بصيت لحنان وبصتلي، ولقتها أقسمت ما هكمل نوم معاها وطردتني في نص الليل، قالتلي إنها مش هتتحمل تشوف حاجة زي دي أبدًا، ورجعت الشقة المقلوبة عشان تستمر الأحداث المُرعبة دي واللي كلها كانت بتأمرني أروح لجوزي عند القبــ,,ـــــر بتاعه عشان نتجوز، كل ليلة كنت بتأخرها كانت بتحصل فيها أحداث تشيب، لدرجة إني خلال أسبوع واحد كنت عاملة زي التايهة ومبعرفش أجمع جُملة على بعضها، وفي النهاية قررت إني أروح، أروح لحد القبــ,,ـــــر وأسمع الكلام عشان نتجوز أنا وهو..
وفعلًا روحت للقبــ,,ـــــر في الليلة دي، روحت وأنا حاسة من جوايا إني مش هرجع مرة تانية، وقدام باب القبــ,,ـــــر لقيت فستان الفرح بتاعي، الفستان اللي كنت شايلاه في الدولاب بتاعي من يوم وفــ,,ـــــاه جوزي، ومن جوايا فهمت إن عشان الفرح يتم لازم ألبس فستان الفرح، وفعلًا لبست الفستان وسط القبور ووقفت قدام القبــ,,ـــــر أبص يمين وشمال برعب، وبعد دقايق بس بدأت أسمع حركة جوة القبــ,,ـــــر المدفون فيه جوزي، حركة غريبة وغير مفهومة، وقدام عيني شوفته طالع من القبــ,,ـــــر بتاعه، أو شوفت واحد متغطي بالكامل بالكفن بتاعه وبيمد إيده عشان أدخل معاه القبــ,,ـــــر بتاعه..