وفضل سايق لحد ما وصلوا فيلا حلوه جدا وراقيه قمر قال ..انت بتشتغل هنا ولا ايه طه ارتبك وقال ..لا لا انا بس بودي شغل فاكهه وخضار وكده للمـ,ـطابخ بتاعة الفلل هديهم الشغل وارجع على طول استـ,ـنيني قمر هزت راسها بالموافقه
وطه دخل جوه في جنينه المكان ومرضيش ياخدها معاه لحد ما يحـ,ـاول يتأكد مين الي بيكدب دخل الفيلا و كان قاعد راجل في ال 50 باين عليه الفقر مقارنه بالراجـ,ـل اللي قدامه اللي كان تقريبا في نفس العمر بس واضح انه غني جدا قرب منهم طه وقال مسائكم خير يا بهوات البنت معايا بره يا حمزه بيه
وقف حمزه وفرك ايده بطمع وقال..برافو عليك يا طه..وبص للـ,ـراجل الي معاع وقال.. حاجه من الاخر هتعجبك قوي يا رضوان بيه وعلى ضمانتي طه قال بسرعه… متقلقش ياباشا البنت ياما طلـ,ـعت طلعات زي دي
رضوان قال بغضب…ايه…انا مش قولتلك المهم عندي تبقى ما حدش لمسها قبل كده حمزه قال بارتباك…يا باشا ده بيهزر انا عمري ضحكت عليك هنا طه بصلو بصدمه وزهول وحمزه بلع ريقه من نظراتو وشدو من ايده وهو بيقول للراجل.. دقيقتين هجيب لك البنت حالا
اول ما طلعوا طه دفعو و قال بغضب يعني فعلا البنت مش شغاله معاك بعني كلامها بجد وانت فعلا جوز امها وعايز تشغلها غصب عنها حمزه اتنهد بضيق وقال..هو انت دخلك ايه بالقصص دي كلها انا بعتك اول ما عرفت ان البنت هربت علشان تجيبهالي بسرعه واتفقت معاك على مبلغ هديلك قده مره تانيه بس تقفل بقك وتمشي من هنا بسكات طه بصلو بسخريه وقال… ده عندها لا مؤاخذه البنت دي مش هتلمسها ولا هتقرب لها وانا هحميها لحد ما توصل مكان ما كانت رايحه
حمزه قال بغضب ..اعقل يا طه اظن انت شوفت الحرس بتاعه اللي بره دول باشاره منو هيعملوا منك كفته سيب البنت وامشي وانت سليم ..انت معايا بقالك فتره ومش عايز ازعلك بصلو بغضب شديد وقال …انا عادي جدا ازعلك..واعلى ما في خيلك اركبو ومشي حمزه اتنرفز وراح كلم رضوان رضوان امر الجاردات بتوعو يروحوا ورا طه طلعو وراه وقالوا له بغضب سيب البنت وامشي من هنا احسن لك
قمر كانت جوه العربيه و مستغربه اللي بيحصل طه وقف قدام العربيه وقال محدش يقرب لها على جثتي تاخدوها
قمر كانت عايزه تلاقي تفسير للي بيحصل خصوصا لما الجردات اشتبكوا مع طه وبقوا يضـ,ـربوه نزلت بسرعه وبقت تصرخ وتحاول تبعدهم عنه بس زقوها على الارض ولسه هتقوم اتصدمت بجوز امها طالع هو ورضوان اتسعت عنيها بزهول وفهمت ان طه كان جايبها علشان يرجعها لجوز امها بقت ترجع زحف لورا وجوز امها اتقدم عليها وبيقول كده برضه يا مرمر بتهربي مني..يعني مش كفايه مش رضيالي المسك ..كمان حتى المصلحه الي بفلوس بتتعبيني فيها
قمر بقت تبكي وترجع لورا بخوف وجوز امها لسه هياخدها طه بص لرضوان وقال شوف يا باشا البنت دي على الطريق حكتلي كل حاجه..والصراحه صدقتها واتصلت بالبوليس وعلى فكره انا ما عنديش اي مشكله اروح في 60 داهيه واخذكم معايا بس بيتهيألي كده ان انت هيبقى عندك مشكله انت يا باشا معروف في البلد واكيد مترضاش يتقال عليك حاجه زي كده رضوان بص لحمزه بغضب وقال…ايه بوليس.. انت جايبلي ناس تعملي مشاكل يا حمزه وبص للجردات بتوعه ..وقال كله يدخل على شغله انا هعرف اجيب حاجتي بمعرفتي ودخل على البيت
حمزه جري وراه وهو بيحاول يحايله ويفهمه ان طه كذاب وما اتصلش على البوليس اصلا طه شد قمر بسرعه وقال لها اركبي يلا يا قمر بسررررعه قمر ملحقتش تفكر في اي حاجه وطلعت معاه قمر على الطريق كانت بتبصله بغضب مش عايزه تكلمه وطه حمحم بحرج وقال..احم طبعا انتي زعلانه مني اكيد طبعا شايفاني انسان وسخ زي جوز امك
قمر كانت مش بتبصلو وقالت.. اه شيفاك وسخ بس مش لدرجه وساخت جوز امي لو كنت كده ما كنتش عرضت حياتك للخطر وطلعتني من هناك ..ولو انك اكيد يعني مطلعتنيش من هناك لله في لله كده اكيد ناوي تطلع مني باي مصلحه انت كمان طه ضحك بخفه وقال ..انا عارف ان لكي حق ما تثقيش فيا بس انا بجد عايز اساعدك وبس قمر نزلت دموعها وقالت ..انا لو كنت ما بثقش في الناس ما كانش زماني هنا بس انا اصلا متخلفه وبصدق اي حد
طه ابتسم على شكلها وكان حاسس بذنب من ناحيتها وقال معاكي حق..تباني طيبه قوي زياده عن اللزوم والحياه دلوقتي مش عايزه كده ..بس بجد المرادي تقدري تثقي فيا وانا هوصلك مكان ما انت عايزه واطمن عليكي الاول حتى همشي ابتسمت وهيه بتمسح دموعها بايدها زي الاطفال وقالت طيب انا مش هخليك تخسر وتبقى عملت كل ده على الفاضي وخلعت الحلق بتاعها واديتهوله وقالت خلي ده معاك ولو لقيت ان الموضوع هيطول بيعوا
بقلم…زهرة الربيع
طه ابتسم بخفه وقال.. خلي حلقك معاكي ..انا هساعدك لاني غلطت من غير اي مقابل..بس في حاجه ممكن تقدري تعمليها علشاني
قمر بصتلو بخوف وبعدت من مكانها شويه وقالت بحده..حاجة ايه انت كمان طه ضحك جامد وقال.. اكيد اي حاجه غير اللي جيه في بالك.. يعني مش معقول في العربيه.. انا قصدي تبتسمي حابب اشوف القمر وهو بيطلع قمر اتنهدت بارتياح و ضحكت بخفه وطه قال ايوه كده ده مش بس طلع ده كمان في ليلة تمامه وفضلو ماشيين بالعربيه وكان الليل دخل وصلو اوتيل غريب صغير وقديم علشان يباتو فيه لحد الصبح
اول ما دخلوا قال للراجل الي في الاستقبال …عايزين اوضه لو سمحت الراجل بصلهم وابتسم بخبث وقال..القسيمه لو سمحت طه ابتسم وطلع فلوس وداها للراجل وقال..تمام القسيمه كده ولا عاوز تشوف البطايق الراجل ابتسم وقال.. لا تمام قوي يا باشا اتفضلو ارتاحو..وادالهم مفتاح الاوضه قمر كانت بتبص للي بيحصل باستغراب شديد وبتبص للمكان بخوف .كانت فيه ستات كتير طالعه وداخله بلبس مكشوف ورجاله كمان طه مسك ايدها وقال اهدي ما تخافيش انا معاكي واخدها على الاوضه واول ما دخلو سحبت ايدها بسرعه وقالت… هو احنا فين ايه المكان ده
طه ابتسم وهو بيقلع القميص بتاعه وقال…ده ياستي مكان تقدري تقولي عليه كده للمزاج..والناس المحترمه بس هي اللي بتدخله
وضحك وقعد على السرير يقلع الشوز قمر بصتلو بزهول لما فهمت قصده وقالت ..انت قصدك ايه.. قصدك ده بيت دعااااار،ه تفاعل حلو يا بسكوتاتي ياريت ترفعو الريتش اكتر لزهرتكم يلا واثقه فيكم يا حلوين ومتأكده هشوف تفاعل دمار هيعجبني يلا ابدأو ومتنسوش المشاركات لعيون زهرتكم فضلا وليس امرا #نصيب_القمر_3
انت قصدك ايه.. قصدك ده بيت دعا،،ره جبتني بيت دعا،،ره
طه ضحك جامد وقال.. ليه بس ده اوتيل محترم عيب كده
قمر بصتلو بغضب وقالت.. انا مش عايزه اقعد في المكان ده.. بشوف ديما في الافلام والمسلسلات لما حد بيدخل مكان زي كده البوليس بيجي وراهم على طول طه ضحك وقال..ليه بيكون مراقبهم سيبك من الافلام والمسلسلات دول ما تركزيش معاهم خالص ..وقرب عليها جامد وقال ..عايزك تركزي معايا انا ركزي قوي قمر خافت منه ورجعت خطوه لورا وقالت.. قصدك ايه طه قرب منها اكتر لحد ما لزقت في الباب وحوطها عنده وبقى يبصلها وقال..اصل انا ملحقتيش اعتذر لك على الطريق
قمر قالت بارتباك ..احم ممكن تعتذر لي من بعيد او ما تعتذرش اصلا انا خلاص مسامحاك طه ضحك على ارتباكها وقال.. طب انا برده ملحقتش اقول لك انك حلوه قوي اسم على مسمى قمر وانتي قمر قمر اتنهدت بخنقه وقالت.. حضرتك مش وعدتني هتساعدني من غير مقابل طه الضحك بخفه وقال …اه قلت كده طيب انا عملت ايه طب قمر قالت بغيظ.. كل ده وما عملتش ادخل في الباب يعني عشان حضرتك تبعد.. باين عليك نيتك مش سليمه على فكره انا بفهمها وهي طايره
طه ضحك بشده وقعد على السرير وقال.. لا جدا من ناحيه بتفهمي بتفهمي قوي على العموم انا بس حبيت ابدي اعجابي مش اكتر ..يلا تعالي علشان ننام تعبنا قمر بصتلو بدهشه وقالت ..تعالي ننام… هو انت وجودك في المكان القذر ده اثر عليك لو اثر عليك فعلى فكره مستحيل يأثر عليا ..اانا هنام هنا على الكرسي ده طه بصلها استغراب وقال هتنامي على الكرسي ازاي هترتاحي على الكرسي انتي هبله
قمر بصتلو بغضب وقالت …اي حاجه بعيده عنك هرتاح فيها
طه ابتسم وقعد وقال..طب خلاص ما تزعليش تعالي انتي نامي هنا على السرير وانا هنام على الارض مبسوطه كده قمر قالت.. لا مش مبسوطه خالص..ياريت ترتاح وتسيبني ارتاح لحد باذن الله اما توصلني للعنوان اللي انا هروحه وخلصنا كده طه قال باستفهام..اه صحيح انتي تعرفي الست الي هتروحيلها دي منين لحسن تطلع هي كمان قمر قاطعتو وقالت بسرعه ..لا لا متخافش دي صاحبه ماما الله يرحمها وست كويسه جدا وخالتي اللي بعتاني عندها..يلا تصبح على خير
طه اتنهد وقال ..وانتي من اهله طه استنى شويه لحد ما حس انها نامت و قرب منها وشالها بالراحه وحطها على السرير اتنهد وبقى يتأمل ملامحها وكل حته فيها وكانت وهي نايمه الفستان بتاعها نازل شويه من فوق ومش قادر يبعد نظره عنها ابدا..بلع ريقه بتوتر وقال…اعوز بالله من الشيطان الرجيم …البنت في حمايتك في ايه اهدى… واتنهد وقال بس مكنه يخرب بيت اللي خلفوكي.. وبعد بالعافيه وراح اخذ مخده ونام على الارض
في صباح يوم جديد قام من النوم وطلعو على العنون الي في الورقه اللي مع قمر لما وصلوا كانت فيلا فخمه جدا عليها حرس كتير وواضح عليها الثراء طه صفر باعجاب وقال.. هي امك تعرف الناس النضيفه دي منين قمر ضحكت وقالت… خليك في حالك ويلا ندخل نكلمها وفعلا دخلوا بس كانت الصدمه ان الست مسافره والخدم رفضو يدخلوها اصلا في غيابها
بقلم…زهرة الربيع
قمر وطه حاولو معاهم بس رفضو فكتبت لها جواب بكل الي حصل معاها واداو لواحده من الخدم علشان تديه للست لما ترجع ..و رجعت هي وطه بيأس على الاوتيل
قمر قعدت على السرير وبقت تبكي بشده وهيه مش عارفه تعمل ايه وتروح فين طه قرب منها وقال بحزن… انت بتعيطي ليه دلوقتي خلاص يمكن فتره كده وترجع قمر قالت وهي بتبكي جامد..و الفتره دي هعمل ايه حمزه لو لقيني مش هيسيبني انا ما عنديش مكان اروحو ولا اعرف حد طه قرب منها وقال بابتسامه…طب وانا روحت فين انا جمبك اهوه..قمر قلبها بقى يدق اما قال كده و رفعت عينيها ليه وتلاقي عيونهم وكان بينهم نظرات جميله
قمر قالت بتوتر وانت تقدر تعمل ايه …احنا قاعدين في مكان مشبوه وممكن نروح في 60 داهيه طه ابتسم واتنهد وقال ..شوفي انا مش عايزه اخوفك بس حمزه مش هيسكت ويمكن يقنع الراجل اللي معاه ده ان انا كذاب وعايزه الهفك منهم ويخليه يدور عليكي وده مش هيغلب قمر خافت وبصت له بدموع وقالت طب والعمل ايه طه بص لعيونها جامد وفاجئها بشده لما قال.. تتجوزيني يا قمر قمر بصتله بزهول وصدمه ووقفت بخضه وقالت.. ايه