قالت إنها مش بتحب التجمعات ؟
وهي فعلا كده يا سالي ؟دي كان رد ادهم اللي كان واقف بيستمع ليهم !
وفجاءه وهم بيتكلمو نزلت زهره من علي السلم زي القمر بفستانها الازرق وشعرها المفرود الطويل وكعبها العالي كانت جميله فعلا بمكياجها الهادي
كان ذياد واقف وراء الشاشه بيراقب نزولها وجمالها بنبهار وفرحه في نفس الوقت وقال بابتسامه عريضه اخيرا ظهرتي يا زهرتي حان وقت اللقاء وقفل زر البدله وطلع !!
كانت واقفه وسطهم والكل فرحان بيها أنها وافقت
تنزل وفجاءه سمعت جاي من وراها صوت حست انها تعرفه
“مساء الخير يا جماعه”جريت سالي عليه وقالت بصوت
“أبيه”وخضنته
تتوقعو زهره هتعمل اي لما تتعرف علي ذياد وهل هتحكي أنها شافته قبل كده
يتبع
الفصل الرابع والعشرون
كانت واقفه مندمجه في الحفله وفجاءه سمعت صوت جاي وراها حست انها تعرفه كويس أو بتشبه عليه بيقول
مساء الخير يا جماعه هي الحفله شكلها ابتدت من بدري اسف على التاخير ؟
سالي اتكلمت بحماس ابيه وجريت عليه وخضنته وقالتله وحشتني يا أبيه كده تغيب كل ده ؟
رد عليها وهو حضــ,,ـنها غصب عني يا حبيبتي عشان الشغل انتي عارفه كويس
كل ده وزهره ماشفتش وشه بس سمعه صوته
قرب منهم وهي لفت بصدمه لقيته هو نفسه اللي كان معها في الطياره ذياد الاسيوطي كان واقف لبس بدله كلاسيك لونها كحلي وشعره معمول بطريقه شيك وليه دقن خفيفه طويل وليه عضلات لانه محافظ علي جسمه كانت زهره بتبص عليه بصدمه واعجاب في نفس الوقت لانه أول مره تركز معه لأنها مكنتش مركزه في شكله ولا ملامحه قبل كده
رضا قربت منه وخضنته وقالت بحنيه وحشتني يا ذياد
ذياد اتكلم بابتسامه مع ملامحه الوسميه وانتي كمان يا رضا وحشاني وبصت رضا علي زهره وقالتلها تعالي يا بنتي اعرفك الضلع التالت من المجانين !وبصت علي ذياد بابتسامه فيها سخريه ورجعت قالتلها قصدي العقلين
بصت زهره ليه بتركيز ونظرات حاده ونطقت قبلها وقالت ذياد الاسيوطي
رضا مثلت الصدمه علي ملامحها وقالت انتي تعريفه يا زهره ! ارتبكت زهره وردت عليها
ايوه يا خالتي اتقابلنا مره قبل كده في الطياره
جري عليه ادهم وخضنه بقوه وقال وحشني يا زيزو
وجاسر كمان خضنه قرب منهم ذياد وقال بهمس كفايه احضان الله يحرــ,,ـقكم !
كتم ادهم وجاسر ضحكاتهم بصعوبه لانهم عارفين ذياد مش بيحب حد يحضــ,,ـنه او ويقرب منه كده فهما استغلوا انو مش هيقدر يعمل حاجه قدام زهره اجتمعو في صاله الفيلا وفجاءه ذياد غمز لسالي واقفت سالي و شغلت موسيقي ركزت عيونها في اتجاه كان ادهم وجاسر جمب بعض مدت أيدها وقالت ممكن لو سمحت ترقص معايا
مد ادهم أيده وقال بهيام اسمحلك جدا
زق جاسر أيده وقال احترم نفسك بدل ما اشوه وشك الحلو ده وبعدين دي بتقولي انا انت سائق في الدوربجد ولا اي الحفله معموله عشان خاطر ذياد يتعرف عليه زهره يا متخلف وسأبه ومسك ايد سالي وبدأ يرقص معها كان ادهم حاطط ايده علي وشه وباصص علي جاسر بغضب وبيقول بصوت كله همس وغيظ الله يحرــ,,ـقك وانت عامل زي الفيل كده كانت زهره قاعده وجنبها ؤرضا قرب منهم ذياد ومد أيده ليها وقالها برومانسية ممكن تسمحلي ارقص معكي ؟
زهره بصت ليه بصدمه وقالت انا
ذياد بابتسامه اكيد انتي يعني لاني صحه خالتي رضا متسمحش انها ترقص معايا
ردت زهره بسرعه بس انا مش بحب الرقص !
ذياد كان لسه أيده ممدوده ليها وقالها بنفس الابتسامه طيب جربي يمكن يعجبك الرقص معايا
ردت زهره بصدمه وعيون مفتوحه وقالت نعم
رضا اتكلمت بسرعه قومي يا بنتي ارقصي شويه زي سالي وفكي عن نفسك شويه رد ذياد بسرعه وحماس يلا يا زهره اسمعي كلام رضا دي بتقول حكم وضحك
زهره اتكلمت بنفاذ صبر حاضر يا خالتي عشان خاطرك بس وقامت معه
بدأ ذياد يرقص مع زهره وقرب منها وهمس بصوت واطي
ما الجميل بيعرف يرقص اهو امال كنتي بتدلعي عليا ؟
زهره بصدمه نعم ؟!ممكن تحترم نفسك شويه ولا هروح اقعد انا اصلا مش طايقه الرقص وفجاءه هي وبترقص جات فكره في دماغها وابتسمت
كان ذياد بيرقص وكان مندمج ومركز مع عيون زهره فجاءه داست زهره علي رجله وصرخ بصوت عالي
ذياد بصراخ رجلي ابتسمت زهره قربت منه بسخرية عشان تبقي تقرب تاني اجمع الكل حوليه يطمنو عليه رضا بخوف في اي يا ذياد مالك
زهره ردت بسرعه اسفه يا جماعه داست علي رجله بالغلط عن اذنكم ومشيت بسرعه وهي بتبتسم
ادهم قرب من ذياد وقال وهو بيضحك شكلها علمت عليك يا زيزو ؟
اتعصب منه ذياد وقاله اخرس يا حيوان
رضا اتكلمت بصوت جاد يلا يا ولاد السفره جاهزه كفايه رقص
قعد الكل علي السفره وكانت سالي قعده جمب زهره وادهم وجاسر وذياد جمب بعض ورضا قاعده علي رأس السفره
سالت زهره بفضول قولي يا استاذ ذياد صاحبك كان مضروب بالرصاص وفي العنايه مفكرتش تجي تزوره وانت جاي معايا علي نفس الطياره؟ ادهم قرب من ذياد وهمس بصوت واطي الله اتقفشانا يا زيزو؟
جاسر بهمس اخرس يا متخلف احنا اتقفشنا في شقه مشبوه
رد ادهم بسرعه انا قولت الفيل ده برضه نيته مش سالكه
ذياد اتعصب منهم واتكلمت بهمس اخرسو
اتكلمت زهره وقالت مش بترد ليه يا استاذ ذياد هو سؤالي صعب كده ومحتاج تفكير
ذياد اتكلم برتباك معلش يا زهره انا رجعت بعدها بيومين علي فرنسا وكان في شغل مهم وعقود مقدرتش انزل وكنت متابع مع جاسر بالتليفون وبعت دكتور مخصوص من هناك عشانه ولما فضيت جيت اهو ادهم بصوت حنون ربنا يخليك ليا يا صاحبي ولا يحرمني منك انت اخوي وغالي علي قلبي وافداك بروحي
قالت رضا بعيون كلها دموع ربنا يخليكو لبعض يا ولاد
قمت زهره من وسطهم وقالت الحمدلله عن اذنكم هطلع ارتاح عشان تعبت
رضا بحينه اتفضلي يا بنتي اذنك معكي بعد ما زهره طلعت بص ذباد بعيون حاده وبصوت جاد للجميع جهزو نفسكم من بكره هنلعب علي المكشوف وانتي يا خالتي بكره هتسافري
ردت رضا بسرعه وارتباك حاضر يا بني جاهزه كان الوقت اتاخر وزهره واقفه في البلكونه بتبص علي النجوم ومركزه مع مكان الخيال اللي بيقف قصادها كل يوم بس ملقتش حد فجاءه سمعت صوت بيقولها
“انتي بتعملي اي في الوقت ده “انخضت ورجعت لورا
زهره اتكلمت بهلع وصدمه يا ساتر عليك خضتني مش تعمل اي صوت الاول
ضحك ذياد عليها وقالها بسخريه وقالها امال اللي عملته ده اسمه اي مش صوت وبعدين دي انا في الاوضه اللي جمبك
بالحق قوليلي سهرانه ليه يا زهره لفت زهره لبعيد وردت هو تحقيق ولا اي؟ ذياد لا بجد دي فضول ؟ردت زهره عليه بصوت مكسور
اصلي انا عندي ارق بيجني بليل مش بعرف انام ولو نمت بتجني كوابيس سئيه جدا عندي أسهر احسن من اني اشوفها اتكلم ذياد بهمس وبصوت كله غضب “والله لحرــ,,ـق قلوبهم وبكي عيونهم دم يا زهره زي ما عذبو قلبك وبكو عيونك
زهره !! عن اذنك يا استاذ ذياد
ذياد !!أه اتفضلي
تتوقعو اي اللي ناوي عليه ذياد واي هي خطته مع أعداء زهره
يتبع
الفصل الخامس والعشرون كان ذياد واقف في البلكونه بيبص علي اثر زهره بعد ما دخلت وعيونه حمرا من شده الغضب بعد سمع كلامها وكسره صوتها طلع تلفونه وعمل اتصال رد الطرف التاتي عليه إتكلم ذياد بغضب جحيمي
قولي امته معاد العمليه والتسليم هيكون فين
رد عليه الطرف التاتي وقاله بكره يا ذياد بيه التسليم؟ عرفت من مصادري أنه بيحاول علي قد ما يقدر انك متشمش خبر بعد اخر عمليه ما ضعيتها عليه
رد ذياد بصوت جهوري وقاله أتأكد كويس من مكان التسليم وعايز يحصل زي ما قولتلك بالضبط مش عايز غلط انت فاهم ولو حصل اي حاجه بلغني فورا
رد عليه وقاله الطرف التاتي حاضر يا ذياد بيه اعتبره حصل .
اتكلم ذياد برتباك خلاص اقفل لحد يشوفك وتبقي مشكله
رد التاني سلام يا ذياد بيه
وقفل وبص بشر وإتكلم وديني لا اطلعك من جحرك زي الفئران الهربانه من المصيده ورني اخرك يا هيما باشا
ودخل اوضته ونام علي سريره أول ما غمض عيونه شايف زهره قدامه لما داست علي جزمته وضحك ونام
تاني يوم الصبح صحيت زهره وصلت ونزلت كانت بتبص حواليها مش عايزه تشوف ذياد قدامها
لقيته قاعد في صاله في الفيلا مع جاسر وادهم بيتكلمو بهمس أول ما شافها ابتسم ليه ابتسامه عريضه انتبه ادهم ليه وكان فاتح بوقه من الصدمه وقاله بسخريه
يا سلام علي الحب لما يعمل العاقل اهطل لسه كان عامل يدي نصائح ويتامر علينا ودلوقتي بقي زي القطه
ضحك جاسر بقوه لما عيونه دمعت وكان ادهم بيضحك ض*ربه ذياد علي رجله بقوه وإتكلم بغضب منهم
لم نفسك يا فرقع لوز وانت كمان يا حيوان بتضحك ليه
اتكلم جاسر من بين ضحكته اصلك مش شايف نفسك لما شفت زهره شكلك بقي مسخره قربت سالي منهم واتكلمت بصوت وصل لزهره هي وقاعده
انتو بتتكلمو بهمس ليه كده؟ اتكلم ذياد بصوت مسموع عيب يا سالي قولتلك لما تلقي حد بيتكلم متتدخليش بينهم فاهمه
سالي بصوت واطي !!حاضر يا أبيه ومشيت من قدامهم
راحت سالي وقعدت جمب زهره بصت ليها زهره
وقالتها ازي بكلمك بالطريقه دي يا سالي وساكته
ردت سالي بضحك واي يعني يا زهره دي أبيه ذياد
هو اللي مربيني اكتر من جاسر اخوي
وهو اللي بيعملني الصح من الغلط هزعل منه اعجبت زهره بكلام سالي وعلاقتها مع ذياد لأنها من وقت ما امها ماتت محدش علمها الصح من الغلط بس هي كانت ماشيه علي مبدأ امها اللي علمته ليها هي وصغيره
اتكلمت زهره بصوت حنون قوليلي يا سالي انتي تعرفي ذياد من امته واي علاقته بجاسر
ردت سالي وقالتلها أبيه ذياد كان صديق ادهم من زمان فتعرف علي أبيه جاسر عن طريق ادهم وانا كنت صغيره وقتها فادهم من بعد ما اهلو اتوفوساب بلده بقي عايش معانا في نفس البيت بس في دور تاني فوق اصله كنا عايشين في عماره وقتها اتكلمت زهره بفضول كملي يا سالي سأكتي ليه
اتكلمت سالي بحيره كأنها بتخفي حاجه علي زهره
ولا حاجه يا زهره بس انا كنت صغيره وأبيه ذياد كان قاعد
مع ادهم في نفس الشقه لا أنه مش من هنا قصدي من محافظة بعيد وكان يدرس هنا وهو كان حنين معايا وبيجيلي حاجات كتير وكان آخ وصديق ليا اكتر من جاسر وكبرنا سوا احنا الاربعه وخالتي كانت معانا في كل خطوه لغيت دلوقتي ! فجاءه جات رضا عليهم وقالت يلا يا ولاد الفطور جاهز
قامت سالي من جمبها وزهره كان عندها فضول تسمع باقي قصتهم قامت هي كمان ولقيت ادهم وذياد وجاسر كانو
قاعدين علي السفره وبدو الاكل كان ذياد يبص لزهره ويبتسم ليها بحب ونظراته كلها احتواء