عمر،، بترفضينى انا عمر سلمان ده انا هخليكى تتمنى المـ ـوت… قولى انك بتحبينى قولييي أشواق كانت بتعيط بح/رقة و فجأة صوت خبط عمر برق و وقع على الارض أشواق بصت لقت فوزية اللى ماسكة عصاية و ض/ربته.. فوزية،، قومى تعالى ورايا قبل ما يفوق أشواق قامت وراها و سابت عمر،، دخلت أوضة فوزية و هي منهارة إشواق،، انا عاوزة أفهم فيه ايه انا مش قادرة أكمل التمثيلية دي!! فوزية قعدت و حطت رجل على رجل ولعت سيجارة،، مش بمزاجك يا أشواق
انا هنا اللى أقول إمتى و فين زى ما انا برضوا قولت ل ملاك امتى تكمل و لما عصتنى بعت اللى مـ ـوتها… اصل اللى ملوش خير فيا يستحمل اللى يجرا له أشواق،، و اللى مـ ـوتها إنتي مش جاسر جوزى ؟؟ فوزية ضحكت ضحك هستيرى و مرة واحدة اتكلمت جد،، هو انتي فاكرة ان جاسر كان جوزك.. هههه انتي مغفلة أوى… عشان أريحك لاء مش جاسر اللى عمل كده… شوفى يا شوق انا اللى بحرك الدايرة كلها و زى ما أكون عاوزه بيحصل… و انتي هتفضلى هنا
أشواق،، ليه انا عرفت من عمر انك مش أمه ليه تبقي خايفة عليه كده يعنى!!؟ فوزية نفخت سيجارتها،، عشان عاوزة كده و طلاما قولت يبقى خلااص.. المرة دى أنقذتك من تحت ايد عمر و خلي بالك عمر عنده فصام فى الشخصية يعنى لو عصبتيه و حضرتي حالته هيـمـ ـوتك أشواق سابتها و هي بتقول،، طب ايه العمل يا رب بس انا ايه اللى رمانى على الناس دى و صح ازاى.. ازاى جاسر مش جوزى انا هتجن
تاني يوم أشواق كانت واقفة في المطبخ بتعنل كوباية قهوة لفت إنتباهها الخدامة ماسكة تليفونها.. راحت ناحيتها بسرعة و قالت،، بقولك اى ما تدينى ثانية بس تليفونك الله يكرمك الخدامة بسرعة أدت لها التليفون و قالت،، ده انتي تؤمرى يا ست ملاك أشواق فتحت السيرش و بحثت عن قضية جاسر و فجأة وشها أترسم عليه ملامح الصدمة..!! و قالت في سرها،، القبــ,,ـــــض على رجل الاعمال عادل الباشا في قـ ـتل ولده
…. يعني ايه.. يعنى انتي براءة يا بت يا اشواق #اه براءة يا أشواق… انتي فاكرة انى هسيب عليكى دليل بعد ما طاوعتينى و سمعتى الكلام أشواق بصت لقت فوزية اللى دخلت و وقفت قصادها،، تهمة زى دى كانت هتلبس فيكى بس خلاص أشواق م\اتت من كل السجلات و حتى سيرتك أتقفلت ما بقاش فيه غير ملاك حرم عمر سلمان أشواق،، بس انا مش ملاك ولا عنر ده جوزي فوزية دخلت تصب القهوة ببرود،، بس انا قررت يا شوشو و طلاما انا قولت حاجه تقولوا ايه… تقولوا آمين
فجأة ظهر صوت خشن،، احم احم ايه في ايه مالكوا… ايه يا ملاك صحيتى بدرى يعنى عمر جاه و ح*ضن اشواق و باسها على خدها.. فوزية،، ما فيش يا حبيبى مراتك كانت صاحيه تحضر لك القهوة و الفطار… اومال انت رايح فين كده عمر،، الشركة و مشوار تانى هقول لك عليه بعدين… ايه هتفضلى واقفة كتير يا امى عاوز المدام فى كلمتين أشواق كانت مخنوقه و خلاص هتعيط عمر بص لها و قال،، حبيبى زعلان ليه
.. لااه ده شكل الموضوع كبير مين زعلك أشواق أستغربت ان اللى حصل ليلة امبارح هو نساه و أفتكرت كلام فوزية .. اشواق،، ما فيش انا بس حاسة انى اتحبست من ساعة ما رجعت و انا مش بطلع عمر،، انا مش مانعك خدي فوزية و روحوا… فوزية يا فوزية أشواق اتضايقت و لسة هتقول له لاء لقت فوزية جات و عمر قال لها،، خدي شوشو و روحوا النهاردة اعملوا شوبينج و انتى يا ملا… يااا شوق خدي دى الفيزا كارد بتاعتى عقبال ما اشغل بتاعتك
…… و بليل في مكان تاني قصر الباشا كان الحال غير الحال البيت فيه اسود.. عزا.. ناس بتبكى و ناس بتشمت.. بعد ما العزا خلص دخل المحامى و قال،، انا جيت زى ما طلبتوني يا مدام كريمة كريمة،، ايوة بس انا ما طلبتكش يا استاذ محي بعدين لسة بدري على إعلام الوراثة خصوصا ان الوالد ما توفاش محي،، انا مش جاي في اعلام وراثة سلوى قالت بلؤم،،، اومال جاي ليه يا متر
#جاي عشان يطردكوا… من قصري الكل بص لمصدر الصوت لقوه عمر!! كريمة،، ايه اللى جابك يا عمر يا سلمان مش كفاية انك السبب فى اللى حصل المحامى رد،، حسب العقود الاستاذ عادل الباشا كتب كل ما يملك ل عمر بيه بيع و شرا يعنى هو المالك الفعلى لكل أملاك الباشا سلوى أبتسمت إبتسامة خفية و حطت كفها على رقبتها بخب/ث و كريمة طبت على الارضمن الصدمة.. عمر بص لرجالته،، انت يا ابنى انت و هو نضف لى القصر ده عشان أبقي أسلمه هدية لمراتي..
سلوى ملامحها أتغيرت لضيق و بصت له قوى لكن هو ساب رجالته تطردها.. و في الوقت ده تليفون عمر رن و كانت فوزية اللى قالت،، إلحق يا عمر.. كارثة … البت أختفت عمر وشه أتقلب،، انا جاي سلوى جريت وراه و هي بتناديه،، عمر إستنى… استنى يا عمر… انا عملت كل اللى أتفقنا عليه و اخرتها ترمينى الرمية دى عمر،، اخفي من وشي الساعة دي… انا مش ناقصك!! زقها و طلع بالعربية و هي قعدت على الارض و قالت،، ماشي يا عمر و رحمة امى لأندمك
رنت على تليفون،، الو… خلص!! ………………… اما في مكان تانى أشواق بتفوق بتلاقي نفسها مربوطة في مكان ضلمة شكله فخم.. أشواق،، عمررر… يا عمررر الباب اتفتح و دخل واحد و كان صدمة لأشواق تعرفوا هو مين…………. يتبع! قولولى بقى متابعين ايه من مسلسلات رمضان #أشواق #الحلقة_6 حبايب قلبي أسفة جدًا على التأخير ده و هحاول على قد ما أقدر ألتزم معاكم و اللى عاوز يتابع الحكاية يخش على صفحتى هنا على الجروب هيلاقي كل الحلقات
نبدأ الحلقة وقفنا الحلقة لما أشواق بتفوق و تلاقي نفسها مربوطة في مكان ضلمة شكله فخم.. أشواق،، عمررر… يا عمررر الباب اتفتح و دخل واحد و كان صدمة لأشواق،، برقت عينيها بصت له بدهشة. أشواق صرخت،، ديب الحقنى يا ديب ولاد الكـ ـلب دول خاطفين بت حتتك يا ديب الديب قرب و قعد قصادها،، لمس وشها و قال،، يااه يا أشواكى تعرفي يا بت انا طول عمرى اقول انى جبل ما يهزنى اى حد بس من ساعة ما مسكت مهمتى و جيت عندكوا المنطقة و عرفت ان انتي اللى عليها العين حبيتك يا بت
بلع ريقه و هي كانت هتجنن و قالت،، مهمة؟؟… مهمة اى يا ديب… انا.. انا كفاية عليا كده يا أخويا يا تفهمونى يا تمـ ـوتونى …. انا لقيت نفسي متجوزة و جوزى مـ ـات و التانى بيقول انى مراته و انا ولا فاهمه اى حاجه الديب وقف،، اداها ضهره و قال،، و انا هفهمك كل حاجه يا شوق… اولا انا ما أسميش الديب ده إسم شهرة مش أكتر انا… المقدم حسام السقا… جيت المنطقة من شهور نفس الميعاد اللى أكتشفنا فيه… جـ ـثة ملاك حرم عمر سلمان
الديب طلع سيجارة و بقي يبص عليها بتركيز،، عمر سلمان أكبر رجل أعمال في مصر و في كذا دولة برا ده غير شغله الوسـ ـخ التاني… راجل له شهرته و تقله تهزه واحده زى ملاك.. بعد ما حققنا في القضية عرفنا ان ملاك كانت هربانة منه مع خصمه جاسر الباشا أشواق قالت بإنهيار،، ايوة جاسر… جاسر جوزى و فوزية بتقول انه مش جوزي
الديب ولع السيجارة و قعد على الكنبه و قال،، هو فعلا مش جوزك… جاسر لعب لعبه حقيرة… قال يخدعك بالجواز و منها يستفاد انك نسخة من ملاك يساوم بيها خصمه عمر و منها ينتقم من مراته سلوى الباشا فقال يعمل عليكى تمثيلية انه يتجوزك… بس ما لحقش يكمل لعبته كان عمر بعت اللى قضى عليه أشواق كانت منهارة،، ايوة بس انا انا… ما ليش دعوة بـ مـ ـوته يا ديب
انا كت عاوز اعيش و اعالج أبويا لقيت نفسي في دوامة ما ليش يد فيها الديب قال،، للأسف يا أشواق انتي اتورطى في الحكاية دى و ما فيش حاجه تقدر تطلعك من الموضوع ده غير.. حاجة واحدة أشواق،، اي حاجه المهم ارجع تاني زى ما كنت ملعون ابو الفلوس على اللى أخترعها الديب راح يفكها،، الحاجة دى اللى انا و الفريق بنشتغل عليها و مش هنقدر نوصل للى عاوزينه غير بيكى… انتي الوحيدة اللى تقدرى تجيبى لنا عمر سلمان على جدور رقبته… و اوعدك يا
أشواق انا هخليكى تطلعي من كل ده زى الشعرة من العجين …………. عمر رجع البيت هو و فوزية بعد تعب و تدوير على أشواق و لما رجع لقي القصر مضلم بالكامل.. عمر بص لفوزية و قال،، ايه اللى مضلم القصر كده؟؟… نادي اى زفت من اللى شغال يفتح النور فجأة النور فتح و عمر و فوزية فضلوا مكانهم مبلمين،، لقيوا أشواق واقفة و مولعة شموع فى كل انش فى القصر.
اشواق،، مفاجاة… ايه رأيك يا حبيبى.. طبعا انت مستغرب ليك حق… مش عارف النهاردة ايه؟… عيد جوازنا!! عمر مسك دراعها و قال،، انتى كل ده كنتي مستخبية و قلقتينا عليكى؟؟ اشواق ردت بدلع،، بجد يا حبي خوفت عليا… بصراحة بقي يا عمر لما فوزية قالت لى انك كنت قلقان عليا انا ما صدقتش غير لما شوفت عمر بص لفوزية و قال،، انتي كنتي عارفه؟؟… كل ده كنتي عارفة يا فوزية و ساكتة
فوزية ما كانتش قادرة تركز مع أشواق اللى ابتدت تشغل دماغها ولا مع عمر اللى سانن أنيابه و اتفاجات بأشواق باست عمر من خده و ح*ضنته.. أشووق،،شوف انت بتتكلم فى اى و احنا في ايه… عمر بص كده ركز معايا ايه رايك فى شكلى؟؟ عمر أتنهد و قال،، شكلك حلو بس انتي خضتينى جامد يا حبيبتى… انا أفتكرت جرا لك حاجه!! أشواق،، عشان كده انا مديونة لك بإعتذار… بس مش هنا… تعالى فوق اوضتنا
فوزية فتحت بوقها من الصدمة لدرجة انها شكت ان اللى قدمها ملاك و هى طالعة فوق بدلع و بطبيعيتها القديمة.. عمر اول ما طلع جه يقرب لقاها بتبتسم و قالت برقة،، اي رأيك لما نرقص وحشنى رقصنا عمر راح فتح الموسيقى و قربها ليه و بقوا يرقصوا على أنغام الموسيقى أشواق قالت بخفوت،، مالك حاسة انك متوتر.. مش مبسوط عمر،، مبسوط طبعا ده اليوم اللى قابلتك و… حبيتك…. عشان كده هديتك حاضرة ما نسيتكيش
أشواق،، هدية.. هيا فين؟؟ عمر سحبها من إيدها و نزل على تحت جري و حتى لما فوزية سألتهم رايحين فين ما ردش و طلع على برا على طول و أشواق معاه مش فاهمة خدها على العربية و ساق.. وقف عند قصر كبير أشواق أتصدمت أول ما شافته و قالت،، قصر الباشا! عمر أبتسم نزل و فتح لها باب العربية و قال،، اتفضلى يا سينيوريتا قصرك الجديد… عيلة الباشا أنتهت خلاص!
أما في شقة الديب،، كانت شقة راقية في كمباوند فخم.. دخل بعد يوم طويل اترمي على الكنبة من التعب لقي مراته جات و شكلها متعصب.. ندى،، حمد لله على السلامة يا بيه… لسة فاكر ان ليك بيت… انت ايه يا أخى احنا ولا اى حاجه فى حياتك الديب قال بزهق،، فرحة مش نقصاكى. … انا فيا اللى مكفينى… روحى اعنلى لى فنجان قهوة يا تسيبينى الله يرضيكى فرحة قعدت قصاده و عينيها دمعت،، حسام هو انت طلاما ما بتحبنيش ليه إتجوزتنى.؟؟… اه صح عشان الترقية مش كده
الديب قام،، اااه ده انتي ناوية تنكدى يا فرحة… طب انا قايم انام… غورى يا شيخة ده الشغل أرحم من قعدتك فرحة قعدت تعيط و حست انها دايما بتخسر جوزها فقامت تصالحه بس قبل ما تدخل اوضته وقفت تسمعه و هو بيقول،، اي يا أشواق طمنينى عليكى كويسة!! …… نرجع لأشواق اللى كانت فى الحمام و عمر كل ده مستنيها،، لحد ما زهق و خبط،، شوشو… أفتحى بقي كل ده جوا بتعملى ايه
فجأة النور قط/ع،، عمر مسك حواليه و بقي ينادي أشواق و قلقان عليها،، ملااك.. انتى فين ما تقلقيش انا جاية لك حد جاه من وراه و بقي يخنـ ـق فيه بكيسة و هو بيطلع فى الروح خلاص لمس إيديها لقاها ايد ناعمة خربشها بكل قوة لحد ما داخ وقع… عمر فاق على السرير و مراته بتكلم الدكتور اللى كان بيكشف عليه بقلق.. أشواق،، هو هيبقي كويس يا دكتور أرجوك طمنى
الدكتور بص عليه و قال،، إطمنى اهو فاق و هيبقى زى الحصان أشواق جريت على عمر و ح*ضنته بسرعة و هى بتقول،، ايه اللى حصل لك يا حبيبي بس… انا طلعت لقيت حد بيخنق فيك عمر لسة هينطق بص على ايديها و لاحظ الخربوش اللى على ايدها.. عينه أسودت و أتحول….. يا ترى عمر هيفضل يحب أشواق و الحياة وردى؟ و فرحة هتعمل اى لما تعرف اللى بين جوزها و أشواقبعد فرحها حبت تروح شهر عسل هي و جوزها و اللى كان فى شالية على البحر
و كان بعيد عن البلد اللى بـ تسكن فيها بكتير و لما وصلوا دخلت الشالية لقته فاضى خالى من كل حاجه الا صندوق كبير،، غصب عنها راحت ناحيته لقت عليه فيونكة.. عمر ح*ضنها و قال،، حبيب قلبي مش ناوى يشوف هديته شد الفيونكة أتفتح الصندوق عشان تلاقي جواه،، أكتر من ست نسخة منها بالظبط زى ما يكونوا هي، أشواق لمست واحده فيهم و أتصدمت لما لقت ملمس بشـ ـري ……………