وبصت لجني وقالت..وانتي يا اخر صبري
.كنتي فين..مرجعتيش ليه بعد معاد درسك..يا بت اتكلمي وقعتي قلبي في رجليا
جنى لهنا مقدرتش تكمل جريت على اوضتها وهيه بتبكي جدا
صباح كانت خايفه جدا ووقفت تبص لطيفها بخوف وشرود ولسه هتروح وراها صدفه قالت..استني يا خالتي انا هروح لها
عند عمار وصل قدام باب شقه وضـ,ـرب الجرس بسرعه
الخدامه فتحت الباب وقالت ..نعم مين حضرتك
عمار زقها ودخل باندفاع والخدامه بقت تجري وراه بتحاول تمنعو لحد ما دخل الصالون وكانت شقه الدكتوره الي كشفت على صدفه واول ما شافتو بلعت ريقها بخوف وقالت…عمار بيه…خير…هو ..هو جد حضرتك
تعب تاني ولاالمدام هيه الي تعبانه
عمار بصلها بسخريه وقلع الكرفته ببطأ وهو بيبصلها بطريقه مرعبه
الدكتوره خافت جدا ورجعت لورا وهيه بتقول..فيه ايه يا استاذ عمار..حصل حاجه ..هتعمل ايه
عمار قرب منها وقال بفحيح مرعب…ولا حاجه…هخلص عليكي.. اتتي عار على الاطباء..ووجودك ملوش لزوم اصلا وفجأه لف الكرفتا على رقبتها وبقى يخنقها بيها
الدكتوره خافت جدا وبقت تحاول تزوقو وقالت برعب وخنقه..ارجوك..ارجوك…انا ….انا مليش …
مليش دعوه
عمار بقى بخنقها اكتر وقال..امال مين الي ليه..اتكلمي..مين الي خلاكي تعملي كده
الدكتوره قاات برعب وخنقه…مرات..مرات عمك…ومرات ابوك..ومعاهم شب..انا …انا مليش دعوه
عمار متفاجأش ابدا كان متوقع الرد ده من اول ما خرج من القصر سابها بسرعه والدكتوره وقعت على الارض وبقت تحط ايدها على رقبتها وبتحاول تتنفس
عمار شد كرسي وقعد قصادها وقال….زي الشاطره تحكيلي كل الي حصل..
عند صدفه كانت قاعده جمب جني الي كانت منهاره وهيه بتحكي لها كل الي حصل
صدفه اتنهدت وقالت بدموع..كفايه عياط يا جني..يابت خلاص كفايه لتحصلك حاجه..والله مافيه حد يستاهل
جني قالت بدموع…كان..كان نفسي يطلع كل الي قالو حقيقه يا صدفه…انا مش زعلانه على الي كان بيفكر فيه قد ما زعلت ان طلع كل الي اتمنيتو وهم..صحيح عرفتو كام يوم بس..لاكن كانو اجمل ايام حياتي طول الوقت كنت احلم اني اكون معاه..وكلامو بيتردد جوايا..ليه عمل كده ..انا…انا حبيتو قوي..قوي يا صدفه
صدفه نزلت دمعه من عيونها هيه حاليا اكتر واحده حاسه بوجعها قالت بدموع..مش كل حاجه بنتمناها بتتحقق يا
جنى…احمدي ربنا انو نجاكي منهم واحد زبا،له زي ده ميتزعلش عليه..يلا بقى روقي واهدي وقوليلي مين الكل،ب ده ومبقاش انا صدفه ان ماجبتو يعتذرلك ويلحس التراب الي بتمشي عليه وانتي عرفاني ومجرباني يلا بقى قوليبي هو مين
جنى اتوترت وقالت..الا مش هتعرفيه با صدفه..واصلا انا مش عايزه اشوفو ولا عيزاه يعتذرلي..مفيش حاجه هتخفف وجعي ابدا حتى لو اعتذر..انسي
صدفه قالت…ايوه بس لازم نعرف هو مين ونحاسبو و
بس جنى قاطعتها وقالت..كفايه وانبي يا صدفه متعمليش زي امي انا مش عايزه اتكلم في الموضوع ده تاني..عايزه انساه….
وزي ما وعدتيني هيبقى سر بنا
صدغه هزت راسها بالموافقه بيأس وخرجت
اول ما طلعت صباح جريت عليها وقالت..ها..ايه ايه الي حصل طمنيني حكتلك
صدفه اتنهدت وضحكت وقالت…والله انتي خوافه اوي يا صباح ولا حاجه مش عارفه بنتك عيوطه..كل الحكايه انها طلعت مع صحابها يتفسحو والقعده خدتهم بس اتخانقت مع واحده زميلتها وعلشان كده رجعت مضايقه
صباح بصت لها بشك وقالت…بجد يابت ..ولا بتضحكي عليا ..وحياه اغلى حاجه عندك ده الي حصل
صدفه بهت لونها لما قالت كده وقالت ..اغلى حاجه عندي…خلاص يا خالتي مبقاش عندي اي حاجه غاليه..الحلفان ده مبقاش بنفع زي زمان…انا مكدبتش عليكي
متخافيش جنى كويسه وهتبقى احسن
صدفه لسه هتروح على اوضتها صباح مسكت ايدها وقالت بحزن..طب وانتي يا ضنايا
صدفه اتجمعت الدموع في عنيها بس ابتسمت وقالت بمرح مصتنع…وانا كمان زي الفل..انا تربيت صبوحه يعني اسد..وعلشان اثبتلك هغير وهاجي معاكي الصاله
صباح بصت لها باستغراب وقالت..بجد هترجعي تشتغلي
صدفه قالت..طبعا هشتغل..خلاص كفايه نوم… هلبس واجي…
ولسه هتمشي الباب خبط صباح قالت هيكون مين دلوقتي
صدفه قالت انا هفتح وفعلا راحت فتحت ووقفت مكانها بضيق لما لقت عرفه في وشها
صباح قالت ..مين يا صدفه
صدفه اتنهدت بخنقه وقالت ..هيكون مين يا خالتي
فتحت اشوف حظي زي كل الناس…اتاري حظي يا قرد يا نسناس
بقلمي…زهرة الربيع