بحنان وقال انتى تعرفى الناس الى واخدين البيت فى أول الشارع اخفضت رأسها وهى تتذكر حسن وما أق عليه لأجلها ثم قالت النهاردة يا ابا حصل حاجه لازم تعرفها عبد الرحمن حصل ايه يا سهى قصة سهى على والدها شهامة حسن معها ودفاعه عنها فصمت الاب قليلا ثم قال وهو جالى النهاردة طلبك منى سهى ببراءة طلبنى ازاى يعنى يا ابا عبد الرحمن بإبتسامة يعنى خطبك يا عروسة سهى بخجل خطبنى انا يا ابا عبد الرحمن لأ خطبنى انا انتى مستكترة الفرحة على نفسك ولا ايه اخفضت رأسها ولم ترد فقال الاب ها قولتى ايه سهى هقول ايه هو انا ليا
كلمة بعد كلمتك يا ابا الى تقول عليه يمشى على رقبتى ربت ابوها على رأسها وقال خلاص انا هسأل عليه والى فيه الخير يقه ربنا سهى طب والمدرسة يا ابا الاب يا ستى يحلها ربنا ماهى مدرسة كلشن كان اخفض رأسه بحزن وقال ياما كان نفسى اعلمك لما تدخلى الجامعة لكن على يدك يا بنتى العين بصيرة واليد قصيرة سهى ياابا ما تقولش كدة كل شى قسمة ونصيب الأب ربنا يكملك بعقلك يا بنتى فى منزل حسن هبة يا اما الله يهديكى الناس مستنينا يقولوا علينا ايه زينات وكان حد قالك اتفقى على معاد انا كارهه البت دى من قبل مااشوفها
هبه يعنى يا اما يهون عليكى حسن ابنك تكسرى قلبه زينات أيوة امسكينى من ايدى الى
بتوجعنى هبة والله انا عارفة إن قلبك ابيض ومش هيهون عليكى ابو على تكسرى قلبه زينات طب قومى ياختى قومى هاتى اى عباية اما نروح نشوف ست الحسن أسرعت هبة تلبى طلبها قبل أن تعدل عن رأيها مرة أخرى وصلت هبة وامها لمنزل عبد الرحمن لتقابلهما اعتماد ام على بحفاوة كبيرة اعتماد يا اهلا وسهلا دا البيت فج نوره زينات من تحت الضرس منور بإصحابه يا حبيبتي وانتى ياختى ام المحروسة اعتماد الحقيقة أنا مرات ابوها بس مربياها زى بنتى تمام زينات واسم النبى حارسها على كدة تعرف تنضف وتطبخ اعتماد امال ايه دى عليها نفس فى الطبيخ انما ايه ولا
احسنها طباخ هبة وهى تحاول اصلاح الوضع وبعدين يا اما الى ماتعرفوش نعلمها ما هى لسه صغيره اعتماد الله ينور عليكي يا شابه وانتى يا حبيبتي
متجوزة اخفضت هبة رأسها بحزن بينما قالت زينات إلهى ينشك فى قلبه مطرح ماهو قاعد لمناه وعملناه راجل واول ما شد عودة غدر بيها وطلقها اعتماد بنفاق اخص عليه راجل دون حد يسيب القمر ده والنبى لا بكرة تاخدى سيد سيده زينات وقد استساغت الحوار والنبى بقولها كدة اعتماد بنفس النفاق لا يا حبيبتي اسمعى كلام الست والدتك دى ماشاء الله عقلها يوزن بلد هبة لتغير مجرى الحديث جرى ايه يا خالتى مش هنشوف عروستنا الحلوة ولا ايه اعتماد حالا يا حبيبتي اجيبها واجى دخلت سهى بصحبة اعتماد بخجل تدفعها زوجة أبيها دفعا للامام هبت هبة تحتضنها وهى تقول بسم الله
ماشاء الله تبارك الله قمر صح يا اما نظرت لها زينات بغل من جمالها الأخاذ فلابد أن هذا الجمال قد تملك من قلب ابنها ويصعب عليها
إفشال الزواج دفعت اعتماد سهى للامام بإتجاه زينات وهى تقول سلمى يا مقصوفة الرقبة على خالتك وى أيدها زينات وهى تلوى وجهها مفيش داعى ازيك يا حبيبتي سهى بخجل الله يسلمك زينات هبة خدى اسم النبى حارسها وسيبونى مع خالتك شوية هبة بسعادة تعالى يا قمر انتى نقعد نحكى برة سهى وقد شعرت بالالفة ل هبة تعالى نقعد فى اوضتى وغادرت الفتاتان لتلتفت زينات الى اعتماد وتقول شوفى بقى يا حبيبتي علشان نبقى على نور من اولها انا ابنى قاعد معايا يعنى ال.
هيتجوزها هتيجى تخنى مش هتنام فى شقتها وتستنى الخدامين يخوها اعتماد وقد اعجبها الحديث فهى بكل الاحوال لا تتمنى ل سهى خيرا دى لا عاشت ولا كانت دا انا اجبها خدامة تحت رجليكى احنا معندناش بنات تعرف الدلع والمسخرة زينات اه واكلها وشربها عندى وان حبت تاخد حاجه لازم تستأذنى الاول اعتماد يا ست الكل ده كلام معروف هى تستجرى تمد ايدها على حاجة الا بأمرك احممم بس انا كنت عاوزة اتكلم معاكى فى حاجة مهمة زينات بتعالى اتكلمى يا حبيبتي وماله اعتماد بالنسبة للجهاز يعنى انتى شايفة الحالة اسكتتها زينات بحركة من يدها وقالت احنا ما يهمناش الجهاز يا حبيبتي
احنا مش فقرا وحسن ابنى قد الدنيا بس بردوا قصاد كدة مش هنكتب مؤخر ولا هنجيب دهب هم دبلتين وخلاص وناخدها بشنطة هدومها وكدة كدة الشقة كامله من مجاميعه اعتماد بسعادة عداكى العيب ياختى زينات المهم ابنى