ابن الجيران عيل رخم أوي دايما بيلعب وعامل دوشه جامدة في الشقه ..ابوه وامه سايبنه ومدلعينه ع الاخر اكمنه ابنهم الوحيد اللي خلفوه بعد فترة طويلة الحيلة بقى ومش عايزين يزعلوه انا ساكن لوحدي في الشقة اللي تحتهم للأسف انا من النوع اللي صعب ينام وفي دوشه حوليه واقل صوت ممكن يقلق منامي بس كنت متحمل وساكت ..لغاية مافي يوم ابو الولد دا جاب لابنه كلب يادي الوقعه الهباب ..كلب رخم زي صحابه
طول الليل والنهار بيهوهو وعامل لي صداع كنت عايز اكلم الراجل واشتكيله ..بس تراجعت وقولت هيحرجني ومش هيفرق معاه ولو زودت مش بعيد ادخل معاه في مشكله لانه راجل بتاع مشاكل وخصوصا ان مفيش حد من السكان اشتكى غيري من الكلب ودوشة ابنه تجنبا للأحتكاك بيه فكرت وقررت اني لازم اسرب الكلب دا وبأي شكل هو كل يوم بينزل يلعب بيه قدام العماره مع العيال وبيطلع بعد العشا
بعد يومين وهو طالع ومعاه الكلب ميدو يا حبيبي ازيك بص في بأستغراب وقال الحمدلله عامل ايه في المدرسه رد برخامه وقال كويس اممم انت ولد جميل ومؤدب ومش خسارة فيك الشيكولاته دي حطيت ايدي في جيبي وطلعت له الشيكولاته واديتهاله أتردد شوية وقال انا ماما قالت متاخدش حاجه من حد وانا حد برضو احنا جيران خدها وقال طيب شكرا
طب ايه مش هتدوقها وتقولي رأيك فيها هات انت السلسلة دي انا همسك الكلب وانت افتح ودوق وقولي ايه رأيك لسه السلسلة اللي رابط بيها الكلب تظاهرت انها فلتت من إيدي والكلب جري بسرعه على تحت الولد صرخ وعيط وقال عاااا الكلب بتاعي متخافش يا حبيبي انا هجيبهولك نزلت جري ورا الكلب ولقيته واقف قدام باب العماره شيلته بسرعه وجريت بيه بسرعه وسربته عند الخرابة اللي في ضهر العمارة
ورجعت لقيت الولد مستني وهو بيعيط معلش بقى يا حبيبي الكلب جري مني ملحقتش أحصله الولد فضل يعيط وجري بسرعه على شقتهم وبعد ساعه كنت قاعد في شقتي وانا مبسوط اني اخيرا اتخلصت من الكلب المزعج دا لقيت الباب بيخبط جامد مين قليل الذوق اللي بيخبط كدا دا ؟ فتحت الباب وانا متعصب نعم !! لقيت والد الولد وهو بيقولي ايه اللي انت عملته دا يا حضرة
عملت ايه خير ؟ ضيعت الكلب بتاع ابني لا محصلش الموضوع انه فلت منه وأنا حاولت ألحقه بس معرفتش جري مني لا انت ملحقتوش لاني كنت قاعد ع القهوة اللي جنب العمارة وشوفتك وانت ساحب الكلب وسربته بعيد لا طبعا دا انا .. انت ايه انا شايفك بعيني وبعدين يا سيدي حتى وان دا حصل هو يصح يعني صوت الكلب والنباح والازعاج اللي هو عامله دا
على قلبي زي العسل انت مالك مالي أزاي صوت الكلب عاملي ازعاج وقارفني في عيشتي هو انت عشان تحايل ابنك تقلب دماغي امي يعني اه قول كدا بقى انت كنت قاصد كدا بقى ومخطط وعملت حوار الشيكولاته دا عشان تسىرب الكلب يا عم انا سربته واعلى ما خيلك أركبه بقى واتفضل بقى عشان انا عندي صداع وعايز انام كدا يعني ؟؟ طيب انا هوريك
قفلت الباب في وشه وانا بلعنه هو وابنه دخلت نمت وبعد نص الليل سمعت صوت باب الشقة بيتفتح قومت بسرعه ولصقت ودني في باب الأوضة ..وسمعت صوت خطوات بتقرب من أوضتي وحد بيقول انت متأكد أنه لوحده ! ايوه ياعم المعلم شوقي مأكدلي كدا احنا بس هنأدبه عشان الحركة اللي عملها معاه وقفلت الباب في وشه بس أوعي تتغابى وتموـ,,ــــته ..شرط سطحي خلاص فهمت
ياولاد الكلب دول جايين يعلموا عليا وفي بيتي كمان فكرت بسرعه أعمل أيه وبعد ثواني كانوا دخلوا الأوضة ملقونيش نايم كنت استخبيت تحت السرير قربوا من السرير وشدوا الغطا وملقونيش ايه دا هو راح فين ؟ يمكن في الأوضة التانيه ..تعالى نشوفه خرجوا من الاوضه وانا اتسحبت من غير ما ياخدوا بالهم وروحت شديت سكـ,,ــــينة الكهربا وقطعت النور طبعا هما اتفاجئوا باللي حصل
وجريت بسرعه على المطبخ ..مسكت سكـ,,ــــين هما فضلوا يحسسوا في المكان ومش شايفين حاجه ..ولانها شقتي وكنت حافظ كل شبر فيها تتبعت صوتهم ووصلت لواحد منهم وضر*بته على دماغه بالفازة ..وقع على الأرض فاقد الوعي صاحبه نده عليه فينك يلا ..جرالك ايه هو مش هيقدر يرد دلوقتي عشان مغمى عليه بس ألتفت وراه ولكمته في وشه وقع ع الأرض قربت عليه ..خبطني برجله في بطني
وقعت ع الأرض ..وقف وسمعت صوت خطواته بتقرب ليا قومت بسرعه وشديت السجاده مرة واحده وقع ع الأرض ..جريت ناحيته ونزلت عليه بالسكـ,,ــــين عليه وانا بقوله انتوا بقى جايين تعلموا عليا وبتقول لصاحبك يشرط سطحي ميغزش انا هوريك التشريط يبقى ازاي يا حياتها عديت السكـ,,ــــين على وشه ..نزف وفضل يصرخ .. طلعت خبطت على شقة المعلم شوقي انت تاني خير خير ..عايزك بس 5 في موضوع مهم
نعم ؟ بقى انت باعت العيال دي عشان تأدبني عيال!!…عيال مين ؟ العيال البلطيجة بتوعك هما تحت مربوطين عندي في الشقة واعترفوا انك اللي بعتهم ايه ؟ انا بصراحه كنت ناوي ابلغ الشرطه ..بس ها ..لا انا مبعتش حد ومعرفش انت تقصد ايه زعقت فيه وانا بقوله شوقي !! مفيش داعي تنكر انا صورتهم فيديو وهما بيعترفوا عليك وبامارة ما اديت كل كلب فيهم 500 جنيه
وريته الفيديو واول ما شافه قالي انا اسف جدا ابوـ,,ــــس ايدك سامحني اسامحك !! طب ازاي احنا جيران والناس لبعضيها وانا مستعد أني اعوضك باي حاجه تطلبها اممم ..اي حاجه اطلبها ! اي حاجه انت تحت أمرك بس بلاش الشرطه اول حاجه تعوضني عن التلفيات الي حصلت في الشقه تلفيات !! طيب ماشي مقدور عليها هو بس ايه الي تلف عندك ؟
فازة وكرسي طيب بسيطه 10 الاف جنيه نعم !! ليييه يعني ؟ دي فازة أثرية انا وارثها عن المرحوم جدي وكانت غالية عندي اوي ايوه بس مفيش بس ..ولا انت عايز تكمل بقية نومك في الحجز اليلة لا خلاص هدفع تمام دا أولا هو لسه في ثانيا كمان ؟ اه طبعا ودا الأهم انت عندك بيت تاني غير دا
اه ايه ..ناوي أكتبه بأسمك كمان لا مش للدرجه دي اومال ايه ؟ من الصبح هتاخد مراتك وابنك ميدو الرخم دا وتتكل على الله من العماره كلها ..عشان انا اتخنقت منكم بصراحه ..ومن غير تصبح على خير #انا_وميدو_والكلب #حماده_هيكل