخلون جميعا يبحثون داخل الشقة ولكنهم لا يجدوا والدته !!!
الرائحة الكريهة واضحة للغاية !!
تنتشر في الشقة عدة صور فوتوغرافية للمذكورة ويبدو عليها الاهتمام بمظهرها بشدة !!
دولاب الملابس مفتوح والملابس مبعثرة دليل علي حدوث سر.قة !!!
يوجد داخل علبة صغيرة في دولاب الملابس عقد زواج عرفي باسم سماسم و ممدوح مؤرخ منذ ما يقارب عام !!!

يتضح علي محتويات الشقة وجود حالة من الشجا.ر والمقا.ومة !!!
يتجولون داخل الشقة حتي يصلوا الي ” كرتونة غسالة كبيرة ” الرائحة منبعثة منها بقوة !!
يفتحها الضابط ليجد ج.ثة شبة متحللة داخلها !!!
يبدو انها قد مر عليها عدة أيام !!! الضابط : هي دي والدتك ؟؟
ابراهيم : ايوه يا فندم . يستدعي الضابط رجال البحث الجنائي والطب الشرعي ليجدوا اثار للد.ماء في عدة اماكن بالشقة !!
لا توجد مظاهر لدخول الشقة بالقو.ة .
يقومون برفع البصمات واستكمال عملهم .

ينظر الضابط لابراهيم ثم يقول : طيب تعالي معايا نكمل كلامنا في القسم . في قسم الشرطة …
الضابط : ليك كام اخ واخت يا ابراهيم ؟
ابراهيم : كان ليا اخ واحد وما.ت .
الضابط : الله يرحمه ، و انت متجوز يا ابراهيم ولا لسه؟؟
ابراهيم : لأ لسه .
الضابط : انت عايش مع مين ؟
ابراهيم : عايش لوحدي في شقة ابويا الله يرحمه .
الضابط : وليه مش عايش مع والدتك ؟؟
ابراهيم ” يصمت قليلا ” ثم يقول : قولت لحضرتك كان فيه خلافات .
الضابط : سبب الخلافات ايه ؟؟
ابراهبم :

والدتي كانت لها حياتها الخاصة وكانت رافضة اننا ندخل فيها .
الضابط : حياتها الخاصة بمعني ايه ؟ قصدك مشيها كان شمال ؟؟
ابراهيم : لا يا فندم مش كده ، لكن كانت بتتجوز عرفي كتير وانا واخويا الله يرحمه كنا رافضين علشان سمعتنا خصوصا انها كبيرة في السن وعيب. تعمل كده !!
الضابط : والدتك كان عندها كام سنة ؟
ابراهيم : ٥٧ سنة .
الضابط : اخوك ما.ت ازاي يا ابراهيم ؟؟
ابراهيم : حمدي انت.حر الله يرحمه ويسامحه بسبب معا.يرة الناس له بأمه .
الضابط :

يبقي انت اكيد قت.لتها انت.قام لأخوك وعلشان تتخلص.من سمعتها اللي بتطا.دك ؟؟
ابراهيم : لا يا فندم ، مش انا ، انا مستحيل اعمل كده !! دي مهما حصل امي .
الضابط : هنعرف يا ابراهيم اذا كنت عملت كده ولا لأ ، لكن لازم تفضل معانا هنا علي ذمة التحقيق .

بعد ايام …
يجلس الضابط ويقرأ التحريات التي دلت علي …
المجنني عليها كانت متعددة الزبجات وخاصة من شباب صغار العمر و علي فترات قصيرة ، وكانت تشترط علي ازواجها عدم الاقامة الكاملة معها في مسكنها !!!
المجني عليها كانت تقوم بالانفاق ببذخ سواء علي نفسها او ازواجها بالرغم من ان معاشها كان قليل !!! يقف الضابط ويفكر ” ازاي معاشها قليل وبتصرف ببذخ علي نفسها وعلي اجوازها كمان ؟!! ده معني كده ان لها مصدر مش معروف غير المعاش واللي بتتجوزهم !!! ايه هو المصدر ده ؟؟

يستدعي الضابط ممدوح زوج سماسم في العقد العرفي …
الضابط : اسمك وسنك وشغلك ؟؟
ممدوح : اسمي ممدوح ٢٧ سنة شغال قهوجي .
الضابط : انت متجوز سماسم ؟؟
ممدوح : كنت متجوزها عرفي من حوالي سنة و سيبتها .
الضابط : ازاي تكون في عز شبابك وتتجوز واحدة من سن امك ؟!!
ممدوح : ضعفت يا بيه ، جوازة ببلاش وكان معها فلوس ومش هخسر حاجة .
الضابط : كنت بتاخد منها فلوس ؟
ممدوح : ايوه .
الضابط : وسبتها ليه؟؟
ممدوح :

اختلفنا بسبب الفلوس ، سماسم بالرغم ان كان معها فلوس بس مش بتصرف الا بمزاجها .
الضابط : سماسم كانت بتجيب الفلوس دي منين ؟؟
ممدوح : كانت بتشحت .
الضابط : معقول !!! متسولة ؟؟؟
ممدوح : ايوه ، كانت تخرج بهدوم نضيفة و تغيرها تشحت بهدوم مبهد.لة وقبل ما ترجع تلبس هدومها تاني .
الضابط : انتوا سيبتوا بعض امتي ؟؟
ممدوح : احنا اتجوزنا شهرين بس وبعدها سيبنا بعض .
الضابط : واتجوزت بعدك ولا لأ ؟؟
ممدوح : ايوه سماسم اتجوزت واحد اسمه شادي .
الضابط :

امتي واطلقت منه ولا لسه ؟؟
ممدوح : من حوالي ٤ شهور ومعرفش لسه متجوزين ولا سابوا بعض ؟؟

يستدعي الضابط زوجها شادي ويسأله …
الضابط : اسمك وسنك وشغلك ؟؟
شادي : اسمي شادي ٣١ سنة ، حاليا مش بشتغل .
الضابط : علاقتك ايه بسماسم ؟؟
شادي : متجوزين .
الضابط : عرفي ؟
شادي : ايوه .
الضابط : ليه تتجوز ست كبيرة في السن ده وانت لسه شاب ؟؟
شادي : حبينا بعض .
الضابط : كنت بتحبها ؟
شادي : ايوه .
الضابط : المرحومة اتقت.لت وفضلت فترة علي ما اتعرف انها ما.تت ، مش اتصلت بها الفترة دي اثناء غيابها ؟؟

شادي : هي كانت شارطة عليا متصلش بيها الا لما هي تتصل . بعد ايام من جمع التحريات والادلة الجنا.ئية استدعي الضابط الثلاثة من محبسهم ” ابراهيم وممدوح وشادي ” .
وقفوا الثلاثة امامه ثم قال لهم : احنا عرفنا مين فيكم اللي قت.لها ، اللي بير.تكب جر.يمة لازم يترك اثر ، ودايما بيرجع لمكان الجر.يمة يتابع اللي بيحصل علشان يطمن !!!
ثم صمت لدقائق …
ثم نظر لابنها قائلا : ابراهيم ، انت برئ ، تقدر تتفضل تمشي دلوقتي .
ثم نظر لممدوح قائلا :

وانت جوازك من ست زي دي كان السبب انك تتحبس علي ذمة القضية الايام اللي فاتت ، تقدر تتفضل تروح ، انت ملكش علاقة بالجر.يمة .
ثم نظر لشادي الذي وضح عليك الارتباك والتوتر بشدة وقال :

اما انت يا شادي فعلشان العدالة تاخد مجراها كان لازم تسيب اثر وهو بعض بقع الد.م اللي كان موجود في مكان الحا.دث وكانت فصيلته مختلفة عن فصيلة المج.ني عليها ، ده غير ان فيه شهود شهدوا انك سألت اكتر من واحد عن سماسم واذا كان حصلها حاجة ولا لأ علشان تطمن نفسك ، ده غير اننا عرفنا انك واخوك متخصصين في الزواج من كبار السن والاست.يلاء علي اموالهم ، اللي عايز اعرفه منك انت ليه عملت فيها كده ؟؟
شادي :

يا بيه انا اتجوزتها علشان الفلوس وهي في الاول كنت باخد منها اللي انا عايزه ، بعد كده بدأت تبخل عليا رغم انها بتكسب الفلوس بدون تعب من الشحاتة .
الضابط : وانت اللي سر.قت محتويات الشقة ؟؟
شادي : ايوه يا بيه . بعد شهور …
تم الحكم علي شادي بالأ.عد.ام !!! تمت . مع تحياتي / عادل عبد الله