” سمعت صوت قوي ، وصوت ناس بتصوت ، فجأه الباب اتفتح عليا يلا يا بت = في ايه امشي قدامي يا روح امك = انا معملتش حاجة ، سيبني ، والله انا مليش دعوة ” كان ماسكني بقوة ، خرجت من الاوضة بس كل دا كان سهل شوية لحد ما لقيته واقف برا سيف = شهد ، أنتي بتعملي ايه هنا والله انا جيت هنا غلط ، سيف اسمعني بس ، أنا مظلومة والله
انا عرفت أنتي مين ، شهد عادل صاحبة القضية المشهورة ، اتطلقتي من جوزك عشان تيجي تشتغلي في بيت دعارة ، المشكلة اني كنت مصدقك ، خدها على البوكس
!يتبع الفصل الثامن
والله انا جيت هنا غلط ، سيف اسمعني بس ، أنا مظلومة والله = انا عرفت أنتي مين ، شهد عادل صاحبة القضية المشهورة ، اتطلقتي من جوزك عشان تيجي تشتغلي في بيت دعارة ، المشكلة اني كنت مصدقك بس انا اللي غلطان ، خدها على البوكس!
لا يا سيف اسمعني ، يا سيف = مستني ايه يا عسكري ، نفذ الأوامر ، خدها يلا ” خرجت من الشقة ، الناس كلها ملمومة حواليا ، وكلهم باين على وشهم الابتسامة ، دا غير اللي انا سمعته • غورو خليها تنضف • هي الاشكال دي بتيجي منين بس دا مقامكو • بوظتو البيت ب نجاستكو
” ركبت البوكس وانا بحاول اكون متماسكة اكتر ، لسة واقفة مش عايزة ابان ضعيفة ، لكن كل دا ليه اقابله ، ليه يحصل معايا كل دا ، يعني لو كنت رضيت وكملت مع خالد تفتكر كان كل دا ممكن يحصل ، ولا انا كان لازم اعيش و اكون راضية بالذل والاهانة معاه ، طب ما انا اصلا دلوقتي في ذل ، مش فارقة بقا إذا كان مع خالد ولا لوحدي ، فوقت لقيت العسكري بيشدني عشان انزل
يلا انزلي يا بت انتي و هي بسرعة يااختي ، بسرعة ” دخلنا القسم ، ماشية مع ناس شكلهم عليه غضــ,,ـب ربنا ، اول مرة اكون في موقف زي دا ، خطواتي بطيئة ، مع كل خطوة بأخر رجلي تاني ، سامعة صوت اللي ماشية معاهم ، بيضحكو ، مش ملتفتة ليهم عشان محدش يشوف الخوف اللي واضح جدا في عيني ، لحد ما وقفنا عند اوضة معينة و دخلناها ، وقفنا جنب بعض ، وهو كان قاعد قدامي
ايه يا عزيزة هي كل مرة انا اللي اقبــ,,ـض عليكي = دا من حظي الحلو يا باشا عشان اشوفك بس المرادي ، أنتي جيبالنا معاكي وجه جديد ، اسمها ايه بقا = مين دي يا باشا ، أنا معنديش وجه ، أنا بعتمد على الخبرة ، معنديش وقت للجديد اهي اللي واقفة هناك ، اخر واحدة = معرفهاش يا باشا يعني ايه
= ااااه ، دي البت بتاعت الكوافير ، اصل في راجل جالي واتفق معايا اني اروح الكوافير دا بالذات و اطلب واحدة تجيلي البيت انا والبنات تظبطنا شوية ، وحدد اسمها بالخصوص ، ف انا روحت لانه كان دافع مبلغ حلو ، و اول ما البت جات ، شرفت انت يا باشا ومين الراجل دا = واحد معرفوش ، حتى طلبه دا اول مرة يعدي عليا ، بس مقدرش اقول للرزق لأ
يعني أنتي متعرفيهاش يا عزيزة = انتي عارفني يا باشا ، بقول الحق دايما ، وغلاوتك عندي ما شوفتها قبل كدا ، دي حتى مش الاستايل اللي بحبه ماشي ، يا عسكري ، خدهم على الحجز لحد ما يتعرضو على النيابة ” العسكري جه وشدهم ل برا ولسة بيقرب عندي لا سيبها هنا ، امشي انت ” خرج العسكري ، لقيته قام وقعد على الكرسي اللي قدامي انا اسف يا شهد ، أنا مش عارف اقولك ايه بس انا كنت مصدوم وقتها ، مقدرتش اسيطر على رد فعلي و…
= متتأسفش يا حضرة الظابط ، انت عملت واجبك ، وطبعا انت لازم تفكر كدا ، واحدة مصر كلها بتتكلم عنها ، الكل بقا شايف انها حاجة مسيئة للسمعة عشان اتطلقت وهربت من الاهانة اللي كانت كل يوم بتشوفها مع جوزها ، واللي يضحك ان مفيش حاجة اتغيرت ، نفس الاهانة بس ليفل اعلى ، يعني قبل كدا كان خالد بس هو اللي بيهيني ، إنما دلوقتي مصر كلها بتهيني ، وانت كمان مختلفتش عنهم ، أنا اسفة لو سببتلك اي إزعاج ، ممكن امشي؟
ممكن ، بس هتستني هنا للصبح عشان تتعرضي على النيابة وهي هتخلي سبيلك من هناك ، ومتقلقيش انا هكون معاكي لحد ما تخرجي = لا شكرا يا حضرة الظابط ، مش عايزة اسببلك احراج أكتر من كدا ، سيبني انا بقا ل حياتي ، الخدمة اللي هتعملها معايا بس هي اني عايزة اكلم يارا ، زمانها قلقانة عليا دلوقتي ، لأنها الوحيدة اللي شيفاني بنظرة مختلفة مش زي باقي الناس
حاضر ” خدت منه الموبايل ، قومت وقفت في ركن الأوضة ايوا يا يارا = مين انا شهد = انتي فين يا شهد ، بكلمك تليفونك مقفول ، قلقتيني عليكي انا كويسة ، متقلقيش ، اصل انا في شغل وممكن اقعد للصبح = معقول يا شهد ، ينفع كدا يعني ، طب أنتي فين مش مهم ، أنا عايزاكي تطمني ، وأنا الصبح هرجع.. ” مكنتش مستحملة اكتر من كدا وعيطت
مالك يا شهد ، أنا حاسة انك مش كويسة ، قوليلي أنتي فين وهجيلك = والله انا كويسة اطمني ، ومتقلقيش لو لقيتي تليفوني مقفول عشان بكون محتاجة اركز في الشغل ، باي باي ” مسحت اللي باقي من دموعي ، ولفيت وشي اديتله الموبايل شكرا = العفو ، دي حاجة بسيطة ، أنا همشي دلوقتي و هرجعلك الصبح عشان تاخدي راحتك ، أو احتاجتي حاجة اندهي على العسكري برا
” خرج ، و اول ما عيني شافته خارج فضلت اعيط ، ليه بيحصل فيا كدا ، أنا عملت ايه ، يارب قولي انا عملت ايه ، عشان انتقمت من خالد ، يمكن عشان كدا بتعاقب لان اللي عملته حرام لكن اللي هو كان بيعمله فيا حلال صح ، يارب انا تعبت ، مبقتش مستحملة حاجة تانية ، يارب.. ايوا ، عملت ايه = متقلقش يا خالد بيه ، البت دخلت السجــ,,ـن
انت متأكد من كلامك دا = طبعا متأكد ، أنا شايفها ب عيني وهي نازلة من البوكس متكلبشة برافو عليك ، مش خسارة فيك الفلوس اللي خدتها ” حقي انا مكنتش هسيبه ، وعرفت ااخده كويس منك يا شهد ، ادفع نص عمري و اشوفك وانتي جوا السجــ,,ـن دلوقتي ، زمانك مذلولة زي الكلاب وهتخرجي من السجــ,,ـن تبوسي رجلي وساعتها هدوس عليكي ” ” فضلت صاحية مجاليش نوم ، متابعة شروق الشمس لحد ما ظهرت كاملة ، لقيت سيف دخل الأوضة
أنتي منمتيش ولا ايه = لا ليه = مش جايلي نوم تاكلي حاجة؟ = لا مش عايزة طب يلا ” خرجت من الأوضة ، نزلت ولسة هروح اركب البوكس ، لقيت حد بيشدني من ايدي لا ، أنتي هتركبي معايا = لا معلش مش عايزة لو سمحتي يا شهد ، تعالي اركبي معايا ، أنتي مش متهمة عشان تركبي البوكس ” مكنش عندي وقت افكر لإني لقيته شدني وفتحلي باب العربية ، ركبت ومشينا
شهد ، أنا كنت عايز اقولك.. = لو سمحت يا حضرة الظابط انا مش عايزة اسمع حاجة ، أنا تعبانة مااهو انا لازم اتكلم يا شهد ، اديني فرصة ادافع عن نفسي = وانت ليه مدتنيش فرصة ادافع عن نفسي انا.. = بعد إذنك انا مش عايزة اتكلم ، ياريت كفاية اللي انا فيه ” كان لازم اقفل كل طرق الكلام ، اصله هيقول ايه ، هيقول انه معذور عشان شافني في بيت دعارة ، ايه اللي ممكن يقوله ، أنا وفرت عليه الكلام كله ، وصلنا النيابة ، طلعنا ووقفت قدام وكيل النيابة
يا فندم انا روحت المكان دا بالغلط ، أنا معرفش الناس دي ولا أعرف اصلا المكان = مفهوم يا شهد ، اللي كانو معاكي اعترفو بكل حاجة وقالو انك مش معاهم ، وقريب أوي هنجيب الراجل اللي اتفق معاهم انك تروحي هناك ، تقدري تمضي هنا وتمشي ” خرجت ، حمدت ربنا ، أنا كنت عارفة انك مش هتسيبني ، بس جات متأخر ، الحمدلله ، أنا عاي. شهد ” الصوت كان من ورايا ، لفيت وشي عشان اشوفه رغم اني عارفة صوته
نعم = رايحة فين ماشية ولا في قضية تانية هدخلها = طب ممكن اوصلك ونتكلم لا ، اعتقد كفاية كلام لحد كدا ، أنا هشيل من عليك الحرج ، انت مغلطتش يا سيف باشا ، انت نفذت القانون بس القانون بيقولك انك تكون عادل ، وانت بصراحة كنت عادل معايا جدا لدرجة انك حتى مسمعتنيش للآخر ، قررت تسمعني لما اعترفو اني مليش دعوة بيهم ، ف انا مش هحرجك أكتر من كدا وهمشي ، وبعد إذنك متكلمنيش ، سلام
” كان لازم دا اللي يحصل ، كنت هبلة اوي لما فكرت انه ممكن يبصلي ، للاسف انا مفيش حد هيبصلي ، محدش راضي يقبلني في الشغل أصلا يبقا ازاي حد هيشوفني مراته اللي هتشيل بيته و تربي عياله ، الافضل ليا اني اواجه لوحدي خالد بيه = خير في خبر مش حلو = انطق البت خرجت من النيابة = خرجت ازاي ، انت مش قولتلي انها دخلت السجــ,,ـن امبارح
الستات اللي كانو في الشقة اعترفو انهم ميعرفوهاش وخدت اخلاء سبيل = غور من وشي غور ” مش عايزة تقعي ليه ، هاااا ردي ، مالك ، كل ما ادبرلك مصيبة تطلعي منها ، أنتي ايه ، ماشي يا شهد ، وحياه امي م..وتك هيكون على ايدي ”
” كنت ماشية في الشارع مش عارفة انا رايحة فين ، طريق غريب معرفوش ، قعدت على الرصيف لحد ما استوعب انا فين ، خدت نفسي وسرحت ، بس حسيت ب خطوات كعب بتقرب مني ، بصيت لقيت واحدة شكلها شيك جدا ، لابسة فستان سواريه ، ريحة البرفيوم بتاعها واصلة قبلها ، قربت مني لحد ما بقت واقفة جنبي بالظبط قاعدة هنا ليه = هو حرام لا مش حرام
= عارفة انه مش حرام مالك ، شكلك مضايقة = وانتي اعرفك منين عشان اتكلم معاكي احنا ممكن نكون صحاب من دلوقتي = و دا ليه من غير ليه ، أنا كل يوم بنزل الشارع بختار ناس معينة عشان تشتغل معايا ، والدور دلوقتي عليكي = عليا انا اه ، اختاري = والشغل دا عبارة عن ايه لما تقبلي هتعرفي كل حاجة = وانا اضمنك ازاي مفيش ضمانات ، أنا بقدملك فرصة العمر ، فرصة مبتجيش مرتين ، يإما تستغليها يإما تضيعيها وتندمي عليها باقي عمرك
” فكرت ، بقارن بين حاجات كتير أوي ، الناس كلها بترفضني ، معنديش حاجة اخسرها.. = قدامك 5 ثواني وهتلاقيني مشيت 1 ، 2 ” اعمل ايه ، دماغي متلخبطة وخلاص الوقت بيخلص 4