— عادي اتعودت قررت مطبخش حاجة وطلبت بيتزا وفتحت اللاب شوية عشان اتسلى بفتح الفيس لاقيت طلب صداقة من عاصي تفاجأت وفرحت بصراحة وافقت على الاضافة بعدها بخمس دقايق لاقيته داخل يكلمني محستش بالوقت فضلنا نتكلم لحد الساعة ٢ بليل حسيت إني كنت محتاجة لحد أفضفض معاه وعرفت إنه كان متزوج وطلق استغربت ازاي ممكن حد يتجوز إنسان لطيف بالشكل ده ويسيبه لاقيته هو اللي بيقول إنه سابها لما عرف إنها بتحب راجل غيره مقدرش يكمل معاها وهي بتحب غيره يااااه أد إيه عنده ذوق و رقة لسه في رجالة كده!!
.. فات يوم واتنين وتلاتة وبقت عادة كل يوم لازم نتكلم ونهزر ونضحك سوا بصراحة عمري ما شوفت حد دمه خفيف وجذاب كده في حياتي وأنا قاعدة مع خالد كنت بقارنه بعاصي يااااه إيه جاب لجاب خالد كان خنيق وطول الوقت تعبان ورجليه وظهره بيوجعه يا مصدع ومش قادر يفتح عينه وهدومه على طول مبهدلة ! عاصي طول الوقت جنتل وشيك والضحكة مش بتفارق وشه اتمنيت وقتها إن عاصي هو اللي يكون زوجي مش خالد! اټصدمت من تفكيري!
في يوم كنت في الشغل لاقيت عاصي بيخبط علي في المكتب فرحت جدا لما شوفته بس مابينتش حاجة لاقيته جايب لي شوكولاته.. يااااه محدش فكر يهاديني بقلم رصاص قبل كده حتى! فرحت أوي كأني طفلة بس افتكرت خالد وقتها وبان على وشي الحزن لاقيت عاصي بيسألني مالك معرفش إيه اللي خلاني أفضفض معاه وأحكي له يمكن عشان طيبته وحنيته! أو عشان بيسمعني من غير ما يزهق وهو مستمتع بكل كلمة بقولها! ياااااه حسيت براحة غريبة أوي لما اتكلمت معاه واللي ريحني أكتر الكلام اللي هو قاله لي..
قال لي ازاي حد ممكن يكون عنده زهرة زيك ويسبها تدبل كده أنا لو مكان زوجك كنت هخبيك جوا عيوني وأقفل عليك الله يسامحه فيه حد يزعل واحدة زيك برضو ويهملها كده! بجد ومن غير زعل زوجك ده جاحد للنعمة ومعندهوش نظر! يومها حسيت إني بقيت طايرة في سابع سما من السعادة اللي كنت فيها ياااااه أخيرا في حد حس بي وبقلبي!
فات أربع شهور على معرفتي بعاصي وبقينا نتكلم في التليفون مفيهاش حاجة كلامنا كان عادي كله هزار بس ساعات عاصي كان بيقول مجملة لطيفة أو غزل بريء في وسط الكلام وكنت بضحك عادي لحد ما في يوم لاقيته بيقول لي بحبك! اټصدمت وقتها! بتحبني ازاي يعني يا عاصم بحبك يا أميرة هو الراجل بيحب الست ازاي! احنا أخوات وأصحاب وبس يا عاصي أنا ست متزوجة ! كنا أصحاب كنا! بس بعد ما عرفتك واتعلقت بيك عرفت إني بحبك ومش هقدر أعيش ولا يوم من غيرك
إنت اټجننت!! بقول لك متزوجة وعندي بنت كمان إنت بتهرج أكيد أنا مستحيل — أسيب خالد ! ومين قال تسبيه ممكن نفضل مع بعض عادي زي ما احنا ! إيه اللي إنت بتقوله ده إنت بني آدم قـ,ـذر! قذر! دلوقت بقيت قـ,ـذر يا أميرة ليه كده أنا بقولك إني بحبك! مستحيل اللي زيك يعرف يحب إنت تعرف تهد تعرف ټح/رق تعرف ټقـ,ـتل بس مستحيل تعرف تحب! وإيه اللي فرق ما احنا كده كده كنا مع بعض من ورا جوزك!
اخرس قـ,ـطع لسانك أنا كنت بتعامل معاك على إنك اخويا معرفش إنك بالحـ,ـقارة دي ! أخوك شيء لله يا أخوك بجد ضحكتيني والله مفيش راجل بيتعامل مع واحدة غريبة على إنها أخته لازم يكون عايز منها حاجة عجباه وعايز يقرب منها مضايق منها وعايز يكـ,ـسرها لكن جو أخت في الله ده قديم أوي! بيبقى سكة بس بتجيب مع أمثالك بسهولة. إنت حيوان لا يمكن تكون إنسان ابدا!
ليه كده بلاش غلط يا أميرة بلاش غلط وأفتكري إنك إنت اللي سهلتي ليا الطريق والشهادة لله متعبتش معاك خالص كنت مريحة وبتفكي بسرعة طالما كنت بسمعك الكلام اللي إنت محتاجة تسمعيه يعني لو أنا حيوان ولا قـ,ـذر زي ما بتقولي يبقى احنا الاتنين زي بعض والطيور على اشكالها تقع ولا إيه يا روحي مقدرتش ارد اللي صدمني وقتها إنه كان عنده حق في كل كلمة رغم الاحترام اللي كان بيمثله علي ودائما كان بيقول لي أنا بحترمك وبقدرك طلع كله كڈب!!
فضلت في البيت أسبوع مش بروح الشغل ولا عارفة اخرج من البيت كنت بحاول أكل أي حاجة عشان اقدر اصلب طولي وبس ولا نوم ولا أكل لحد ما أغمى علي صحيت لاقيت نفسي في السرير وخالد قاعد جنبي وماسك إيدي أول ما فتحت عنيا لاقيته حاطط إيده على رأسي وبيرقيني معرفتش أبص في عنيه مقدرتش حسيت إني خاېنة بعد ما خلص الرقية لاقيته محضر لي صنية أكل كبيرة وجايبها لي لحد السرير وحلف عليا لازم اخلصها كلها وهيأكلني بإيده مقدرتش استحمل ولاقيت نفسي اڼفجرت في العيط ساب كل حاجة وأخدني في ح*ضنه وفضل يهدي في وقعد يقرأ قرآن لحد ما عيني
راحت في النوم صحيت تاني يوم لاقيته قاعد جنبي زي ما هو متحركش من جنبي وأول ما عينه جات في عنيا ابتسم لي هربت من عنيه مقدرتش ابص جوا عنيه حسيت نفسي اد إيه أنا حقېرة ومستهلش حتى نظرته لي! بعدها الظهر اذن ونزل عشان يصلي لاقيت تليفوني بيرن برسالة بفتحها لاقيت عاصي باعت لي رسالة واتس بصوتي وأنا بضحك وبهزر معاه وبيقول إن عنده تسجيلات لمكالمتنا بالساعات عنده استعداد يسمعهم لخالد كلهم لو أنا رفضت إني أكمل معاه حسيت إني اتكس\رت هيفضحني !
فضلت اعصر في تفكيري لحد ما قررت إني أطلب الطلاق من خالد قبل ما — يعرف أي حاجة واتفضح كان الراديو شغال جنبى على إذاعة القرآن الكريم سمعت القارئ وهو بيقول الآية دي ومن يعمل سوءا أو يظــ,,ـلم نفسه ثم يستغفر الله يجد الله غفورا رحيما
حسيت إني اتكهربت وحاجة وقعت في قلبي ولاقيت نفسي بعيط وبستغفر حسيت إني عايزة أقف قدام ربنا وأعيط قلبي كان شايل ومليان ذنوب والشيلة كان حملها كبير أوي وخنقاني قومت أتوضيت ووقفت أصلي أول ما قولت الله أكبر اڼفجرت في العياط أول مرة أفهم معناها دلوقت الله أكبر من همومي الله أكبر من مصېبتي وفضيحتي اللي مخوفــ,,ـاني الله أكبر من الحقېر اللي بيهددني الله أكبر مني ومن خالد ومن أهلي ومن الدنيا كلها المفروض عشان هو أكبر من أي شيء أخاف منه هو مش من العباد لما سجدت عيطت له وفضفضت وأنا ندمانة ومکسورة يارب أنا عارفة إني مستاهلش الستر عشان
أنا اللي عملت كده في نفسي بس زوجي وبنتي ميستهلوش الڤضيحة يارب أنا عارفة إني استاهل إنك تسلط عليا الحقېر ده بس أنا نيتي والله ما كانت شړ يارب أنا غلطانة وأستاهل الړعب اللي أنا فيه دلوقت بس أنا ضعيفة ومليش غير رحمتك الطف بيا يارب ياربي أنا رب المستضعفين أنت ربي إلى من تكلني إلى بعيد يتجهمني أم إلى عدوا ملكته أمري إن لم يكن بك ڠضب علي فلا أبالي يارب اعفو عني اعفو عني يا حبيبي يا كريم يا ستار يا لطيف الطف بيا يارب..
خلصت صلاة ومكنتش قادرة أرفع رأسي من الارض وحاسة إن جسمي كله مكس\ر والدنيا بتلف بيا لاقيت خالد بيحركني رفعت رأسي كان مصډوم وبيسألني مالك غيبتي أوي وأنت ساجدة في الارض قلقت عليكي في حاجة بټوجعك! أنا عايزة أنام
.. سندني لحد السرير ونمت محستش بأي حاجة جنبي مصحتش غير تاني يوم الصبح على صوت التليفون ومريم زميلتي بتتصل بيا تطمن عليا كان الاسبوع اللي اخدته اجازة من الشغل خلص ولازم ارجع تاني يوم وبالفعل روحت بس مكنتش شايفة حاجة ولا أي حد قدامي كان تفكيري كله في ربنا وعمالة اناجيه في سري لاقيت الشركة كلها فوضى ومش فاهمة إيه اللي بيحصل سألت حد من اللي واقفين قال لي أستاذ عاصي المحامي في بلطجية طلعوا عليه في جراچ الشركة وضړبوه جامد وولعوا في عربيته!
لاقيت نفسي بجري على مكتبي قفلت الباب ووقفت وراه اعيط مش مصدقة اللي سمعته! لاقيت نفسي بتحرك ناحية المكتب وبمسك ورقة وقلم وكتبت استقالتي وقدمتها ومشيت مشيت وأنا ناوية أقط/ع الصفحة دي من حياتي نهائي لاقيت مريم بتوقفني وبتقولي رايحة فين شوفتي اللي حصل عاصي المحامي عضمه اتكس\ر وولعوا في عربيته تسلم إيديهم والله يستاهل ربنا رحم الناس من شره دا مسابش واحدة في الشركة غير ورمى عليها بلاه يخربيته دي زوجته طفشت منه ومن شره برغم وسامته واسلوبه الحلو ده إلا إنه شيطان ربنا يكفينا شره أكيد اللي عمل فيه كده حد من اللي بيكرهوه يلا ربنا ينتقم منه..
كنت في قمة صدمتي ومش مصدقة اللي بسمعه مشيت وسيبتها من غير ولا كلمة وأنا مش شايفة قدامي غير خالد الراجل اللي كان هيضيع مني وأخسره باقي حياتي ومستحيل أعوضه تاني.. رجعت البيت بسرعة حضرت العشا ونظمت البيت ولبست طقم شيك واستنيته أول مرة اشوفه النهاردة بشكل مختلف كان يا حبيبي مش قادر يوقف ولا يفتح عنيه من التعب استقبلته وأخدت بإيده وعنيه في عنيا لاقيته مستغرب! ازيك يا أميرة بقيت أحسن!
أنا بخير طول ما أنت بخير يا خالد …. ساكت ليه مش عارف بس حاسس إنك متغيرة كتير فيه حاجة كده في عنيك مش عارف إيه هي بس مريحاني أوي. كلامك صح أنا فعلا متغيرة بس إنت السبب. أنا!