اسكريبت زوجتي طفلة للكاتبة سمسمة سيد حصري
بارك الله لكما وبارك عليكما وجمع بينكما في خير
قالها المأذون وهو بيسحب المنديل وجمبه وقدامه راجل كبير في السن نايم علي السرير بتعب شديد من ناحيه والناحية التانيه العريس اللي من ملامح وشه كان باين انه مضايق اوي
بعد ما مشي المأذون وقف العريس وهو بيبص لحماه اللي نايم علي السرير بتعب وبيقول بكل ضيق
ارتحت كده يا عمي اديني اتجوزتها زي ما كنت عاوز
خبط العم علي كتف داغر بتعب
اه يا داغر يا بني كده ارتحت واقدر ام*وت وانا مرتاح وعارف ان قمر في عصمة
راجل يحميها
اتنهد داغر بضيق
بعيد الشړ عليك يا عمي متقولش كده ربنا يطولنا في عمرك
العمر معدش فيه بقيه يا داغر خلي بالك من قمر قمر وصيتي ليك يا بني ملهاش غيرك بعد ربنا خليها معاك لحد ماتتم السن القانوني وتستلم ورثها اوعي تسيبها لولاد عمها يا داغر هيأكلوها يا بني دول ما بيرحموش
اهدي انت بس يا عمي وكل اللي انت عاوزه هيحصل
قاطعهم في اللحظه دي دخول بنوته صغيره في السن عندها ١٧ سنه قصيره بوش طفولي وعنين عسلي واسعه ورموش كثيفه ومناخير صغيره وخدود محمره وشفايف صغيره وشعر طويل معمول ضفيرتين بني
قربت قمر من سرير بابها بعد ما شاور ليها وبصتله ببراءة وعنين مليانة دموع
بابا انت لسه تعبان حاسس با ايه دلوقتي
قمر قلبي انا هبقي كويس بس عاوزك تسمعي كلام داغر يا قمري داغر بقي جوزك يا حبيبتي
قمر ببراءة
يعني لو سمعت كلامه يا بابا هتبقي كويس وهتخف بسرعه
ايوه يا حبيبة بابا فاكره ماما الله يرحمها كانت بتسمع كلامي ازاي
لمعة عنين قمر بالدموع بعد ما افتكرت مامتها وهزت رأسها وهي بتقول
ايوه يا بابا فاكره بس انت مش هتسيبني صح
ابتسم الاب بحنان ومد ايده بتعب وهو بيمسح دموعها
انتي عارفه اني دايما هبقي معاكي يا قمر
قبلت قمر يد والدها وهي تبتسم بحب
ربنا يخليك ليا
شاور والدها لداغر وقاله
خد مراتك يا بني من هنا خلي بالك منها
قمر