ندى
متشغلش بالك يا طارق بيا انا كده كويسة جدا ولا يهمك يا حبيبي وبعدين بطل كل شوية والتانية تأنب نفسك علي اللي حصل ده شئ كان مكتوب لنا من قبل ما نركب العربية حتى لو مكنتش اتعصبت كان هيحصل ومين عارف وعسى ان تكرهوا شيئا وهو خيرا لكم يمكن اللي حصلنا ده خير مين عارف
طارق
ونعم بالله ياحبيبتي اكتر حاجة بتعجبني فيكي إيمانك بالله يا ندى ربنا ما يحرمني منك يارب ياحبيبتي
وتحت عند حماتي
وبعدين يا حماتي هو انا هنفضل بقا نطلع نعملها كل حاجة في البيت دي ولا كاننا خدامين عندها انا
وانتي لا لا انا مش هقدر استحمل كده انا
الحما
ادينا بنعمل عشان ينوبنا ثواب يا هند ولا انتي مش عايزة الثواب ده بقولك ايه بطلي كل شوية تتكلمي في الموضوع ده
هند
هو انا يعني بتكلم من فراغ ده ربنا اللي يعلم انتي صعبانة عليا ازاى ولا ابنك طارق المسكينة ده ليه يعني يفضل بقيت عمره عايش مع واحده عاميه كده ده لسه صغير على الهم ده
الحما
والله بقا هو حر ياختي دي مراتة واللي حصل معاها ده من عند ربنا
وهو بقا قادر انه يزيح الغمة ان شاء الله
هند
ااه طيب بس انا بقا معلش انا مش هشتغل خدامة عند حد طيب ما
تخلي طارق ابنك يتجوز ياحماتي ده حتى على
الاقل هيجيب واحده
—
تخلف له حتة عيل بدال ما الست ندى اللي مش عارفه تخلف له عيل لا وكمان اتعمت ده ايه المرار ده
الحما
بقولك ايه يابت يا هند قومي من هنا انا مش ناقصه ۏجع دماغ انا مش نقصاكي ياختي يلا غوري من قدامي كتك الهم
وعندي في شقتي الصبح طارق قالي
انا نازل الشغل ياحبيبتي انتي عايزة مني حاجة يا ندى لو احتاجتي حاجة ابقي خلي ماما
تتصل بيا
ندى
انا عايزة سلامتك يا حبيبي ابقي خلي بالك من نفسك هي العربية لسه في التوكيل بتتصلح ولا ايه
طارق
ايوه لسه قدمها مش اقل من اسبوعين على ما اروح استلمها انا بروح مواصلات هعمل ايه يعني يلا سلام ياحبيبتي
وفي اللحظة دي كان بيفتح باب شقته ولقي مامتة في وشة وقالت له
انت نازل يا حبيبي هي مراتك صاحيه ولا نايمة يا طارق
طارق
لا يا ماما دي صاحيه جوه في الاوضة وكويس انك طلعتي عشان ابقي مطمن عليها وانتي معاها
الام
طيب يا حبيبي روح انت شغلك
وملكش دعوة بيها اديني معاها اهو وخلي بالك انا كده بقيت خدامة لمراتك بلا نيلة كان مستخبي لنا فين ده بس يا ربي
طارق
ياماما خدامة ايه بس يا ست الكل انتي بتعملي كده ثواب وربنا هيكرمك ويبارك في صحتك عشان بتخدمي واحده زيها
الام
اه ياخويا بلا وكسة الا ماهي كانت عارفه تجيب لك حتة عيل يفرح قلبك ولا كمان جايه تتعمي يلا خليني ساكتة احسن
طارق
ايه بس الكلام اللي انتي بتقولية ده يا ماما هو في ايه لده كله ياست الكل
الام
في يابني ان انا زهقت انا ومرات اخوك
احنا شغالين عند الهانم مراتك قال ايه عشان عامية بقولك انا لو استحملت النهاردة مش هستحمل بكرة انت تشوف لك حل احسن
طارق
اشوف حل اعمل ايه يعني يا ماما بس انتي عايزة ايه دلوقتي
الام
عايزاك تتجوز يا عين امك واحده تيجي تشيلك وكمان تخلف لك حتة عيل قولت ايه
طارق
لا يا ماما عشان انا بحب ندى ومش هخلف عغير من ندى ماشي وانا عايز انزل دلوقتي اروح شغلي وسعي بقا يا أمي خليني اروح اشوف اللي ورايا
ونزب طارق وانا كنت سامعه كل الكلام اللي اتقال من أمه ده وفضلت اعيط
ودخل حماتي وقالت
يافتاح ياعليم يارزاق يا كريم انتي بټعيطي ليه دلوقتي انتي عايزة حاجة ولا ايه
ندى
لا لا يا حماتي مش عايزة حاجة انا بس بعيط عشان صعبان عليا نفسي مش اكتر
الحما
ااه طيب ياختي تحبي اعملك ايه عايزة حاجة اعملها لك
ندى
لا مش عايزة حاجة انا هنام ومش هصحي خالص غير على بالليل لو انتي عايزة تنزلي يا حماتي انزلي انا مش عايزاكي تتعبي نفسك كتر خيرك
الحما
طيب انا هنزل ولو احتاجتي حاجة ابقي نادي عليا او نادي على هند مرات محمود يلا فوتك بعافيه
ونزلت حماتي وانا فضلت اعيط كتير لحد لما نمت وعند طارق اللي راح لنوال دي واحده هو يعرفها وبيروح عندها لما مزاجة بيجيبة لها وقالت له
حمد الله على السلامة ياحبيبي انت لسه فاكرني يا راجل بقا كده طول المده دي مشوفكش
طارق
ما انتي عارفه اللي حصل لي من الحاډثه اياها اعمل ايه بس ياقلبى وبعدين انا جيت لك لما أتعافيت اهو
نوال
بس انت كويس بقالك فترة يا طارق متمثلش عليا
وتعملي فيها انك كنت لسه تعبان صح ولا لا
طارق
ماهو انا كنت بروح الشغل ومكنتش ببقا فاضي يا نوال
وبعدين انا معاكي اهو عايزة
ايه بس هو انتي مش كنتي عايزاني اديني جيت لك ياجميل
انت
نوال
الصراحة انت وحشني علطول
—
يا طارق وبعدين يا خويا هي مش مراتك اتعمت انت لسه ماسك فيها ليه لحد دلوقتي بقا
طارق
عشان الموضوع اللي انتي عارفاه انا مش هسكت غير لما اعمل اللي في دماغي انا قلبي حاسس اني خلاص قربت
نوال
والله انا حاسة انك وأهم نفسك باللي بتعمله ده يا طارق وهيطلع في الاخر مفيش حاجة ابدا انت بس اللي في دماغك الكلام ده وبس
طارق
لا
لا انسي الحكايه دي انا عارف انا بعمل ايه كويس وبعدين بكرة تشوفي العز والنعيم اللي هبقا فيه يابت وهنغنغك بقا ونقب على وش الدنيا
نوال
طيب يا خويا لما نشوف مش لما يبقا معاك ترميني ده اروح فيك في داهيه ساعتها
طارق
انتي عماله ترغي كتير كده ليه تعالي ندخل جوه عايزك في كلمتين يا روح الروح انتي
وبعدها رجع طارق بالليل البيت وانا قولت له
انا موافقه اني اعمل عمليه الحقن المجهري يا طارق خودني وديني للدكتور ونتفق معاه
طارق
ايه الكلام ده يا ندي بس انا عايزك تعملي عمليه لعيونك
يا حبيبتي عشان ترجعي تشوفي تاني وانتي تقولي لي حقن مجهري ازاى بس الكلام ده
ندى
ايوه يا طارق انا عايزة اعمل العمليه مش انت قولت هتبيع الشقه دي ونروح نقعد في شقه بابا يلا بينا نروح من بكرة وتشوف شاري للشقه
طارق
برضو مش هنعمل كده غير لما تبقي كويسة يا ندى متفكريش في الحكاية دي دلوقتي خالص
ندي
لا ياطارق هفكر وهاقولك تاني يلا بينا نروح بيت بابا واتفق مع الدكتور وهو بقا اللي يقرر في العمليه دي انا اهم حاجة عندي اني أرضيك يا طارق انا مش عايزاك تروح تتجوز واحده تانية
اي نعم انا أنانية بس انا عايزاك ليا لوحدي وبس
طارق
طيب ما انا ليكي لوحدك يا حبيبتي ايه بقا تاني وبعدين انا وانتي كده كويسين اهو مش كان كلامك من الاول
ندى
كان كلامي ايوه بس دلوقتي بقولك انا عايزة اخلف منك الله حققي الأمنية دي يا طارق اسمع اتصلي باختي سعاد عايزة اكلمها دلوقتي يلا اتصل
وفعلا اتصل طارق بسعاد وقالت لي
ندى يا حبيبتي عامله ايه طمني عليكي ياقلبى دلوقتي اخبارك ايه
ندى
انا الحمد لله ياسعاد بخير انتي عامله ايه وحشاني والله بقولك يا سعاد انا هاروح اقعد في
شقه بابا شوفي ممكن اروح انا وطارق جوزي
سعاد
اخس عليكي يا ندى انتي تستأذني عشان تروح بيتك في شقه بابا انتي ياحبيبتي روحي براحتك طبعا ده بيتك وانا ان كان عليا انا مش عايزة حاجة الشقه ليكي وانتي حرة
ندى
شكرا يا سعاد ربنا مايحرمني منك يارب ياحبيبتي خلي بالك من نفسك ومن العيال وسلمي لي عليهم كتير
وقفلت مع سعاد وقولت لطارق
اديني قولت لاختي اهي وهي وافقت من بكرة نروح بيت بابا يا طارق
طارق
برضو يا ندى انتي مصممة على اللي في دماغك خلاص طالما دي رغبتك نروح على
هناك
وفعلا تاني يوم رحت انا وطارق واخدت هدومي وفي بيت بابا قولت له
هو البيت متنضف ولا نجيب واحده تنضفه يا طارق انا مش شايفه انت اللي شايف
طارق
ااا اه ياحبيبتي البيت زي الفل اهو الشقه مترتبة وحلوه انتي عارفه يعني ان مفيش حد بيدخل هنا
ندى
طيب كويس انا كت عايزاك تشوف لي واحده تيجي هنا تروق لي الشقه كل فترة
ماشي
طارق
حاضر ياحبيبتي بس هنجيب حد ليه ما أنا هنا اهو معاكي لو عايزة حاجة انا اعملها مش هتأخر عليكي ابدا وبلا نجيب
حد غريب البيت
ندى
انا مش عايزة اتعبك يا طارق في حاجة هو انت برضو اللي
هتعمل البيت انا بقول نشوف
—
واحدة احسن
طارق
طيب طيب ان شاء الله المهم ادخلي ارتاحي انتي في اوضتة النوم يلا
ودخلت اوضتة النوم وجه حد لطارق وقاله
انت متأكد ان احنا هنقدر نشتغل وهي موجوده هنا مش هتحس بحاجة ابدا انا خاېف لتفضحنا ياعم طارق
طارق
ياعم انت متقلقش من الحكاية دي انا مظبط الدنيا انت هتيجي كل يوم تشتغل بالراحة وهي مش هتحس بحاجة ابدا دي اصلا مش شايفه متخافش انت بس يلا ادخل كمل
الحفر يلا
ودخل الراجل اللي مع طارق وفضل يشتغلو في الاوضة وكل ده وانا مش حاسة بس لما حسيت بحركة غريبة قولت لطارق