عند محمد…
قمر بجمود: انا هرجع بيتي و ابني هبقا اجي اشوفه.
سهير ببرود: خاليكي ابنك سافر يومين وجاي.
قمر بغضب: لو مكنتيش خدتيه مني مكنش دا كله حصل.
سهير بسخرية: هتكدبي وتصدقي الكدبة اي ناسية انك بعتيه ليا وخدتي التمن.
قمر بندم: كنت غبية.
سهير ببرود: مفيش ست محترمة تبيع ابنها لابن ضرتها وتيجي تفتكره بعد العمر دا كله انا جبنك وسمحت لك بس تكوني موجودة لاجل عيون نزار.
تمارا بغضب: جرا اي يا ست انتي ما تحترمي نفسك.
سهير بسخرية: هستنا اي من عوالم.
محمد بزعيق:
بسسس خلاص تقدروا ترجعوا بيتكم ولما يرجع نزار يحلها ربنا.
قمر مشيت هو تمارا.
رجعوا بيتهم.
تمارا بنسيان: انا نسيت اجيب حاجه مهمة من تحت مش هتاخر.
قمر: تمم.
نزلت عربية جت خطفتها ومشيت.
عند محمد.
فجاءة الباب بيتكسر بيتخضوا.
محمد بغضب: انتو مين.
رجالة بتدخل: هنعرفك احنا مين دلوقتي..
بعد شوي العمارة بتكون بتو”لع و السكان بيهربوا بالعافية.
بقلم ميرا ابوالخير.
محمد مربوط هو وسهير.
محمد حل نفسه بالعافية والنا”ر حولين منهم بيجري ع سهير يحلها بيقومها و لسه هيخرجوا خشبه بتقع ع دماغه و رجله بتعجز حركته.
سهير بتحاول تشيلها مبتعرفش والنا”ر بتزيد.
سهير بتصوت: محمددد.
محمد بضعف: اجري انتي بسرعه.
سهير بدموع: لا مش هسيبك لا.
محمد بالم:
امشيي وحياة ولادنا لتمشي دا جزء كل يلي عملته زمان ارجوكي العيال محدش هيجمعهم غيرك..فزع فيها… يلاااااااااا.
اتخضت و خرجت والناس بتجري والاسعاف والمطافئ جت.
سهير بصرخ: محمد والنبي محمد فوق.
المطفي بتطفي المكان و الاسعاف بتدور ع الناس وبينزلوا معاهم جـ. ـثة محمد ف الكيس الاسود ومتشو”هه خلاص.
سهير بفزع و صدمة:لا يامحمد لاااا قوممم.
بقلم ميرا ابوالخير.
عند تمارا.
ياسين كان قاعد ببرود وهي قدمه بتفتح عنيها بدوخه: ازيك.
تمارا بفزع: ا انت.
ياسين بخبث: معاكي خمس دقايق تمضي هنا وتتجوزيني عرفي وايلا هعمل يلي قولتي عليه ف الشركة بس لايڤ.
تمارا بصدمة: ايهههه عرفي مستحيل انا اصلا مطلقة.
ياسين ببرود: عارف وهتجوزك عرفي مش انتي كنتي بتشتغلي ف كبارية انا هعمل فيكي معروف.
تمارا بتوتر وكذب: طليقي مش هيسيبك.
ياسين ببرود: ومين هو طليقك.
تمارا بكذب: نزار بن خالتي اه هو طليقي واحنا مش قايلين لحد.
ياسين…….
عند اية. كانت بتاخد علاجها وحست بدوخه واحساس غريب قعدت ع طرف السرير بدوخه.
عند يارا.
يارا بخبث: شكرا اوي يا دكتور ع يلي عملته.
الدكتور: مش عاوز حد يعرف.
يارا بمكر: متخافش المهم انك تكون حطيت ليها المخد”رات ف علاجها عاوزها تكون مد”منه.
الدكتور بخبث: حصل ف اقرب وقت هتكون مد”منه.
يتبع… رواية آيتي العاشقة الحلقة الرابعة عشر
يارا بمكر: كدا اية هتكون مد”منة ونزار هيطلقها وخصوصا لما يلي ف بطنها يبقا مشو”ه بسببها.
الشخص ببرود: وانا هستفيد اي من كل دا.
يارا بخبث: هتاخد حقك منها مش هي اتهمتك انك حاولت تعتدي عليها و العمدة خدك و علم عليك.
مرعي بتوتر: ايوا دي كدابة انا معملتش كدا و وحياة يلي عمله فيا العمدة وحبسني في الزريبة مع المواشي لهوريها.
يارا بخبث: تعجبني انا دلوقتي هروح اتمسكن عليهم و هم يعيني اكيد هيصدقوني و ابقا جوا البيت.
مرعي: ماشي.
عند نزار و اية.
نزار بيدخل بيلاقي اية قاعده وماسكه دماغها: ف اي يا حبيبتي مالك.
اية بلا وعي: انت حلو يا نزار دقنك حلوة.
نزار ابتسم: مش احلى من عيونك يا قلب نزار.
بتنام ع كتفه بيشلها بحنان و ويحطها ع السرير و ياخدها ف حضنه ويناموا بهدؤء…
بعد الفجر…
نزار بيصحى علي صوت تليفونه: الو اي يا ماما مال صوتك.
سهير بانهيار: انت فييينن قتـ. ـلوووا ابووووك يا نززار وحر”قوا العمارة الحقنا يابنييي.
نزار اتفزع: اي طب ا ازاي انا ج جاي حالا.
اية اتخضت: ف ايه.
نزار قام جري و بيلبس هدومه: قومي البسي بسرعة لازم ننزل مصر حالا.
بقلم ميرا ابوالخير.
اية باستغراب: ف اي.
نزار بزعيق وبيعدل القميص: اخلصيييي.
قامت بخضة وهي مش فاهمه حاجه خالص.
في خمس دقايق كانوا جهزوا و اتحركوا بسرعة.
اية بخوف: هدي السرعة يا نزار.
نزار بيزود اكتر و مش سامعها نهائي…
اية ربطت الحزام وغمضت عنيها بخوف و نزار ولا كانه هنا…
عند ياسين.
تمارا بكذب: نزار بن خالتي اه هو طليقي واحنا مش قايلين لحد.
ياسين ضحك بسخرية: هو انتي متعرفيش مش انا ونزار بيست فريند من زماان اوي وعمره م خبي حاجه عني و بالعكس بيعشق مراته.
تمارا بغيظ: انت عاوز اي دلوقتي مش همضي.
ياسين فكها وحط قدمها الورقه: انا عند كلمتي هتمضي ولا.
تمارا بدموع محبوسة مسكت القلم ومضت: اتزفت حاجة تانيه.
ياسين خد الورقة: لا غوري رجالتي هيروحوكي.
بقلم ميرا ابوالخير.
تمارا بعدم فهم: بسهولة كدا.
ياسين حط ايده ف جيبه: اه يلا بدل م ارجع ف كلامي.
جريت وركبت العربية وامر رجالته يوصلوها.
بص لها من ازاز العربية:
خدي بالك انتي يلي دخلتي برجلك عريني يبقا تستحملي ياقطة.
وقف ببرود و هي بهمس: هنشوف.
بعد ساعات ليست بقليلة…
نزار كان واقف قدم المشر”حة ودموعه محبوسة و سهير قاعدة بتعيط ف حضن اية..
نزار بجمود: انا مش عاوز جـ. ـثة ابويا تتبهدل.
الدكتور: لازم يا نزار باشا د…
مسكه بغل: اياك تكمل فاهم مش محمد الشافعي يلي يتبهدل ف مو”ته اخلص خلص الاجراءات.
الدكتور اتنفض بخوف ومشي بسرعة.
نزار راح وقعد ع ركبته قدم امه: اوعدك اني هعرف مين يلي عمل كدا ومش هرحمه.
سهير بدموع: حسبي الله ونعم الوكيل.
اية بحزن: هنعمل اي دلوقتي.
نزار وقف و فجاءة بتيجي رجا”لة كتيرة لابسين اسود و شكلهم مرعب وقفوا قدم نزار و راسهم ف الارض.
نزار ببرود:
يلي حصل دا مش هيعدي ع اهلكم بالخير خالص من هنا ورايح الحراسة هتظهر للكل و هنرجع الفيلا القديمة كانت اكبر غلطة اننا قعدنا ف العمارة يلي عملها ابويا بس خلاص كله هيرجع لاساسه فاهميين.
الحراس: فاهمين يا باشا.
نزار بشرود ف نفسه: نزار خلاص لازم الكل يترعب منه.
بقلم ميرا ابوالخير.
خلصوا إجراءات الد”فن و عملوا العزاء.
بعد مرور اسبوع.
عند طارق ف السجن.
المحامي بخبث: البقاء لله ف الحج.
طارق بصدمة: اييي.
المحامي: مات من اسبوع.
طارق حس بنغزة قوية قعد ع الكرسي ودموعه نزلت: ما”ت وهو غضبان عليا.
المحامي بشر: يلي حر”ق العمارة نزار اخوك عشان ياخد هو كل حاجه له و كان قال اي مسافر مخه عالي و عامل طيب.
طارق بص للمحامي بشرود وقام خرج مع العسكري…
عند اية.
كانت رايحه تشوف نزار من يوم الحاد”ثة وهو بعيد عنها ومش راضي يتعامل مع اي حد ونادرا لو شافته.
اية بحنان: نزار ينفع اتكلم معاك.
نزار بجدية: بعدين.
اية مسكت ايده: لا دلوقتي يا نزار انت لي بتبعد اوي كدا انا لازم اكون جنبك.
نزار شد ايده: مش عاوز شفقة من حد.
اية بهدؤء: وانا مش حد يا نزار.
نزار بسخرية: و بعدين. اية قعدت و شدته يقعد جنبها: عيط يا نزار العياط مش عيب ولا غلط طلع يلي ف قلبك.
نزار بص له بسكوت.
اية بحب: انا جنبك يا حبيبي عيط تعالى ف حضني وعيط متفضلش كدا.
نزار حضنها و فعلا دموعه نزلت بقهر والم: انا تعبان ومحتاجلك اوي بس مش عاوز اكون ضعيف قدمك.
اية و بتطبطب عليه: انت مش ضعيف انت اقوى حد شوفته ف حياتي اوعا تبعد عن حضني تاني فاهم.
نزار ابتسم بالم و مسك فيها بتملك.
اية بحنان: لو بتحبني سامح امك وخالينا نبدء من الاول.
نزار بهدؤء: هحاول يا اية بس امي يلي بحق هي سهير وبس.
بقلم ميرا ابوالخير.
عند سهير.
كانت قاعده لاقت يلي دخلت عندها: ازيك يا سهير قلبي عندك.
سهير بهدؤء: بخير يا قمر.
قمر بحزن: هو انا ممكن اشوف نزار.
: ممكن.
بصت بصدمة وجريت عليه: ابني حبيبي.
نزار بهدؤء: هتقعدي معانا ف الفيلا بس لازم تعرفي انه امي بجد هي سهير هي يلي تعبت فيا وربتني احسن تربية.
قمر بدموع: يكفيني اكون جنبك بس.
نزار بص لها بهدؤء: تمم.
عند تمارا.
كانت خارجة من الحمام و حاطه فوطه ع شعرها الباب خبط.
راحت فتحت لقت يلي زقها بغضب ودخل وقفل الباب: انتي ازاي تفتحي كدا.
تمارا بخوف: ياسين.