42 مر اسبوع منذ ولاده سهي للوجين او كما اصبحوا ينادونها الان لوجي وكان اليوم هو سبوع لوجي فكان هناك حاله من الهرج و المرج في قصر عائله محمود الشاذلي كانت سهي تجلس بصحبه ليلي و راندا و نيڤين التي انجبت ولدا اسموه سيف ليكون هو و لوجي احفاد عائله الشاذلي و و وارثي مملكه الشاذلي الوحيدين حتي الان كن يجلسن مع بعضهن الي ان فتح باب الغرفه فجأه فنظرن الي الباب ليجدنها سالي احست سهي بانقباضه في قلبها لم تدر سببها قطعت سالي هذا الصمت وهي تقول لسهي:
سالي(بابتسامه مزيفه):الف مبروك يا سهي يا حبيبتي ما شاء الله البنوته اموره اوي سهي:ميرسي يا سالي سالي(وهي تنظر الي نيڤين و راندا و ليلي):معلش يا جماعه هاخد منكوا سهي شويه نيفين و ليلي و راندا:اتفضلي خرجت سالي لتخرج سهي ورائها تاركه طفلتها مع جدتها و بمجرد ان خرجت حتي قالت سالي: سالي(بنظره شر):اوعي تفتكري ان انا استسلمت او حتي اني هسيب آدم لواحده زيك لا يا ماما انسي آدم ليا انا في الاول او في الاخر خلي الكلام ده حلقه في ودنك عشان متبقيش تعيطي يا قطه لما حاجه تحصل لبنتك او جوزك بسبب عندك
سهي(بقوه عكس ما تحمله بنفسها):متفتكريش اني هخاف منك يا سالي اوعي عقلك الصغير ده يصورلك اني ممكن اخاف من واحده زيك و بنتي انا اعرف اخلي بالي منها كويس اوي ولو عايزه آدم خديه و اشبعي بيه مش فارق معايا اوي يعني
مروان(وهو اتي من بعيد):سهي (ثم اكمل بعد ان اقترب منهما)في حاجه سهي:لا مفيش سالي كانت بتباركلي سالي:طيب استئذن انا بقي مروان و سهي:اتفضلي مروان(بعد ان رحلت سالي):مالك؟ سهي:مفيش
مروان:هتخبي عليا يا سو عيب بردو سهي(و قد ادمعت عيناها): الحقيره دي بتهددني بتقولي آدم هاخده يعني هاخده و آدم بتاعي انا و مش واحده زيك هتاخده مني و خافي علي بنتك و حاجه اخر هبل مروان:طب و انتي مضايقه كده ليه لما هو اخر هبل سهي(و قد هربت عبره من عينيها):مروان انا بحب آدم و متعلقه بيه جدا يعني لو حصل اي حاجه و آدم اختفي من حياتي المره دي هضيع بجد و المشكله اني مش لوحدي المره دي معايا بنت هتبقي محتاجه لباباها في فتره معينه و انا مهما عملت مش هقدر اسد مكانه فهمتني
مروان(وهو يخفي قلقه قائلا بمرح):تصدقي انتي نكديه خشي يا بنتي ده النهارده سبوع بنتك المفروض تبقي فرحانه مش متنكده كده و انسي كلام الهبله دي و متخليهوش حاجز بينك و بين آدم متبوظيش الدنيا عشان كلام واحده مجنونه زي دي احنا مصدقنا تبقوا كويسين مع بعض سهي(باقتناع):معاك حق (ثم استطردت قائله) صحيح انت ايه اللي طلعك اصلا؟ مروان:مفيش بس انتي عارفه قلبي دليلي طلعت لقيتك واقفه مع سالي قلت انقذك
سهي(وهي تدخل الي الغرفه):انت تحفه يا مروان مش عارفه من غيرك كنت عملت ايه مروان(وهو يتوجه الي السلم):علي ايه يا هبله ده انتي اختي
و هكذا انقضي اليوم بين مهنئين و حاقدين و مدبرين لتفكيك هذه العائله الصغيره و كانت سهي تحاول رسم ابتسامه علي شفتيها كي لا يظهر قلقها من ما قالته سالي و مع انتهاء اليوم تنفست الصعداء و عادت الي منزلها مع آدم و لوجي
•••••••••••••••••••••••••••••••••
مر عام بأكمله بحلوه و مره كانت سهي قد عملت بنصيحه مروان فتناست كل ما قالته سالي حتي اصبح بيت آدم الشاذلي مكانا ممتلئا بالحب و الدفء يسري في جميع اركانه لكن مع مرور هذا العام كان هناك من لايزال يدبر و يخطط من أجل تفكيك هذه الاسره الصغيره
كان آدم يعمل عندما رن هاتفه برقم لا يعرفه رد عليه قائلا: آدم:الو سالي:الو ايوه يا آدم انا سالي آدم(باستغراب):ايوه يا سالي ازيك سالي:الحمدلله بقولك يا آدم كنت عايزاك في موضوع مهم آدم:اؤمري سالي:لا مش هينفع علي الموبايل ممكن نتقابل النهارده علي الساعه سته كده آدم:طيب تمام اوكي سالي:تمام باي باي آدم(وهو يغلق الخط):سلام سهي(وهي تدخل الغرفه حامله ابنتها التي لم تكمل عامها الاول بعد): ايه يا دومه كنت بتكلم مين
آدم:دي سالي سهي(باستغراب):سالي؟ كانت عايزه ايه آدم(وهو يلعب مع ابنته):مش عارف والله قالتلي عايزه تقابلني سهي:طيب
•••••••••••••••••••••••••••••••••
وصل آدم الي المكان المنشود في تمام الساعه السادسه دخل و جلس علي احدي المقاعد و ما هي الا دقائق حتي حضرت سالي و قال له: سالي(وهي تجلس علي المقعد المقابل):اتأخرت؟ آدم:لا ابدا مفيش مشاكل(ثم تابع قائلا)تشربي ايه سالي:لأ و لا حاجه شكرا (ثم قالت بنبره حازمه) انا هدخل في الموضوع علي طول
آدم:ياريت سالي(بجديه و حزم):بص انت عارفني كويس و عارف انا وريا مين و ممكن اعمل ايه آدم(بقلق):و انا مالي بيكي اصلا سالي:انا بفكرك بس لو كنت نسيت بس اكيد انا مش جايه عشان اعرفك علي نفسي انا جايه عشان حاجه تانيه آدم(بنفس قلقه):حاجة ايه؟ سالي(بابتسامه صفراء):مراتك و بنتك آدم(و قد زاد قلقه و اضطرابه):مالهم؟ سالي(وهي تعبث باحد المناديل):ملهمش بس انت اكيد مش هترضي ان يحصلهم حاجه وحشه و انت عارفني
آدم(بعصبيه):انتي جايه تهدديني سالي(بنظره شر و توعد):اعتبرها زي ما تعتبرها بقي بس بردو مش ده اللي انا جايه عشانه آدم(بنفس عصبيته):امال جايه ليه سيادتك سالي(ببرود):انت هتسافر معايا آدم(بذهول):نعم؟اسافر معاكي فين و بصفتي ايه اساسا سالي:اولا هنسافر انجلترا هنفضل هناك سنتين او اكتر كمان في شغل هناك عايزه اخلصه (ثم تابعت وهي تستند علي ظهر الكرسي)بصفتك ايه بقي هتبقي بصفتك زوجي العزيز آدم(باندهاش):شغل ليكي انتي انا مالي و بعدين احنا مش اتجوزنا و اتطلقنا يا بنتي انتي عايزه تجنينيني
سالي:هو اه شغل ليا بس رؤساء الشغل ده ناس واصله اوي و بيحبوك جدا و لما عرفوا اني بنت خالتك صمموا ان رجلك تيجي معانا و بصفتك جوزي ليه بقي دي معرفهاش آدم(بهدوء):و تفتكري انا هوافق؟ سالي(بثقه):هتوافق يا آدم (ثم تابعت قائله باستفزاز)اصلك مش هيرضيك ان لوجي تبقي يتيمه الام و اظن انت مجرب قبل كده و عارف اني لو عايزه أأذي سهي هأذيها و لا يرضيك برضو ان سهي تخسر بنتها دي حتي عشره سنه
آدم(بقسوه):انتي ايه يا شيخه حجر مبتحسيش سالي(بضحكه مستفزه): تقدر تقول كده (ثم قالت كأنها تذكرت شيئا)اه صحيح نسيت اقولك لو حد عرف حتي لو كان مين بردو هجيبها في سهي و لوجي و يا ريت تدي لسهي سبب مقنع لسفرك يخليها تبعد عنك تماما عشان لو و احنا هناك عرفت انك بتكلمها هتبقي نهايتكوا انتوا التلاته علي ايدي آدم(وهو يقوم من علي الكرسي):ربنا ياخدك يا شيخه سالي:قدامك اسبوع تخلص فيه كل حاجه و يستحسن سهي تطلق في الفتره دي و هبقي اكلمك تاني اعرفك معاد السفر
آدم:ربنا ياخدك و يخلصنا منك سالي(ببرود):بااااااي
•••••••••••••••••••••••••••••••••