أنا بغيظ:ده يوسف ابن خالي يوسف سلم عليها وكان مبتسم وانا تغظت اوي بعد ما مشيت اتنرفزت وقولتله انا:شكلها عاجباك تحب اظبطلك معاها يوسف:ايه يا حببتي اللي انتي بتقوليه ده عاجباني ايه بس أنا بحبك انتي وعمري ما ابص لواحدة تانية انا:لا والله ما هو واضح سلمت عليها وكنت مبسوط اوي وبتضحك يوسف:إسراء انتي مكبرة الموضوع أنا سلمت عليها عشان محرجهاش مش اكتر،انتي مش بتثقي في حبي ليكي يبقي انتي مش بتحبيني
أنا بسرعة :لا أنا بحبك اوي يا يوسف وبثق فيك بس أنا بغير عليك اوي وخصوصا اني مبحبش البنت دي يوسف:خلاص يا اسراء مسكت ايده عشان حسيت انه لسه زعلان مني:لا أنا حاسة انك لسة زعلان أنا اسفة (وكنت هعيط وعيني اتملت دموع) حط ايده علي وشي ومسحلي دموعي وانا اترعشت من قربه ومن لمسته اللي علي خدي يوسف:إسراء مبحبش اشوف دموعك، أنا مش زعلان خلاص ، ممكن متعيطيش تاني
كنت باصة في عينيه وهزيت راسي بمعني حاضر، بعدها هو بعد وانا بعدت وخدت نفسي اللي كنت حابساه وهو قريب مني عدي اسبوع وكنت كل يوم اقابل يوسف برة البيت، واهملت في دراستي وفي صلاتي. يوسف مشي من عندنا وراح سكن الكليه عشان الدراسة ابتدت في يوم اتقابلت أنا وهو وكنا قاعدين في كافيه ونتكلم لقيت واحد زميلي جاي علينا ارتبكت لانه كان معجب بيا وانا رفضته ويوسف اكيد هيتعصب
احمد:ازيك يا إسراء عاملة ايه وحشتيني من آخر مرة اتقابلنا فيها أنا اتصدمت من كلامه لاني عمري ما قابلته قبل كدة أنا بارتباك:بس احنا متقابلناش اصلا احمد:قصدي لما كنا في الدرس يوسف بيجز علي سنانه:مش تعرفينا مين ده أنا بارتباك :ده ده أحمد زميلي في الدرس، وده يوسف ابن خالي احمد:احمد زميلها، وبحبها أنا حطيت ايدي علي بؤي من اللي قاله، ويوسف اتعصب وضـ,ـربه في وشه، أنا شهقت والكافيه كله اتلم علينا عشان يخلصوا احمد من تحت ايد يوسف
يوسف وهو بيضرب احمد:بتحبها يا ابن ال***** أنا هعرفك تتجرأ تبصلها ازاي يا ****، إسراء دي خط أحمر انت فاهم أنا فضلت اعيط واترعش لاني اتفضحت في الكافيه كله واكيد الناس فهمت، الناس خلصوا احمد من تحت ايد يوسف بالعافية، ويوسف شدني من ايدي جامد ومشينا ركبنا الاسانسير وانا كنت خايفة من منظره كان متعصب اوي وانا اول مرة اشوفه كدة أنا ببكاء:يوس مكملتش كلامي ولقيته زقني علي المراية اللي ورايا وقرب مني جامد و باسني بغضب لدرجة شفايفي نزلت دم
بعد عني وانا مكنتش قادرة اتنفس وقالي :إسراء انتي بتاعتي أنا وبس انتي فاهمة مكنتش عارفة اتكلم لساني اتربط من اللي حصل عيط ولطشته بالقلم بكل قوتي، وصرخت فيه: انت ايه اللي عملته ده انت بوستني احنا وصلنا للمرحلة دي أنا كنت فكراك بتحبني عيطت بهيستريا وباب الاسانسير اتفتح جريت وانا بعيط، وهو فضل يمشي ورايا عشان يلحقني ويتأسفلي بس أنا مستنتهوش ومسمعتهوش يوسف :ااسراااء ارجوكي اسمعيني ااسراااء روحت البيت وانا بعيط دخلت علي اوضتي عشان محدش يشوفني وانا بعيط ويشك فيا، لقيته بيتصل عليا قفلت التليفون
ودخلت الحمام غسلت وشي وبصيت في المرايا وبصيت علي شفايفي المتعورة عيط، وكلمت نفسي في المراية “انتي عمرك ما كنتي كدة ازاي وصلتي للمرحلة دي، انتي كنتي بتصلي وبتخافي ربنا، عمرك ما فكرتي انك تكلمي ولاد ليه ضعفتي قدام يوسف، حبتيه! بس حبك كان غلط كان حرام وهو استسهلك ومسك ايدك و باسك” اتوضيت وصليت ولأول مرة اصلي بخشوع من ساعة ما عرفت يوسف، عيط كتير اوي ودعيت لربنا انه يغفرلي ويطلع حبه من قلبي.
يتبع. بجد فرحتوني اوي، شكرا علي التفاعل، وشكرا علي 2k البارت الاول البارت التاني #مابين الحب والحرب #البارت التالت عدي اسبوع علي الموقف اللي حصل ما بينا وانا قافلة تليفوني ومش بطلع من اوضتي ومش مبطلة عياط ماما:يا بنتي هتفضلي حابسة نفسك كدة، أنا قلقانة عليكي ريحيني يا بنتي قوليلي فيكي ايه وايه اللي شقلب حالك كدة اترميت في ح.ضن ماما وفضلت اعيط جامد وهي مشيت ايديها علي ضهري عشان تهديني
انا:تعبانة اوي يا ماما تعبانة اوي وموجوعة ماما:يا قلب امك ريحيني واحكيلي ايه اللي حصل، انتي مكنتيش كدة يا إسراء بقالك فترة مهملة في دراستك وصلاتك، احكيلي يا حببتي أنا امك صدقيني هريحك لو حكيتي أنا ببكاء:اللي عملته ميتغفرش يا ماما أنا وحشة اوي، لازم اعاقب نفسي أنا نفسي ام*وت ماما:بعد الشر عليكي يا حبيبتي اوعي تقولي كدة ده أنا عايشة علشانك، ومهما كان اللي عملتيه فربنا غفور رحيم اهم حاجة تتعلمي من غلطك
انا:بس اللي عملته حاجة غلط ماما:احكيلي يا حبيبتي صدقيني أنا اكتر واحدة بحبك وعمري ما هأذيكي احكيلي أنا مامتك أنا بخوف: يعني مش هتقولي لبابا ماما:لا يا حبيبتي اوعدك انه يفضل سر ما بينا بس ريحي قلبي وقليلي مالك انا: ************* حكيت لماما علي كل حاجة من ساعة لما يوسف بعتلي الادد واتعرفنا لحد اخر موقف حصل، كنت بحكيلها وانا بعيط وقرفانة من نفسي، أنا ازاي كنت بعمل كدة.
ماما بهدوء قربت مني وكنت افتكرها هتضربني بالقلم دي أقل حاجة تعملها اي واحدة مكانها اتخدعت في بنتها، بس اللي حصل عكس اللي اتوقعه لقيتها شدتني لح.ضنها وهي أول لما عملت كدة عيط كتير اوي في ح.ضنها اتكلمت بشهقات وانا بعيط: أنا اانا وحشة اوي يا ماما وحشة اوي عصيت ربنا كتير أنا والله عمري ما كنت كدة بس أنا حبيته غصب عني، اضربيني يا ماما عاقبيني أنا متستهلش ح.ضنك ده مستهلهوش
خرجتني من ح.ضنها ومسكت وشي بإيديها واتفجأت انها بتعيط عيط اكتر وانا شايفاها كدة وانا السبب في الدموع ديه ماما:انتي غلطي يا إسراء غلطي عشان خبيتي عليا الموضوع من الاول لو كنتي قولتيلي مكانش كل ده هيحصل، أنا عارفة انك حبيتيه بجد عشان كدة كنتي بتسمعي كلامه بس أنا ربيتك ان الكلام مع الولاد غلط عشان متوصليش للانتي وصلتيله. أنا :بس ربنا مش هيغفرلي أنا اللي عملته حاجة وحشة اوي ومفوقتش غير بعد فوات الاوان
ماما مسحت علي شعري:غلط يا حبيبتي انك تقولي كدة ربنا غفور رحيم صلي واستغفري وقربي من ربنا ومتيئسيش ابدا ربنا قال في كتابه العزيز:(ولا تيأسو من روح الله إنه لا ييأس من روح الله إلا القوم الكافرون) انا:حاضر يا ماما بس انتي مسمحاني ماما:اهم حاجة ربنا يسامحك، بس لازم تكوني عارفة انك غلطتي عشان متكرريهاش تاني انا:صدقيني يا ماما أنا عمري ما هخبي عليكي حاجة تاني
ماما: انتي بقالك اسبوع قاعدة في اوضتك، أنا مش عايزاك كدة يا حبيبتي روحي دروسك وذاكري عشان امتحاناتك قربت انتي في تانية ثانوي يعني شدي حيلك وانسي كل حاجة حصلت وابدأي من جديد وانا معاكي ومش هسيبك ابدا ح.ضنت ماما أنا فعلا عمري ما كنت هحس بالأمان والاطمئنان قد اللحظة دي ماما بمجرد ما حكيتلها زالت من علي قلبي هم وحزن كبير خليتني عندي اصرار اني ارجع زي زمان، أنا قررت اني ازاكر والحق نفسي لان امتحاناتي قربت
انا:ربنا يخليكي ليا يا ماما ماما:ويخليكي ليا يا نن عيني، انتي بقالك فترة قاعدة في اوضتك واكيد مخنوقة ايه رأيك نخرج انا:مليش نفس يا ماما ماما:احنا قولنا ايه نرمي ورا ضهرنا وننسي، قومي يلا البسي هنروح عند صحبتي اقعد معاها وانتي اقعدي مع بنتها قدك في السن ومؤدبة وطيبة جدا وهتحبيها وهتبقوا صحاب كمان يلا قومي البسي انا:حاضر يا ماما “ماما اصريت انها توديني عند البنت ديه عشان عايزاني اصحبها عشان عارفة انها بنت مؤدبة ولما اصحبها هتدلني للطريق الصح، عشان ساعات الواحد بيقتدي باللي في سنه فهي حبيت انها تكون صاحبتي عشان تخرجني من اللي انا فيه”
لبست وروحت مع ماما، طنط صاحبت ماما استقبلتنا وسلمت عليها وبعدها ندهت بنتها، سلمي، كان شكلها بشوش اوي ومرح سلمت علي ماما وبعدها سلمت عليا واخدتني اوضتها وانا كنت متوترة لاني مليش صحاب خالص، وعمري ما كان فيه واحدة قريبة مني سلمي :مالك يا بنتي شكلك مكسوفة ولا ايه ابتسمت:لا خالص بس مش متعودة اتعرف علي ناس بسرعة سلمي:معندكيش صحاب انا:للأسف معنديش سلمي:خلاص يا ستي ممكن أنا وانتي نبقي صحاب من النهاردة، عشان أنا كمان معنديش صحاب
ابتسمتلها:تمام وانا موافقة فضلنا نحكي ونتعرف أنا وهي، وعرفت عنها حاجات كتير اوي قد ايه هي متدينة وجميلة ماشاء الله،وحبيتها اوي ودخلت قلبي بسرعة انا:بجد القعدة معاكي جميلة اوي ومريحة سلمي:حببتي وانا حبيتك جدا، احنا خلاص بقينا صحاب متفقين أنا :متفقين لفت نظري كتاب كان علي المكتب فمسكته وسألتها كتاب ايه ده سلمي:دي رواية اسمها في الحلال، معقول متعرفيهاش انا:لا الصراحة معرفهاش يعني مليش في الروايات اوي سلمي ضحكت:لا أنا بقي بمو*ت في حاجة اسمها روايات بالذات الروايات الدينية بتبقي جميلة اوي
أنا باستغراب:هو في روايات دينية يعني وديه بتتكلم عن ايه، أنا أعرف أن الروايات بتبقي عن قصة حب بين اتنين ايه اللي دخل الدين فيها سلمي:ومين قالك ان الروايات الدينية مفيهاش قصص حب انا:يعني بيحبوا بعض عادي سلمي: ليه في ناس معتقدة ان الحب للي بيرتبطوا بارتباط من غير جواز او خطوبة انا:ما هي دي الحقيقة، لأن أغلبية المتجوزين بيتجوزوا صالونات مفيش قصة حب بتجمعهم سلمي:سمعتي قبل كدة عن الحب الحلال
انا:هو احنا ينفع نحب في الحلال، اومال ليه بيقولوا ان الحب حرام سلمي:ده معتقد خاطئ ناس جاهلة اخترعته، بس الحب ربنا عمره ما حرمه بس اهم حاجة لما نحب حد نحبه في الحلال انا:ازاي بقي سلمي مسكت الكتاب وادتهولي:خدي اقرأي الرواية دي وانتي تعرفي بجد جميلة جدا وهتعجبك اخدتها منها واخدت رقمها وبعدها مشيت أنا وماما دخلت اوضتي وانا بفكر في كلامها يعني أنا ممكن احب وربنا راضي عني طب ليه يوسف خلاني احبه حب غلط وحرام يبقي هو مبيحبنيش، طلعته من دماغي عشان لو افتكرته تاني هعيط وانا مش عايزة كدة
كنت كل يوم بصحي اصلي الفجر واذاكر وفي بريك المذاكرة كنت بقرأ شوية من الرواية أحداثها شدتني اوي وعجبتني جدا وعيط اوي لما احمد اللي في الرواية مات، لاني حسيت ان انا ممكن امو*ت وربنا مش راضي عني، خلصت الرواية وبجد غيرت حاجات كتير اوي فيا وقربت من ربنا اكتر واهتميت بمذاكرتي، وانا وسلمي بقينا صحاب جدا وبقيت بحبها اوي، وكل فترة كانت بتخليني اقرأ رواية من اللي قرأتهم، ادتني رواية اسمها (انا أنت) وحبيتها جدا.واتعلمت منها حاجات كتير اوي.
عدت سنة تانية ثانوي وتالتة ثانوي والحمدلله ربنا كرمني وجبت مجموع ودخلت كلية صيدلة واول يوم كلية قررت اني البس الخمار